上海婆婆 (新都城中心) (已結業)

今天和女朋友看完戲來食上海婆婆。座位舒適，卡位很大。菜品ok，點了幹煸四季豆，很香。四小拼擺盤精緻，挺特別的。酸辣湯好好味，不是很辣，但是開胃。高麗豆沙甜度合適，女朋友很喜歡。 備注 侍應勤加茶，對答好一定會有下次😊

今天和朋友一起來嘗試了上海婆婆，試完菜后覺得還蠻驚喜的。點的雪菜肉絲麵，面很Q！還可以看到店裡的師傅在拉麵。醉鷄必點！感覺酒味凸出來鷄的香味，朋友們也都很喜歡。紅油抄手有點辣，需要等得久一點。店裡的員工説因為抄手需要煮久一點才夠好吃。整體來說，菜都蠻不錯，員工也都很好笑容，下次和朋友聚會會考慮再來的！

食物okay 而且座位舒適。大部份員工服務好，尤其那位資深男樓面職員，服務特別好及非常醒目。但門口短髮付責派位那女員工，派位混亂，黑口黑面，態度惡劣。。來光顧居然要看她面色。。已入黑名單。

這夜來上海婆婆同朋友吃生日飯。 感恩一去到就有 位，不用排隊等。 第一次坐外面的卡位， 感覺空間較大，比較寬敞。兩人點了四樣菜，客人雖多，上菜卻不慢。婆婆小籠包湯汁適量，味道好。桂花蜜汁金沙骨跟在西餐廳吃的 ribs 很不同。 這個很大件，啖啖肉。 嗜肉的人可能喜歡，我就喜歡少肉較細件的 ribs。送來的時候有陣香氣，吃下去就好一般。 太多肉，我們兩位女士吃剩兩件。婆婆粗炒有白菜、椰菜、肉絲，味道一般，說不上好好味。奶湯滑津白英文寫著 cream sauce，實質是很稀的湯，吃不到cream 味，還有點鹹 。菜的味道一般啦。吃完這餐覺得很口渴呢!

近排天氣熱又曬，都費事阿媽煮飯咁辛苦，都係出去食餐算。好耐冇食婆婆，今日一於去食。一共叫左4個餸。雞絲水晶粉皮$65-用左上海麻醬，好香，有d似花生醬味。雞絲同青瓜絲分量都夠，粉皮唔硬，味道唔錯。醉乳鴿$90-平時食開醉雞今次試下醉乳鴿，酒味夠重，幾香。乳鴿皮比起雞皮冇咁肥，食落冇咁罪惡感肉質都夠嫩。婆婆生煎包$36-生煎包就麻麻地，入面冇湯汁似係放耐左，底唔夠脆，下次可以唔洗叫。野生山椒牛仔肉撈麵$62-試下呢個新款撈麵，餐牌寫明一隻辣椒，諗住少少辣應該都ok，點知真係超級超級辣。麻味重，牛肉都多同香，但唔食得辣既我下次都係叫返其他，因為真係太辣。整體嚟講都ok。

星期三帶寶寶出去體檢，回來好餓，和媽媽講不如去吃上海婆婆😋😋😋平日中午的套餐真是很划算。一個套餐包括一個菜，一碗飯和一個火腿豆腐白菜湯，大約才50到60塊左右，比晚上吃划算不少。我和媽媽叫了兩個套餐，一個三杯雞丁，一個糖醋魚塊。兩個菜都略帶甜味，很好吃，份量也夠足。套餐包括的白菜湯比較有驚喜，中午可以喝一碗湯很舒服。整體來講，是很舒服的一頓午餐，環境好，上菜也快，味道也不錯，平日中午不錯的選擇👍

1月1號紅日，中午想去飲茶其他酒樓周圍都係人，見佢有位唔駛等，即入。 叫咗幾樣野.小籠包 冇乜肉汁但夠熱，味道正常豆沙鍋餅 偏細块又簿無乜餡砂鍋雲吞雞 最正常,但約$150，size 細黃金炒飯 用咸旦黃炒預左咸，有旦黃香 但咸味蓋過一切青菜煨麵 從來未食過咁咸既麵，係D麵咸 到不能接受，湯底無勇氣試總結： 半年前食過一次味道都正常， 但今次真係好咸，食物份量偏細， 性價比極低，唔會再幫襯。 入座時剛剛滿座， 唔使等位。 服務態度正常有主動加茶。

