上海豆漿大王

營業中

休息中

豆漿大王喺度已經開咗好多年，都依然屹立不倒，成日都好多人排隊，所以我都好少入去食，通常都係買個粢飯。今日行過冇乜人，就入去食。 我就決定呢個刺激啲嘅，酸辣湯雲吞粉絲，食辣嘢當然唔少得杯豆漿啦。 豆漿香滑，有豆味，又唔會有我最驚嘅豆渣，飲落非常舒服。之後角酸辣湯一嚟到，我已經流曬口水，非常足料。唔好以為粉絲就會畀少啲料，下面其實成大碗都係粉絲，真係多到食唔曬。菜肉雲吞有四隻，仲要大大隻，非常滿足。 朋友叫咗個上海排骨菜飯，排骨非常入味，炸到香脆而且份量非常多，菜飯亦都好香，唔會好似其他地方咁好油，簡直一流。

上海豆漿大王菜館位置在戲院旁邊，所以很多食客都是等看戲匆匆忙忙進來食完就走，其實我覺得這裡的食物都是用心製造，很有上海風味的。住在屯門的我不是看戲都會特意前來品嚐，他們的甜、咸豆漿和姿飯每天新鮮製造，還有排骨、獅子頭、五香牛肉都是推介值得一試。粉麵可免費加雪菜或炸菜，個人感覺雪菜比較香口。酸辣湯更是一絕，又酸又辣，正到痺。同埋粉麵底選擇粉絲，出面未必食到，量數都不少，好大碗的。絕對唔會孤寒成本，只是服務比較平民，不要期望伙計客氣，因為他們實在太好生意，忙到笑都沒時間。

放工同男友去食豆漿大王.去懷念一下以前中學放飯ge味道.Lee間豆漿大王成日爆場.原因係大件+抵食當然店內環境較逼挾.坐位又少及繁忙時間一定要塔枱.裝修的確難免殘舊左D.亦要小心地下較跣.又冇咩服務.但係至在價錢又抵又大碗.食物又算ok.入得黎食唔通想食五星級質素咩?大家快手插碗麵快手走人就冇咩所謂la.我食過的食物推介:餈飯豆漿/排骨/雞翼麵/炸上海雲吞/炸饅頭$8豆漿.上海排骨麵配炸菜$31D排骨寶刀未老仲係咁好食.碗麵仲有得揀配炸菜定雪菜.我鈡情配炸菜的.食lee碗麵識食就一定要加色食la.加瓣醬食仲正面質地岩岩好又大碗炸雞翼麵配炸菜$31我每次必食雞翼麵.不過食次食就有少少失望la.少雞翼不夠入味有D乾.都係排骨麵好食D la.二位食左$70.唔洗加1本地舊式小店!!抵食又飽肚!!!!

唔知道係咪太多人慕名而來，生意太好，老闆唔止在，服務態度奇差，太子爺趕客，員工只顧傾偈。外賣時間等候更嚴重，煮一碗“上海雲吞麵“試過等二十分鐘，湯底還有“叔“味（已經兩次）。今日幫襯買“粢飯“，可能已經預備了好耐，個飯唔熱。太子爺只顧收錢，收完錢即刻黑面“請“我出去等，“唔好阻住個門口“（已經）啲飯已經整好哂，基本上連落單到攞飯，兩分鐘都唔使。佢個員工已經袋好個飯，又只顧同厨房阿姐傾偈……唔攞出來比客，點嘅玩法先。大佬呀！今時今日，仲有咁的服務態度，真是祝福你“長做長有“，做多幾個世代。

越來越少地方可以食到依類型既傳統上海美食，所以久唔久都會黎屯門依間豆漿大王整返個豆漿配粢飯～粢飯d料好足，肉鬆、炸菜、油炸鬼，滿滿的，再配埋碗熱騰騰既豆漿，真係好滿足😋

今晚諗住食呢間，我想坐埋牆既長櫈位，因為有背包好坐小小，點知店員享有位既情況之下唔俾我坐，話要留俾兩個位既人，好唔識做，我結果走左佢收得價錢唔算平，位又唔好坐，仲要得失想幫襯既人...

服務態度差的店主及侍應，可能人流高，要求不高，吃飽就購物的自由行帶旺吧了!糖醋排骨菜飯，排骨霉無味I湯後 循環再用。炸上海雲吞，有冤治豬肉骨碎， 差點牙齒也幹掉!👎👎👎👎👎👎

同老公拍拖去睇戲，順道探訪由細食到大嘅小店，小店𠵱舊老氣嘅環境，簡簡單單都份外有味道上海快餐店基本嘅嘢，喱度都有齊必食喱度嘅炸排骨，即豬扒☺️炸得超酥脆，肉質鬆軟，味道滲有酒香，非常可口👍🏻酸辣湯非常足料，豬紅，豆腐，木耳絲，筍絲，豬皮...每一啖口感都非常豐富，帶點微微酸辣，超正😋油豆腐雲吞雪菜麵釀有豬肉餡的油豆腐，吸埋湯頭味道一流雲呑略嫌太過淋身，味道好家庭feel☺️題外話，小店等位有限，必須撘枱！

小時候吃過的粢飯，現在很多地方都找不到了。今次來到屯門，偶然發現還有這所小店，一嘗這裏的粢飯，就會想到小時候的味道！再配上豆漿，分量剛剛好！我來光顧的時候看到有很多食客，希望這所小店可以經營下去，保留最原始的上海粢飯味道。

