上海婆婆 (上水廣場) (已結業)

一家4口食冬至飯,過節當然要食好D啦~叫左好多美食花雕醉雞-好重酒味而且非常入味!雞啖啖肉,4個人每人都有成3件,份量唔少野五香金錢牛展-呢個一般般~五香味不足,而且切得過薄,咬口不夠雞線水晶粉皮-我的至愛!好重醬料!青瓜多,口感好好!生煎鍋貼-外皮過厚了,不過入面舊肉就大大舊又好JUICY!過得去啦~上湯小籠包-食上海野必食啦~呢個就讚!皮薄餡靚,D湯汁真係精華!蔥花家常薄餅-有成8塊,塊塊都有咁上下厚度,好食唔油利~其實細食ge女仔食左2塊都會飽左一半!婆婆粒粒炒飯-色水夠深,唔想食白飯咁悶叫呢個炒飯都唔錯!好夠味!4人share一兜剛剛好!醬燒茄子-有肉碎,茄子好入味!鹹香蝦球-如果今餐飯要簡個主角~呢碟蝦球真係有冠軍相.見個樣就知咸蛋黃海量咁多,本身個蝦樣都包實哂!食落個陣咸蛋香真係會一世難忘!!不過more taste more fat,係就係好食,不過好高膽固醇真係要節制一下!睇個夠就知呢款菜係用咸蛋黃同蝦一齊整松子黃魚-酸酸甜甜,又香口,唔好魚GE 我都忍唔住食左好多!一家人過節食飯唔洗一定去酒樓,去上海餐廳都一樣有好野食!!!唔係太大家族簡呢間實岩你!

屋企無飯食所以同男友出左去搵食上水區上海菜唔多又唔想行去舊墟果邊，所以黎左商場食桂花蜜汁金沙骨 $78男朋友好鍾意食肉，所以幫佢點左個金沙骨蜜汁金沙骨之前都食過但用桂花蜜來煮就第一次食桂花蜜個感覺仲清新，更加減低金沙骨油膩感蝦籽鍋塔豆腐 $62炸豆腐入面好滑外面有微微既脆配埋醬汁，感覺唔會好熱氣黃金炒飯 $68自己本身好鍾意食鹹蛋見到有黃金炒飯，即係鹹蛋炒飯諗都無諗就點左鹹蛋炒得好鬆散，而且拌得好勻淡淡都有鹹蛋係入邊，好好味韮黃鱔糊 $95叫咗炒飯梗係叫埋個鱔糊來餸飯鱔糊煮得唔好太鹹，有啲之前食過煮得好鹹香蕉高力豆沙 $46/4食完咁多嘢梗係食返個甜品啦食上海野點少得食高力豆沙呢個有埋香蕉係入面香蕉同紅豆嘅味道都好夾而且炸得唔油膩，所以我哋每人食咗兩個

考完試媽媽話同我去食飯慶祝下所以去左附近商場度食媽媽最鍾意食上海菜所以就嚟咗依間上海婆婆話時話開咗咁耐都冇食過松子黃魚 $162依樣餸菜媽媽係必點嘅因為佢去到邊度食上海菜都一定會食呢度嘅松子黃魚做得好好味酸酸甜甜好開胃，條魚炸得好鬆脆連骨都可以食埋，餸飯一流蟹粉小籠包 $78每隻都脹卜卜，所以我哋冇另外再叫飯淨係食小籠包都飽每隻入面都好多汁，不過識講嗰陣時要小心如果唔係會比佢啲湯熨親咀奶滑湯津白 $62津白煮得好稔平時自己煮好難煮到咁嘅效果媽媽話佢地應該拎過去燉整體都幾好味終於係屋企附近嘅上海菜可以多個選擇啦

