上海姥姥 (已結業)

上海姥姥係頌富都開咗一段時間，隨著商場其他食肆開張，而家終於無乜人潮。上海姥姥店鋪設計開張, 有上海特式得黎又現代, 亦同其他分店一樣有個開放式廚房任你睇。menu選擇簡而精。招牌小籠包: 小籠包皮薄餡靚多汁, 不錯。五香牛肉拉麵: 牛肉切得非常薄, 拉麵分量少，湯底比較清淡。拉麵麵質幼身, 柔中帶韌有彈性，而且是師傅手拉的。姥姥手製排骨拉麵 : 呢個唔記得影相, 豬扒炸得好脆, 但比較乾身。姥姥生煎皇:即係生煎包 咬開後有小量湯汁便流出，肉汁鮮甜, 底部包皮煎得香脆似餅乾, 好好食.水煮牛肉拉麵: 味道普通, 唔太辣, 牛肉份量多。食物質素還可, 但服務普通, 因為服務我們的侍應姐姐好似發夢的下錯單, 部份食物等左好耐, 仲去左隔離枱, 拎到比我地果時, 己經凍哂。

老婆瞓醒起身話想去上海姥姥食小籠包，梳洗完就落去拎位啦。其實我地都隔左一排無來帮襯，因為佢轉左餐牌後無左我地經常食既上海炒年糕同粗炒，轉左吾正宗既上海菜飯。12點幾落到餐廳，暫時未多人，好快入座啦四川麻辣擔擔麵，湯底幾惹味，花生醬香味幾濃，麵質如果彈d會更好，總括算吾錯。原味小籠包，呢個質素吾錯，來親都會order來食😋 皮簿料吾錯，湯汁算多👍🏻水晶肴肉，無乜味道，除左咸味姥姥生煎皇，同一般上海店食開生煎包皮質感好吾同，吾太習慣👀

放假又系瞓醒食午餐的節奏，今日瞓醒就快12點，起身後想食小籠包，屋企附近得上海姥姥。自從佢轉左餐牌後，老公話要少d帮襯佢，因為佢轉餐牌後無左炒年糕同上海粗炒呢d上海名菜😱😱😱 真系扣曬分🙈12點幾餐廳未多人等位住，我地等左吾夠5分鐘就入座啦小籠包，呢個我覺得系幾好食既。呢個生煎皇，我覺得同我食開既生煎包口感好吾同，佢個皮似小籠包皮，個底都算脆水晶肴肉，呢個真系好一般，我只食到咸味😣擔擔麵，呢個我order過好多次啦，水準ok，個湯好濃好香😋於免加一服務費👍🏻👍🏻感覺上真系抵食好多😂如果餐牌加番炒年糕同粗炒感覺會全面d。

今晚想食上海菜，嚟到上海姥姥，居然冇上海粗炒，砂鍋雲吞雞，上海炒年糕，唔知佢想點，我以為自己眼花，搵咗好耐，終於忍唔住問個侍應，佢話:係呀轉咗餐牌，已經有一個月啦。攪到我唔識點菜，好彩還有個小籠包，再叫個醉雞，京蔥牛肉飯，上海豬排麵，同涼拌貢菜，但就冇我最上海粗炒。然後快d食完就出M記再買安格斯牛肉包，真無癮

又同媽咪食依間野 叫左必食既 小龍包先 之後叫左個石頭鍋飯 同甜品小籠包 每次黎都叫 因為中意食 幾好呀 食既時候仲有湯 不過有一個夾攔左 d湯汁漏曬出黎有喲可惜本身係想食炒飯 但唔知點解冇左 得番石頭鍋飯 照叫啦 牛肉頭鍋飯 我食左啖熱得制6到個咀 味道好好可以牛肉唔知點解好韌 但都算多牛肉既 甜品 豆沙鍋餅 好食 煙煙韌韌甘 但好少紅豆蓉 加上分布得平均令好味程度大大減少左 三樣入面 我最滿意既係個甜品 本身我吾中意食紅豆但媽咪中意食先叫 下次依個可以再食（以上為個人意見）

