上海飯店 (已結業)

小籠包魂召喚下🤩係大角咀揀選咗「上海飯店」黎吔午餐。之前黎過兩次都撲空, 今日未到已經叫到門口有人放風🚬  金色招牌大大隻字, 下面係玻璃推門, 瓷磚做既麵吧同綠白色雲石地板加埋橙色酒樓櫈同帶點殘缺既木枱, 日歷退回左90年代🗓 小小舖頭入面全部都係4人枱, 夾埋應該有30個位。入到去隨便坐低, 店員唔理會你幾多人, 呢份隨便就係老店既率性可愛🧡Menu 就現代啲, 不過齋字無圖, 套餐同啲大小份量好多搭配, 睇到有啲亂😵 酸辣湯, 兩個人就嗌咗中份現成既, 湯都有份「現成」同「即煲」兩個價錢, 幾得意😛中份應該係夠3人左右份量, 潷起身夠杰, 但唔會去到粥咁; 飲落口, 辣度剛好去到舌根前停止🌶 酸度亦剛好開胃水平🍋 用料亦夠足, 肉絲, 豆腐係啖啖都咬到👍 漁香茄子既客飯, 材質同酸辣湯差唔多, 亦同樣足料, 不過個人稍嫌辣度不足🤐 至於醉雞🐥 係完美複製出家鄉味💯 個少少冰結咗既雞油閃出光澤。白滑既雞肉有輕微酒香但就無酒苦🤤同樣地, 客飯SIZE亦都夠一人份量有多😏 重點既鮮肉小籠包, 係睇住師傅落單後放入蒸爐蒸比你😍上枱唔少得煙霧迷漫既情境, 一夾起發現皮都幾厚下, 咬穿後更加

今天經過一間上海食店，門口什為骯髒，不過都算啦入左去之後，冷氣好大，見到只坐左兩枱客之後點左一個餐，等左一陣因為實在太凍，所以要求店員教細一點但是，首先一個女店員說冇得教之後另一個男店員態度極差地說，你咁大隻都怕凍我承認我的身形大隻，經常運動，十分健壯可想言之冷氣真的很大那個男說：不會就你一個而教冷氣，當中有粗口我心感羞辱地問：你是否不想我幫襯？他說：快滾！餓死街頭！

突然之間想食上海野 行過見到就入去了入到去店員態度麻麻咁叫我地搭枱叫左個醬爆肉片同埋西芹雞柳客飯再加多個小籠包是日例湯係菜乾湯 兩個小菜都合格既 正正常常咁啦Suppose醬爆肉啲醬撈飯應該好正但呢個就無乜太大驚喜小籠包呢 見住佢係個凍櫃拎出黎個陣都已經無咩期望 食個陣呢都真係同想像一樣個皮厚又無乜肉汁咁 好似自己屋企叮既質素總結 無乜特別 一般街坊野既質素啦應該試一次就好了 唔會特登再去🤭

10.01.2019 10個人去食 當日叫左白飯、蕃茄蛋、醉雞、鹹肉、膳糊、小籠包個陣食唔覺有怪味但有7個人隔日就又肚痾同嘔(至少痾嘔十幾次) 搞到入急症/睇醫生唔建議大家食喇！

呢間嘢不提也吧， 上個月幫襯時 ， 一個疑似老闆的伙記， 用它自以為乾淨的手， 直接從蒸籠取餃放於鑊中， 再將餃子玩弄於股掌之間，弄出一碟"手工鍋貼"比我， 然後又再重回他當伙記的崗位。問题不在於他是否徒手( 最好用鑊鏟喇)，而係佢沒有事前事後清潔双手直接接觸食物。 正所謂上樑不正下樑歪，衛生程度可想而知， 真係眼不見為乾淨 ？

