上樓

平日與父母出外食飯也是食粵菜，父親生日便試下食上海菜。這一間是稻香集團，價格相對便宜。四個人點了六個菜，食不完打包了一些菜回家。鎮江肴肉，一碟七件，是有點鞋但味道還可以。黑醋排骨酸酸甜甜，有很濃的黑醋味道。再配上菠蘿和桃很醒胃，個排骨沒有肉全是骨。甜酸魚也是酸酸甜甜，魚是很滑但食得出是雪的魚。而且魚不夠入味，淡淡的。上海抄年糕沒有什麼特別，醬汁很淡。紅燒元蹄，肉質很鞋和醬汁很鹹，不建議大家食。雲吞雞很大窩，應該有半隻雞。湯是奶白色，味道不錯，不過相信加了味精。雲吞也很大隻，餡也很足。四人食一窩已經很飽了。晚市時間也沒有滿坐，是在旺角中的一點寧靜。菜色不過不失，不要期望很出色，但也不會太差。但如果想在旺角靜靜地用餐，是不錯的選擇。…查看更多

在旺角遊蕩前就先填飽肚子，想起好久好久都沒有到過上樓飲茶了，只記得那幾次到上樓都需要用頗長的時間去等位，既然今天時間如此的多便去等等位吧。電梯開門時並沒有以前出不到門口的情況，原因是知客處是一個等位的人都沒有，後來有幾位食客相繼前來不過他們都是去隔離間潮樓，而我從門口往內看，潮樓人煙鼎沸但上樓就非常寧靜，由於”人潮”這個東西是中伏指標的其中一個主要因素，但我自己同自己說：”平日下午少人黎飲茶都正常丫”，加上潮樓的門口沒有放到點心價錢表，反而上樓就有，明碼實價應該都不會伏得太盡吧﹖雖則內裡人少，但偏安排到坐廁所旁邊那張四人枱，向來我是極討厭/反感坐著近廁所的周邊位置，我以為那好幾張八人大枱是不能給一人前使用，所以我唯有忽略陣陣由廁所飄出來的氣味混合濃烈香精的味道吧。(事後見到有一位大叔自行走去八人大枱坐，店員都無阻止。(天啊…))點心紙有兩張，仔細閱讀過後其實特價市段和正價時段都不是差太大的價錢，頂盡都是兩元之差。特價點心紙上的項目在我平時在稻香飲茶時都吃慣吃熟了，所以就無什麼興趣，不過小食方面都幾吸引我，但在想吃又不想吃之間，最後決定點選兩款只在上樓有的點心吧﹗不過菜蔬點都要吃，於是要了鯪魚球灼西生菜$12.80，份量算多了，菜有半飯碗，魚球有四大個，吃完都有三成飽。蒸銀絲卷$10.80只是一條又短又幼的包子，吃三啖就完了，非常呃錢，很離譜，重點是中間都不是一絲絲的條子，我都不期望有千絲萬縷啦，但都不要和饅頭一樣是實心吧﹖那我不如選擇吃饅頭﹖起碼同價錢之下一籠都有三個包吧。個人好喜歡吃餃類，所以看到有蒸的﹑煎的﹑湯的如此多花款好老實我都好想試哂，那當然是不可行啦，所以以菇類為主的北菇水餃$12.80會優先。份量是很迷你的，只有四粒小小的，用了較鹹味道的白色湯做湯底，但不是魚湯的味道，餃子吃到有陣陣冬菇味道，肉餡上的確有幾粒冬菇，不過餡內就沒有的，豬肉餡很多油汁，吃到必出來，可是味道稍鹹，而且質感實實的。上樓的點心份量都是偏小﹑偏細的，可能這個原因就不吸引到食客了吧，每一樣事的發生總有其原因，今天我明了﹗如果不是有碟菜頂一頂相信我都要多點兩款點心了，其實是我不想再花費在迷你點心之上，唯有猛喝茶來填補餘下胃納吧。…查看更多

下午3點來到上樓，居然唔駛等位，記得2年前時常來飲茶，3點仲要等位是等閒事，今次店內只有少數人，還可以坐窗口位，真是太好了~這家店一至五特價下午茶點心價錢為 大點:$20 中點$16 小點$13，而且免茶同加一，明碼實價，真係好。今次叫左兩籠小籠包，做夏日優惠，只是 $13 一籠，價錢是平的，可惜小籠包不夠熱，只有少許肉汁，不好吃。香菇素菜包 ($16)一籠三個，即叫即蒸，可惜包太濕，賣相與食味打了折口，內裡餡料有香菇粒和白菜仔，都算好食，如果包乾身就好味得多了。本身叫了高力豆沙，後來店員告訴我們已賣哂，轉了鮮肉小雲吞 $13以為小雲吞的SIZE一定好小，點知錯了，都不知幾大粒，同正常SIZE無分叫，而且一客5粒，夠抵食，雲吞皮超級滑溜，好味~ 不過內裡的餡同小籠包一樣的，即是今餐吃了好多用不同皮包著相同肉餡的食物了~…查看更多