今天是星期二,天氣寒冷約了媽媽一起去食晚飯.我們住在將軍澳,當初還沒也打算在哪裡吃.當我們逛街的時候,我們經過新都城2期,之後見到一間上海菜(上海婆婆),我們就毫不猶疑就進入去了,等了5-10分鐘很快就可以入座.我們座了卡位,然後看一會兒餐牌,就點了小龍包,高力豆沙,婆婆旦旦面,三杯雞丁等等......食物很快到,然後先試小龍包,再試旦旦面和三杯雞丁.小龍包非常好吃..吃落去入面很多汁.然後再試旦旦面,好有濃香花生味,面側彈牙.然而三杯雞丁香味十足,值得推介.吃完主菜不能小得甜品.高力豆沙吃落好像棉花糖,非常軟.還有入面所有員工服務態度非常好,值得一讚.非常推薦上海婆婆.

我對上海菜有一點喜歡。所以出街聚會諗吾到食乜，我都會提議食上海菜。今晚約左2位閨蜜聚會，我地3個未試過一齊食上海菜，甘就一於試下啦！我地過左泥新都城行街，兼試下食上海婆婆，我地6點半入座，客人吾試多，有卡位坐，仲要坐得幾舒服😍我地點左以下食物小籠包：必點啦！一份4隻，但嫌皮吾夠薄同無乜汁。雞絲粉皮：普通。無驚喜且份量偏少上海炒年糕：我每次食上海菜都必點！呢間偏鹹，但年糕夠q，都好食既牛輾:我地一致認為好食，夠入味同夠薄，吾黏牙，可以一試䓤油伴面:差差差👎🏻👎🏻，上枱已經微暖吾夠熱，味道淡，一餅野甘！難食！火腿津白：呢個幾好味，汁夠濃同杰。味道幾好🙂我之前食過其他分店都無甘差，呢間吾會再有下次，服務普通，可能平日吾試旺，啲員工都係圍埋吹水多，又無乜禮貌，食物係好快有，但水準差。舉手叫人好似得罪佢地甘，黑口黑面。我地都係想落單姐👉🏻👈🏻我地都有講吾該吾係麻煩咖😞

十年前左右已經常吃這家店了當時穿著中學校服來吃學生餐價錢不過是$25~$30今天想吃上海菜 就來了雞絲粉皮中規中矩 不算特別出色醬汁比較平庸配料、粉皮的質感都不錯翻㗳指數：6.5/10蟹粉小籠包正常，不過不失包頂有硬身的蟹膏裡面也吃到蟹粉的味道翻㗳指數：7.5/10擔擔麵今次麵太淋了我相信係個別師傅問題翻㗳指數：6/10跟餐的迷你素菜包一點也不迷你啦XD還好 皮有點厚翻㗳指數：6/10跟餐+$15 鎮江肴肉硬身，麻麻翻㗳指數：5/10黃金四季豆超多咸蛋黃 心心眼Yummy翻㗳指數：8/10青花椒小雲吞無乜涵料 中規中矩湯底有花椒味翻㗳指數：6/10

今日係雙十一，甘同男朋友一齊睇完戲就搵下附近有咩食。上次去過另一間上海菜，今日行過見到，甘就行去拎票等位。睇下餐牌，見到好多野都啱食，我地二個人叫六七樣，但個侍應都俾咗見意我地，話二個人叫七樣比較多，幫我學落住五樣野先。因為第一次食，唔知啲份量。上海婆婆嘅菜都濃郁，唔似其他餐廳，淡到好似水甘。 呢個紅油抄手，個油少少辣，但係個皮整得比較厚，整體黎講一般。（6/10）呢個係炒粉皮，啲油唔會好多，食落都好香，啲粉唔會一埋埋，但係酸菜得果幾粒，唔係好整到個味出黎。（7/10）抄薄牛，裡面嘅蔥豆香，牛肉加埋蔥頭一齊食，個味好出，但可能比較濃味啲，而且牛肉唔多。不過整體上係ok嘅。（8/10）鎮江小排骨，呢碟係前菜黎，本以為係得少少，點知出到黎啲份野都多，而且口味都唔差，唔會好大陣嘅酸醋味。(8/10)另外仲有一碟前菜嘅荀，但我覺得醬汁落得比較多，食落要飲下茶解渴，我就覺得麻麻。今日食咗五個送，二個人都好飽肚，而且侍應服務都好，佢地都會主動幫你加茶水，整體來說，光售便宜，2個人三百幾蚊，且飽肚，服務好。

