上品火鍋料理

營業中

休息中

今日放工同一個同事去食上品火鍋，因為疫情嘅關係場面比較冷清嘅，但員工都有戴上口罩而且係最高級別嘅口罩，哈哈～我哋叫咗一個麻辣湯底一碟牛肉一碟魚片萵筍生菜蘿蔔粉皮Total叫咗$450，個麻辣湯底有分唔同辣度，我哋叫咗小辣但係都超級辣早知嗌清湯，但因為朋友想食辣所以就叫咗小辣。食物都想得幾快感覺上都係一早擺定喺雪櫃，食到差唔多一半，我哋叫咗一Jar紫貝天葵飲，飲完好消化，去到最後我哋食少少菜同埋啲粉皮個湯底就變到好辣，因為麻辣嘅湯底係越煲越辣所以下次都係嗌清湯。

天氣忽然間變得好凍，想去打邊爐，即刻搵幾個邊爐腳，問下去邊度會方便大家收咗工去。最尾係去港島區，因為要就番我，收工最遲係我，所以佢地話去天后、大坑或者銅鑼灣，都係搭幾個站地鐵，遲極都唔會太離譜。我哋冇點刺身，主力係食牛肉同海鮮拼盤，加埋其他火鍋配料，都食唔晒。有D餃子同肉丸要包返屋企。海鮮拼盤本身已經有好多唔同海鮮，隻蟹有膏不過我懶慢慢拆開嚟食D肉，所以無食到。蟶子爽甜夠大隻，D蝦都好新鮮，珍珠蠔都幾肥美，係D花甲較為普通。整體質素好好。

My dad’s birthday meal held there and that was the third visit of our family. We tried their food before and dad said it was very nice. So we came back again for more food and more hotpot. We booked ahead as usual to avoid the problem of not getting a table.We ordered the beef platter and it got like 5 different choice of beef and everything was so fresh. The meat was very tender with lot of flavour. Our family really love beef a lot and we quickly finished up all the beef.The restaurant got var

此店算是老牌火鍋，在天后區開業挺久，港島區人士應不會陌生。水準一定不會差，有保證，適合一團人聚會。麻辣鍋湯底，味道有點淡，可能與小辣有關；白肺鍋湯底還可以，當湯喝就一般，偏淡。黑豚肉不錯，肉味夠，牛肉拼盤不會失望。醉雞嫩滑，很多其㭍新港式火鍋沒有醉雞。桂花蚌及脆鯇魚爽脆。3人光顧，點餐如下：火鍋雙拼 杏汁濃湯白肺鍋 正宗四川麻辣鍋（小辣）上品牛肉拼盤手卷炸腐皮（炸響鈴）（半份）生根（半份）自製新鮮墨魚滑（半份）西洋菜（半份）西班牙黑豚肉花雕醉雞（原隻）（半隻）桂花蚌（半份）脆鯇魚（半份）藍妹 x7加一後，合計HK$1,428

北角這個地方食肆臨立，而吸引眼球就是位於清風街的《上品火鍋料理》。原來餐廳曾獲得我最喜愛食肆、人氣商戶～ 那就試試其料子啦！ 進入後，職員有禮貌地帶位差不多吃到一半後，約6時多十多名日本人特地前來吃飯而職員仍應付自如！ 👍🏻 地方寬敞可容納多人。先來一盤多達10種不同醬料，如炸疆蓉、生/熟蒜等等～ 想想個人要清熱一下，所以點了清熱莞茜皮蛋湯 HKD 88。 內裡有菇類、粟米、紅蘿蔔、莞茜、皮蛋四川粉皮 （半份）HKD 29 煮前麵挺身，熟透後呈透明，口感煙煙韌韌半肉片（半份）HKD 40 羊肉鮮紅色帶小許脂肪。 肉質穌味不重🥳牛胸尖（半份）HKD 52即牛胸前肋骨的一塊膜肌肉，聽說一頭牛只有一小塊，相當珍貴！有咬口脂肪比例極高～ 豬頸肉 （半份）HKD 46還有👍🏻 的就是豬頸肉了！ 肉質嫩滑不帶多餘脂肪加了醬油 HKD 20 及10% 服務費 後晚上7:30前埋單 以7折埋單～～👍🏻

