上海豆漿大王

營業中

休息中

It was a blind try yet a very satisfying experience. Last week when wandering on the street with my friend I saw this shop and suddenly wanted to try something from Shanghai so we two went in. It looked not any special compared with other ChaChanTing. The shop is small and quite crowded, fairly clean. I didn’t understand the words on the menu but luckily my friend helped me do the translation. I ordered a ‘lion ball’ vege rice and soy milk. The lion ball smell really good, like some golden fried

- 服務幾差，不過通常老牌食店都係咁- 我叫左個酸辣雲吞麵，我requested 粗麵，待應就一路行一路話無粗幼之分，得一種，我本人唔like 幼麵. - 酸辣雲吞隻隻個皮都溶容爛爛，感覺好核突- 個湯又一pat 嘢咁- 個麵係我唔like 既幼麵＄33蚊個免我其實唔應該投訴佢，不過香港的食店真的要好好檢討下自己的服務態度，實在太退步了。

啱啱去買完外賣，吾算多人，平時去買開個老闆斯斯文文咁，D亞姐都乜嘢，但今日有個亞姐態度好差好差，好恢氣，全程我好似俾佢呼喝咁，冇所謂，冇下次囉，以後都吾再幫襯㗎嘞😠

記得以前讀書年代好鍾意黎呢度食lunch，除咗平、靚、正都唔知講咩好。以前呢度全女班清一色都係姨姨，但近期去見到有個後生仔，可能已經做到第二代了（如果冇記錯呢度應該做咗有二十年），所以地方都幾舊，但如果只係呢度簡單食一餐裝修新或舊我冇問題，只要佢好食就得。以前來食總會係雲吞麵和排骨麵之爭🤣，但近年已經只會選擇上海雲吞，一來唔想食排骨咁油膩，二來我係其他地方係食唔到佢呢個雲吞味。可能真係由細食到大，佢個雲吞皮薄、白菜又多、肉都唔少，佢個白菜味好吸引到我，切合我鍾意食多菜少肉既餃。更何況而家一個$29蚊既下午茶仲可以係邊度搵到呀！

買外賣成日都比漏嘢食比我，上次買1碗麵2個栥飯1枝豆漿，返到屋企先知道佢比漏一個秶飯我，結果上網查再好耐先查倒佢間舖個電話，打落去問佢拎返個栥飯，你估我住你樓上咩？山長水遠去你舖頭拎番個栥飯，今次買外賣1碗麵3隻餃子1杯豆漿，返到屋企先知道你比漏杯豆漿我，唔通我登特坐車落嚟攞番杯豆漿咩？我以後都唔會幫襯你！

酸辣雲吞湯麵（$33）咸豆漿（$12）👅突然想食上海野😆😆見唔少人都食呢到既酸辣湯麵，咁我都試下先😎個酸辣湯偏杰身，似碗仔翅個質地😀啲料都同碗仔翅差唔多，有爽口既木耳同蛋花可以增加口感😙只係個味道係酸同微辣😋😋雲吞係菜肉餡幾甜👍🏻👍🏻雲吞索埋啲湯食唔錯喎😆😆😆第一次食呢種湯都幾特別幾開胃咁😌啲上海麵都係我中意既軟硬度👍🏻碗麵真心好大碗😅😅個咸豆漿之前都食過，油炸鬼浸淋左食都ok😀有啲炸魚仔係入面，飲落幾咸香😋但已經飽到上心口😂😂飲唔哂～下次要食呢到既粢飯😙

下午兩點特登由天水圍過來屯門食，因為好耐好耐無食過，有一年多。今次食“痴“飯，酸辣牛肉湯米線，凍豆漿，雪菜肉絲加上海薰魚米線，熱豆漿。兩個人食，盛惠84元。酸辣牛肉湯米線好味及有些辣，熱豆漿要自己加糖，可以自己控制糖份，已經落左兩匙羹糖，仍覺得唔夠甜，可想而知平時飲的豆漿下了多少糖。個雪菜肉絲湯底及味道好清，我喜歡食濃味，所以覺得一般。個上海薰魚好乾，賣相不討好，好像放左好耐咁。每次食完酸辣湯都會肚唔舒服，今次都係。。

