上海小聚 (已結業)

有日經過呢間新開嘅上海菜 見有飯有麵有餃子雲吞 款式幾多就入去試吓👍🏼分別叫咗一個上海雲吞套餐 + 湯餃套餐 味道幾好 價錢相宜 簡簡單單唔花巧 有住家菜嘅感覺🏡上海菜肉雲吞套餐（7隻）$54韭菜大蝦鮮肉餃子套餐（10隻）$64兩個套餐前菜可以揀酸蘿蔔/涼拌木耳 甜品就係薑茶黑芝麻湯圓🍲而餃子就仲有一份和風冷麵🍥主角餃子同雲吞大粒足料😀咬開啖啖肉 外皮唔厚 餡料有鮮味 豬骨湯底唔會太鹹唯一分別係餃子個外皮煙靭少少 包得紮實少少雲吞就比較薄皮同埋比較多菜 個人就私心鍾意餃子多d🥟湯圓好軟糯 黑芝麻餡好香 有少少流心效果 糖水底好濃薑味 好過癮！見佢仲有麵飯套餐 同樣抵食 下次可以再試😊

北角是我比較少去的地方，昨日剛見客來到，客人介紹原來有間人情味小店值得支持💝 例如餃子都是他們每日新鮮人手製作 ，店員又親民，價錢又平，埋單百多元食到兩人都飽飽，所以我覺得性價比好高！其中手工餃 - 煎韮菜/ 西洋菜 餃菜都係好出色🥟🥟👍👍份量大大粒脹卜卜卜，咬下熱手乎乎，口感十足！另外皇牌介有特色大滷麵、上海排骨麵、甜品薑汁湯圓都好好食！下次再去北角都會支持幫襯呀！上海小聚北角馬寶道3號君譽峰地下15號舖

放假同女朋友去北角匯影相📸️附近有唔少上海嘢食，君頤峰地下有一間新開嘅上海小店食物選擇多，有招牌上海麵、餃子套餐、雲吞等等招牌上海炸醬麵配豆腐海苔味噌湯 $62配前菜同甜品芝麻小湯圓呢款炸醬麵唔辣，將炸醬同上海麵拌勻非常掛汁😋啖啖都食到肉燥味道配料有豆腐同埋豬肉碎 餡料非常豐富，味道偏鹹芝麻湯圓好好味，完美嘅配搭😉大白菜鮮肉餃子套餐 $59有七隻或者10隻可以選擇湯餃子配豬骨湯底，味道清甜仲有和風蟹柳冷麵、前菜酸甜蘿蔔同埋甜品薑茶芝麻小湯圓餃子🥟大大隻，新鮮餡料好足料，味道鮮甜成個套餐都好滿足😉🤤另外加咗凍豆漿甜甜地，好飲🤟🏻上海小聚 北角馬寶道3號君譽峰地下15號舖

今晚同媽咪探bb，去到北角，見到間人流多小店，就去試下😋一入店內見到店員好努力包餃子，應該每日都係新鮮製造🥰🥰正點選了2款套餐-上海蔥烤排骨上海麵加酸辣，大大塊排骨，食落超juicy，味道不錯，好入味，上海麵彈牙加了酸辣湯底，好夠酸，好配合，餐前小食有開胃陳醋雲耳，好爽，好清新。好正。餃子我就點九菜餃，好香口，材料九菜，豬肉，加點辣醬超一流。媽咪就點了上海雪菜肉絲毛豆上海麵，豬骨底。豬骨湯底濃，加入雪菜同毛豆，口感非常，套餐餃子點了白菜豬肉餃，新鮮製果然味道不同，好厚厚材料，豬肉多皮夠簿，所以忍唔住單點西洋菜餃子，西洋菜好香口，菜多肉小，抵食套餐仲有芝麻湯圓，好啊不太甜，適中，薑味夠。