一般黎講 同朋友食飯  共實好易諗 因為我地真係咩都食不過屋企人唔同  始終食慣左D中式菜  所以其實上海婆婆會係一個唔錯既選擇今晚一共4個人  叫下叫下 都食左好多野   絕大部分野食都岩我屋企兩老既胃口前菜一共叫左三款花雕醉雞酒味夠唔夠? 絕對夠肉質夠唔夠鮮嫩? 都夠酒既香味已經滲入左去雞肉入面五香金錢牛展五香味足   食呢呢款前菜最重要係夠入味 味夠濃而眼前呢一碟都滿足倒我既要求雞線水晶粉皮不過不失之選  醬料充足  如果整體溫度可以凍少少  口感會更好生煎鍋貼外皮可以造到少少脆口   入面既肉汁仲緊緊卦鎖住所以咬落去既時間小心D肉汁會射出黎呀 因為我就係因為咁中左招上湯小籠包你黎得上海婆婆  唔叫返籠小籠包  就會好怪  同樣喇  小心小籠包入面既上湯   仲係熱辣辣 好好味  好滿足嫁!蔥花家常薄餅份量足  如果你點得太多味濃既野  我會覺得的確係有必要點返個薄餅食婆婆粒粒炒飯兩老既習慣係無飯不歡 而呢個飯亦正合兩老既口味重點 我會覺得呢個飯好岩冬天時候食 非常開胃醬燒茄子屬於一個少油版既魚香茄子煲送飯一流鹹香蝦球睇個夠就知呢款菜係用咸蛋黃同蝦一齊整咸蛋味濃 配合埋蝦真係冇得

食lunch去左上水呢間「上海婆婆」食晏，我地三個人點選左：「2客麵點套餐：雲吞湯拉麵+婆婆小籠包4隻$63」、「1客麵點套餐：紅油牛展麵+迷你素菜包3隻$63」，午市係免茶及加一服務費，感覺都幾抵食。🍜「麵點套餐：雲吞湯拉麵+婆婆小籠包4隻」雲吞有4件，餡料都算充足，而拉麵軟硬適中，不過湯底就比較淡。小籠包皮都算薄，不過一夾就好易爛開，令到內裡湯汁都流出來，味道剛好，不會太鹹太濃。🍜🐉🍞「麵點套餐：紅油牛展麵+迷你素菜包3隻」牛展有5件，紅紅既麵湯，未食都已經覺得好辣，味道較雲吞麵香濃。素菜包菜餡有點少，素菜包味道亦尚算不錯。🍜🌱🍞「餐牌」我已經影左上載至openrice既「餐牌」入面啦，方便大家查閱相關菜式。📋

次次都係上海小館有點悶啊，尊登行過黎試試其他上海舖先。但揀錯日子呢，勁多強客及水客囉，大排長龍，好采十幾分鐘有檯坐，但唔係室內位，唔想再等落去，照坐啦。係我最討厭既商場 open area 座位，人來人往眼望望最憎，幸好係坐較中間位置，唔係最外圍?，逆來順受。誰知撞?兩個鄉下佬坐正係隔離檯，狂撩牙吱吱啐啐聲，非常嘔心！怪味雞，嘆上海菜唔係口水雞就花雕雞，搞搞新意思，黎個怪味雞先 ﹗有驚喜，出乎意料非常好食！涼浸浸肉嫩雞香，身材均秤唔肥膩，甜酸辣酒香齊備，混然天成而出色，怪得來又很討人喜歡，必試推介！灌湯小籠包，有水準的演繹，新鮮出爐，熱燙燙，白煙微升氣氛好，使到我食慾大增呀﹗溫柔地用筷子將小籠包黏起，輕輕放在黑醋上，讓她滾滾的身體微微降溫，便立即掉進口中，一咬爆開，香甜濃濃的肉汁激射，加上彈牙的肉碎、嚥韌薄薄的包皮，拼出可口味道，就算自己食晒四隻都唔夠喉啦，4 星的級數！相比之下，上海小館無汁似蒸餃既小籠包差好遠啊。醉辣麵，其實洗咩剪斷去喎，您估幼稚園小朋友咩。拉麵煮得剛剛好，不會過腍，而且夠霆身又有咬口。掛湯力強，酸辣湯帶著豆腐絲、冬菇絲、木耳絲、豬肉絲黏在麵條上直衝肚裡去，good