究竟我們可以在香港食到幾多間上海地道菜式的餐廳？這天，說是很久沒有光顧位於大角咀的上海飯店了，我們便特意到來，來一個「夜上海」。久別重逢，推門內進的第一個感覺是環境比從前光亮，或許是做了點小裝修。我們一行三人，決定要點一個四人特惠套餐，看看餐牌的價錢，真的比現在一般餐廳便宜得多，還能夠食到很多地方都食不到的上海菜式！湯類選擇當然要點上海的酸辣湯啦！散叫的話可以點普通或者是即煮的，後者價錢當然較貴，而這套餐的酸辣湯固然是普通的不是即煮。酸辣湯的料頗多，例如有筍，豆腐等等，每一啖都食到有料的。今次的味道很夠酸，但我們都認為稍微過酸了，酸味把整個酸辣湯的味道蓋過了，食不出其他味道。我們糾結了一會還要點甚麼菜好呢，最後決定試試椒鹽排骨。排骨有兩種食法：你可以把排骨配著碟裡的椒鹽食，或者你可以配上店員另外送上的紅色如酸甜醬汁食。排骨外邊是炸過但不是脆的，應該沒有那麼熱氣吧？兩種食法各有各好食，椒鹽味道經典，醬汁配上白飯令人胃口大開。花雕醉雞是在套餐裡的各個餸較為出色的一款。幸運地，我們的醉雞是雞脾部分。除了雞脾部分，整碟雞的肉質都十分滑，加上花雕酒的味道更香，真想自己食完整碟！不知道有多少地方能

好難食又唔係好好食又唔係呢度係舊式上海店小籠包、蒸餃唔好期待皮薄餡靚可能由於傳統做法係大大隻，好多餡，肥肉偏多但個皮真係好厚好厚一糰粉咁鱔糊味濃肉質爽彈酸辣湯 依舊最好

完全唔明白呢間野點解可以生存咁耐都仲未執笠！！叫咗個小籠包同埋砂鍋雲吞雞湯，外賣自取，從來未試過食到咁難食嘅小籠包！難食到想死！d皮厚又乾，7仔叮叮果d小籠包都好食過佢！算數！個砂鍋雲吞雞個湯直頭係史雲生清雞湯嚟！但都唔緊要！出街食飯d湯底係史雲生或者雞粉湯係非常之正常！但最基本起碼放返隻雞落去煲丫大佬！用啲「雞」擺到明係最cheap最平嗰啲萬年雪藏雞件！成個湯鹹到入唔到口！仲好意思講係老字號？！什麼隱世正中小店？！呸！

好耐無黎啦今日想食小籠包於是唸起呢間上海鋪舊式上海店風味食物一般但算平但現已加左價了小籠包。10粒。42蚊如常的厚皮，勁少湯汁，但大粒，肉餡夠大，肉味重，多肥肉。菜肉雲呑。10粒。32蚊呢個普通，菜肉大舊，但唔係我杯茶回鍋肉客飯餐。配2碗飯38蚊可選汽水、例湯、豆漿或酸辣湯我揀左酸辣湯湯有筍絲、木耳絲、蛋花、豆腐、辣椒湯不錯，但不是好辣的那種自小吃的回鍋肉味道，始終如一，無變過有紅青椒、椰菜等配料，好惹味又開胃！所有野即叫即做，大概都要等15分鐘，另外呢度真係無服務可言

以前來過兩遍，都覺得這裡的菜不錯，特別便宜。昨天機逢際遇，為了我爸念念不忘的杏仁酥條，一家跑去大角咀吃晚飯，我媽就指名要吃這家。因為坐落在大角咀的舊區，就也怕它已經倒了。本來沒抱着很大的期望，所以遠遠在街頭看到它的招牌，還是有點喜出望外。本來打算吃個四人套餐，但我姐掐指一算發現好像分開來點還比較好，於是叫了兩個客飯、一碟炒年糕和十隻小籠包，最後還加了份豆沙鍋餅。這裡的客飯套餐是一個菜配兩個飯和一份飲料，所以點了兩個客飯就剛好四碗飯。第一個客飯的菜是每次來都必點的銀芽炒鱔糊，$52，鱔絲之多卻是很多大集團無可比擬的。鱔糊汁比較多，大概是用馬蹄粉打的芶，上菜時本來是糊點的，吃着吃着就變回液體了。第二個菜是上次吃過大家都讚口不絕的回鍋肉。回鍋肉沒有荀片，卻有椰菜和青椒。肉是腩肉片，但沒有腩肉一貫的油膩，和微辣的醬汁配着吃，不知不覺就吃了好多片。客飯的菜味道都比較濃，重醬油，而且盛飯的飯碗不大，所以其實一個菜真的可以吃下兩碗白飯。我媽每次到滬菜館都必點小籠包的。這裡的小籠包皮比較厚，沒湯汁，但肉很鮮，有肉汁，一口咬下是充飢的滿足。另外因為我姐喜歡吃上海年糕，我們也就多點了一份三鮮炒年糕。裡頭的