一般對上海菜冇咩興趣,但身為半個上海人又怎能不吃呢小籠包皮厚又蒸得唔熱,可能係番蒸燻魚個汁杰咗D,尚算可以,雞絲粉皮甜咗D,個炸銀絲卷就細到離普,一啖咬得晒回鍋肉炒年糕最對板,醉雞一般水準,最好就係D茶,夠晒濃由於以上食品未有信心関係,所以放棄咗最想食嘅酸辣麵…查看更多

上個星期五同舊同事食晚飯,有兩個舊同事結婚了,要派帖啦!! 訂左呢間上海酒樓,我地有六個人,見到有一個套餐好抵,半席都係498,仲要全包,真的唔叫唔得,我地就叫左半席啦.半席要選三個涼伴小碟,我地選左素鵝,油炆小竹笋同埋雞絲粉皮,仲唔到雖然係話三小碟,但係都唔小架.雞絲粉皮好香花生醬味,加埋d青瓜絲一齊食就唔會咁漏啦,好啦喎.素鵝份量都唔少喎,每人都有一伴,還可以食多半件,用料好足,入面有一些紅蘿白絲及其它疏菜絲,味道都幾好及幾香,唔會好漏,好味道.竹笋則麻麻地,咩配料都冇,只係得些尖尖地長長地細細條的竹笋,感覺有點怪,可能係咁食唔慣啦,不過其他人都覺得麻麻地,同埋以為係一片片的竹笋及有些肉.跟住等埋另一個人嚟到先叫起菜,唔知係咪因為好抵食既關係,所以都好多人好full.其它的餸菜方面:干燒老虎蝦跟粗麵底,隻蝦都好味,都幾大隻及爽口,個汁唔知係咩汁,辣辣地,甜甜地咁,麵係似鳥冬咁既感覺,味道ok,份量都唔細砂窩雲吞雞煲,這個足六碗還有餘的,味道較淡,不過都好足料,有津白,雲吞,雞我見到有雞脾,個湯係奶白色的,都好有火喉.糖醋五柳石班,這個好好味,好香及條魚好脆口,肉質都算滑,個汁酸酸甜甜好開胃呀,同埋條魚都好大條,唔細架三鮮炒年糕,我覺得這個麻麻地,可能我鍾意食雪菜年糕多d,所以這個帶點蠔油的汁我唔太欣賞,年糕切到一條條狀的,有些肉片及菜紅燒元蹄,這個好香好好味呀,元蹄雖然係肥,但係炆得好淋好入味,真的係入口即溶,雖然好飽但係都忍唔住食多兩件,肥肉真的好似綿花咁淋,又唔會太咸,好好味呀!!有一些小唐菜伴碟江南脆皮燒雞,因半席所以有半隻雞,都幾香脆的,味道ok唔算太出眾,雞肉唔算太滑,好味的.本來這個餐係跟豆漿的,但係賣晒,所以改了雪梨水,但係好難飲,我只飲到煙味,好怪的感覺.最後的桂花紅豆糕賣相都好精緻,但係好甜呀!!我地六個人食到好飽,還食剩好多嘢,最後仲打包走添呀!!真的好抵食,唔使500元,食到個個飽晒,味道都ok呀,服務都好好,仲要打包走.....真的冇得彈!!…查看更多

很喜歡在這間酒樓飲下午茶 , 原因是它的點心除了廣東點心外 , 大部份都是京滬點心 , 很有特式 , 味道亦不錯推介你開茶叫 [ 人蔘烏龍 ] , 甘甘地 , 很香 , 飲下去喉嚨都感覺很甘香每次我都會叫些不同的點心去試試 , 這次發現一個點心 [ 蘿蔔脆 ] 很好味 , 它外表炸得香脆 , 但咬下去卻很軟滑 , 而且裡面很豐富蘿蔔絲另一樣 [ 雪菜毛豆腸粉 ] 是我朋友叫的 , 也是不錯 另外小籠包 , 蛋白瑤柱炒飯都是我每次會食的 , 推介埋俾你地吖 ~ …查看更多