平時經過成日見好多人排隊，難得星期日屋企齊人食飯，決定去試試上海野！可能因為時間尚早，未有人等位。空間唔算大，座位亦都唔多，不過尚算舒適，有熱茶奉上。先點一個自選的前菜拼盤，我地點左醉豬手、素鵝及口水雞。醉豬手幾爽滑，但唔夠入味，酒香略為不足；素鵝好脆，夾埋冬菇餡幾好味；口水雞幾嫩滑，冇肉味係意料中事，不過醬料好惹味。拉麵麵質偏軟，但湯底冇咩味，好平淡；排骨淹味太重，比起脆用硬黎形容更貼切。年糕超大碟，足料而且年糕幾煙韌，不過調味少少唔均勻。整體黎講就係大件夾抵食，味道只可以稱為不過不失。

工作關係，今日嚟到天水圍。唔知邊度有嘢食，行到呢個商場見到呢間唔使等位就走入去。聽個名以為係同上海婆婆姊妹店，知道係大家樂集團嘅就覺得係山寨店😂裝修靚既至少坐得舒服。三個女仔叫一籠小籠包，同事P話想食雪菜肉絲炒年糕，同事V就話想食上海豬扒炒粗。咁呢就叫咗嘢食啦，呢度杯茶好香水仙花味嘅，真係勁香😌飲咗入口都仲有陣花味，真正既齒頰留香。第一個上菜就係小籠包，熱辣辣既有湯汁個皮仲唔硬啊好好味。到個雪菜肉絲炒年糕成個白雪雪，年糕切薄片嘅，夾上去都幾薄，但煮得唔夠耐我覺得有啲硬。雪菜已經夠喊⋯⋯佢仲落鹽淨係食到死鹹。佢有啲竹筍絲，但係好老咬落仲有渣。之後炒咗個上海豬扒炒粗，勁大碟，但睇嚟師傅睇漏左，啲冬菇粗麵同菜都見到有燶，成個粗炒一浸𤓓味，我食左啖豬扒好鞋麵好彈，同事頂唔住叫換。佢地好好喎😮即換，新鮮炒出黎果碟好好多，賣相靚仔都係大碟既，不過係淡口既。以為係食果碟鹹年糕令味覺有偏差，飲左杯茶沖沖口都係無乜味。侍應酙茶好密又有禮貌，竟然唔使加一。不過一致認為無set係唔得。

是日入天水圍探親，諗住就食個下午茶，就試下上海姥姥，點左一份蟹粉小籠包，招牌小籠包，醉雞，醉豬手，酸辣湯，紅油抄手，一杯鮮檸香薑蜜，出黎賣相中規中矩，味道就一般，最失望嘅係蟹粉小籠包，一口咬落去，腥味極重，係好明顯唔新鮮，咁就同女店員講，但佢嘅答案竟然係：（蟹粉係腥架喎，係咁架！！！）我又唔係第一次食蟹粉小籠包，腥到完全落唔到口，我只好叫佢攞走，到埋單時，亦都無任何一句道歉或取消order，咁樣嘅服務，咁樣嘅態度去對待客人嘅意見，咁樣嘅餐廳，唔會再有下一次

是曰晚餐食下連鎖集團的上海餐廳。上海婆婆食得多，食上海姥姥都是第一次。原來名有相似但不同集團經營，前者同翡翠拉麵同一集團，後者是大家樂集團的。今晚我地叫左小籠包，蒜蓉芥蘭同蝦仁炒飯。小籠包一籠四件，小籠包包皮很薄，湯汁很多，有肉味但唔係好重鮮味。味道雖比唔上翡翠拉麵但比大部分的算不錯。蒜蓉芥蘭，好夠鑊氣，有蒜汁，芥蘭爽口,不錯！蝦仁炒飯：只有三粒蝦仁，有D無味的瘦肉同旦。炒飯的味道好清淡，無乜油，飯粒分明但無乜味道，只可以叫這個健康囗味罷！講真大家樂的炒飯惹味D同平好多。同等價錢，翡翠拉麵同鼎太豐味道好得多，怪不得人龍不絶；而同類的上海婆婆味道好一點點。

