上壽司 (已結業)

今次散叫。1. 山葵龍蝦沙津 ~$20 下面一堆青瓜絲，加上面的龍蝦沙津（與壽司一樣料）口感不錯，是醬的味道略重了一點。2. 山葵甜蝦軍艦口感好好，蝦又好食。蝦的份量不少，推介推介！3. 北寄貝沙津軍艦與平時我食開的北寄貝沙津有點不同，口感都ok，係醬又是多了一點，如果材料清晰d，口感會更好。4. 三文魚壽司 $9三文魚的厚度不錯，也壓得幾好，但我嫌不夠新鮮，濕一點會好d。９蚊也算不錯了。5. 辛口吞拿魚壽司 ~20長長的刺魚，加上面的醬幾新奇，聞落似西式沙津醬，食落酸酸辣辣，有點似芥末。不錯。6. 燒牛助條上次食雞柳覺得不錯，今次的牛助就大大扣分雖然都幾香，但肉就硬過頭，我覺得有點over cooked，味都不太夠。7. 軟殼蟹手卷麻麻地，第一啖食軟殼蟹，雖然係炸起，但明顯不夠新鮮，有些少腥味。下面落的醬多就蓋過了，但醬多令紫菜都淋了。又扣分。但總括來說，也值得試！服務仍然好好，不斷斟茶﹣很滿意。環境是很舒服的，坐一個下午、同人談天說地，也是好地方！又睇見壽司師傅空閒就清理／清潔壽司檯，很有心，很衛生。讚！

忘記了影相…與朋友兩個人食lunch,一人叫了一個午市套餐，所有套餐定食都係35 - 60（再貴Ｄ都有）左右，以日本野黎計算係好抵的了。豬軟骨拉麵定食 $35：1. 沙津：　不過不失，菜都幾新鮮！　有幾粒應該係三文魚／吞拿魚（熟的），口感就一般。2. 前菜：　我也不知是什麼，有幾粒肉狀物體，　唯一失望的前菜：無味／唔知係咩味，　話係前菜，根本不開胃。。3. 豬軟骨拉麵：　有幾多配菜　份量也不少，可見真的不馬虎！　豬軟骨都好夠味，好好食。　湯底同平時食日式拉麵都無乜分別，都不錯！4. 甜品：泡芙一粒　好食。　忌廉餡，有少少朱古力醬面。正。　食完都會想再食…另外，套餐可加12蚊有雞柳串。都不錯。味道是預期之中。套餐再叫指定軍艦壽司，2件送1件。與朋友叫了：芝士蟹籽：~$15味道不錯！唯一係D飯不夠實，味道又不太似平常食開D壽司飯…帆立貝牛油果：~$18反而這個比我想像中好味！帶子同牛油果配合得不錯！口感都好好！什錦魚生飯定食：~$45朋友點的，魚生質素不錯，但都是飯的問題…飯定食跟麵鼓湯，無沙津。服務不差，侍應哥哥的態度很好，又會經常酙茶，欣賞！抵食，質素都不錯！會再來。推介！

各位食家,呢間既午餐定食係好扺食架, 一個午餐只不過係三四十蚊已經有好多野食(見圖).跟餐可以再加指定壽司(2件既價錢,3件既享受, 正!)我同女友就叫咗個炸蝦拉麵定食同雜綿壽司+拉麵定食.好滿足呀! SOSAMLAM

行完山出回西灣河已經4時..又未食lunch亂行一通來到上壽司食個lunch/tea算...雖然4時,但都有幾枱人客真係估唔到.2個人叫左4碟壽司試下先...叫左三文魚, 帶子, 鵝肝同埋蛋.估唔到樣樣野都幾好味又唔會話唔新鮮, 見d壽司都唔算我地又再追加多4碟同埋叫多個牛舌同雞翼串燒...樣樣野都好滿意.我都唔知係咪我地肚餓定係佢地d食物真係咁好味..不過我下次有機會都會再來食呀..因為雖然4時左右,不過佢地d服務都好好不斷有人同你加水又有笑容同禮貌.絕對值得再來