北角新開嘅餃子店見一個set大概係60-65左右，都幾扺，而且仲有前菜配菜同埋嘢飲，所以就去咗試吓啦！上海葱烤排骨麵餐 $62排骨一大塊放響面，煮到好淋，啲肉一咬就開，都幾好食，如果切埋就更好啦！個餐都包幾多野，有得揀前菜，我就揀咗雲耳，酸酸地幾開胃。西洋菜鮮肉餃子 $55 7隻 麻辣湯底麻辣湯底我個人就覺得唔辣嘅，不過勝在幾特別，平時去食餃子啲湯都好似好養生咁，今次食麻辣別有一番風味。西洋菜餃子超級大隻，皮薄得黎又好多餡大白菜鮮肉煎餃 $59 7隻 煎餃就要等耐少少，餃子層皮煎到脆卜卜，入面超級多豬肉，肉同菜嘅比例大概係8:2，真係啲料落得唔慳皮！

北角上海小聚食餃子都幾多款式，外賣有9折！ 標榜所有食物新鮮製作。香菇貢丸花枝丸湯麵套餐點了豬骨湯底配日式拉麵，湯底幾清無味精！麵底爽彈！貢丸味道菇香夠濃，花枝丸彈牙又夠緊緻。上海蔥烤排骨飯，排骨大大塊炆得好淋身！醬汁幾入味夠香，菜飯清爽份量幾足。韭菜鮮肉煎餃子set, 餃子煎得香脆，咬開勁多肉汁滲出，餡料比例幾好！ 韭菜香味夠突出，另外有胡風汁蟹柳冷麵，清爽惹味，陳醋雲耳酸酸地好開胃。最後薑茶芝麻小湯圓 外皮煙韌軟糯，芝麻餡夠香，好味呢！

去北角探完親戚就去樓下食個便餐，見太耐冇食上海菜就揀左呢間上海小餐館下午茶幾抵食，太肚餓就叫左兩個餐🤓除左下午茶仲有套餐食，套餐有10隻餃子再加冷麵同湯圓仲包埋野飲，甘睇翻其他係叫套餐抵d🤨🥢上海炸醬麵（$39）同我想像上吾同，呢度既炸醬係由花生鹹菜鋪組成，加埋青瓜絲一齊食好開胃，上海麵都係煮得岩岩好吾會太唸，平時食既炸醬麵有時炸醬會吾夠撈曬成個麵，呢個個醬幾足料仲幾濃味下，岩曬我呢d重口味人士！食完配翻個豆漿岩岩好☺️🥢煎韭菜豬肉餃子（$36）呢度既煎餃係我食過港島區入面最高質的，一上枱見到個色水就知好好味🤤煎餃比平時食開大隻，個皮吾厚煎得岩岩好🥟一咬開d汁就爆曬出尼，入面餡好足，亦都冇食到有肥豬肉🍖脆皮再加韭菜冇得輸，下次一定會叫翻10隻餃子果個套餐🤨

上海小聚 (北角)北角馬寶道3號君譽峰地下15號舖女女在香港島條芭蕾舞，放低個女之後當然要搵個地方慢慢等，北角這個地方的優勝之處，隨時隨地都可以找到價錢相宜的小食店，經過上海食店，見到裝修到光猛清潔，立即入去搵位坐低。足料酸辣湯$30 果然足料，胡蘿蔔絲，竹荀絲，木耳絲，冬菇絲和豬肉絲齊備，滿滿的材料，辣度適中，酸辣開胃！大白菜鮮肉餃子（十隻）$60配陳醋雲耳、薑茶芝麻小湯圓餃子粒粒肉滿多汁，脹卜卜的很吸引。豬肉新鮮，配上大白菜入口甜美，點上醋來吃，提升鮮味。陳醋雲耳爽口開胃，吃完主菜還有芝麻小湯圓，薑茶芝麻口味醒神清爽，圓子彈牙煙靭。豆漿