呢度其實主要做街坊生意食咗咁多年，你問我嘅話呢最好食就係餈飯其次就係排骨麵， 不過炸到好香口，我成日食完都覺得好熱氣今日叫咗獅子頭菜飯，同埋鍋貼，仲有就係上海雲吞…… 因為阿仔病所以唔敢叫熱氣野獅子頭第一次食有啲中伏嘅感覺 好乾身 唔好食各位小心

為食豬係呢間老式上海麵店嘅常客，今日機緣巧合下一齊黎左呢度食晏今次叫左炸菜雲吞上海排骨麵加肉絲 ($37) 同上海排骨粢飯 ($24)麵嘅湯底偏淡，為食豬多數都會加肉絲調味，另外再加辣豆瓣醬就好濃味呢度啲雲吞係為食豬最愛，雲吞皮夠薄之餘又夠大粒，菜肉餡個調味偏咸，同偏淡嘅湯底好夾上海排骨就好乾身同偏薄，好似得塊皮咁上海排骨用黎做粢飯餡都幾有創意，可惜呢度啲上海排骨太乾身令到粢飯食落好dry呢度啲熱豆漿 ($8) 係用碗上，不過豆味偏淡

豆漿大王由以前19蚊食到而家28蚊碗酸辣雲吞，但依然深受附近街坊，學生歡迎幫襯。我都有段時間冇黎食，因為佢既水準都唔係咁穩定，有時唔好食，亦有時煮到以前中學既味道。今次酸辣雲吞偏酸唔夠辣，食得唔夠過癮。木耳，豬皮，豬紅，豆腐，蛋花份量仲係同舊時一樣多，豬皮最吸收酸辣湯味，咁多種配料中最夾。不過雲吞包得尋散，加上經熱湯過度泡住，雲吞皮同菜肉餡完全分離。雖然雲吞皮薄，但包唔好餡料真係敗筆。白菜肉餡既白菜鮮味十足。豆漿已經加到8蚊杯。

小妮子身為九龍人，難得入到黎屯門搵朋友，點知朋友有野做要晏D先得閒，咁就搵個地方食個tea hea住等啦行經呢間豆漿大王，見到有幾個人大熱天時係條街到等位，又熱又係馬路隔離咁多廢氣，心諗係咪真係咁好食呢，因為佢門面其實真係唔起眼，甚至有點兒up dup，睇下佢個餐牌，價錢非常親民，真係依家少之又少既小店於是我都等埋一份，由於我得一個所以好快就等到，坐左係門口附近，其實唔係幾夠冷氣，而且D位都幾迫，不過坐落都可以既叫左個咸豆漿、粢飯，咸豆漿唔係周圍都有，但呢到既咸豆漿係非試不可，非常足料，而且係好好味，一種好傳統既味道，D咸蝦仔加上油炸鬼配埋濃濃既豆漿，真係好正！！而粢飯亦都係好足料，唔會好硬而且係真係熱既，原來係即叫即整，真心好難得應該係小店既關係，多數都係街坊熟客，舖頭既姐姐都會同客人講笑，而又因為舖頭其實好細，姐姐又大聲，所以大家都會聽到佢講笑，令到成間餐廳既人都一齊開懷大笑，好似一個大家庭一樣呢到雖然店裡店外都比較殘舊，坐位好迫好窄，但係價錢親民，食物水準高而且有一份非常濃厚既人情味，令我覺得好感動，值得再三回味，如果我之後黎屯門一家會再黎呢間小店，希望到時唔會已經變左連鎖店！

