三餐冰室

營業中

休息中

同朋友黎三餐冰室食個便飯，佢個餐牌多左野揀喎，而加有中式小菜套餐，一餸一湯一飯都係六十幾蚊，仲送餐飲添喎，抵食！xo醬豬頸肉炒西蘭花xo醬十分惹味，西蘭花吸了豬油同醬汁勁正，呢碟餸勁好下飯喎。白飯都算幾大碗，女人一定夠飽，男人就睇下你大唔大食啦，哈哈。海南雞飯雞件滑溜，雖然有骨，但都只係下面一層薄骨，所以都係好易咬嘅。附送黃薑飯唔係油飯，感覺上健康啲，而且黃薑飯好香口，就算無餸都可以食幾碗！紫菜雞腳湯中式套餐送紫菜湯，湯頭清甜。西多士食完正餐就點下甜品先，茶記梗係西多士啦。金黃色好鬆軟，仲有糖漿任落，食西多士點可以唔夠甜。起筷囉～舊牛油真係好正，但太邪惡唔夠膽食晒全塊呀…沙爹牛肉治牛麵就食得多，未見過有沙嗲牛治，試下先，好香濃嘅沙嗲汁，用塗左花生醬，正呀，烘得香脆，呢個真係無得彈。熱檸茶最後食飽飽飲返杯檸茶解解膩，正。中餐份量雖然細左少少，但價錢平，食完正餐再加兩個小食都係一百蚊個人左右，飽到上心口了，哈哈。

同老婆行街買完野，係尖沙咀搵地方醫肚。在尖沙咀玫瑰教堂附近其實有好多野可以食，三角公廁一帶更加多到數之不盡。之前吃過呢間三餐冰室，試過佢一啲茶餐同扒餐，同區來講算係非常之抵食。聽過一個老友話呢度而家多咗好多不同種類晚飯套餐，全部價錢都是六七十到。兩口子都是百幾，算係非常合理同化算，本來都想去試吓朋友介紹嘅另一間雞腸麵都放棄，一於再訪三餐。叫了兩個餐，我點了香菇土魷蒸肉餅 $62，加豉油加飯一流，香菇土魷都非常多，足料野味，而且重有紫菜雞腳湯。老婆吃的是滑蛋韭黃炒蝦仁 $72，個滑蛋同茶餐嘅蛋一樣炒得好滑好香，送飯真係非常一流，而且蝦仁有好多粒，全部都好爽，值得大推。內有粗粒花生醬的西多士，單點$24，咁平，係邊搵，食呢個當甜品就唔使去食糖水。講真一餐正餐再加糖水都係每人唔使$80 ，喺尖沙咀來講真係佛心價錢，餐廳環境仲要好舒適，值得多來。重要簡單唔使諗，適合不煮飯嘅兩口子，簡單晚飯一流。

在理工大學返工嘅人大部份都經歷了兩個月Home Office嘅生活。其實Home Office返工都幾慘因為相對比較悶同黑板而且長時間留咗喺住嘅地區，冇得同同事食飯交流，好無奈。呢兩個月係星期六日我哋都會出去食飯聚下，好過完全唔見。過左兩個月，大家過返正常生活，開始返返工，過喺辦公室為三餐嘅生活。大家咁耐冇見一定要喺公司飯堂食飯聚。兩個月冇來三餐冰室估唔到有新嘢食。晚餐有套餐小菜，加上紫菜湯或是日餐湯及絲苗白飯，配咖啡或茶，都只是七十左右。說真以價錢來講非常吸引，知道之後我地成班同事立刻去。先點了黑椒醬爆牛柳粒，好惹味，牛柳粒數量係深水埗大排檔食一個小菜一樣咁多，而且黑椒送飯好精彩。椒鹽豬扒勁大件，一定無乜落乜嘢鬆肉粉，大件得叫幾位女士高呼食唔晒。雜果糖醋魚塊就是我最愛作品，酸甜度剛好，而且魚塊啖啖魚肉，絕對不會厚皮少魚肉。返工就係為三餐，我們全班同事都好喜歡呢度又平又高質，有時喺屋企home office 都想番去食，期望有更多新餐單可以提供，等我哋同事有更多新鮮感。