放假又嚟北角搵食，上次去咗馬寶道買外賣，今晚就嚟試下呢間新開嘅「上海小聚」。店鋪主打餃子同麵食，另外亦有上海雲吞、排骨菜飯同烏冬等供應。點咗一個煎餃餐同一客排骨菜飯，另外再加咗一份西洋菜鮮肉湯餃。韭菜大蝦鮮肉煎餃子 ($65)  套餐包 10 隻煎餃子、和風汁蟹柳冷麵、酸甜蘿蔔或陳醋雲耳及薑茶芝麻小湯圓。餃子大大隻，外形飽滿，食落韭菜味好香濃，蝦肉爽彈，豬肉鮮甜，加上餃子皮又唔會過厚，皮薄餡靚，一咬爆汁。冷麵冰涼清爽，配料有蟹柳絲同青瓜絲，拌上微酸嘅和風汁，好醒胃。雲耳很爽脆，配上酸咪咪嘅陳醋，用嚟做前菜一流！湯圓煙韌軟綿，芝麻餡味道濃郁，薑茶薑味十足，甜度亦剛好，讚。至於招牌上海蔥烤排骨菜飯 ($65)  就包括有味噌湯，陳醋雲耳同小湯圓。味噌湯醇和順喉，內有豆腐同海苔，入口清爽又不過鹹、。排骨勁大塊，而且醃得非常入味，咬下啖啖肉，好吃。米飯粒粒分明，食落唔會太濕太淋，加上菜粒，真係無得輸。跟餐仲可以加配冷熱飲品，有金桔青檸、豆漿或汽水可供選擇。金桔青檸 (+$4)  好 fresh 好清新，入口酸甜醒胃；而豆漿 (+$4)  嘅豆味亦十分濃郁。另外呢客西洋菜鮮肉湯餃子 ($52) 

家附近新開了一家上海排骨麵店，趁着聖誕長假期的下午一試街坊小店格局，一進店就看到店員正在努力製作新鮮餃子餐廳整體裝修簡約時尚，營造出寬敞明亮的就餐環境滋味雲吞抄手套餐有四川香辣江油配雲吞抄手八隻只須$55，配前菜及甜品紅油內含麻辣酸甜鹹香的平衡到位味道，令雲吞吃起來，不覺膩前菜可選酸甜蘿蔔或陳醋雲耳！甜品有薑茶芝麻小湯圓套餐加$4可配飲品！可選凍、熱豆漿、汽水或金桔青檸湯餃子及煎餃子份量有7隻或10隻選擇，更可自選湯底及麵底麻辣湯底西洋菜鮮肉餃子的豬肉有彈性，西洋菜有它獨有的鮮味韭菜鮮肉餃子子皮薄而煙韌，餡肉鮮甜散發溫和的韭菜香

北角站附近一向都有好多美食，而最近經過就見到有間近開嘅上海餃子麵館😋.招牌上海蔥烤排骨麵$62選了麻辣湯底配日式拉麵。蔥烤排骨果然係招牌，排骨好長好大塊，醃得很入味。跟餐仲有兩隻韮菜餃子，皮薄餡靚，聽講每日新鮮人手製作，數量有限，賣晒就無。.招牌上海炸醬麵$62 同出面嘅炸醬好唔同，呢度嘅炸醬入面有大大粒花生、荀粒，伴麵仲有附有清新嘅青瓜絲，可以中和返濃郁嘅炸醬味。跟餐仲有配酸辣湯、酸甜羅蔔同湯圓做甜品，真係好滿足。.四川香辣紅油 配 雲吞抄手 (10隻) $59估唔到每粒都咁大粒，好飽滿，真係皮薄餡靚。紅油好惹味，撈雲吞食一流。.+$4 仲有豆漿/ 金桔青檸。聽講特色大滷麵都唔錯，下次試埋先。

🍽 Lunch Set💰 ~HK$60 (lunch)Recently North Point opened a new dumpling restaurant. They offer great lunch deal which is around $60 per set. It is such a great place for grabbing a quick lunch!We ordered Allium tuberosum with shrimp dumpling set. It came with dumpling in soup base. I picked tom yum soup and it was a bit sour and spicy. It tasted really yummy! It also came with crab stick and cucumber cold noodles. Another lunch set we ordered was noodles with beef. The portion was really big for s