作為一個生於九龍，住於九龍嘅九龍人，什少踏足新界，但就因為有個為食女友，又黎咗轉新界一日遊黎到屯門，其實已經同旺角無咩分別，好多大型品牌進駐屯門市廣場，而家又有西鐵直達屯門站，v city又有超市又有各種商舖，又有野食，的確相信屯門人都唔使特登出九龍隔離嘅新墟除左有街市，又有K唱，又有平靚正戲院之外，仲有就係啲舖頭仔食肆，就好似呢間豆漿大王咁，老老豆豆，個門面好似好up dup咁，好似唔多開胃，但係為食女友已經两眼發光咁望住個餐牌，細睇一下個餐牌，又真係平民嘅價錢喎，仲要等位，不過呢度啲街坊真係好合作，一食完就走，唔會阻人做生意，唔似現今啲文明人咁，食飽仲坐喺度打機禁fb...話咁快有位，位一定係窄嘅，不過啲姐姐好客氣，大家街坊都好將就，女友一黎已經話酸辣雲吞麵，份量都幾足，料又多，有豬血，豬皮，木耳，蛋皮，筍，加埋雲吞同麵，麵夠爽口唔"立"，連果隻雲吞一咬落去都成口菜同肉，一啲都唔欺場見好多街坊會獨立叫一件排骨食，我地又試下，原來排骨即係豬扒，不過炸到好鬆軟，加左啲香料，配麵食一流再叫多左客鍋貼，但鍋貼就較為遜色，因為個鍋貼皮面有種因為濕而變稔嘅感覺，雖然無損佢嘅味道，亦都係"涵"料

身為土身土長嘅屯門友，提到屯門有乜老字號食肆，一定非上海豆漿大王莫屬啦！上海豆漿大王喺屯門新墟超過20多年歷史，細細個已經跟媽咪嚟食慣食熟㗎啦！ 排骨粢飯：20多年嚟，味道一直保持住水準，粢飯熱辣辣，油炸鬼脆卜卜，排骨啖啖肉，絕對唔似依家部分連鎖上海食肆咁，炸粉厚過舊肉。如果住九龍港島嘅朋友從未踏足過屯門，或者完全未搭過輕鐵，都唔需要太擔心，西鐵屯門總站V City出口，喺一田超級市場出嚟轉左直行就會見到豆漿大王，真係既方便又快捷！

吃得隨心，也是種福氣吧!昨天飽餐一頓海鮮，滿足了口腹之欲後，這天我倆只想簡簡單單吃一碗小麵當晚餐。 老公一直很愛吃上海麵。這家在新墟的街坊老店雖不起眼，人氣卻十分鼎盛，究其原因當然是因為便宜吧，而且其麵食也有相當質素的。這兒的套餐十分化算。雙拼餸料+麵食才三十多元，已能吃得飽飽的。 上海雲呑拼炸雞翼麵($33)雪菜下得慷慨，上海麵彈牙很有咬口，不會黏糊糊的。上海雲呑饀料不算多，但帶點肉香，菜末清甜，雲呑皮略厚了點，味道中規中矩吧! 一向喜歡這兒的生炸雞翼，這次卻略為乾身了點。上海排骨雲呑酸辣麵($33)酸辣湯不會太稠身，正好配麵，夠酸但不夠辣，像煮開了的豆瓣醬，但味道不差。湯料十分豐足，有菇絲，筍絲，豬紅，豬皮，比味精清湯無疑更有味道。上海排骨雖有兩塊，但薄如紙，有點像台灣那種夾在三文治中的超薄豬排，寧可要一塊厚切也不要薄切呢!豆漿($8)該是自家製的，很有豆香，份量也不少。

都冇乜期望, 但真係頂唔順, 酸辣湯入面豬皮既毛好得人驚, 好多好粗黑色既毛, 立刻倒胃, 勉強食晒其他料, 豬紅都散開,水準一般, 豆漿淡而無味, 冇豆香, 粢飯亦冇香味, 好一般, 入面油炸鬼唔得香脆.冇下次.