上村牧場 (已結業)

呢間係朋友食過話好食介紹嘅本身就唔鍾意食任何形式嘅放題，不過呢間都嘗可一試。我地order薩摩牛個set，五百幾蚊加一每碟細細碟，大約都試左menu上8成嘅牛。最好食係點蛋汁嘅壽喜燒，仲有無限雞蛋供應侍應姐姐好勤力好好禮貌，淨係換網都換左6次，又主動換碟，細心。依度座位較窄，如果肥少少應該會坐得唔舒服。同埋飲品少選擇，一係茶/咖啡，一係汽水，一係超甜果汁。加錢可以有酒精飲品放題，不過因為有下場所以冇嗌。最後我係選擇飲水。可能因為weekday去唔算忙，夠鐘都冇趕我地走。下次可以再嚟👍

今晚朋友請食薩摩牛放題, 日本過江龍和牛放題店, 夜晚放題時段有薩摩牛任食, 價格其實唔貴, 而且座位舒適寬敞, 店員招乎好又有禮貌! 電子落單, 超方便, 仲有路軌式輸送食物, 乾淨衛生! 同埋放題最緊要係上菜快, 轉個頭就送到枱邊!松露風味牛排成塊上, 唔會唔捨得俾你食, 肉質鮮嫩, 肥瘦適中.薩摩牛牛五花薩摩牛牛里肌肉薩摩牛涮涮燒顏色鮮紅, 肉質一望就知係新鮮上等級數, 無論牛五花, 牛里肌肉定係涮涮燒, 燒完都係超嫩, 一D都唔韌, 香味濃郁, 忍唔住再叫左2次.薩摩牛炙燒壽司估唔到壽司都會入口即溶, 只係薩摩牛輕輕火炙, 牛既香味就飛哂出黎, 唔覺意滑左入喉嚨!薩摩牛壺漬通常燒和牛加鹽作少許調味已經足夠, 但係用自家秘製醬汁漬製後, 又帶出另一種味道, 真係越食越停唔到.極品嫩肩牛軟冧冧, 配上洋蔥同醬汁, 只係燒左一分鐘, 嫩滑!牛油帆立貝燒帆立貝都唔細粒, 配搭牛油, 仲有大量洋蔥伴碟, 連錫紙盤整盤放上爐燒, 燒一陣已經聞到香味飄出黎.燒雞心大大粒雞心, 要慢慢燒, 燒到皮脆內軟綿綿, 當然因為內臟, 本身質素要夠高.牛骨湯拉麵牛骨湯超濃味, 麵質好似係日本拉麵店食既質

疫情已令大家冇哂意欲出外，今日有意冇意發現這間烤肉店。令我感覺新鮮。門囗不是什麼特別裝修，用 open rice訂位，未坐下前先點餐，揀了經典。座位舒適，有籃子放私人物品。100分鐘任意下 order, 食物很快經路軌送到，服務員又經常整理枱面，態度親切，感覺良好。食品質素好，選料上乘，可能好久沒有烤肉，所以用了重質不重量的心態品嘗。價錢合理，$3xx/位, 加一，再用 open rice 的優惠，$50，等如省了加一，值得再次光顧。

今次已經係第二次黎，上次同老公去食已經大讚，今次再同同事黎，依然係咁好食，平時食放題質數會好參差，但因為上村牧場係鹿兒島有自設農場，所有能夠以最低價錢食到A4和牛同薩摩牛，品質一定有保証，除此之外，更提供澳洲和牛、伊比利豬、松葉蟹、海膽、鰻魚等頂級食材，再加上日式拉麵與壽司，將近百種的選擇。我地選擇左薩摩牛饗宴套餐，$588一位，除左食物同甜品任食之外，飲品都係任飲。食得薩摩牛饗宴套餐，梗係要食盡所有既薩摩牛。餐廳採用電子下單，方便快捷，而且仲有日本最新送餐技術─「特急列車」，將食物安全安心直送到每一檯座位，節省時間同人手。單單係薩摩牛已經有好多款式，有薩摩牛五花、薩摩牛里肌、薩摩牛涮涮燒、薩摩牛壽喜燒、薩摩牛壺漬、薩摩牛壽司等，所有薩摩牛油脂香濃，雪花紋理清晰，牛肉味香，肉質軟熟，入口即溶。除左薩摩牛，仲叫左雞心、帆立貝、牛骨湯拉麵、壽司、甜品，真係捧住個肚走。飲品方面有汽水、果汁、咖啡同好多走唔同既茶包。