今年開始, 我地呢班低能表姐妹決定每逢有人生日就出黎慶祝, 頭炮係食上海野~ 上樓我自己都黎過一次, 講真d野真係好抵食, 唔收茶錢同加一, 而且坐得都幾舒服! (本人太遲寫呢篇食評, 聽聞價錢加左, 詳情請參考其他較新鮮既食評啦~)今次我地5個人叫左12碟野, 埋單都只係$444 (嘩~ 對慶祝生日既我地黎講, 呢個數有d唔吉利, 早知叫多碟野啦~~)左上: 鎮江肴肉~ 肉質乾身左d, 好鞋口, 味道一般。右上: 雞絲粉皮~ 好食, 如果可以再落多d麻醬就仲好!左下: 椒鹽排骨~ 超香口, 好食到要夾埋d炸蒜頭黎食!右下: 紅油抄手~ 唔食得辣既我都覺得完全唔辣。]左上: 上海粗炒~ 唔算太多油, 都可接受。右上: 炸銀絲卷~ 炸得岩岩好, 顏色金黃, 一定要點鍊奶食!左下: 咸肉娃娃菜~ 咸肉得兩三片, 但真係好咸~右下: 蒸銀絲卷~ 因為有人唔食炸, 所以叫多條蒸既, 但都係炸晒好食d~左上: 灌湯小籠包~ 皮略厚, 湯汁少, 但味道唔錯。右下: 高力豆沙 x2~ 好好食, 豆沙唔會過甜。…查看更多

朋友介紹，諗住一嚐呢間上海菜。入到去覺得裝修怪怪的，同網頁張相相差好遠，酒樓唔似酒樓，打冷唔似打冷，連正式餐牌都冇個，得點心紙，款式少到揀唔落手。壽眉冇茶味，茶壺杯碟又怪相，侍應亦冇禮貌...最後揀左五款比較穩陣既菜式：落完單約8~10分鐘，開始起筷：雞絲粉皮 - 真係唔值 $50，份量又少，又冇乜味，粉皮又唔滑又唔爽，冇乜雞絲同青瓜，醬味又麻麻，食過任何一間食店既雞絲粉皮都好過佢。半隻雞 - 唔記得隻雞咩名堂，但係隻雞瘦到骨多過肉，皮又唔夠香，肉唔滑，冇乜雞味，又唔足半隻，從未見過雞脾切得兩舊肉一舊鎚仲要係好細舊。小籠包 - 好細粒，普通貨色，雖然有湯但係肉味淡，$36/6件唔太值。黑醋茄子排骨煲 - 確實係有個煲，但係只有糖漿冇汁，D糖漿厚到一pat pat，D油仲多到成煲野閃令令，茄子有皮冇肉仲咬唔爛，排骨同豆角只係食到糖漿味而唔覺係黑醋味...多油多糖都叫「有營」？水煮魚 - no comment，因為我冇食，朋友就話好辣，似魚柳多過新鮮魚肉。上海粗炒 - 最後先上檯，好細碟，好似要$4x定$5x，連茶餐廳貨色都不如，又硬又乾又冇料，肉都冇多塊，真係齋炒烏冬。食完個個都好似冇食過野咁，我就淨係覺得食左好多油落肚，完全冇營！最後侍應見我地碟碟差唔多清晒，連唔好意思 / 唔該都冇聲就急急腳收晒D碗碟，好似想趕客咁。埋單三百幾，一D都唔值。估唔到稻香集團會出產呢種質素既食館，客家好棧同稻香酒家都唔會差成咁，以後唔會再黎「上樓」。…查看更多

是日是本人和老公的拍拖週年紀念九點半去到個個侍應都趕住收工一入去帶左我地去張坐墊爛左的卡位都唔緊要 我地就叫左幾個小棻得個辣字，一D都唔香好少料，無難食成份鱔糊都幾香，不過鹹左D做得好求其，好似得花生醬味咁，雞肉同青瓜又少D肉結哂冰，跟本未解凍，都唔知放左幾耐！依個似D樣，係即叫即做，夠熱夠脆其實最初我地係叫高力豆沙既不過食到其他野食哂都未黎咁就問個侍應啦佢竟然問我地又無叫！跟住話已經賣哂我問佢做乜之前唔同我地講佢無解釋亦無道歉只係叫我地轉豆沙窩餅態度真係好差隔左5分鐘又有第二個侍應問我地D野黎齊未因為佢想我地埋左單先一味就想收工收工又唔上齊D棻!!兩個人食左二百幾唔算貴但真係唔會再去…查看更多

以前一諗起想食上海嘢有九成會去上樓！好可惜咦家差咗好多!! 直情要用爛來形容!!!!!!!!上海粗炒：你點都估唔倒佢哋可以整到D味道同公仔麵D味精粉一樣味!!!!!!!雞絲粉皮：賣相超差，成碟嘢好似比人食過咁！好離普!!!!!!!醉雞：雞皮多過肉，成碟無食過!!!!!!柏青瓜：超唔新鮮!!!!已後唔會去了!!!!!!!!!!!!!!!…查看更多

