上海美味一品香菜館

11:00開門 10:30已經有人龍 排緊隊到底有幾咁好食，真係要試一試前一晚賣晒小籠包 所以試唔到最出名嘅名物丫姨服務親切到好似番左屋企咁價錢合理份量足  整體性價比高酸辣湯餃子-湯頭酸辣醒胃，醋香與胡椒平衡得宜 酸辣過癮配料木耳絲、豆腐、肉絲、筍絲 口感層次豐富菜肉餃餃子皮薄餡足 回鍋肉客飯-肥瘦相間五花腩片，豆瓣醬爆炒鑊氣足肉片微焦帶糯，高麗菜爽脆解膩上海排骨湯麵炸排骨厚實 外酥里嫩鎖住肉汁醬香入味皮不厚湯底清鮮略帶蔥油香，鹼水面勁道不軟爛…查看更多

早幾日突然想食上海菜，但又唔想去啲大商場，想搵間歷史悠久嘅上海菜館，就醒起之前荃灣經過見到嘅呢間懷舊小店，一入到去感覺有啲似土瓜灣已經執笠嘅上海美華😅可能復活節假期關係，我哋兩個人等位等咗半個鐘，入到去由落單到上第一樣嘢食又等咗半個鐘🤦🏻‍♀️⭐️酸辣湯雲吞酸辣湯偏稀，辣度夠但係酸度唔夠雲吞係非常普通嘅菜肉雲吞，整體普通⭐️上海排骨炒麵一嚟到碟面就係呢個樣，好似打完仗咁😅😅排骨口感鬆軟，調味偏重，麵底非常十分少，同埋好多炸排骨嘅炸皮，都係非常一般🙈🙈⭐️黑芝麻鍋餅平時見開豆沙餡，難得見到黑芝麻就試下～黑芝麻餡味道偏甜，裡面包住比較厚嘅班戟皮，同平時食到嘅比較食落冇咁甜膩，但就偏飽肚同爭啲香脆口感叫咗三樣嘢食，全部都係好一般環境服務普通，價錢亦唔係特別抵，試一次就夠了…查看更多

上網才知道有這間小店，之前經過但唔覺眼。看到食評，所以預早18:00晚巿開始前到達，已有2-3組人在等候，幸好有預早來，可以第一輪進入餐廳內。餐廳坐位不多，亦沒有安排搭枱，可以坐卡位。店內裝潢懷舊，1982年開業至今。 門口張貼小籠包已經沽清。本來都諗住食，有些可惜，但第一次來，可以先試下其他食物先。 上海粗炒兒時熟悉嘅味道，多菜健康不油膩。 炒鱔糊客飯 + 例湯價錢不貴，而且鱔份量亦不少，大量芽菜，鱔無泥味亦唔腥，可以轉配菜飯，性價比高。明白例湯為何推介，例湯是青紅蘿蔔清甜，湯有肉的味道。 煎鮮肉鍋貼即叫即煎，皮脆香口，略嫌肉汁較少。 脆皮春卷有菜在內，外皮金黃香脆。 豆沙鍋餅除咗面層脆，中層好似PANCAKE皮咁少少彈牙，豆沙味道適中唔太甜。 女店員有禮，食客食到咁上下主動加水，甜品豆沙鍋餅亦叫上時就上。 最欣賞所有食物都是即叫即煮，即炒、即煎、即炸，全部都熱辣辣。 價錢唔貴，270元2位晚餐食到飽。…查看更多

第一次來食，一食已感覺比想像中好，好好食，價錢合理，正常輕鬆食的一餐上海菜，豆沙窩餅不太甜不滯皮厚度剛剛好，雞絲粉皮好香花生味雞肉粉皮好滑，啖啖面濃香味湯，麵爽滑份量足，一定會再食！…查看更多

前排搵食時，發現呢間舊式上海小店啲鱔糊評價不錯，上個月本來想幫襯，五點半未夠去到，原來開六點，因為肚餓，唯有再覓機會。今次終於夾啱時間嚟，差五分鐘到六點，門口已經有四組近十人已經排緊隊。開門前，店員出嚟同大家講，是日「小籠包」已經沽清。本來都諗住食，但主攻唔係佢，雖然有啲可惜，但未至於失望。六點鬆少少，開門，被安排坐第三張卡位。店內面積唔算好大，有五張卡位，兩張中型圓枱，及一張二人方枱。炒鱔糊客飯（$68）可選白飯兩碗或菜飯一碗，揀咗後者。另有一碗大例湯。鱔糊份量多，夠二人分嚟食。巨量芽菜，爽脆清甜無渣；鱔肉亦唔孤寒，份量足兼且唔會切得好幼，條條都有適當粗度及厚度，咬落彈牙爽口，無泥味亦唔腥；醬汁濃厚，帶微甜，撈飯一流。菜飯可能因為多菜，所以稍濕，但好在飯粒未算好糊。例湯係青紅蘿蔔湯，微甜唔咸偏清淡，飲得出零味精。回鍋肉炒粗（$72）有鑊氣，份量多，又係可以二人分嚟食。大量椰菜，約七八片回鍋肉，配以青椒、豆乾片、辣椒絲，濃厚咸甜味道，醬汁掛哂落麵條，粗麵有咬口，正宗粗炒要有嘅味道。加埋枱面嘅豆瓣醬，更加惹味。煎鮮肉鍋貼（$44）有五件。底層煎得香脆，面就稍稍微香。餃皮厚度適中，咬開肉味較清淡，只有少量肉汁（無湯汁），自行加豆瓣醬或醋提味。脆皮春卷（$48）有三條，一開二共六件。第一次食呢種春卷皮，並不是脆卜卜一咬就碎嗰款，又唔係腐竹皮，口感有啲似坊間嘅豆沙鍋餅嘅皮（並唔係此店嘅豆沙鍋餅嘅皮），咬落香脆但又有質感，好特別。餡料有大量菇菜夾少量豬肉，塞得滿滿的。點喼汁食最夾。豆沙鍋餅（$52）落單時可要求後上，然後啲嘢食得七七八八時，店員會再問上得未，細心安排，讚。一碟開八件。炸得金黃色，賣相不錯，最重要係無油淋淋感覺。呢間啲餅皮同坊間不同，除咗面層脆，中層有少少似熱香餅咁有啲Q嫩，幾得意。入面啲豆沙就正常味道，唔太甜。整體食物質素不錯，係熟悉嘅舊式上海店味道，唔會好驚艷，但亦唔會失望。另外最開心嘅係，所有食物都是即叫即煮，即炒、即煎、即炸，全部都熱辣辣。…查看更多