和民集團旗下的燒肉放題店上村牧場 太正了！講起放題，年紀大左好少食，因為都係貴精不貴多。難得朋友生日，前幾日試左薩摩牛放題 (平日早鳥:$498, 正價$588)，連埋無酒精飲品放題，有凍又有熱。豪豪地。這個套餐大推，當然一份錢一分貨，呢個餐係選擇最多的，但都對得住價錢。當然仲有相當價值平少少的經典燒肉派對(平日早鳥:$298, 正價$328) 適合唔同的朋友！源自牧場自家養殖的鹿兒島黑毛和牛，今次同朋友叫的套餐除左日本薩摩牛，仲有澳洲M5和牛、豚肉、雞肉，甚至海鮮！質素都好高一點也不會令人失望！咁叫得最貴的餐，當然係主力食薩摩牛啦，每碟幾件比你試多幾款，唔怕好快就飽！推介的有薩摩牛五花、薩摩牛壺漬，牛的質素都好高，肥瘦又平均！牛五花經燒香後，油都燒得七七八八，入口不邪惡，肉質又嫩滑！入口即溶基本上就咁食都已經夠哂！我地encore左大蝦，大蝦肉質彈牙！相當高質！芝士明太子焗薯都好好食，拉哂絲咁仲加左牛油，特別香口！牛骨蛋花湯，啱哂要點湯暖下胃的人。入面仲有粒粒牛肋骨肉，少少辣很是惹味。想不到韓式的菜式也如此驚喜。甜品方面選擇都好多，一人一限定的haagen daz雪糕，另外仲有泡芙、

依家其實都好少食放題，打邊鍋同燒肉例外，「上村牧場」燒肉放題從日本過江龍到港，響Time Square 地庫開咗，今日就專登走去試下。「上村牧場」分咗3 款餐： 經典燒肉派對套餐($328起)，澳洲和牛燒肉套餐($378起)，薩摩牛饗宴套餐($588起)。我同朋友仔都想試薩摩牛，所以點咗薩摩牛饗宴套餐($588)，任食最多170品食材，如厚切牛舌、帆立貝、海老、羊架、伊比利豚肉、雞肉、蔬菜等，也有主食如海膽壽司、鰻魚丼飯、拉麵等，還有沙律甜品。餐廳用QR Code 落單，採用「特急列車」送餐服務，十分便利！《日本和牛》薩摩牛 牛五花 - 薩摩牛肉質鮮紅、脂肪分佈均勻，入口有獨特的奶油香，口感近入口即溶，嫩滑帶鮮！我不斷encore 薩摩牛 里肌肉 - 肉質結實，油脂量高，富有嚼勁薩摩牛 涮涮燒 - 薩摩牛涮涮燒好大片，薄切既薩摩牛好快就燒熟，好香牛味，又唔會好漏，而且好軟嫩，必點薩摩牛 壺漬 - 肉帶一點酒香《沙律》豆腐沙律《自慢料理》牛油帆立貝燒牛油鮭魚燒《海鮮》燒海老燒鮭魚片《豚肉》伊比利豚肉北海道產 豚里肌肉 (鹽醬)《壽司》烤牛肉壽司海膽&鮭魚子壽司 - 壽司好新鮮，必點鮭魚親

今日放工陪朋友去銅鑼灣時代廣場買嘢，之後係附近食飯，最後去了一間日本餐廳「上村牧場」食放題，我們揀咗「薩摩牛饗宴套餐 $588/位」，因為套餐有日本第一的鹿兒島和牛「薩摩牛」及 170款式食品餐廳嘅食物會由「特快車道」送上；我們先叫了不同款式的薩摩牛，包括：《日本和牛》🐮 薩摩牛 牛五花、薩摩牛 里肌肉、薩摩牛 涮涮燒、薩摩牛 壽喜燒 (附蛋)、薩摩牛 壺漬、薩摩牛 生拌牛肉，第一次食鹿兒島和牛 薩摩牛，油花分布均勻，肉汁好豐富，食到非常滿足☺️另外，我們都叫咗幾款其它肉類：🐷 伊比利豚肉、北海道產 豚里肌肉 (鹽醬)、松露風味牛排 (120g)之後，還叫了多款不同食物，包括《沙律》🥗 豆腐沙律 好新鮮，清甜可口《海鮮》🐟 牛油帆立貝燒、牛油鮭魚燒、燒海老、燒鮭魚片，幾款海鮮嘅食材都新鮮，相當不錯😌《壽司》鮭魚親子壽司、海膽&鮭魚子壽司、烤牛肉壽司🍣 壽司大大件，用料十足，正《飯》🍚 鰻魚丼飯 估唔到有我喜愛嘅鰻魚丼飯，而且鰻魚還相當大塊《甜點》Haagen-Dazs雪糕、抹茶蕨餅、迷你蛋糕 - 焦糖蘋果批🍮 當然最後一定要食埋甜品整體來講，薩摩牛 相當高質，喜歡食和牛一定會喜歡，其它食