今日朋友和我慶祝生日，問我想食咩？我發覺除了酒樓外，新都城大部分食店都是西餐多，所以就選擇了這個上海菜。這間上海菜其實我好少光顧，因為本人覺得這店分量少，等位人多，價錢又唔算平。不過因為有蛋糕的關係，我唔想找西餐廳，因為西餐廳大部份都要收切餅費。今天可能因為平日的關係，很少客人，我們不用等位就可以入坐了。以下就是今次點的菜式：其實今次都唔算太多小菜，因為大家都唔係太肚餓，當然份量和以前食開一樣少，不過算數啦，還有蛋糕做最後包尾。開返食物，今次的食物都算不過不失，不過都唔係太夠味道。不過坐位舒服，職員態度良好，會再去。P.S今次真係唔需要收切餅費😂

和婆婆等長輩食飯，食上海菜就大家都arm口味，加上最近推出大閘蟹粉宴，一於來試下每次都叫的紅燒肉，甘香可口，又非常淋，婆婆牙唔好都食得到，好好味！蟹粉炒飯，色水非常靚，味道充滿咸香，如果炒飯再炒得乾身就更好蟹粉粉皮，好食過炒飯，味道更好，已經好適合婆婆和小朋友食醉雞係必點，酒香十足蟹粉小龍包，唔洗點醋都好夠味擔擔麵，待應見我地有老有嫩，提醒我地會有d辣，非常細心，不過我地一家個個都係食辣的，所以當然無所謂啦，辣d惹味d嘛，來到已有好香，辣辣地又充滿花生香，正餐廳坐位間隔鬆動，婆婆坐輪椅都唔覺得迫，枱面也有足夠位置放食物，係適合家人食飯的地方。唯一不足係始終每碟份量都偏少，大食的人可能要叫多一兩個餸呢。

天鴿好勁好勁，我今日終於可以同屋企人食飯，哇！周圍食肆都冇開，行左一陣，發現原來上海婆婆有開，入到去，知客姐姐好有禮貌地問我地幾多位，安排左一個好舒適既卡位俾我地，坐底後，我地睇下餐牌，叫左我地最愛食既小籠包、排骨擔擔面。幫我地落單既姐姐好細心提我地制作需時，仲問我地要唔要走辣，驚我地食唔到辣。我地傾開計，突然婆婆講：今日打大風，個個都要番工，但佢地都好有笑容、好細心，真係一班有工作熱誠既年輕人，佢地既專業態度好值得我地學習。真是難忘的一晚打風夜，我地都好滿意佢地既態度。

後生女侍應勁串咀！無講唔好意思都不特指，仲串返我轉頭！如果今次唔係同長輩一齊食。我一早就叫經理嚟叫個女侍應道歉！一啲都唔專業。我食緊野佢整到我坐住張沙發越嚟越埋！整郁我坐緊張沙發 嚟整理緊另一張檯。我好聲好氣話比佢聽整到我張沙發！佢就話：「我唔整郁你張沙發我又點擺餐具！」咁我就問佢：咁你知唔知道我比你迫到勁埋？ 佢當時個語氣同表情串爆講：「我真係唔知攞！」一句唔好意思都無講！仲嘴藐藐😠第一次係新都城幫襯啲服務態度差到極點！個個企埋一齊傾計都算..嚟食餐飯都要比靚妹串到呢😡我去荃灣個間超好禮貌攞！