囡囡同我講話好耐冇打過邊爐， 今晚就近近哋去天后嘅上品火鍋烚下烚下。我就囡囡叫咗清湯，但係估唔到清湯都好足料，有唔同嘅蔬菜，有冬瓜，粟米，紅蘿蔔及雜菇等，食材烚完之後都留有一種好清香嘅蔬菜味。 打邊爐一定唔少得 肥牛啦，囡囡好鍾意食牛，叫了一碟畀佢一個人慢慢歎，佢仲好識食指定要食稻庭烏冬。我鍾意食魚，所以就叫咗脆魚腩，魚腩好新鮮，真係脆卜卜，好爽滑。呢度環境好寬敞，兩個人都坐一個非常闊落嘅卡位，而且服務都唔錯，店員有禮貌。見到佢地做緊唔少優惠，下次可以再同屋企人黎😁

老友介紹我去呢度方邊爐，我哋叫咗個冬瓜花甲鍋鍋底有冬瓜，🍄，咸蛋同一盤花甲（另上）由於這𥚃提供半份食材給客人order,所以即使人少少嚟食都可以有好多選擇牛肉雖然薄咗少少，但係非常新鮮，墨魚膠釀咗係蓮藕內亦係一不錯嘅食法值得一讚係餐廳頗多卡位，坐得幾舒服

雖然近排好熱，難得今晚又轉涼，就算爆晒瘡，照樣嚟個以毒攻毒，務求令啲死人瘡快啲熟打咗咁多間邊爐，呢間係大胃遇到最多上檯醬料配搭，有啲仲好特別，好似炸薑蓉同醬皇咁仲有花生送，啱晒食住睇台灣選情醉雞鍋原來係醉雞另上，仲包埋雞子𠻹煲湯好濃藥膳味鯇魚就食得多，鱔片就第一次，好大片又好食，仲可以浸吓鱔油打邊爐食粉皮最能吸盡精華初嚐牛胸尖，質感介乎筋位同肥肉之間，幾過癮食食吓俾爆醬芝士辣親嘴就唔好怪邊個，人地有塊牌一早提醒你豬頸肉厚切又爽口，食極都唔夠蜂巢豆腐層次夠豐富油條可以即食，又可以當響鈴烚嚟食魚腐就食過啫，蝦腐咁得意？食落比魚腐綿

今個冬天完全唔覺得凍，外套都無點著過。但係打邊爐就無論凍唔凍都要打噶啦。湯底係大醬煮什菌花甲鍋，覺得幾特別，有分唔同味。金並脆豆腐：呢個係叫嚟送啤酒。之後我地揀嘅嘢都係有手指公推介嘅嘢食：頂級本地鮮肥牛雪花肥牛肉台灣鱔片韭菜餃鬼馬油條野菌什菜盆三個人食就啱啱好，和牛就當然係正啦，口感嫩滑又有油脂香。但我尤其鐘意台灣鱔片，口感爽彈，味道鮮美。環境方面，位同位之間都隔得幾開，唔會覺得壓迫。坐得舒服呢點作為打邊爐嚟講係幾重要嘅。

公司聚餐老細話唔好去太遠，怕同事們難搭車返屋企。所以最好喺公司附近，食完就可以趕到時間搭車。HR同事選擇咗幾間，最後決定係去打邊爐。上品喺公司附近，行幾分鐘就到，夠晒方便。入到去就覺得餐廳的設計空間感十分足夠，坐低後大家發現張枱好大，唔會好迫，唔會同隔離枱嘅人握手咁近，各自擁有舒適嘅用餐空間。預留空間俾食客呢個貼心地方真係要讚。辣汁煮什菌花甲鍋，辣味帶出花甲嘅鮮味，辣湯底又岩晒打邊爐。我地咁多人就叫個牛肉拼盤最抵啦，有6-8款唔同部位，個本地肥牛最正，我地加多咗1碟。再叫咗好多其他配料，記得有水餃、魚皮餃、鮮帶子、墨魚滑、鬼馬油條、四色丸、菜等等。每碟份量都幾多，share嚟食都幾抵，食材配料質素都好好。