今次同朋友食咗薩摩牛放題，果然好高質素！先講個環境，有好多卡位，座位非常闊落，我哋兩個人都安排咗四人嘅座位俾我哋，一次過叫好多食物都唔怕。呢度嘅送餐方法好特別，係會有條軌道轉負責送，減少左同職員嘅接觸，所以特別衛生。我哋主要都係叫咗薩摩牛，淨係薩摩牛已經有好多唔同款式揀，全部都值得一試，鍾意嘅可以加調味料，例如海鹽同埋牛扒汁👍🏻 我哋仲試咗羊架好肥美，而且又唔會好騷。湯同埋煮食都有好多選擇，仲有雞蛋湯麻辣湯鰻魚飯，攞嚟送薩摩牛一流甜品亦都好豐富，除咗有黑糖蕨餅之外，仲有唔同味道嘅泡芙，每位客人仲可以有一杯Häagen-Dazs雪糕添！

時代廣場食薩摩牛放題🐄 ($588/pp)剩係薩摩牛已經有好多款式 有壽喜燒、蒜蓉牛油、牛扒汁等嘅配搭 睇個紋理都知道食落係入口即溶 好有滿足感呀😍 最鍾意壽喜燒 個汁好香口 配上蛋漿好入味🤩 除咗牛之外 仲有羊、豬、雞作選擇👍🏻 呢度仲提供多款海鮮 有蝦、帆立貝、魷魚燒等等😋 仲有好多款明太子嘅菜式 例如明太子牛油燒馬鈴薯、明太子芝士年糕、明太子玉子燒 對於鍾意食明太子嘅我嚟講真係好滿足☺️ 壽司都非常高質 有海膽三文魚子軍艦同埋松葉蟹壽司🍣推薦牛骨湯拉麵同埋溫泉蛋飯🍚飲品方面有各款汽水、果汁 仲有朱古力同埋咖啡添🍹

不得了!!!真係成枱都係A4和牛，食到冇停口，放題90分鐘任叫手機落完單好似迴轉壽司咁樣送到你隔離基本上唔需要加任何調味都已經好好食但價錢來講偏貴，不過物超所值喺優惠期間有雪糕送

上村牧場的賣點絕對是它的薩摩牛🐮，全部均從其位於鹿兒島的自家牧場提供。稱得為薩摩牛一定要通過幾個規定，其中一個是必定要A4或以上等級的鹿兒島黑毛和牛種。因此燒肉放題，還要是薩摩牛的燒肉放題，不得了！😍來到當然要吃「薩摩牛饗宴套餐」啦，$588，加一。食物種類超多！除了各款薩摩牛，還有澳洲和牛、美國和牛、伊比利豚肉、其他豬、雞、羊、海鮮、壽司、丼飯、泡飯、拉麵、蔬菜、一些料理和甜品等，共有170項。要在100分鐘內試均，絕對沒可能的😆。食品掃QR code 落單，飲品到外面飲品機自助。飲品有各款果汁、汽水、朱古力、咖啡和茶等。座位細細地一格格，烤爐也細細地置於桌子中間，食物會從前面的輸送軌自動送上。薩摩牛牛五花、里肌肉、涮涮燒、壽喜燒，肉質滑溜，牛味重。記得不要燒太久，否則肉質會韌和嚡。薩摩牛生拌牛肉，這個正！口感非常嫩滑，微微肉香襯托洋蔥、雞蛋和青瓜，嫩滑得來有爽口，好味😋。極品嫩肩牛(松露醬)，有香噴噴松露味，配上洋蔥，很不錯。伊比利豚肉(羅勒醬)，肉香鮮甜，羅勒醬香濃。炙燒鮭魚芝士壽司、炙燒鰻魚芝士壽司、海膽&鮭魚子壽司，猜不到壽司很不錯喔！三款都很鮮美😋，炙燒惹味，配上芝士不得了