又來了！我最愛的茶餐廳三餐冰室！下午茶時段內就是為了他們的港式美食，今天晚飯時候來，發現他們除了港人最愛的「碟頭飯」，還有各式小炒，約$60~$70，怎麼尖沙咀吃晚飯這麼便宜！韭黃蝦仁炒蛋，好多蝦！其實要炒得好吃，看似簡單其實都不容易...自己在家炒過就不知怎的水汪汪...（掩面）附送白飯例湯咖啡或茶，例湯今天是紫菜雞腳，小炒也吃得好溫馨啊～我的最愛的香菇土魷肉餅！加一點豉油，真是人間美食～從前嫲嫲和媽媽也經常剁肉餅，兒時的回憶都藏在食物之中。媽媽老了肩痛，大龍鳳菜式已經很少再弄，無奈我的廚藝真是百份之一門都沒有... 想吃到家常便飯沒味精的住家飯，三餐冰室是個好地方。三餐三蛋飯是這裡的名物，而我覺得真的很值得一試（笑）陣容很宏偉，三塊厚切午餐肉（疊起來起碼是半罐份量吧！！）和三顆太陽蛋，邪惡到不得了。蛋汁加上豉油是經典中的經典！食肉獸可以點這裡的鐵板鴛鴦扒，灑上洋蔥汁時吱吱聲，特別香也讓人特別餓！配紅或白湯加薯菜，$88絕對合理！一定要讚一讚三餐冰室的水吧，好有水準。老實說，吃到好吃的不難，但喝到好喝的奶茶就地方就真的不多。一家茶餐廳，上餐要快，要好吃，又要好喝，缺一不可，哪裡找？竟

平常嘅一餐多數都會係餐廳品嚐一下招牌美食，款式同口味都比較多元化，價錢親民又足料肯定食得滿足，而且每間餐廳都有佢嘅吸引之處係度，真係可以逐一品嚐一番，是日行開呢頭行到咁上下係附近搵間餐廳食個晚餐，係餐牌上有幾多選擇提供我就點了呢款經典焗豬扒飯，襯番杯椰香紅豆冰，再追加多一份法蘭西多士食住先，西多士炸得金黃香脆將鮮牛油搽上表面，再淋上糖漿慢慢切開一件件咁食最正，裏面仲食到濃厚嘅粗粒花生醬，係一份唔錯餐前小吃，輪到焗飯出場估唔到分量十足真係有兩三碗飯啱晒我呢D飯桶痴，嗰陣味道特別香，濃厚嘅醬汁同芝士混埋一齊，入口開胃又滋味，再食件厚切豬扒肉口感飽滿配啖炒飯一邊食就最正，一餐餐室美食又品嚐完。

其實係呢個時間最啱去食D時令美食，簡單得來又好味，不過都要睇吓時間有冇得食，未必一定會食到正所謂你識食其他人都會一樣，計我話都係早食早享受，是日晚餐就係呢度開飯雖然只係一間餐廳但都有吸引之處係度，除咗有一般晚飯套餐提供外，都有D推介美食，講緊係合時羊腩煲逢晚市供應配例湯、白飯同生菜我都點番個食，最緊要係一邊滾煮一邊食夠晒風味，一揭開蓋已聞到香味散發望見件件都係半肥瘦羊腩外，仲有馬蹄、冬菇、支竹呢D必有嘅配料先食件羊腩肉質入口香軟又肥美啖啖香濃肉汁口感十足，點埋腐乳醬食更滋味配啖飯食就最正再食埋其他配料，同時落埋生菜吸收湯汁精華食落特別入味，咁又品嚐一餐暖笠笠時令美食。