夜麻麻，一班人唱完K返到屋企樓下話肚餓，仲話要食刺身做宵夜，搵咗好耐先搵到呢間營業時間去到三點嘅餐廳。不過我地都驚佢地啲材料用完無得食，去到一問佢地話仲有得食。之後我地就叫咗一個刺身拼盤，包括有7款刺身，刺身食落口感幾好.三文魚肥美，象拔蚌爽口鮮甜，特別嘅係有泰式海蝦刺身撈，海鮮處理得唔錯。我地睇menu話刺身拼盤仲會送湯底，我地揀咗上品清湯，本身無唸住打邊爐，既然有送唔好浪費，叫咗碟西班牙黑豚肉。一凍一熱，食得幾過癮。

約咗打邊爐，旺區又有D風險，咁太偏僻又無人肯去，上網search到天后嘅上品，大家都覺得係好選擇，食完就可以返屋企。火鍋店有好多選擇，上品特色我覺得係火鍋湯底。湯頭要好，食物先可以散發美好嘅味道。有多款傳統老火湯可選擇，松茸雞湯、杏汁白肺湯、海螺湯。有款聽落怪怪咁，椰子煲花蛤蟹鍋，椰子煲雞就聽得多，唔知椰子煲蟹會係點呢，不過我地無人做勇士，要留返下次先試到啦。個鍋嚟到我哋即刻飲咗碗湯先，美味的湯頭真係好重要，同D平價任食邊爐真係2個層次。發現這在非常重視湯頭的火鍋店~一定要來推薦一下!

之前曾到銅鑼灣分店，質素服務好，所以今次來天后幫襯，由天后地鐵站步行大約8分鐘便到，店舖有兩層，有卡位也有房間可預訂！我們一行10位，點了好多嘢食，分别有：加拿大象拔蚌(2磅)：肉質彈牙鲜甜爽口，每塊都大大件，斤両十足！花足蝦（刺身)：肉質結實帶爽，蝦味鮮香清甜美味！除了刺身外，湯底點了兩款，有蕃茄薯仔牛粒湯和 長壽布袋乌雞窩，也點了金井脆豆腐、台灣鴨血、本地花甲公、芝士腸、韭菜餃、脆鯇魚、蜂巢冰豆腐、鮮蝦水餃拼雲吞和稻庭烏冬等等！所有食物用料新鮮，親友聚會一定到這間店！

朋友今日帶我去佢最愛既火鍋場食生日飯聽佢成日推介呢間餐廳，就順下佢意試下咩傢伙啦首先黎到係佢最愛既櫻花刺身 (即係牛肉刺身)我都係第一次試牛肉刺身...入口都係唔係想像中咁難接受既...不過個人都食唔慣...但同行既朋友們都讚不絕口叫左個豬骨湯底、牛肉、響鈴、水餃雲吞等等火鍋料試左好幾款唔同既牛肉，手切安格斯肥牛係最正，真係做到入口即溶但又不失牛味，超有水準佢地大部份食物都有得揀半份或者例，咁就可以試多幾款唔同既食物水餃同雲吞都好出色入面有大大隻蝦肉，仲要係好爽口個種，唔係俾啲梅左既蝦肉去包，食得好滿足另外我地都有叫D佐酒小食椒鹽鱔片、咸蛋王鮮魷同埋炸大腸真係每樣菜式都咁香口好食，特別係咸蛋王鮮魷，超級惹味!鮮魷炸完都保持到柔軟彈性，唔會變成橡膠咁既質地唔怪得個老友成日叫我地去呢間打邊爐，食完之後終於明點解啦!

我地一班嗜辣姐妹又出動啦，今次我地嘅主題係打邊爐，我地淨係叫咗正宗四川麻辣鍋一個湯底，但有個姐妹雖然中意食辣，但太辣又接受唔到，所以我地都只係揀咗中辣。我地仲叫咗一款刺身，冰鎮泰式鮑魚撈，用嚟解辣同降溫。麻辣湯底配海鮮同肥牛就至夾啦。我地就叫咗頂級本地鮮肥牛仲有鮮滑牛。叫咗一份海蝦，日本蟹柳，鮮魷，仲叫咗台灣鱔片，豬紅同豆卜。樣樣嘢都湯底都好夾，食得好滿足。其實有好多餐廳都有麻辣火鍋，但有啲湯底OK但配料唔掂，但呢間湯底味道唔錯，配料又多選擇，海鮮同肥牛都幾新鮮！