是日星期日，下午去觀禮前同朋友仔黎左呢度食lunch，座低既時候都已經覺得有d奇怪，有乜理由星期日既12點都可以唔full唔洗等位到到食完既時候我終於明白了我地4個大人1個小朋友食左以下既野金沙四季豆-呢碟係最正常最好食既野，四季豆清甜出面包住好香既咸蛋黃，係呢碟最好食架啦，不過食上海野佢唔應該係招牌菜lor松子炒飯-淡而無味....蒜泥白肉-究竟係醬油問題定係太少蒜既問題？定係我太重口味.....乜味都冇蔥油伴麵-不如直接改做蝦米拌麵啦，成半碟都係蝦米都算...蔥油呢？點解我only食到鼓油味？麵條係好長好長既一餅野，完全冇人幫手剪剪佢囉⋯⋯凍左仲難食，慘不忍睹啊皮蛋豆腐-皮蛋有皮蛋味，豆腐有豆腐味，冇咩特別小籠包-皮唔夠薄湯都好似唔係好熱一人食左100蚊多d，價錢唔係重點，重點係我唔知食左d乜，上海菜唔係應該濃油赤醬架咩？搞咩清清淡淡家常小菜？

久別重逢上海婆婆，食完依然Lamlam利😋醉豬手 - 用花雕酒浸的醉豬手，非常入味。豬手好彈牙，完全冇肥膩感。食完一碟都仲想叫多碟雪菜炒粉皮 - 粉皮唔算太出色，感覺做得偏硬，冇果種彈性。勝在清清地，唔會油膩。排骨麵- 麵既份量比起以前少左d，但重質不重量，麵非常彈牙，完全唔會有過稔既感覺，湯底也都好清。排骨方面，炸得夠脆，不過有少少乾身。樟茶鴨- 哩道菜似北京填鴨既味道更甚於樟茶鴨。個皮整得超級脆，好似乳豬皮咁脆，皮下脂肪都已經消失晒，最重要佢唔係骨瘦如柴既鴨。最後加埋個醬料，如果比埋大蔥青瓜同餅皮，完全就係食緊北京填鴨酒釀丸子- 桂花味好香，酒味不太重，食落去超fresh既感覺，唯一不足既地方係丸子份量偏少。

星期五放工和同事一齊去食飯，天氣熱大家都想食清淡些便選擇上海菜剛好上水廣場有間上海婆婆便去試試等了5分鐘就有位我們三人點了四個餸一個甜品擔擔面小龍包上海年糕炸松子魚最後點了甜品高力豆沙擔擔面的面身軟梗識中，少許辣辣的肉醬右上花生醬是完美配搭松子魚炸得外皮脆，魚身還有肉汁醬汁頗酸很開胃上海少年糕也是偏辣高力豆沙，入口即溶，豆沙甜甜小龍包皮薄有湯汁肉分量有些少400幾蚊埋單輕鬆兩小時

今晚食下上海菜,初時見好多人,原來唔洗等好耐就有得食,入到去環境都ok,地方都好乾淨,不過都要食過先知,跟住叫左個黃金四季豆,小龍飽,火退津白,落單侍應都好醒目,重講埋食品製作時間,夠專業,服務態度好好,等左一陣,野食就黎左,小龍飽肉味好夠,湯味都好足料,黃金四季豆炒得好香,至於個火退津白,正,菜好淋,味道好好,食完晒之後,我都係好飽,真係好好味！

今晚父親節,同家人為爸爸慶祝父親節,嘩！ 7點倒門口已經好多人,重要等位,原來門口已準備有餐牌,等我地可以等後期間睇定食乜喎,重可以自行點定菜先,可以入去即入單,間鋪頭安排得好好,好野可以入去啦,跟住我地叫左幾味菜,唔洗好耐,d菜就黎齊,特別係砂鍋雲吞雞,雞肉好嫩,雲吞好夠肉味,材料十足,松子黃花魚,炸得好香口,酸酸甜甜好開胃,幾味菜都超好味,,真係一定要試下,環境&衛生服務態度都好好,今年有一個驚喜既父親節！