今日約左朋友去食呢間野.我們好早下午5:45就到.咁好啦等左好久,話就話6點開市,不過我們等到6點3先入得去坐囉坐下了就點野食, 我們入到去個時都得2-3枱客.個些waiter好似唔見到我們咁都唔行來下單,等左好久先來下...我們叫左幾款野,有辣辣的同甜甜的辣白鳳爪<<<辣道可以(唔食得辣的人都接受到)黑醋塘排<<<<都幾好啦.不過d波蘿就係雜果罐頭的味(肥肉多左d)口水雞<<<<超超超辣加麻.辣到食唔到...要用水過幾次先食得....擔擔面<<<<一般...唔辣但油好多高力豆沙<<<<呢個真係可以俾得高分d.因為多豆沙.食左唔覺好肥膩...唔係太甜.口感好好煎姣<<<<唔錯...多汁.唔太油...香脆可口小籠包<<<<一般...皮方面都叫做可以(不過一夾就穿)<唔知係唔係我們個個都好大力夾呢...多汁…查看更多

見網上面既留言多數都正面,所以就決定試下呢間。最鐘意係椒鹽骨同擔擔麵,炒飯比較硬,麵好食d~我地叫左兩個麵,1個飯,2個冷盤,2客小籠包,1客窩貼,仲有1客生煎包...好豐富!!埋單要HK$450, 我地4個人, 其實依家出面食野閒閒地都要HK$100一個人, 所以價錢都算合理既~ 服務ok, 唔會唔認你。(星期三7pm左右已經全場坐滿,最好book左台先)環境ok, 好過街鋪lor, 唔使匆匆忙忙食完就走。我地都好滿意﹐會推介朋友上黎試! …查看更多

最近稻香推廣1蚊1隻雞,聽人講唔係要吃滿幾多錢或者按人頭計先有得吃1蚊雞.所以星期六晚同男友親身試下...原來唔係扼人架喎...佢地話供應時間由晚上六點到九點.等位的人也不算想像那麼多..所以等了5分鐘侍應就安排了近窗的卡位給我倆.當天我和男友真係為了吃1蚊1隻雞..所以叫了1蚊雞和1碗菜麵,雞是冷盤來的.份量方面也是正常酒樓說1隻雞的份量..不過我男友話應該都係唔夠1隻雞的..不過1蚊喎..仲想點...雞表面舖了麻醬,花生碎,粉皮和青瓜絲,感覺清涼適合夏天吃^^,菜麵...以為是清清的...但上桌的時候覺得他們應該是用雞湯來弄而且超多肥油...麵較淋本人較喜歡硬身一點會好一些.而且這間上樓是免茶芥和加1服務費的.所以埋單真係33元啊...嚇親..真係超平..下次再試埋稻香集團旗下其他的食肆試下另外的1蚊雞先得^^ 呵呵^^…查看更多

今日睇聖誕節同媽媽一齊行完街就去飲下午茶, 簡左去上樓食。唔~~要左一壺鐵觀音, 佢d茶都幾香, 但o的茶葉就碎左d啦!叫左一個帶子蛋白炒飯, 佢真係炒到o的飯一粒粒, 香只噴噴呀!仲要有勁多帶子, 勁多料!!因為阿媽話要食叉燒包, 所以叫左一個叉燒包~個包都好軟熟, 算唔錯~可能因為係連所集團既關係, 我覺得同稻香o個o的好似無咩分別war...兩個人食左一碟飯, 一籠叉燒包, 都唔洗八百蚊, 真係抵!…查看更多

一家人聚埋 想食上海菜 就腳登上旺角"上樓" 雞絲粉皮(兩客) 好夠凍 麻醬夠多夠香 唔錯 肴肉 好夠凍 但無乜味道 醉雞 唔夠凍 又唔夠酒香 賽螃蟹 算幾香滑 又大碟 金錢餅 好香脆 芝麻味夠 回窩肉炒年糕 回窩肉好惹味 年糕好煙韌又夠大碟 担担麵 麵夠爽 湯夠香濃 小籠包(一籠6只) 皮算薄 肉汁多 味就欠了點 大班炒飯,上海粗炒 比較油膩同鹹 普通貨 我最BUY高力豆沙(一客4只) 其貌不揚 食落又得 鬆軟夠熱 唔過份甜 總算價錢合理 免收加一,茶 六個人食得飽飽走人 ###留意到"九點後"有指定既食品可享用七折 有心人唔怕夜不妨一試…查看更多