上海婆婆 (新都城中心) (已結業)

上海婆婆主打固然係上海菜，亦係呢個商場可以話係唯一一間上海菜館，難怪好多時候都要等位。但等位並唔代表質素一定好，呢幾年食過幾次，發覺水準係隨住年月而一直下降....生煎鍋貼 3隻($28) 外皮明顯地係好厚身，不過豬肉份量幾多而且入面有好多湯汁，算唔錯既。酸辣湯麵 ($42) 麵條唔彈牙，剪得較碎，酸辣湯都可以既，較稠身，有菇類同荀絲等材料，味道當然係做到酸酸地同少少辣既感覺啦。擔擔麵($42)確係差，湯底雖然有花生同麻醬但可能落得太少，味道係好淡。麵條質素亦係差，毫無咬口而且剪得太碎。排骨($28) 質素好差，咬落去凍既，一啲都唔脆口。肉質無左應有質感，太腍，味道又鹹左啲，太失望。小籠包($30)，全店最正常既食物。皮算薄，入面豬肉餡同湯汁加埋幾鮮甜。炒鱔糊($68) 炒得較油身，鱔唔腥不過較乾身，份量較少。整體而言上海婆婆環境幾舒適既，但食物質素其實本身只屬一般，不過而家仲要一路下降中，我諗管理層要注重一下點樣提升食物質素。

上海呢位婆婆分店愈開愈多，整體而言，質數還是不錯的。(可能因為份量太少，總是珍而重之咁食，就會覺得好味，人就是咁犯賤的)今次食左個上海婆婆蕃茄旦牛肉湯麵，味道正常，沒什麼過人之處，也不難食，可能佢本來就係很普遍既菜式。但價錢就是太貴了(比較之下)。以前常吃的擔擔麵也是，份量未免太少，不過也沒有辦法，這大概是貴租貴人工下無奈既現實。蒜泥白肉反而做得幾好，未食先被出品吸引，因為好靚，夠心思。服務都幾好，親到佢個裝修。

每個人都總會有一兩個死敵，其實筆者一向都不愛中菜，但有時候也得真的要試多一點，不然就跟現在一樣寫食評的題材會大大減少，相反就是因為筆者少吃中菜，每次寫都會覺得特別有趣。 在將軍澳區，之前晉薈的確令人大開眼戒，今回回到較平實的餐廳，就是上海婆婆。其實眾多中菜中，上海菜乃是筆者最愛，因筆者太愛吃鱔鰗了，最近發現自己蠻能吃辣，說不定下一回來個四川菜呢。  喜歡鱔鰗，到這邊用膳要吃鱔鰗粗炒！這邊的鱔鰗粗炒比以往份量都多，配上大量芽菜及鱔鰗，可惜粗炒炒得太濕，整隻碟也是醬油，而且很油膩了吧，鱔鰗中帶了一點軟骨，影響了口感，整體味道不算突出。 排骨擔擔麵，筆者認為這邊擔擔麵湯太多每擔擔麵變得很稀，單看賣相根本不知道它是擔擔麵來的，擔擔麵味道不算濃郁，麵頗爽口，很喜歡這種粗幼的麵，排骨也酥炸得不錯，肉質算是很腍，外邊帶一點脆，但卻做得不油膩。 最後是京蔥牛肉餅，這個京蔥牛肉餅做得不算好，先說牛肉餅用上了如奶黃包的包去做，很少吃牛肉餅會用上這一類的包去做，厚得像牛肉與餅完全配不起來，各自為政的一樣。而且牛肉完全沒有京蔥味，更沒有任何肉汁或湯跑出來，內裹十分乾身像吃廣東點心一樣，是筆者吃中菜的經驗太少嗎

平日既夜晚 7點左右  唔需要等位 但已滿得8899了2個人叫了婆婆粒粒炒飯  水煮牛肉片  蝦子鍋塔豆腐  花彫醉雞  高力豆沙  酒釀丸子婆婆粒粒炒飯 $62竟然係佢第一道上台飯唔算炒得油 都算粒粒  色就好夠  但味道就一般了  可以話冇味水煮牛肉片 $72夠味  仲可以辣多d  但對唔太食得辣既人  就足夠了仲有d薯粉墊底 好惹味蝦子鍋塔豆腐 $52蝦子呢????  是沒有的....... 只係得d獻汁...同埋煎豆腐  好麻麻啊花彫醉雞 $65以小食黎計  份量都多既味道都可以高力豆沙 $40有4舊蕉同豆沙既份量好少  第1截尾指咁上下份量係個皮夠軟綿綿  唔錯酒釀丸子係我食過咁多間上海野  最差既一間冇酒味  桂花又冇 唔夠熱 但好杰... 好差

