上海軒

依日另一半又話想食"上海菜"話要食返個好味既"鍋貼"~補償上次係某店食果個暫時黎講..我地都覺得"上海軒"既上海菜~以同區黎講整得最有水準~好耐無去..食店原來改左名叫"順豐軒"但其餘所有野都無變呢~我地散叫小菜.."糖醋魚柳"魚柳炸得好脆身~甜酸醬汁好夠味..夠甜酸度好開胃配料蔬菜好足料..而且炒得爽脆~上檯又夠熱辣辣"賽螃蟹"味道清淡有味..蛋白夠滑身"陽春麵"麵質軟軟又有彈牙感"生煎鍋貼"皮薄餡靚..煎得夠香脆~餡料仲包有湯汁另外仲叫左個白飯~整體食物依舊有水準食物又夠新鮮熱辣~服務好殷勤+有禮貌…查看更多

到處也要排隊, 唯獨這家不用, 肚餓得很, 便進來一試..這個時段只有兩三張檯是在吃東西的, 還有一些小朋友到處跳來跳去喧嘩地耍樂!環境.. 食物.. 服務的感覺比在門外時預料中的差, 下單時他們並沒有專心地去寫菜, 四處望來望去的,眼看小朋友在耍樂時騷擾到其他客人, 始終沒有叫停和勸籲呢!食物方面一般, 沒有特別, 可以一試的,比較好的方面都是每一個菜也是很精緻的, 好讓我們多吃一點其他款式的東西!糖醋骨一般, 味道鹹了一些, 顏色深了一點.糖醋魚塊可以, 夠熱, 但味道酸了一點.小籠飽算是招牌菜的, 但皮太厚, 肉汁也不足夠.沙鍋雲吞雞煲翅差了一些, 翅只有一少口, 雲吞餡料少得很, 味道一般.…查看更多

星期日行完山, 坐車到荃灣, 荃新天地有很多餐廳選擇, 今次我們就選了上海菜.東坡肉+白飯: 這裡的賣相已叫人高興, 服務員還會幫你切開肉塊, 好好服務架~ 吃入嘴裡, 甜鹹味度剛好, 肥皮夠香, 瘦肉部份雖然不是入口即化, 但卻是愈吃愈有肉香味, 配上靚仔白飯一碗, 最佳拍檔~上海湯粗麵: 看樣子很重口味, 吃下去卻剛好, 粗麵夠嚼勁, 菜亦很新鮮, 讓人吃得很開心小籠包: 當然比不上鼎泰豐的小籠包, 但一樣會叫人吃得津津有味, 皮薄饀足, 絶不失禮~我們因要趕場, 很匆忙地吃完這頓飯, 但下次一定會再來慢慢品嚐其他菜式~…查看更多

之前經過荃新天地，都冇乜留意呢間鋪頭，今次去系因為朋友介紹，一入到去覺得裏面好闊落，好乾淨，D侍應都好有禮貌添，我叫咗小籠包，鍋貼，擔擔麵，獅子球，蘿蔔絲卷，松子魚.。。。。。（當然啦，唔系我一個人食）每次去食上海菜都覺得太鹹或者太甜，但系呢間完完全全照顧到香港人需要呀！超級中意個小籠包同松子魚！好味呀！以後一定會成日去食！個經理話遲D會有埋羊腩煲，正呀！…查看更多

之前見到啲食評唔係咁好，都有啲猶疑。不過試咗荃灣區內咁多間上海食店，點都要試下依間。我地order咗大閘蟹、小籠包、蜜汁火腿、鍋貼、酒釀丸子、雞絲粉皮、擔擔麵。如果唔叫蟹,我諗每個人$140左右(include 10% service charge).整體上，食物都唔油膩、皮薄、豬肉頗瘦、麵身爽滑有彈性。最impressed係鍋貼同酒釀丸子，鍋貼煎得好脆，咬落去時流出的肉汁鮮而不膩。而酒釀丸子和一般不同，清淡而酒醇，有八成似响上海食果種。順帶提一提，雞絲粉皮嘅雞絲之所以唔夠滑係因為冇肥膏同冇泡油，而同醬汁分開上，就唔會令雞絲粉皮過多花生味，而且可以豐儉由人。BTW, 服務响荃灣區算係好好,至少會問下上菜O既先後次序(基於大閘蟹同糖水的緣故), 而且不斷幫我地換碟…查看更多