平時行過都有入去幫襯，近排佢除了我最愛食開嘅鐵板外，還有雞煲同羊腩煲嘅選擇，冬冬地嘅天氣就梗係叫返個雞煲套餐，試吓冰室嘅味道！落單後店員就會先上個迷你火爐，轉頭就上了個雞煲同埋紫菜餐湯同白飯，滾一下打開，熱騰騰嘅雞煲香味直撲向鼻！見到又紅又綠嘅青椒配上嫩滑入味嘅雞肉，入口軟滑，味道十足，真係估不到在這裡亦可以食到唔錯嘅雞煲！當然喜歡食肉嘅我就要加埋個鐵板什扒餐，鐵板上一次過有齊最上嘅太陽蛋、致愛嘅雞肉腸仔、火腿扒、香煎嘅煙肉、大大塊又軟熟嘅豬扒、同埋一樣大大塊嫩滑嘅鷄扒，上枱時才淋上自選嘅蒜蓉汁，炸一聲，在鐵板上出現，細心店員亦會先送上席巾，配埋最愛忌廉湯，忌廉湯底有爽口粟米肉粒，還有塊牛油多士，真係十分完美滿分！而這裡嘅奶茶紅豆冰跟餐多加$12，當然一次過加埋！香滑奶茶托底配上軟熟嘅紅豆，今晚熱氣啲都唔怕！在這裡完全可以慢慢嘆!食飽後還可以行多陣漆咸道先至搵車回家！

星期天去科學館前想醫咗肚先，想不到對面路的茶餐廳竟然可以不用等位。三餐冰室較其他餐廳光猛整潔，所以我們毫不猶豫就進去了。入到去見到有懷舊電話，又有畫上跳飛機的天花板，都幾特別喎！午餐set 都好多選擇，最特別係有胡椒豬肚雞湯飯，不過我們今次點了芝士焗火腿吞拿魚意粉和不在午餐set中的咖哩牛肉飯。芝士焗火腿吞拿魚意粉($58)上面舖了一層好重手的芝士，焗飯又夠熱，多汁，送意粉一流！火腿吞拿魚都足料，份量正常，如果大胃王就可能八成飽吧。咖哩牛肉飯都好好味，薯仔夠淋，咖哩汁又香。如果咖哩的份量可以多一些更好。

今晚出咗去尖沙咀交收, 好耐都冇行過加連威老道啦!好多鋪頭都唔同咗樣，行行下轉返個彎搵地方食個晚飯，喜歡科學館對面靜靜地冇咁逼人。三餐冰室，裝修夠晒懷舊特色，打卡影相一流。最緊要幸福簡單，天氣凍冰冰，一於食佢嗰個新上市嘅麻辣雞煲 $108。呢個雞煲對得起個價錢，熱辣辣香噴噴明火上枱，感覺加倍認真。麻辣雞煲 ，香而帶一點小辣，雞件嫩滑多汁，肉質柔軟，果然色香味俱全！雞煲配白飯，吸收晒雞汁嘅精華，例湯有紫菜湯味道好正呀！朋友揀咗有米之晩餐，甜酸咕嚕肉飯 $52，甜甜酸酸的醬汁好開胃，咕嚕肉入口有少少外脆內嫩，送飯真係好啱口味！最近有啲咳，聽講熱檸檬可樂煲薑可以止咳喎，又試吓先！跟餐加$8 真係抵飲。

聖誕節前去尖沙咀做個Facial，靚靚去party！做完Facial冇化妝，就同閨蜜一齊去附近食個晚飯。門面光鮮，裝修有一點點懷舊味道的三餐冰室，座位都坐得幾舒服，一於入內吃個鐵板餐。最鍾意有鑊氣的鐵板扒餐，熱辣辣吱吱咋咋，冬天食就最香噴噴啦！《招牌牛柳餐》$128先來餐湯，羅宋湯或是日餐湯，店員說羅宋湯是這裏的招牌湯，配厚多士又真係好少見。羅宋湯酸酸甜甜很開胃，帶點牛肉粒更加有咬口。鐵板招牌牛柳餐配薯菜，這份五成熟 的鐵板招牌牛柳，雖然有成寸厚，但入口確實有驚喜。肉質鮮嫩多汁，肉色粉嫩，黑椒汁十分惹味，兩樣加埋真係好香，令人食指大動！每客鐵板餐可追加：加$10白飯或意粉。不過兩大件牛柳確實足料，飽飽滿足了！奶茶紅豆冰，跟餐只加$12，平靚正！奶茶香濃、紅豆甜美，是一杯不錯的特飲。