同朋友行下行下，本身想食叧外一間的，咁就冇所謂行左入去，由於過左lunch hour ，唔是好多人，我地3 個人都點了$35 的Set lunch ,包括一個定食，湯，甜品，小小碟的蘿蔔，都好多野食，我的滑蛋豬扒都好大件，豬扒好彈牙，其他的都好味．而且點了一的軍艦sushi, 大約都是$15-$18, 二件送一件，都好好味．那個牛油果Sushi真的令我感到很surprise....其他的都可以．有一個是芝士sushi, 都好特別．環境－好好，很安靜，好舒服，因為有卡位．待應們都好nice..不錯．都好好食，又抵食！會再來!

唔寫唔得~沈晚冇晚食~咁就黎試下呢間野~朋友都話好唔錯~openrice d 食評又ok入到去~原來仲可以上上層坐台, 環保非常好!! 態度ichiban!!我地叫左三文魚 ($9)白之戀人($35) 勁好食 d 帆立貝同海膽都好新鮮~ 推薦!!!!!!海膽魷魚 ($15) 好好食!!!好多料吞拿魚 <-- 入口就溶左~不過有dd薄希靈魚子 <--好美味山葵八爪魚 <-- ok波士頓卷 ($15) <--好!! 唔錯唔錯, 足料之選立魚 <--好甜好好食芝士蟹子 <-- 人氣, 不過我覺得接受唔到~ d 芝士好似好舊咁仲有其他總之~ 係我呢年既食過最好!! 真係好平均好好食!!!!!!! ichiban!!!

某晚假期，不用等位，於是同老婆一試。迴轉壽司款式不算多，而且不算吸引，最弊係好似無乜人幫襯，坐足一個鐘都係果幾碟，無換過，更加唔敢食。結果只吃了一碟賣相較新鮮的吞拿魚壽司。另外點了三文魚刺身，幾肥美；串燒冬菇也不錯；炒雜菜一般啦，志在食下菜啫。全晚最失敗之作係麵豉湯蟹棒拉麵，蟹棒係長腳蟹的肉，味道應該幾鮮，賣相亦不錯，可惜湯底太鹹，食落去只有鹹味，同老婆一人一半勉勉強強先食完。值得一讚的是服務，待應的確很有禮貌。埋單$144，價錢一般啦。

本來去太安樓cafe 吃飯~ 可惜無位，唯有轉戰坐得舒服一點的食肆。見食評不錯就一試。兩個人都非常肚餓，叫了三文魚、腐皮、蛋、燒吞拿魚、蟹棒shushi、費成卷，每一舊的飯都好似隔夜冷飯咁又硬又生骨又散，一定唔係新鮮!!!! 投左降唔食壽司，叫小食。叫了軟殼蟹、牛舌、鹽燒三文魚鰭、同埋唔記得乜野lu，總之叫四樣有兩樣係無既。個軟殼蟹先係極品!!!!!!! 佢個樣就係在街市見到的蟹，size係大半隻手掌咁大(連蟹腳) ，不過係被完全壓扁就等於食緊一塊 「蟹形紙皮干」一樣，好un，一點都沒有誇張。相放棄不吃，但大拿拿五十元大浪費。相信各位無試過食d咁既軟殼蟹。牛舌係最正常最好吃食。無既小食轉了脆辣炸雞軟骨，相信師父茖左辣的七味粉，又無落鹽，結果係無味的，唯有侍應入廚房拎鹽自己"審"。d侍應呆下呆下，同一個人送食物，一時係人既左邊身上菜，一時係右邊上菜，仲要成日撞到你個頭。 上菜時又唔講呢d係乜東東，就咁擺底碟食物就走人，當個客唔知係乜咁。終於有一次個呆侍應放左碟雞冀餃子就走人，我望住碟野回想好似無叫到。好在另一個侍應糾正返呆侍應送錯台，唉。我好懷疑d 侍應跟本唔知自己送既係乜野囉，又唔

有次光顧西灣河某間專營外賣的日式店子，經營手法不敢恭維。於是今次稍移玉步，行過幾條街，去了上壽司。買了帶子,油金魚刺身，壽司有鱈場蟹棒同劍魚腩還有炸蝦天婦羅卷，另燒物有雞軟骨同青椒仔。價錢公道，質素以這收費亦算合格。帶子刺身及鱈場蟹壽司不俗。一人份承惠$150.