今日諗住近近地，去左citywalk食上海菜...試下"上海軒"d野食，聽人講就話好味，又抵食.....我大約6點35分去到，冇乜人，就入去啦，一入到去就見到有d野食既sample，雖然係令，但係個size係好細.....我心諗唔會咁細架瑪!?我地一坐低，個經理就行瑪黎話，有四人套餐，仲有唔知咩咩推介.....我地冇理佢諗住散叫...叫左9樣野，四個人食....過左4分鐘，雞絲粉皮&花雕醉雞就黎啦，雞絲粉皮 - 青瓜、雞絲&粉皮都切得好幼，不錯，個雞絲有少少"鞋"，青瓜都ok既，少少爽，粉皮就一般，唔夠出面個d咁滑 - 一夾就跌番落個碟。佢e到係好易夾到，食落去都算滑既，個麻醬就唔夠麻，最好有d花生碎就好d，有多一種口感，而且我唔係幾鐘意佢分開上碟，因為一黎就麻煩，二黎就唔係幾衛生，個個點完又點，咁所有人既口水咪係到囉，搞到我食完一次唔敢去食花雕醉雞 - 一上枱，係聞到好大陣既酒味，以為會好醉，但係唔係喎，我諗唔夠入味.....份量都可以接受...油炆竹筍 - 其實e個汁係幾濃既，但係唔夠入味，而且我覺得油左d，雖然話就話係油炆姐，都唔會搞到我成個口油架.....瑤柱蝦乾泡翡翠苗 - 蝦乾好少，我諗得1湯匙咁少...，好硬，瑤柱仲少，1茶匙都冇呀淡味 ，翡翠苗好硬，仲黏瑪一舊咁，都係唔夠入味，仲有d草青味，真係好似食緊草咁....蔥爆牛肉 - ok，蔥唔算多，但係都幾入味，d牛肉又係好細片，老身，唔夠滑，油左d....椒鹽小黃魚(2條) - 佢真係小黃魚，我估只有12cm咁長= =，但係個味都唔錯，個皮好易整開，但係都可以食，外脆內軟，魚肉好似蒸咁滑，d魚骨食左都唔知....讚瑤柱豆腐羹 - 好少瑤柱，佢仲係整碎晒d瑤柱，得0.5cm咁長，大多數都係豆腐粒，少少蛋白，得上湯既味，冇瑤柱味，又冇豆腐味，鹼左d，唔好味....素菜包 - 一入個陣其實都見到個sample，個樣都係好細，我真係估唔到咁細囉，素菜都唔係幾貴姐，洗唔洗咁吝嗇呀，大過個匙羹少少炸，味道都麻麻地，個包都鬆軟既，個餡有菜碎&雲耳碎，D菜切得好唔平均，有D好長，有D就岩岩好，真係食唔到有菜味，雲耳都唔係幾覺食到，我只係望一望個包餡先見到有雲耳，而且佢既麻油唔夠，唔好味，桂花糕 - 又係好少，個圓形既，我諗只有2.5cm，魚形個個只有6cm到，唉，又唔係幾好味= =，唔抵總數 - $509(四人)唔抵食…查看更多

