三洋餐廳 (已結業)

今日去三洋食午餐，見到好多人都叫湯飯，貪新鮮就試一試，湯飯$45，跟2款肉和一款菜，我叫了肥牛、貢根和豆腐。湯底好鮮甜，有少少魚味，肥牛普通，貢根類似貢丸，豆腐有少少魚湯鮮味，好食！

其實間間茶記既早餐都差唔多 呢間有片番茄同青瓜 睇落好似好豐富咁佢個牛油多士好香☺️應該係用左黃色鐵罐個隻牛油😋但沙嗲牛肉公仔麵就爭啲啦可能因為外賣啦 淋到一pat pat👀

那天路過佐敦 肚餓餓 未諗到食咩 ，諗起之前係九龍灣試過食三洋 印象中係唔錯 所以就入去食左個下午茶 叫左個下午茶既焗雞排飯 點知一上台 飯就好多 雞排 應該叫雞排丁就得數少舊 少得可憐 不過算啦 鬼叫係下午茶咩 唯有拎啲汁黎撈飯 佢個飯係炒房底 炒得係幾香口 不過就勁油 食到一半見到個底啲油浸住啲飯 就有啲怕怕 就唔想再食

前排去三洋嗌左個干炒黑椒豬扒烏冬, 都炒得唔錯, 都唔會話炒得好肥膩咁樣, 聞落去都幾香呀, 但可能因為係下午茶關係卦, 碟烏冬真係好都細碟下, 其實都要成40蚊個餐, 我expect會大碟少少...豬扒只有兩三件, 每件都算幾大塊同埋唔韌. 烏冬就真係有D少, 好彩烏冬炒得煙韌. 不過味道黎講都OK, 因為加埋黑椒一齊炒, 所以都有少少辣, 算香同惹味, 仲有唔少配料加落去炒例如韭菜, 芽菜, 芝麻..跟餐叫杯熱奶茶, 唔係咁好飲..茶有D澀.

因為減肥成日為左要諗出街食乜而煩。今日行左好耐揀餐廳，天氣凍有時真係唔想餐餐食西餐既沙律，一來凍啦，二來唔想餐餐都用八九十蚊食，好貴架嘛都。好喇签過三洋，就俾佢個湯飯皇個menu 吸引住，再見到佢有好多餸既選擇俾我揀喎！好似幾ok,於是就諗住入去試下！咁簂就揀左豆腐魚片油麥菜米線。豆腐有一磚，切開左四舊，老老實實食完啲豆腐都飽飽地，食埋啲魚片同飲兩啖湯就飽喇。米線都係食左兩啖。足料！最最最令我覺得正既係成個湯係無乜油架！十分之岩我！而男友就揀左下午茶版既肥牛飯。原來下午茶既size真係細過正價size 一半架有！第一次食下午茶版真心唔知，但價錢只係平五蚊到😨後尾男友食唔飽，後悔揀左下午茶，下次真係學精啲話要番正價午餐！

食物ok,,員工態度勁差，食完要即刻趕人走，飲品飲得個兩啖，就算好食，都冇下次，今時今曰，咁既服務，完全唔店，比錢食野，仲要受氣，，如果你公司要限時食野，應該列明講比人知，，只可以食30分鐘，同員工講，岩岩食完，，，仲要比佢大大聲話，食完好耐，，飲品都未飲完，又點會食完好耐，，從未食過一間野，衰到咁

今日去佐敦食lunch 返到office上網才知三洋是一家連鎖式經營的茶記 不過水準有啲強差人意小妹點了熱柚子蜜——對 呢杯係唔知點解有檸檬的柚子蜜 一開始侍應畀嗰杯係用茶沖的 侍應居然話唔要茶應該早出聲.... 試問有誰會估到熱柚子蜜係落茶㗎呢？而且 小妹懷疑根本沒有蜜糖 而係落咗大量砂糖... 太甜了例湯明顯加咗好重味精公仔麵煮得幾爽 雞翼得兩隻就太少了 一般嚟講至少三隻啦.... 至於那所謂的「車打芝士奄列」當然也沒有芝士味...

一行入佐敦道就見到光燦燦既三洋餐廳招牌，行到門口，就會見到係玻璃寫上好有霸氣既湯飯皇，望入去同一般茶餐廳無咩分別，有幾張4人卡位，中間有4人6人同埋幾張大圓枱餐牌有好多，但我每次入黎都淨係食一樣，湯飯（其實我都試過焗豬扒飯，不過味道一般）。今次都唔例外，兩餸湯飯，加多樣菜，43蚊，凍飲另加9蚊餸既種類都幾多，32種，再加15種菜，基本上你想食咩都有。所以可以見到一半人左右都係食湯飯。落單既時候侍應仲會問要辣定唔辣豉油，要辣既，惹味好多魚頭豬潤湯飯要白菜，凍奶茶，辣豉油湯飯黎到熱辣辣，半個鯇魚頭，豬潤手指尾咁長有5塊，白菜都幾多，用大湯碗裝再加熱湯。另外上一個滿滿既白飯。份量絕對夠一個大男人食，剛剛好。湯味道濃香，將個飯倒落個湯，先用匙飲兩啖湯，應該用魚煲好耐，好香，最主要係食完唔會好口渴，證明唔係重重既味精落肚豬潤煮得出色，咬落去口感係彈牙，唔係乾果種，淥既時間剛好，讚魚頭好滑，雖然唔算大隻，但一啲都唔腥，我最鍾意擺尾慢慢食，即係豬潤白菜飯做主菜，跟住魚頭做甜品，哈哈…不過記得留返少少暖湯浸返魚頭辣豉油係用黎食到中間放少少落湯，因為湯飯食到咁上下就習慣左個味道，辣豉油就可以再吊返起湯既