在頌富心血來潮想食碗上海面， 尼間係獨市， 一個人等左5分鐘就入得：雞絲煨面， 湯底夠滑口， 可以當湯頭飲， 面質淋左D, 其實成碗都OK的涼拌海蜇， 唔係好靚的海蜇邊， 有少少“鞋口”， 但份量好足， 點少少醋好好味價錢唔係平， 但閒時間唔中一食， 都可以的

生為天水圍人都知，天水圍真係美食沙漠，人多餐廳少，少選擇！得知頌富商場開左上海姥姥，鐘情上海菜嘅我，真係要試下！夜晚730左右到，要等位，店內吾大，都幾多人等，前後等左半個鐘左右，坐位都幾迫下，不過店內夠光，仲有個玻璃窗見到師父整包。入座後即有熱茶，茶熱都幾好飲(我係茶怪)睇完餐牌，order左(二人):-口水雞吾似食口水雞，只覺得係辣椒油浸雞-小籠包Ok可接受，就是普通小籠包-生煎包個包底係脆嘅，吾油-擔擔面濃味，重花生醬，太重口味適合2個人分享，1個人食好濟-豆漿豆味幾重總結：突然想食上海菜都ok嘅，無特別，不過不失。。

店外是有寫明全數齊人先可入坐。門口冇多張枱也只差一人，但仍不能入坐。這所謂的規定多令人討厭。門口堅持要等齊人先可入坐。以後也不會再來。如要控制人流，可以限用餐時間。

張收款寫明要齊曬人先入得。今日我去食飯，不單只我，就連其他人，只差一個人都唔比我地入，要做到咁咩。入到去咪一樣會叫野食。一個人未到都唔比入，咩道理，食住等都唔得既？

因頌富有新店，未有機會去食，今日就同媽咪去左試，因為知道係多人去,所以六點已去伶飛，但都要等左9個字先有位，2個人叫左3樣野食，小籠包、上海粗抄&擔擔麵(麵+$23有一份排骨)。小籠包，湯汁，皮唔易爛，上海粗抄，我覺得味道較淡，肉絲較為少，因為本人唔食辣，擔擔麵我要走辣，麵非常彈牙，花生醬也夠味，建議試試，最後份排骨煎得金黃，賣相非常吸引，食落有少少薑汁味，但我覺得有點乾身。

琴日屋企人話頌富開左新食肆,難得呢幾日我都在家於是就決定今日LUNCH HOUR 去試下我地諗住新食肆都多人貪新鮮食架啦,所以預早左出去,怕有排等等左差唔多九個字左右,侍應問我地坐唔坐BAR 台, 我地為左有得快D食,都冇所謂啦我地3個人叫左4樣野試下小籠包都唔錯,夾起個頂唔易穿(除左個包底痴住張紙另計XD)好香,好多湯汁,舊肉都幾彈幾JUICY 摺痕都明顯,不過個皮再薄少少就VERY GOOD 粗炒幾入味,有肉絲,菜絲同菇排骨拉麵+$23 可以多一份排骨, 好鬆,金黃色既賣相唔錯,拉麵應該係即拉即整,口感煙韌最後最後啦,就係銀絲卷,之前睇過個飲食節目話,銀絲卷係有512條絲架唔好睇佢好似好易整咁,都有好花時間咁拉完又拉,拉完又拉,再加個包皮包住512條絲既包心不過4樣野食之中,呢個比較失色D, 因為佢個包心比較韌,同乾左D咁TOTAL 埋單唔洗200