上海姥姥 (已結業)

今日起身喺附近食嘢，我發現有好多鋪頭都冇開。我揀咗好耐，最尾都係揀咗上海姥姥。一行入去，冇乜人。兩個人，食揀咗四樣嘢。雲吞清湯麵湯入面有四粒雲吞🤗，有少少蔥花，同埋麵。雖然雲吞嘅餡料好紮實，但係佢嘅餡料同小籠包嘅餡料好似。雲吞嘅餡料系肉😅，我個人鍾意食鮮蝦多啲😌。而個面就唔係我鍾意食嘅面，個面比我嘅感覺好麵粉feel🤔。蔥油餅喺菜單入面有蔥油餅嘅相😌，所以之前我已經知道蔥油餅係咩樣。佢唔係餅，而係好似一個麵包嘅形狀。原來佢係一個酥皮餅，入面有蔥。上菜時，佢係熱辣辣嘅。所以食佢嗰陣時小心啲，唔係嘅話會整親個咀。佢嘅蔥唔多😒，酥皮好酥😂，但係食完會好口乾。以我食完佢之後，我個人都係比較鍾意傳統嘅蔥油餅。生煎包生煎包有三粒，底面脆口，不過油得濟。生煎包嘅餡料唔係好多，同時間都冇乜湯汁。唔會再想食嘅感覺。小籠包小籠包一籠有四粒，仲有一碟仔薑絲附送。小籠包餡料都多嘅，不過唔係咁多湯汁。雖然佢上菜嘅時候好多煙，感覺俾人係岩岩出爐咁，但係食落唔係，我覺得可以再熱啲。小籠包加紅醋食，係配嘅。我覺得食小籠包加紅錯食嘅時候，好有食水餃嘅味道🤦🏻‍♀️🤦🏻‍♀️，搞到我好想食水餃😫😫😫。菜單嘅選擇唔多，價錢亦唔

食完一籠又接一籠，一個人食左兩籠小籠包都算系皮薄餡靚，小籠包一上台時熱辣辣的，即叫即蒸，唔系蒸定放系度收晒水果d,落完單要等十分鐘左右，不過這時間值得等，用筷子夾的時候要小心，要用埋湯匙盛著，如果唔用，皮太薄好易會穿，因為內裡肉汁比較多，小籠包是用半肥豬肉的，食落香口不鬆散唔太實，咀嚼的時候肉汁佈滿整個口腔，不太油膩，食小籠包最怕皮厚尤其系皮封口的位置，成舊粉甘，但呢個小籠包完全沒呢個問題，值得一食

一家去上海姥姥食飯，有老有嫰，係劣食天堂的天水圍，上海姥姥都算唔錯，係劣之中無咁劣，所以長期晚飯時間，門口都有大量人排隊。今日早食飯，見WALK IN 有位先入去。叫左小籠包、炸銀絲卷、擔擔麵、炸豬扒呢D 大路食物，味道還可以。今次寫呢篇主要係想講 ”砂窩醃篤鮮“，係咸到有苦味，未試過食咁難食的野，大家食左一啖，就停晒手，無人再食第二啖。首先個湯底已經好咸，你唔會去飲，裡面的腩肉夠晒足料，不過咸到有苦味，基本食左一啖，唔吐返出來係因為個人禮貌，所以最後D 腩肉係原封不動，無人食，小棠葉和百葉得個幾舊，唔做大晒鬼，所以盡量清左菜和百葉。唔明點解可以煮成咁。

同朋友食慶祝生日飯，朋友想食上海野見附近新開上海姥姥都未食過，就今晚上試下順手慶祝埋！ 餐廳地方都幾大幾闊落，座位都算舒服！醉雞好好味，好有酒香味，醉雞肉質好嫩滑好入味，師傳好有心機將醉雞排得好靚靚，又切得每件好平均SIZE大細適中，雞皮仲好爽口一d都唔肥，好好味！招牌小籠包，size岩岩好一口一隻，小籠包d皮好薄，餡料好多又多汁，一口咬落去d汁多到流出黎，d肉汁幾好味，餡料既肉又夠味！排骨炒粗麵，炒得幾好色水好靚，雖然有d油，但味道唔錯，粗麵食落都有d似烏東但比烏東好食既，排骨夠淋又夠味，份量仲要幾多下！紅油抄手，少少辣幾好味，雲吞包得好實淨冇散開晒，皮薄餡料多，食落啖啖肉，好味！酸辣湯，唔算好辣好足料，都唔錯！最後難得呢到有雷沙湯圓，當然唔會放過.仲要都好好食，湯圓唔會太厚皮，一咬芝麻糊慢慢流出黎，好有小時侯既感覺，好回味！ 因為而家真係唔係度度都有得食！

服務態度好差囉。…本人禁飛排隊攞位等咗差唔多兩個鐘。咁我哋四個人去食，禁飛禁咗三至四人位，當嗌到我地個飛號碼既時候，個服務員問我地系唔系四個人。之後我話系啊，跟住個服務員帶我地入去坐低。咁當時我地三個人入去先既…因為媽媽行開左就叫我地入去先，轉頭先番黎。咁好啦跟住我地坐低個服務員呢就走黎問我地乜你地唔系四個人咩。之後我話系啊距轉頭行過嚟。個服務員即刻同我講你地未齊人起身讓俾下一張飛嘅人坐…齊咗人先再等過啦。我聽距講完興過火屎。乜依家做生意系咁樣架咩…咩服務態度。

上次試過馬鞍山果間上海姥姥, 感覺不錯. 今日做收工, 在銀座又見到上海姥姥剛剛開左, 不過今日老婆不在身邊, 自己試住先! 咦, 不過裝修好似唔多一樣, 呢間暗D, 但都有大大個姥姥在牆上!雖然要排一陣隊,不過好彩我一個人都唔駛等好耐. 因為太肚餓就無心機慢慢睇佢個menu, 雖然之前馬鞍山食過好多次, 但今次都係穩穩陣陣叫左個擔擔麵同醉雞.好彩黎到個樣同menu都差唔多. 醉雞d酒味幾香, 都好多肉食. 個擔擔麵都幾大碗, 個湯好啱我口味! 少少辣又夠曬香, 值得一讚佢個麵真係有彈牙到, 同平時食其他地方嘅真係口感有d唔同, 手拉真係可能唔同d 掛.埋單爽在無茶錢無加一, 上海菜咁嘅價位算係咁啦呢d口味應該啱曬d長輩, 好想試下個醃篤鮮, 下次同屋企人黎應該可以再試, 再抵d!Btw環境有格調, 空間感都好夠, 不過見幾多人出面排隊就費事坐太耐.值得一戰再戰!