每次剪頭髮加染髮也要數小時, 身為餓底的人, 當然要醫醫肚先囉, 否則也不知如何捱肚餓, 剛好位於尖沙咀髮型屋附近看到三餐冰室, 不用想便入內進餐啦~看看餐牌三餐冰室的午餐及下午茶供應時間也蠻長的, 換句話說即是多了很多套餐選擇啦, 只是貪心的人選了有湯、 有肉、有粉的常餐囉~午餐肉粒羅宋湯通粉 $46 大大粒的午餐肉, 滿足了口感需要, 通粉軟腍剛好不會難以咀嚼, 混合蔬菜感覺更健康, 加上羅宋湯的味道, 整碗連湯也給吃光光囉~熱檸茶 新鮮檸檬酸味不苦澀, 而且茶味濃郁呀~

今日又去香港歷史博物館，之前先在附近來個快速午餐，完全沒目標餐廳，碰巧經過「三餐冰室」，就在這裏開餐。雖然並非擁有悠久歷史的港式老冰室，但裝修風格就加入了一些 1970年代建成的第一代公共屋邨元素。最明顯一點就是餐廳玻璃外牆刻意燙上了第一代公共屋邨（非1950 年代徙置區）的相片。室外陽光普照看不清楚，室內影的相片就清楚得多了。撥開門外塑膠捲簾，原來是一條小甬道，甬道尾是類似霓虹光管的餐廳招牌。甬道一邊是冰室室內，還有一道自動趟門隔開；另一邊牆壁就掛了幾個鋅鐵皮信箱，很明顯是 1970年代的公共屋邨元素。還有一個更明顯的 1970年代茶餐廳或冰室特色，就是撥盤式模擬信號電話。當然，眼前這台電話只是裝飾品，已經不能使用，但就勾起無數兒時回憶。今時今日，由幾歲的小朋友至七八十歲的老人家，人人手拿一台移動電話；20歲以下的年青一輩，當然想像不到就只在30年前，茶餐廳或冰室內的這台免費固定有線電話的重要性。更抵死就是旁邊張貼的字條「打電話請勿超過3分鐘」！完全是當年的實際情況。室內裝修環境同其他普通茶餐廳無異，只是較為摩登、及更加光猛，因為冰室兩邊都是落地玻璃，直接面向街外。為了強化一下老香港

有日大家研究放工吃什麼，腦細推介「三餐」，問我們有沒有試過。然後我們笑笑口：「一早食過幾次了。」於是我們放工（十月客人來，很忙，要OT),又來光顧。每次來也是會點紅湯，很多料呢。堅.厚多士，外脆內綿，帶牛油香，而且真是比一般茶餐廳的厚。鐵板牛柳餐牛柳夠厚大多汁，有牛味。最喜歡聽著沙沙聲大口吃肉，連聽覺也滿足起來。牛柳必要跟薯條，這兒薯條份量也不少。來杯熱檸樂煲薑滋潤一下。這兒lunch 也不錯，找天分享一下。

都說了三餐冰室是否以一日食三餐的。上一次試了晚餐有很好的印象，今次就聯同同事去試午餐了！除了有一般正常的午餐外，餐牌外有一個海南雞飯，是店員極力推薦，咁我就試一試啦！午餐時段的海南雞飯跟了一碗中湯，說得上是真材真料，不是味精的朋友。海南雞飯除了雞⋯⋯便是黃油飯。沒有這個黃油飯便失去了重點。這兒的黃油飯香而不膩，還是粒粒分明的。因為很多時油飯都會過軟，就便得不好吃了！雞十分滑嫩同少骨，黃油得來又不會好肥，另外，是有雞味的，不會只有雪味。茶餐廳熱檸茶不能說有什麼可取之處，但在水準之上，即使不加糖，茶底也不苦澀。

這間三餐冰室在我公司附近，雖然坐落大街，但那位置在尖沙咀來說是不多人會到，所以就算午飯時間亦多數不用等位，所以係一個唔錯嘅選擇。大部分餐廳午餐很多時都是ABCDE幾款選擇，但這裡每天午餐都有十幾款可以揀的。今天選了這個香蒜汁雞排飯，先講雞排，他們是煎得不錯，可以說是皮脆肉滑，雞排還保留著不少肉汁，個蒜香汁調味亦不錯👍🏻。重點係個飯，我最欣賞佢哋個白飯真係煮得剛剛好，飯粒分明帶小許煙韌，這樣的飯吃起來特別好食👍🏻👍🏻👍🏻。