呢排因為天雨關係令人心情特別差d...所以前兩日同bb食野都無咩氣氛~~為左要開開心心番一晚~ 今日我地當然食d好野啦^^去左太古城行下街街時...因為食左雪糕又食左燒八爪魚丸，所以飽左不少...但我地仍然選擇了這間『上壽司』，原因是我們都想吃三文魚=P結果就去了這間~ 我們都是第一次試ga!!想不到...比想像中的質素高呢~~下次要近近地吃日本料理~ 這兒一定是首選囉^^平時可能會好多人，但好彩係打風後... 無咩人外出吃飯吧~我地被安排坐係近門口位~ 雖然門一打開就有d熱風吹入黎... 但都ok gei~我地看了整個menu後都不約而同地說『呢度好似咩日本野都有得食啊!! 選擇好多~ 下次可以再黎喇^^』我們先後order了一客三文魚刺身及6碟壽司~ 全部都好值得一讚啊1. 三文魚刺身好厚好有口感~ 新鮮度亦十分足夠~ good!2. 海膽魷魚+芝士蟹子軍艦壽司海膽味同魷魚味幾match^^ 好味啊~ 芝士蟹子係第一次見到gei味道，一試之下正啊!! 推介給喜歡芝士的你^^3. 三文魚腩+帆立貝壽司三文魚腩比三文魚更正啊~ 真係下次想食埋刺身tim啊=P 帆立貝亦相當鮮甜~~ 厚厚

喺返西灣河食日本嘢, 首選一定係呢間~ 之前介紹過都 5 講喇~ 今次試咗三種未食過嘅~吞拿魚腩拼海膽 $35以用剩嘅吞拿魚腩做魚蓉, 質素可想而知; 兩種加埋一齊倍感「腥」平目魚邊 $25完全 5 掂, 咩鮮味都冇, 真係味同嚼蠟冇咩分別 !~帆立貝 $25今次啲帆立貝梅梅地咁豆腐皮 $9之前未喺度試過, 諗住一試; 點知一試就出事~一早見佢啲皮都好深色 (碟碟都係), 不過又心思思想試吓係咪深色啲好味啲, 點知....... 我嘅首選今次扣咗好多分呀~兩人埋單 $2xx

首先介紹圖內壽司: (由上而下)左一: 芝士蟹籽$15 + 吞拿魚沙律$9前者口感類似輕咬牛油果種感覺, 不過比較軟些少, 但芝士味非常濃烈, 令蟹籽味蕩然無存;自己就幾鍾意食, 覺得口感幾得意^^後者吞拿魚食落有種似曾相識感覺→超市罐頭油浸吞拿魚! 魚肉非常之乾身, 不值一試。不過自己最後都翻炒多一碟=.="右一: 吉列蠔卷$15 + 芝士黃金蝦卷$20蠔卷隻蠔比較細, 食落係唔多覺有蠔入面;後者面塊芝士整得少少, 已經差唔多冇哂芝士味, 不過反而就咁突出返裡面隻吉列蝦味道。左二& 右二: 三文魚$9冇得傾, 三文魚好新鮮, 又唔細塊, 口感真係好正! 有舊直情食落成塊腩咁, 嘩~ 正到暈~~ total K.O. 三碟!左三: 蟹籽香芒腐皮$20除可以話有少少新意外, 忘記佢啦! 三樣味道完全唔march.右三: 三文魚腩$12 + 吞拿魚沙律$9口感一流, 又重三文魚味, 下次再去剩叫三文魚腩, 忘記$9 三文魚啦~左四: 鮮墨魚仔$15 + 帆立貝$25唔知點解食親生墨魚都有種好似啜緊鼻涕型液體咁, 佢都令我有少少呢種感覺, but 唔強烈, 仲幾好食添~帆立貝輕軟可口, 頂級