岩岩佢開始做晚市，好彩我地好早入，去所以唔駛等位。個醬好正個汁唔得，個麵成餅野咁，麻麻地牛展好食，但唔知點解無汁，好乾，但肉質係唔錯好細件，好多汁，好正，個皮有D脆汁多好味。

平安夜玩得太夜，所以一起身已經係午飯時間，呢個普天同慶日子緊係要同屋企人食返餐飯啦...屋企附近開左好多食肆，假期關係人太多，爸爸話唔想等太耐，所以佢揀左上海婆婆！生煎包> 唔夠熱> 但肉餡都足料> 不過肉汁比平時食開無咁多婆婆粗炒> 平時食開粗炒都比較油，但今次食又唔會太油膩，再落埋豆板醬簡直絕配!酸辣湯麵 > 酸辣度啱啱好，唔會太濃同太辣！> 麵條口感，唔會過硬過淋> 用料足，湯底多而不膩！高力香蕉豆沙 > 香蕉味淡到差d食唔出> 豆沙又唔夠味

難得有一間食店係我地一家都鐘意食野以前久唔久就黎但自從搬左之後就黎少左好多今晚有少少話當年既感覺雞絲粉皮兩者都好滑麻醬香口涼拌皮蛋豆腐又係滑嘟嘟酸辣湯夠酸夠酸辣夠多料黃金蝦放左一段時間隻蝦仲好熱全隻蝦都比咸蛋包著但又唔會過咸外面少少脆蝦肉好夾口蟹粉小籠包埋白講好少蟹粉不過$48/4隻都唔會預比得多但食過蟹粉小籠包就覺得普通0個D好普通哈...鱔糊炒年糕鱔唔夾口既我鐘意食夾口ga年糕過火左少少肉絲炒得好香口見到都想食香蕉高力豆沙唔太甜好味奶重鍋餅如果可以熱d再煎香d就好喇估唔到咁耐無黎水準都可以keep到

大學朋友上次請食飯，　今日輪到我！顺便seek travel advice to hangzhou朋友話唔想吃意大利菜，想食中國菜，於是揀左近屋企既商場食!之前都去黎過幾次，味道不錯～今次的確有些少帘期望，真的朋友六點到左，　因為呢間野六點半先做生意! 於是行左一陣先入去!入去,挭系即點野堅系餓鬼上身，點左上海粗抄，小蘢包同埋雞抄年糕( by the way, 已經forget 系乜雞抄年糕,淨系知 little spicy and 雞皮)雞抄年糕對我黎講，有點油，不過，勝在雞肉夠嫩口！小蘢包堅系好味多汁鮮嫩，朋友食到D汁 "比" 哂出黎!D crew 似系HEA..成日掛住傾計,本來想再order , 但系唉! 改去賣單食糖水

松子黃魚甜酸汁好香但唔過稀過稠魚塊魚皮炸得好香脆不過唔油/魚肉好清甜,蝦仁好爽加埋d蔬菜粒好清新開胃唔好既地方係佢太多油本身炸已經好油,佢d油落左d汁到,但係唔可以泌左佢因為係融左入去蔥油大餅芝麻好多好香,外皮好脆但唔會太硬蔥油唔油但好香包吸左油好香好濕潤但唔會覺得膩唯一美中不足係佢切得太樣衰爛哂高力豆沙我覺得……完全唔係一回事佢蛋白係好綿密同包得好好冇穿冇爛但豆沙餡太少,食果陣係好稀好似紅豆水咁外皮好油,食完好滯<---自己食左3個呀媽完全係食左一啖已經覺得好油好滯

當晚睇7點幾既戲, 6點幾便到了上海婆婆食個晚飯~ 這個時候很少人, 唔洗等位非常好~環境唔錯, 服務員又有禮貌~ 唔洗等好耐就有野食~來得最快的當然是冷盤, 這個雞絲粉皮好好食, 麻醬很足夠~ 所以整碟很夠味~ 又是一個冷盤, 薰魚份量是很多, 魚的表面很夠味的, 但內在冇味...根本唔夠入味.....食上海菜都一定會食的就是碢貼和小籠包~只有3隻的碢貼, 熱騰騰的~ 很多汁~ 皮煎得脆脆的, 不錯! 另外亦有叫小籠包, 1籠4隻, 要小心翼翼的食, 因為好多汁, 皮厚薄適中~ 由於我太急不及待食小籠包, 所以唔記得影相, 失策! 很入味, 份量也很多, 奶湯很足夠~最後來個甜品, 平常一般是用豆沙做饀料的, 這個用奶黃做的碢餅很特別, 唔太甜, 唔太"漏", 外脆內軟, 非常好食~ 埋單兩個人, $279~