即興的出街食飯，一行五人，沒有訂位，走了幾間食肆也吃不成，這時也不求質素，總之有個地方坐底食就算，最後來到了人不算多的上海軒。懶得諗，叫個四人套餐另加一味餸，應該都夠食的。冷盤有兩味，鎮江肴肉是整整齊齊的放好，不過眼見賣相並不是晶瑩剔透，心裡大概知道水準怎樣。果然，質感是死實實，欠缺肉香，很普通；素鵝相對好些少，起碼夠熱夠脆，唔會太油，餡料味道亦唔差。輪到熱菜，清炒河蝦，用上的無錯是細細隻的河蝦，清理得亦乾淨，可是未見爽口，亦稱不上鮮甜。獅子頭，很奇怪的混入了馬蹄，效果未如理想，還是做回傳統的更好。個人本身幾喜歡吃松子桂魚，貪其酸酸甜甜夠開胃。但係，呢隻桂魚竟有腥味，酸甜汁平衡得不好，同埋頭大身細，大概是店方抽了水吧。試想想，濃濃的醬汁竟蓋不住魚的腥味，那條魚的質素是何等的不濟。所謂的一品鍋，根本沒什麼材料，魚蛋全無鮮味，鵪鶉蛋唔香，津白未見清甜，湯底也是淡淡的，名不符實。散叫的稻草肉，一件是近乎全肥肉，吃起來自己是甘香溶化，不過我認為全肥的始終不是最好，必需帶點瘦的才對。另一件就是，可惜瘦的部份就麻麻地鬆化，也不是理想的貨色。加之，吃稻草肉本就是取其稻草的香，這是的稻草就只是裝飾而已。跟餐的甜點是南瓜餅，外層是脆，也不太甜，卻稍嫌沒有充足的香味。叫做試過便算。…查看更多

實在太好味啦 ! 巳經食了多次水準KEEP得好好!小籠包令小第好食到要叫兩個ORDER。 一口醉豬手，要用爽脆來形容。醉味剛剛好不會烈。密汁火方是傳統上海菜。是服務員重點推介。甜甜的貴花汁加上上海火腿夾在特色上海餅中吃。好特別，必試推介食品。地方舒服，枱不會放得太近，有私人空間。…查看更多

依間之前有日食過lunch~不過果日無帶相機出去~見d食物都好唔錯~影相同大家分享下呢"生煎鍋貼" - 底部煎得夠金黃好脆口~皮層好薄~肉質無豬羶味~夠嫩唔肥膩感"上海小籠包" - 第一次食既時候有驚喜~無想像到咁有水準~皮薄餡靚~肉質嫩滑無豬羶味外~內裹仲保持一泡湯汁"上海炒年糕" - 入口唔油膩感~色濃味道剛好~年糕好有咬口..好煙韌"蝦子雜菌" - 同樣唔會太油膩~食材清中配搭濃醬汁..味道好恰宜"炸銀絲卷" - 炸得夠金黃但入口唔算好香~內層一絲絲麵條..唔分明粗厚但整體食物依然算唔錯~服務都ok..環境地方亦乾淨呢(更多相片- http://hk.myblog.yahoo.com/yanomi_chung/article?mid=76598) …查看更多

連續三星期和女朋友到荃灣覓食，今次來到「荃新天地」第二期地下的「上海軒」用膳。約晚上7時，這間餐廳仍有不少位子，毗鄰的「板長壽司」，食客卻大排長龍。當我們正在猶疑之際，餐廳經理主動出來，誠意邀請我們入內。我們看到這間餐廳的門面不差，因此便躍躍欲試。我們坐在四人卡位，這裡的環境尚算舒適。我們點了「小籠包」、「瑤柱豆腐羮」和「黃金蝦球」。先來的「小籠包」不過不失，但不算好吃；接著來的「瑤柱豆腐羮」，卻是噩夢的開始！這個「瑤柱豆腐羮」，賣相並不討好，女朋友更說它像嘔吐物；吃了一口，味道淡淡的，還有一股異味；女朋友試吃後也說「很難吃」，根本不能不口。我們決定向餐廳經理投訴。我們向餐廳經理表達不滿，著他試吃湯碗內未吃過的羮，但他卻說他曾經吃過這個豆腐羮，並隨即把桌上的羮拿走，叫我們點選另一款菜色代替。最後來的「黃金蝦球」，又是另一失敗之作！炸蝦的粉頭厚得誇張，部分粉頭帶點濕潤，像被水淋過似的，口感不夠香脆，蝦球的味道也很不濟。我和女友都無力把它吃光。我們對這間食肆的食物完全失去信心，決定埋單走人。這間餐廳食物質素十分差劣，價錢卻和大酒樓看齊，我和女朋友決定以後不會再光顧這間食肆。…查看更多