很久沒有來三洋食早餐, 近排鍾情於白加士街的茶記, 水準比三洋的高一點, 但吃多了也有些悶, 所以今天又回到三洋. 我的早餐最愛, 當然是最無益的公仔麵, 再上肥瘦各半的回鍋肉, 超正!加錢改了奶油豬, 水準還可以, 但烘得求其了一點, 未夠燶, 炒蛋就太差了, 扁平而且乾身...奶茶, 合心意, 茶味足, 奶滑, 其實... 間間茶記都相差無幾唶...同場加影, 光頭神探大發議論, 與其幾位同事講...今日生意好靜, 但隔離幾條街的澳洲牛奶公司條人龍長到飛起...大致上話...: "澳牛的食物根本無甚特別, 又只得一、兩個餐, 去澳牛的人都是跟風, 人去我去, 去既人好傻..."之類.... 嗱..嗱..嗱...呢個世界上, 就係有呢D咁好笑既人, 總以為消費者都是傻仔, 只有他可以看穿這個世界...  哈哈...

香港美食天堂墮落了中午飯到三洋餐廳佐敦店食晏，其實都去過好多次，食過很多飯款，整體水準以中午飯來說，算食得入口。我一向有食開佢地的咖喱飯，快餐個種，唔係辣，而係馬來咖喱香甜個類。今日就叫左個咖喱滑雞飯，叫得做滑雞，一般都會係雞球或者係其他斬件雞胸、雞骨等。但係佢地只係用雞翼。成本考慮，用雞翼都算啦，但係份量點都要過得去呀，即係夠送一碟飯！但係佢竟然得6舊，加埋唔到兩隻雞翼，重要係連翼脾個部分都見唔到，老闆為左賺到盡，比埋 d 雞翼頭頭尾尾當餸賣比客，太過份啦!

其實我寫依間係響旺角三洋附近專做幾餸飯嘅專門店，因為次次做lunch同放工時間都見有好多一排隊買，而佢裡面係一次放差不多二十種小菜比你選擇，貪心嘅我要左"生炒骨"汁嘅味道同肉都炸得唔錯，"豆腐火腩"豆腐外層非常上色同入味，"蒸肉餅"肉料十足同埋唔會太乾，最好係個冷奶茶！同埋個飯盒真係好大份，如果比較細食嘅女仔分分中可以兩個人分一個都可以！三餸大盒飯味道ok,再配埋個好飲嘅凍奶茶都只係$36，今時今日仲可以點！

食過三洋幾次，每次都會叫湯飯食。兩餸 一個菜 湯飯，$40 覺得幾抵食 個魚湯好好味，幾甜另外再叫左個肉鬆菜甫蛋($6x) 呢個都整得好好味，不過略嫌d小菜有d貴服務態度都幾好，知道三洋有幾間分店，但呢間比其他分店感覺乾淨d會再番黎食！

門口好大都好乾淨外面有好多餐牌令人有好多選擇又係我最愛既凍檸水 lu~~~~~~but.........佢Ｄ檸檬只係得三塊,其他餐廳有五塊檸檬我叫左個下午茶餐,冬菇肉片魚湯水晶粉Ｄ份量好足料Ｄ冬菇好鮮又入味又淋,又大大舊份量又夠good^^Ｄ水晶粉份量又夠,魚湯夠清又唔會話太鹹又唔會話太淡,食的時候再加一Ｄ醋就更加好不過D肉片就嘛嘛地

下午茶時段, 路經佐敦, 打算坐西隧巴士970上港大, 不如先吃了才上車吧. “三洋”是近年才開的茶餐廳連鎖店, 款式沒有翠華的特別, 但質素絕對合格以上. 下午茶, 西炒飯, 連奶茶, 只收$32. 奶茶, 比一般的茶餐廳的小瓦杯還要小一些, 茶味不算太濃, 奶味適中.西炒飯做得水準一流, 飯身炒得粒粒分名, 茄汁味道尚好, 火腿和腸仔材料落足, 最一讚的是蝦仁, 不是細細隻款式, 而且已經全去蝦腸, 茶餐廳少見之作.

好耐無食過呢種下午茶了, 炸豬扒沙律薯條, 加凍奶茶, 等咗二十分鐘有多, 侍應話六時左右, 下午茶時段尾聲, 已關爐喎, 所以再開會耐些, 無所謂啦, 唔趕時間, 豬扒夠熱, 又大塊, 但比較多油, 沙律味道不錯, 小小甜, 薯條都是即炸的, 幾好呀, 多一個好去處