上海、豆漿、大王呢幾隻字好似經常見到，但原來我第一次食咋。新墟算唔算多餐廳，都算嘅，茶記、麵店都多，不過硬係冇乜心機食呢間上海野，可能因為店面較細，而每次行過門口，客人都頗多，就冇乜意欲食。今日見午餐食得比較飽，所以打算用粢飯作為晚餐，輕鬆一餐，原本想堂食，但見人多，都係外賣算數。呢度食物選擇多，有飯麵、小食，價錢合理。粢飯 16：包起一段時間，好微好微溫，粢飯正常size，切開可見唔會飯多過餸外圍有滿滿肉鬆，榨菜較少，食落口感唔夠爽；油條偏腍，可以理解，始終好難即炸，食落唔油淋淋收貨。飯粒充滿香氣，可惜煮起一段時間，稍硬稍實。豆漿 $12/枝

今日去左屯門探朋友朋友介紹左呢間係屯門西鐵站附近既豆漿大王專食豆漿黐飯酸辣湯麵既⋯我地揀左炸雞翼酸辣湯上海麵酸辣湯味道都唔錯，酸道都OK～但無咩辣味只係豆瓣醬味好重不過我地都接近飲晒個成個酸辣湯個炸雞翼開頭以為係雞中翼點之原來係雞全翼又炸得幾香口兩隻唔夠喉😂😂😂😂因為個麵份量都幾多所以我地另外叫多左一客鍋貼小食（3件）$16同個朋友share已經好足夠+$4重有一杯凍豆漿五十幾蚊兩個女仔食到飽飽

到屯門新墟街市買餸，有點肚餓便在附近食飯。輾轉來到這間上海菜館，老婆最愛吃它的粢飯。適逢天氣寒冷，一個粢飯絕對填不飽我的肚子，於是點了一碗上海雲吞麵配雪菜。基本上我不太喜歡雪菜，太多的雪菜反而會蓋過雲吞本來的味道。雲吞皮薄，大大粒，餡料結實富豬肉味，味道一流。麵質較為粗糙，不夠爽滑彈牙。當然一分錢一分貨，27價錢很難奢求一碗手拉的上海麵。湯底夠熱帶點清香菜味，不算太咸，沒有味精，吃完不會口渴。整體來講味道不錯，可以一試。

今天午入咗屯門搵朋友，咁啱又想食栥飯，所以就黎咗上海豆漿大王。店門口首先嚟咗兩杯涷豆漿同兩件原味粢飯，每份套餐價錢$22，如果散叫係豆漿@$8，栥飯@$16。豆漿有濃郁黃豆味，好好味～栥飯打開後聞到好香。栥飯嘅餡好夠味，雖然油條係唔脆，不過都好足料同好味。個人唔係咁鍾意酸辣湯$18個辣味，但係湯料味道都可以接受！上海炸排骨$17，外脆內軟，好好食。即煎鍋貼（$16/3隻），皮同埋餡料味道好足，外脆內軟，好好食，非常推薦大家。好好味小店，下次一定再嚟幫襯～～～

話說近來開始要準備清假， 所以我都揀左d 平日下午放假 咁岩前排老公又要清假,所以就襯呢一些半日半日假期 比一次半次既時光我地拍下拖啦 其實呢間上海豆漿大王，係我地未生Gogo 之前成日去食架 但係因為佢既位置實在唔大，入唔到bb 車 加上d位梗加唔岩Gogo 坐， 所以多時間好想去食但係一路都食唔到 襯今次幾小時既空閒，就去左一路都想食既地方啦 首先要介紹當然係我既至愛啦，每次必點既 炸豬扒上海麵配雪菜/炸菜 點解咁鐘意去食呢間呢? 首先要講一定係佢地d麵條真係唔知點解係暫時食過好食既 湯底唔會過咸，配埋雪菜就是非常好味 最重要食完係夠曬飽肚!! 開頭老公覺得一碗麵應該唔夠飽， 本身想再叫多個小食，當我心多多唔知叫咩好食既時候 老公決定叫呢個純菜肉雲吞 好似$28/碗，入面大約有8粒好似 不過係好食架啵，雖然只係菜同豬肉 但係一樣係可以揀雪菜同炸菜既 另外豆漿，就好似凍既係$8/杯 熱既唔記得好似$10/碗 咸豆漿係$11定唔知$12 學生可以買一杯任飲的，可惜我唔係學生呀! 多年前我就係既... 最後就係老公點既酸辣湯麵，但係唔記得佢食咩配料 不過老公就覺得酸辣湯太傑啦，所以M

差不多每星期都會去這間小店嚐嚐麵線、粢飯、豆漿等，特別喜歡酸辣湯麵，酸辣程度剛好，豬皮豬紅豆腐等份量十分足料，麵線較其他上海食品店的粗身但軟硬適中，一啖麵線一啖湯，味道十分配合推介!另外，油豆腐粉線湯也不錯，還免費選加雪菜或榨菜，我總喜歡選榨菜，因為這裡的榨菜香口並且帶點甜味，為整碗麵線錦上添花!值得一提的是粢飯，食客們多數要求將粢飯剪成兩份，因為實在太足料和紥實了，好幾次自己去食，只能勉強吃掉一半!豆漿可要求凍飲、熱飲，還可以要求暖的，味道淡淡的，感覺上沒有刻意加上大量糖份，不錯啊!