上星期屋企人知我去左食上海野之後，今日佢地又話想黎食。6個人叫左三個客飯+上海四寶+鍋貼先黎左個酸辣湯，佢有分即製同現成，即製要比多15蚊，我地都係食現成算，因為唔知有咩唔同~個湯一般般, 料幾足，無咩特別。之後到粗炒，始終熱辣辣整出黎，所以好好味，而且又唔咸，唔錯唔錯。然後到佢地黎主要想食既炒膳糊！當然唔好諗住有好多肉比你，就咁芽菜都夠正！到獅子頭，呢個整得麻麻，舊肉好散，味道一般。之後黎水餃，全肉黎無菜，無乜特別。糖醋黃魚，開頭get錯係魚塊，黎到先知原來係成條黃魚。味道好夠，黃魚炸到好香，唔錯！小籠包都係全肉，無乜特別入面唔多汁，你當好在穿左唔會漏汁~ XD最後到鍋貼，個底煎得好好，唔燶，所以唔會好硬，下次會再叫！

收工去左大角咀，落左車就去搵野食。因為收工時間，間間鋪都好多人，兜左一輪之後見到間上海鋪有位，所以決定揀呢間。好老實，而家仲有幾多間仲係呢啲舊式上海店，個個商場唔係翡X，就係上海嫲嫲的朋友，貴又唔係好食。言歸正傳，呢間好多年前食過，啲野都好好食，事隔咁多年再食，唔知有無大變呢？客飯有分3個價錢，$38/$42/$52，同其他餐廳茶記黎講都差唔多.最後揀左炒鱔糊，$52包2碗飯，湯/飲品個鱔糊出黎熱辣辣，唔係水淋淋，一望就已經好想食。熱辣辣食好正，夠味唔太咸好好味！兩碗飯完全夠食，超滿足！！

酸辣湯咸，鳝糊更咸，小籠乾，失望小籠包竟然是从冰箱中拿出来蒸，唔係即做即蒸，旦又要对我們说要等十五分钟，应该是要比客人做成一个錯觉，以为系即做即蒸啦。服務态度又係一個失敗的地方，所有的侍應都是愛理不理的样子。不可能會再去。

早在甚麼上海婆婆、嫲嫲、嬸嬸出現之前，上海飯店已是甚有名氣的滬菜館。今次選擇吃懷舊上海菜，非它莫屬了。已經很久未有食過這種懷舊風的小籠包了，以菜葉墊底是以前一般的做法。小籠包的皮是有厚度的，致使嘴嚼起來煙煙靭靭。肉餡大大球，有肉汁，因為太好味，我們一人各啪五粒，濕碎！炒鱔糊亦不是常常會叫的菜式。這碟鱔糊炒得夠鑊氣，調味亦足，有油香，而主角鱔肉未至於爽，倒也不靭，是一份傳統的味道。原來餐廳有一些餸飯餐，友人點了個青椒雞丁，油份及食味都頗重，一啖可以佐很多白飯。老舖的上海菜仍然到家，小炒則非小人所好。

味道不錯丶比較油膩丶但是這才是上海菜的真正味道，鼎XX的小籠包，夾硬充滿了湯，不知所謂，究竟何時小籠包變成小籠灌湯包？此店的小籠包是剛剛好的肉汁，不是成包湯放入去，不過我已經上了40歲以上的中坑，開始懷舊了，正所謂鹹魚靑菜各有所愛！時代在變，小籠包已經成為灌湯小籠包了，你看看，鼎xx仍然坐無虛席，但是這樣的老店仍然有人捧場九時過後丶亦人流不斷！實力派不是口講丶是實幹！