今晚喺上水廣場shopping完，去上海婆婆食埋飯先返屋企，叫咗幾味菜包括上海湯年糕。點知食食下，湯邊見到一隻蒼蠅屍體，跟著用筷子搞兩搞，又一隻菜蟲浮上來，當堂無哂胃口！我唔敢再 "抄" 落去，否則食咗嘅都會嘔番出嚟！之後同經理講，佢話再煑過一碗俾我，但我無信心所以取消。難以置信今時今日做食肆嘅衞生可以咁差！加上店長態度非常傲慢，無論對客人或對員工，都好似不可一世！離開之後開始有啲肚痛，唔知係咪心理影響，定係食物唔衞生引致？總之以後一定唔會再去呢間食肆！

晚餐同家人去左上海婆婆到食晚飯，等左一陣就有位都唔算多人。叫左五個餸，但黎既次序太差，前菜遲過炒飯，主菜又遲過飯咁，呢個就真係唔係咁好，搞到個飯凍曬都未食完，所以叫菜最好分開叫。上海菜當然唔少得小籠包呢個小籠包底部有一片翠玉瓜，防止夾起時痴住個底爆開，幾有心思。真係有湯，仲幾好味呢個黃金炒飯係幾香口，熱食時好野味，老人家都好鍾意皮蛋豆腐一向都係我鍾意食既嘢，D皮蛋仲係流心，好好味，豆腐都好滑咸香蝦球就唔係好得，同相差好遠，太多咸蛋黃，好咸，蓋過左蝦既味道，浪費了前菜四小拼最後才上，有肴肉、燻魚、烤夫、小排骨。肴肉不錯，不肥膩，就是咸了點，燻魚是我的至愛，好味。但烤夫就真的不太好味，怪怪的。整體都不錯，地方舒適，空間足夠。賣單425蚊，價錢都可以

今日約左個friend食Tea ,帶個friend試下上海菜先,入到去環境都幾舒服,原來有下午茶喎！$42蚊有湯麵+點心同豆漿,底食重可以有得選擇,一於試下先,我叫左個酸辣麵+芝麻餅,重加左d小食,侍應落單都好有禮貌,重講埋製作時間其實先頭諗住幾十蚊價錢,味道一定普通啦,嘩。。。原來有驚喜喎,個麵用料十足,夠酸夠辣,芝麻餅外面脆脆地,好特別,至於d涼菜雞絲粉皮and筍都好好味,所以我地下次一定會再黎,試埋其他野食先

今日難得約左寶貝喺呢頭午飯~星期日的下午沒有甚麼地方可以選擇,見都有一段日子冇黎呢到開飯,所以決定比多次機會大家~去到餐廳門口己有一堆客人在等,似乎好多人呢~點知我去到的時候服務員就先帶我入去~噢??原來佢地只係''睇下'',一邊跟住服務員姐姐~佢打算安排我地去埋邊的卡位,我見那邊己坐得密不可分,有位的話都感覺坐得唔係太舒服,幸好我見到另一邊的柱埋有張細枱,於是我就提議轉去那一邊~一坐落服務員姐姐就走左去~我唯有自己睇餐牌啦~寶貝好快就到,我地都好快諗到點乜野食~由於張枱空間有限,所以我地先點第一輪先~正宗小龍飽 - 上枱時已經唔熱,感覺好似放左好耐先比人拎出黎~小龍包皮上層又硬又韌底部又易穿,一個唔小心就好易穿隆了~點埋薑醋,入口冇乜驚喜,味道一般生煎包 - 最遲上枱的菜,仲以為冇落單,上枱時已經冇咩溫度,心中真係唔知道點解咁耐先上枱~底部雖然煎得有點脆,但可能放得太耐,入口感覺肥膩黃金四季豆 -四季豆炒得太淋,咸蛋黃份量太少,整體唔夠惹味,夾埋味道令人失望~醉鷄 - 相信已經係最拿手的小菜,可能浸得太耐,所以鷄肉入口感覺有D老身,一D都唔滑~原本諗住可以有第二輪~經過首輪的體驗,唯