早前去將軍澳探長輩晚上4個人順道去食食這間點了手切牛肉飽 唔乾不錯排骨面 普通 牛展面 有d辣,普通醉豬手 好少, 唔抵食鍋貼 唔乾, 好食小籠包 多汁夠熱, ok不建議食醉豬手我見到逄係醉豬手, 雞都好少結數才知唔收銀聯, 只收visa, master

聽說過上海婆婆啲食物都不錯的，所以睇完戲九點幾前來一試。每次食上海菜都想食鍋貼，所以二話不說叫了。但個皮好乾好硬呀！唔知係唔係同就閂門，所以唔係新鮮整有關？另外叫了麻醬手絲雞。這個還可以，但我都覺得啲粉皮硬咗啲！但有好多好多醬，咁就不錯。蔥油拌麵給我意外驚喜。一直先入為主，以為像其他上海店般只有少少乾蔥，豉油。佢竟然有冬菇絲、蝦米、肉絲等。佢啲汁也很多，一上枱時心諗「這是拌麵嗎？」，嗰一刻有少少失望。不過，最驚喜是它。不管它叫拌麵、撈麵定炒麵，總之好食就是好麵。而且麵質亦彈牙，我發現它的麵有粗有幼，手打象徵嗎？服務方面:雖然我都覺得自己咁遲去食飯有阻礙他們閂門。但他們好像時常催趕我們離開般。當我吃吃吃，吃完碗麵一放下筷子，他們竟然即刻走過黎問「唔要嫁喇？」。然後即刻掃走晒所有野。其實，以碟上剩下的分量可以說是未吃完。不過我們都飽所以才說不要。我都知我們再坐落下真的很阻碇，但我情願他告訴我要閂門，也不應做一啲行為令我覺得自己「阻住晒」。還有他們在打賭我枱還是另一枱的客人先走。當我走時他們還要大大聲說出來，嗰一刻真的很無奈。不過算啦，鬼叫我地阻住人閂門。

離開了HK一個半月啦，終於翻黎啦，要去吃翻好耐無吃的熏魚！星期六周圍都人潮湧湧，連穩間餐廳吃翻都好頭痛。好彩，我地中午將近2點才到上海婆婆那裡，雖然見到有幾個人在等位，但系好快我地就入得去~~肚子餓到打曬鼓，馬上點菜！見到菜單，好似好多豐富的選擇喔~第一個當然唔少得我最愛的熏魚啦，52元，好似家下物價果然漲了好多，算數，但求心裏一個安慰：價錢高證明食物會好。這個熏魚果然很多，雖然話系冷盤，但系2個人吃已經好撐了。講翻這個菜，有些少甜，魚肉系用草魚黎醃製的，可能醃得唔算好入味，所以入面d肉顯得有d腥，不過總體上還是符合我的口味！（圖片照得好模糊，請見諒）第二個就是鹽燒小黃魚，麵粉太多，而且落得太多鹽，掩蓋曬成條魚的鮮味，還是小南國做得好吃d。但系我喜歡它上面的蔥！第三個就是蝦籽炒雜菌，太細碟啦，完全唔值這個價錢，相比起US的菜，太令我失望了。TOTAL192大元，吃翻喜愛的東西，什麼都值得，是不是？

On my previous visit, the food was good, so decided to give it a revisit.This time ordered a thick soup, chicken in wine, stir fried crystal flour noodles and dumplings in chili sauce.Chicken in wine:The pieces of chicken was too bony, there was not much chicken on it.Dumplings in chili sauce:This was quite nice and not too spicy, however I felt that the dumplings were over cooked and the dumpling wrap was too soft.The sauce was slightly too sweet.Thick soup with fish, black fungas and preserved

見咁多好評, 又晚晚爆場, 於是約了3個小朋友黎呢度食飯...結果食左一肚氣!!!先唔好講呢間野正唔正宗, 今本佢就連最基本既質素都無!! 入唔入到口都成問題!三鮮兩面王: 見到個樣就唔想食! 今本無炸過, 食落去係糊口的!! 而且十分細碟!!松子黃魚: 個汁的味道是可以接受, 可惜腥到不堪! 炸得好差, 看得出食材很不新鮮 醉乳鴿: 乳鴿還乳鴿, 酒還酒! 呢碟野只係張乳鴿放係酒上面, 乳鴿肉係完全無酒味的!一句講晒: 呢間野好唔掂! 咁差既質素4個人都要食成600幾蚊! 激氣!