昨天出荃灣同阿嫂拜年,一行六人去搵食,大約13:30去到荃新天地附近,lunch time度度都冇位最後去到上海軒門口阿姐話有位,不過要清理等等好快唔使5分鐘,點知睇住有位冇人做,最後等咗15分鐘先入得見啲套餐ok不過望下其他枱,碟碟好小算啦都係散叫,肴肉 ------得6片唔係呀$48散叫都得6片,賽螃蟹 ------不過不失小籠包 ------賣晒冇得食生煎包 ------皮太厚水煮牛肉 ------算係好東坡肉 ------幾好味不過肥肉未夠化排骨拉麵 ------排骨好麵唔得上海軒炒飯------全餐最好味,賣相和味道都好,用得招牌來做名果然好味炸銀絲卷 ------等到話要走先嚟,竟然係凍咕嚕肉 ------又係得4舊,搵部長(男)問佢話我地叫套餐係得4舊,我話我地係散叫,佢即時講對唔住,之後換咗碟正常大約有10幾舊肉俾我地,途中有另一位女部長來問我發生什麼事,我話最初碟肴肉得6片我都覺奇怪,點知碟咕嚕肉一來就真相大白,佢又講對唔住之後佢入廚房再攞多一碟肴肉俾我地話唔好意思,全餐食物令人失望,但服務就令人有意外.不過食物唔好,你幾好服務都叫人好難有下次…查看更多

今日約了朋友們去尖沙咀剪頭髮,後來同弟弟通電話,得知J表妹生日,他同幾位表弟打算食飯慶祝,好在晚上朋友們各自有節目,可以join埋他們一起食飯,這裡又係表弟們吃過唔錯的店舖.今日雖然係星期日,但不用等位,可能這個商場離地鐵都有一段路程,交通有些不便,不過我覺得這地方幾好,地方寬大,環境光猛,我們坐在半卡位處,即使隔離枱有人坐,談話聲浪也不影響我們,全程自成一角,食得輕鬆自在,而且這裡的食物整體都幾好.上海軒炒飯$48~~雖然又係普通的食材配料,但飯炒得好香.揚州乾絲$48~~原來是豆腐絲,火腿絲,加上湯白菜仔,味道清甜.油炆筍$28~~筍好幼嫩,味道唔會太濃,又唔油膩.脆皮素餓$35~~外皮炸得香脆,素餓中間包著冬菇絲,好味,這個是B表弟推介之一小籠包(2籠)~~皮薄多汁.炸銀絲卷$13~~外脆內軟.蒸銀絲卷$12~~比起炸的,蒸的包軟熟好多.鹽酥小黃魚(2條)$56~~好香口,肉質幼滑,表弟們極度讚賞醬燒茄子$48~~甜甜的醬汁,食落幾開胃.辣子雞$65~~吃了一塊太辣了(對於我),不過弟弟好喜歡此道菜.南瓜餅~~心形南瓜餅,賣相討好,但沒什南瓜味.火腿津白~~津白好清甜,火腿咸度又適中,肉質又唔太硬…查看更多