這是一間沒有分店的迴轉壽司店. 尖沙咀美麗華有一間同名, 但看過牠們的menu, 感覺不太相似, 所以應該不是同一集團, 反而這裡和羽壽司有點似, 不過服務好好多!!! 侍應不時主動加茶, 有求必應亦好有禮貌. 沒想到一間街坊小店會有咁好既服務態度, 遠勝所有連鎖店.北海道蟹腳壽司($35)**** - 鮮~燒大蝦($38)*** –要等好耐, 有粟米蟹柳沙侓醬在面, ok 啦.串燒牛脷($18)***** - 厚, 爽, 掂!串燒牛肋骨($18)** - 靭, 冇味…北寄貝沙津($28)***** - 很美味的小吃, 份量不少~炸軟殼蟹手卷($15)** - 質素不穩定, 軟殼蟹太細, 可要求熱但仍是不夠脆. 本人最喜歡始終是元氣的軟殼蟹手卷.鵝肝壽司($35) ** - 有兩件, 比其他店便宜. 外層煎得脆不過質素不穩定, 有時鵝肝太薄入面過熟沒有了內軟的口感.芝士蟹籽軍艦($14)**** - 濃濃的芝士味, 重有啲芝士粒mix在內overall 有質素, 加上極好服務態度, 值得一試.之前做咗會員, 平時有九折, 生日月有八折~ 好抵.

全香港有兩間"上壽司" 回轉壽司, 一間0係尖沙咀美麗華; 一間0係西灣河。不過兩間格局唔似係同集團, 前者可以睇番"好唔好食又睇落去169回: 尖沙咀上壽司, 奇妙的回轉! 法拉利與CIVIC仔!", 而呢間西灣河"上壽司", 係今次好唔好食又睇落去既主角。西灣河好少去, 如果唔係要去呢度(行得正企得正, 無有怕!), 都未必去到呢間回轉食呢! 更加唔會0係度撞到:有次去日本撞過佢, 佢好NICE, 肯同好孩子影相, 仲叫佢助手揸機! 呢位明星無做蠱X仔好耐, 雖然佢命犯天剎孤星, 不過一遇風雲便化龍, 以前中意"燒賣", 後尾中意"勝利微笑", 前牌又好"蒙查查" 學打羽毛球...咁都估唔到就幫你唔到...正經事要緊, 梗係無拎簽名同影相啦!上壽司地址: 西灣河筲箕灣道37號麗灣樓地下北寄貝沙津: 北寄貝切得唔錯, 因為唔係一粒粒, 而係一小塊, 而味道同元氣既相似, 唔中意食飯但係又中意食北寄貝沙津既, 散叫也不錯!櫻花魷魚軍艦壽司: 好少回轉壽司有, 平時好少食, 近牌食左幾間, 以呢間最好食, 因為魷魚條狀連住唔係斷到一節節, 咬落鮮甜又彈口, 都唔錯!鵝肝壽司: 以圓形塊狀

星期日食lunch$35-55 有個set 包沙律.麵士湯甜品etc +10蚊有4件sushi/4件餃子+8蚊有2件雞/蒸蛋幾抵食+$10 4件sushi:三文魚唔新鮮食落好散ge feel同埋無咩三文魚味.舊飯幾好唔會散晒+一pat野特長三文魚o個舊飯特別大架! 等於普通壽司2舊飯炸雞:唔錯炸得幾脆同埋唔算好油整體食物一般但經濟加上服務唔錯侍應不時主動加茶同好好禮貌所以比笑面!