去朋友屋企(北角)君譽峰，他招呼我去住所樓下那間小店(上海小聚)午餐，店舖裝潢細細間好精緻，窗明几淨，店員都很有禮貌。店舖套餐超大眾化價錢✡️御品台灣牛肉麵配小食(餃子+雲耳+薑茶芝麻小湯圓+熱豆漿)~❣️牛肉採用牛肋條，牛味濃香，肉質淋中帶煙韌，配入紅/白蘿蔔好清甜，蘿蔔無‘渣’，而且好入味。❣️雲耳~爽脆酸酸甜甜開胃醒神❣️餃子~白菜放湯餃子皮薄饀靚，肉味濃香，白菜清甜❣️薑茶芝麻小湯圓~天氣寒冷喝啖熱薑茶暖胃，加添一口滑溜溜芝麻湯圓倍添温暖❣️熱豆漿~熱騰騰豆漿，豆味香濃撲鼻，放凉後面層鋪上一層薄薄豆漿皮✡️招牌上海葱烤排骨麵~大大塊排骨軟滑，肉質juicy。上海麵滑嘟嘟，口感煙煙韌韌。✡️西洋菜豬肉餃子配和風汁蟹柳冷麵+金桔青檸~❣️煎西洋菜豬肉餃子外層脆卜卜，西洋菜無‘苦澀’味，混入新鮮豬肉美味俱全❣️風蟹柳冷麵~麻醬汁配入蟹柳、青瓜絲、紅蘿蔔絲、口感清新可口❣️金桔青檸~酸酸甜甜潤喉可口

位於北角的餃子麵食店，供應款式甚多，包括中式、日式、韓式。日式和風冷麵／烏冬、韓式泡菜酸辣雲吞抄手、上海湯麵、炸醬麵、雲吞等套餐。招牌鮮味餃子套餐：韭菜鮮肉餃子湯底：麻辣前菜：陳醋雲耳餃子有湯水餃或煎餃子，份量有7隻或10隻選擇，湯底也是自選的。套餐包括一款麵食：一小碗和風汁蟹柳冷麵，拌上麻醬吃；前菜：小蝶雲耳，很爽口；甜品：薑茶芝麻小湯圓。湯圓小粒，入面甜甜的芝麻餡，配上熱的薑汁湯。鮮肉餃子自家包製的，餃子飽滿，肉餡蠻平均。麻辣湯底麻麻辣辣，較惹味。另外跟餐還可加配冷熱飲品，汽水、金桔青檸、豆漿等。招牌鮮味餃子套餐：韭菜大蝦鮮肉餃子湯底：豬骨前菜：酸甜蘿蔔 套餐同樣是包括一碗冷麵；前菜：小蝶蘿蔔絲，很開胃；以及湯圓甜品。餃子皮厚度剛好，內餡有韭菜、蝦仁、豬肉，每粒餃子都有一大粒蝦仁。豬骨湯底相對清淡但卻很鮮味。湯餃子：西洋菜鮮肉餃子10隻西洋菜口味的湯餃，入面的菜餡切得細碎，嚐得出獨有的西洋菜鮮味，不過這款的豬肉餡較大粒。

上海小聚 北角馬寶道3號君譽峰地下15號舖上海小聚，從店名已猜到是食上海野啦， 以麵食同餃子包點dumpling類， 平實的街坊小店， $62 很豐富的上海蔥烤排骨飯， 套餐有飯，湯， 小配菜（雲耳／酸甜蘿蔔）薑茶芝麻小湯丸， 加＄4有飲品煎餃餡中有豬肉同菜, 餃皮煎至香口。排骨加了蔥更香, 青蔥顏色也是好看呀! 排骨是豬扒蠻多肉， 台灣牛肉麵，蘿蔔炆得好腍同入味，麵及湯底是清宜薑茶芝麻小湯丸小小一份, 做飯後甜品剛剛好, 小粒糯米丸子QQ軟糯。一人套餐抵食又豐富, 吃得飽又滿足。