在去上海公幹之前，碰巧先來上海軒作一個上海前瞻。在上海只得一天，本也以為有機會嘗一嘗上海地道小吃，但整個trip全程連餐館都沒進去過，吃的全是飯堂或飛機餐，此乃後話，但事前心真沒想過，「我在上海沒食神」。回說這間上海軒，菜式都是最普通的上海菜，只要你有食開上海菜，點菜紙應該也難不到你，但如果真係都唔知點揀，點菜紙有姆指推介，應該都不成問題。店子位於荃新天地２，呢個商場人流仲係唔多，此店裝修唔算豪華，但樓底高就整左多個大水晶吊燈，是比較特別的。前菜不錯，尤以菜甫，事後諗番，可能呢ｄ已經係全店最好的東西？我地六個人叫左以下菜式，其中蔥燒海參 + 砂鍋雲吞雞半份係特價孖寶。蔥燒海參因為是孖寶，所以預左唔會多得去邊，果然，面海參唔多，底都是蔥墊底，但汁很好味，如果有飯撈真一絕。蔥爆到無入晒味，唯一要挑剔的是不夠熱。上海小籠包皮薄多汁，夾上黎唔易穿，沒想到這裡的師傅有如此技巧。但味道剛只是一般，肉味不夠，湯不夠濃，還有進步的空間。賽螃蟹唔知點解無左蛋黃，蛋白炒得好大粒，味道合格，但反而是醋不行，撈左醋反而唔好味，奇怪。生煎包有姆指標誌，但也是不夠熱，也不夠香口，肉不夠juicy，如果這個是招牌菜，那真有點問題了。上海軒炒飯是最失望也最失敗的，以店名命名，但炒飯料竟然一無事處，得蝦米青豆同蛋花就算招牌炒飯？飯也炒得不知所謂，大量的飯粒炒完後都像白飯一樣完全唔上醬油色，當然果堆飯既味道都同白飯一樣啦，呢碟野真係影衰個招牌！砂鍋雲吞雞半份都夠六個人一人一碗，湯夠清有雞味，雲吞沒爛，湯渣也真的有半隻雞，呢個湯可能係全晚最好的一味。火腿津白是正常水準，火腿咸味適中，津白也新鮮，合格但未至出色。杞子桂花糕一客三件，形狀全都不一樣，原來佢地係事先用模具整好的。味道剛不夠桂花香，感覺只像吃啫喱，但一件其實都唔細件，一客三件算抵食。這間上海軒味道只是一般，但由於距離遠地利全無，價錢也不是特別平，所以結論係未必會再有下次。黎緊可能仲有機會去上海公幹，希望到時真的可以試一下上海地道菜式吧。…查看更多

見到佢地裝修都ok，6:45pm又冇乜人，最緊要係唔使等位，於是就比佢地d門面「握」咗入去，一入去侍應幫我地斟茶，手勢真係「一流」，斟到周圍都係，成張枱濕晒咁濟....呢d真係叫技術，仲有佢講嘢我完全聽唔清楚，佢話有甜品送，免費的，嘩...真係聽死我呀！2個人叫左4個菜：(1) 雞絲粉皮 - D醬很啖口，份量算OK(2) 上海炒年糕 - 顏色很深色，但冇味(相信係用咗好多老抽)，年糕似食粉團，菜似格夜霉菜(3) 津白 - 味道尚算OK，份量算少(4) 小籠包4隻 - 我們覺得不是即叫即蒸(但係最後先上菜)，有翻蒸熱的感覺，涵內的肉質「鞋」又不夠熱，皮又厚，醋沒有醋味。埋單都要二百幾，都算唔值....食食吓碟炒年糕，仲空降隻蚊「之」落嚟，好在叫做已經食到七七八八，否則一定會叫佢換過碟。都係嗰句，食1次就夠了！…查看更多

我地兩位四人檯SPLIT開兩張二人檯我見到我地檯有碟炸菜做小食但係隔黎檯就有花生再望遠D果張四人檯就兩樣都有咁明顯就係將四人檯兩碟小食分俾我地兩張二人檯每檯一碟就算都冇謂但係我唔食炸菜所以問個經理可唔可以用碟炸菜換碟花生黎佢話唔得“因為花生就黎冇哂！”我頂同埋又係我自己大意既關係最後佢係收多左我二十蚊返到屋企先知！…查看更多