上海真真豆漿大王 (已結業)

…油條！相信「榨菜肉鬆包」的靈感，大概也跟這個糯米包榨菜肉鬆再包油條的餈飯有些關係吧。老老實實，十幾年老主顧，當然心中有數：除了某次傍晚賣過新鮮的，粢飯幾乎99.9% 是premade 的。當然熱力已把油炸鬼「融化」，但有辣而多的榨菜，還有不是一味鹹的肉鬆，感覺爽多了。這就是上海人包粢飯，跟廣東人包粢飯，最基本的分別。

由細幫襯到大啦...最喜愛佢個上海雲吞... 好好味呀，又抵食喎... 之後帶左bf 黎食，佢都好鐘意。坐就真係唔係好掂啦，始終都係舊舖。所以我鐘意take away 食。佢個鹹chee 飯都好正，熱哄哄，冬天食一流呀... 夏天... 就... 個度有air con，但係佢係大馬路，無門的，所以會熱d...還有好好味的油豆腐粉絲... 一間老店，但好味。望著出面人來人往都好正呀~ ^^

早上要來附近辦點事，自然要周圍找早餐吃。想找有麵包新鮮出爐的地方，又或是有即拉腸粉的粥舖，卻偏偏在找到上述兩個地方前，來了這裡。八時許，一個客人也沒有，就來一碗鹹豆漿加蛋。這裡的鹹豆漿，材料好像很多的，蔥花、榨菜、切碎的油條等等，浮滿碗面，撈了兩撈，卻不見蛋的踪影，似乎是搞散了。一吃之下，半鹹不淡，配料雖多，卻沒有什麼味道。再吃幾口，也是如此，證實不是味覺的問題，是這碗鹹豆漿，也真的沒有多大味道，是水準以下。再吃之下，還發現有不少的小蝦乾在其中，放棄。埋單十蚊，不貴，但好像也不大吃得過。還有進店時聞到豆渣的酸餿味道，感覺十分麻麻。

每次路過蕪湖街的真真,也略門而過,這一次的起心肝,與在附近上班的友人前往,以咸豆漿作早餐.貪心一點,再叫多份油條,咸豆漿如麥皮,荵,榨菜絲,油炸鬼碎等等材料,配上咸豆漿,入口同味道如吃,著多層味道的碎牛粥.小弟真係有點似有味粥,不過兩者的咸味又有點不同.)友人艇仔粥咸得來有層次,這個咸得膚淺.)講我?

天時暑熱走入去食個sunday brunch。豆漿比較淡同唔夠豆味，栥飯入面條油條咬唔開咁滯，油豆腐粉絲好足料，三舊釀咗菜肉嘅油豆腐同兩舊同樣饀嘅蛋角，仲好多梅菜。不過比較起上嚟，好似葵芳嗰間好食啲。而且廿二蚊碗油豆腐粉絲，都幾貴。

以往星期六日早起, 又想不到吃甚麼的話,總會跑到家附近的"真真" 買個粢飯吃, 再來一個走甜的熱豆漿, 已是相當豐富的一個早餐, 有時飽得足以延遲午飯時間,甚至索性不吃午飯改吃下午茶.這裡的豆漿不知是否自家製作, 不算香濃, 但只要新鮮又夠熱, 已合符我的要求; 粢飯料足又好味, 飯的質地軟硬適中, 如果夠好彩, 還可以吃到裡面油炸鬼還是脆口的"無敵粢飯"(哈哈), 如果不要榨菜或肉鬆的, 都可以特別吩咐, 即叫即做罷了.另外他們賣的油豆腐粉絲我相當喜歡, 口味雖然較為清淡, 賣相亦相當平實, 只有簡簡單單的蛋角, 釀豆腐卜和粉絲, 但不知何解總覺得很好味? 可能因為我小時候吃慣吧, 遇上回憶中的味道總會加點感情分.如下面的食評所言, 這裡的環境衛生及服務也不太好…. 但只要不介意"地痞" 格局的話, 這裡倒是值得一試的.不過, 過去數年間, 這裡的價錢加了數次,只舉例粢飯, 我看著他們由7元..8元加到10元, 如果以前未幫趁過的, 或仍會覺得價錢合理, 但如我者一直有幫趁的, 就或許覺得不及以往便宜了. 所以, 就算罵我孤寒也好, 現在我少了幫趁, 的確只是因為那一兩元的差價所帶來

3月10日星期六起身後唔想出去食o野，男朋友好好咁o係紅磡買外賣入去西貢俾我！我要個粢飯同咸豆漿，男朋友要個炸菜排骨麵！經過一個鐘車程，o的o野都開始凍，暖暖o地咁啦！咸豆漿：豆漿唔夠濃，太稀喇粢飯：可能凍o左啦，o的糯米都硬哂，裡面o的料都ok，唔會太少，炸菜同肉鬆都唔會太咸炸菜排骨麵：原來係炸豬扒，都唔係排骨，有o的失望啦，事關對炸豬扒冇乜興趣！個湯o既味道唔會太咸，裡面都好多炸菜相信就算堂食都唔會相差好遠，唔係唔入得口，好大路o既口味，冇驚喜！

尋晚練習前黎食ｄ野，又唔熟呢頭…四周都冇咩o岩食，除左呢度有ｄ大路野叫左茶葉蛋($4)＆熱豆漿($5)朋友要栥飯($10)＆凍豆漿($6)雖然野食都ｏｋ，又平…但環境好差！好似返左去５０年代，係好舊o既木做檯，兩個人對住坐係好可能會撞頭ｓｅｒｖｉｃｅ都好差！我地叫佢收錢；因為o個個人係企左o係我地面前，suppose就咁遞ｄ錢俾佢就ｏｋ，點知佢話"出黎俾"。我想問有咩分別? 只係我地企o係度同坐o係度囉!點解openrice冇得俾零分?

自從朋友介紹了這家的豆漿粢飯，我幾乎每天早上都吃一個粢飯及清漿（走糖熱豆漿）或咸豆漿，味道不可以說是好得不得了——但仍算是物廉價美。有機會想試試他們的酸辣湯麵、水餃、雞翼等。