依間日本嘅燒肉店嚟咗香港好一段時間都未食過，托朋友生日嘅福，終於有機會嚟試下。～～～職員嘅服務態度幾好，從入座到用餐及賣單，整個過程甚有日本餐廳嘅風範。下單是自助的，好方便～～～餐牌有好多日本嘅肉類，一個唔小心就叫到成枱都係，畢竟樣樣看著都感覺超吸引。～～～薩摩牛雪花❄️紋理非常美麗，令人著迷，一燒便是油香四溢，令人胃口大開。～～～薩摩牛優質，北海道日本豬及伊比利亞豬🐷亦無失禮，同樣都係肉脂分佈平均，比起平時媽咪喺街市買到嘅豬肉明顯質素更勝一籌，而雞肉就係傳說中嘅雞有雞味，呢個價錢同質素真心唔貴。～～～除咗肉類🥩之外，亦都推介試吓佢哋嘅各式海鮮，海蝦新鮮等啊爽口，白雪雪嘅魷魚就好柔嫩，而且又唔同嘅口味，同一種質感都有多種味道，幾有新意。而日式蕃薯同年糕就係我不斷再叫嘅澱粉類食物～～～最後佢哋一甜品同樣出色，有日本直送嘅布甸，抹茶蕨餅，泡芙，亦都有新鮮製造嘅蘋果批等等。～～～本來食任食係好少會叫壽司，但係佢哋嘅壽司都真係高質，搞到我哋都忍唔住要叫好多，壽司飯非常飽滿。醋嘅份量恰到好處，而且用嘅刺身都係優質嘅級別 🍣。～～～另外日本嘅燒肉放題之所以吸引，係因為佢哋每一個細節都做得好好就例如飲

🐂上村牧場 🔍銅鑼灣勿地臣街1號時代廣場B2樓B213-214號舖-----為牛魔王朋友仔慶生，黎咗呢間以特急軌道送餐嘅日式任食無煙燒烤店食飯。佢地主打自家牧場養飼鹿兒島薩摩牛，除咗薩摩牛之外，仲有好多嘅食材都係來自日本。北海道產豚肉、各式海鮮、壽司同和風料理等等，選擇好多，食到肚子爆炸完全無難度。.“#薩摩牛饗宴套餐”-主打A4或以上薩摩牛共170品 令大家慕名而來嘅鹿兒島飼養薩摩牛，牛脂呈雪花分佈，顏色鮮紅誘人，輕輕一煎，已是香味撲鼻，入口柔軟潤滑中不失爽彈，牛味馥郁帶點奶油香，如果係食肉獸，專攻呢款牛肉應該輕鬆回本無難度，而且仲可以order平時好少見嘅部位，例如薩摩橫膈膜等等，幾特別。和牛高質，其實食材亦無馬虎，Jumbo size嘅海老，鮮甜非常，蝦肉扎實。和風玉子燒口味眾多且濕潤柔嫩。北海道產豚肉同伊比利亞豚，兩者都非常高質，豬有豬味，絕非坊間食開嘅普通烤肉質素。另外明太子芝士年糕亦係令我瘋狂encore嘅食材之一，軟軟糯糯嘅質感，配搭鹹鹹香香嘅明太子芝士醬，邪惡得令人無法自拔。食到熱辣辣之際，推介試下佢哋嘅韓式泡菜冷麵，凍冰冰，夏天食尤感爽快。麵條彈牙非常，同平時喺韓國餐

今晚厲害呀，去銅鑼灣時代廣場食晚飯，食高級日本牛肉燒肉放題，薩摩牛，薩摩牛是來自鹿兒島的頂級品種，有「日本一」之稱。薩摩和牛，肉質鮮紅，脂肪分佈均勻，且帶有獨特黏性，和牛油花遍佈均勻、鮮嫩且入口即化，是非常適合料理的極上牛種。.🍚 薩摩牛牛五花，里肌肉，涮涮燒薩摩牛主打呢三款部位，可以再加其他汁醬口味，例如壽喜燒，蒜蓉，四川，柚子醋等等。個人推薦，排名分先後，涮涮燒 > 牛五花 > 里肌肉，里肌肉口感比較韌，牛五花太過油膩，涮涮燒口感同埋味道最為平均。口味方面，我自己比較喜歡柚子醋，最能夠提升和牛牛味。.🍚薩摩牛炙燒壽司，海膽三文魚子壽司喺任食放題可以提供呢兩款壽司，簡直係令人難以置信，薩摩牛炙燒壽司已有醬汁調好味，豉油都唔使加就食得，非常豐富嘅牛肉味。海膽比較細粒，不過三文魚子夠新鮮，海鮮味爆棚。.🍚棉花糖和牛，抹茶蕨餅，薩摩牛生拌牛肉棉花糖和牛都係gimmick 野，味道尚算可以，食得太多會有啲偏甜。抹茶蕨餅喺放題任食來講水準OK。薩摩牛生拌牛肉味道偏向韓式牛肉他他，試吓絕對冇問題。.總括然而，價錢超值，薩摩牛種類非常多，上菜速度快，係時間方面比較緊張，唔可以好好享