三毛麵館 (已結業)

記得以前有位很愛吃的舊同事，尖沙咀海防道熟食檔的花生燜豬尾、油浸筍殻魚、牛丸麵都是他至愛，直至現在一提起嫩雞煨麵，亦會即時想起他！ 老公亦愛吃嫩雞煨麵，不過其鍾愛程度肯定不及舊同事那麼深厚。最近得知紅磡一小店的嫩雞煨麵獲得不少好評，想起舊同事之餘，也跟老公說了，他也有興趣一試！跟家人在紅磡飲茶後，在附近逛了逛，便到「三毛」試麵！ 「三毛」名符其實是一家小店，小店一半面積放了檯子和膠凳、一半用作烹調的廚房，陳設簡約，但整潔！ 「三毛」店主兩夫婦是上海人，所以店內主打上海的麵飯和小食，以小店來說，選擇也算不少！ 男店主打點樓面工作，點餐後即送來兩瓶免費凍豆漿。小店運作全靠夫婦二人兩對手，工作量繁多，負擔不了自家製作豆漿的任務，幸好店主篩選這瓶豆漿的甜度不強，口感暢順！ 單純的娕雞煨麵是 HK$46，我們點的煨麵加入了香菇絲，變成了香菇雞煨麵（HK$46）。 熱騰騰、霧著煙、乳白的湯底托著雪白的麵條和嫩綠的菜段，面前的香菇雞煨麵透出純樸的美！ 一呷湯頭，質感厚重、瀰漫著奶油的濃香，奶油背後是隱約低調的上湯；而翠綠的菜段灼得剛好，爽口而不過腍；香菇絲軟腍、唯不香，與彈滑的白麵條成了不同的層次

小小的橫巷小舖，座位僅有12個，舖內的裝修頗年輕化，但卻是2位上海叔叔嬸嬸來主理，採取開放廚房，烹調的過程一目了然。嫰雞煨麵，份量頗多，奶白色的湯底，奶味唔太濃，幼身麵煮得剛好，淋中帶爽彈。雖說是嫩雞，可菜的比例是超多，努力叫仍有大量菜在，而且菜是跪跪爽爽的。家有懶人唔肯落街吃，唯有親自做埋囉！雪菜肉絲湯年糕，份量一樣大，雪菜放湯後唔太鹹，肉絲唔夠入味，且有些嚡。年糕吃落是鬆泡泡的質感，沒有年糕應有的軟靱咬勁。豆漿，是每天送來的，午餐附送，只是微甜，好飲。不過只有涷的，其他亦可選汽水呢！

天氣凍，就地解決飢餓，是但未食過就走入去。店舖好細，只可以搭檯。見到對面食嫩雞煨麵，睇落幾好食，所以我都要一碗，仲有一枝豆漿隨麵贈送👏🏻👏🏻👏🏻 對面見到人地食穌炸雞排麵，好似都幾正。而我嗰碗嫩雞煨麵都真係好大碗，又多雞又多白菜粒。雞粒好味，白菜粒翠綠爽脆😋 最重要嘅係上海幼麵夠軟滑，吸埋雞湯更香更好食。食飽飲下豆漿，豆味濃唔會太甜。健康又有益，補充蛋白質。$42一個餐，麵咁大碗，料又多，實在抵食👍🏻

近日有事需要經常到黃埔，四出尋覓美食。因一向偏愛小店，今次這家上海小麵館味道不錯，環境小小，但亦是光亮潔淨。有機會路過而時間許可，是可以來試試的。******************************嫩雞燴麵(8/10)等了大概十多分鐘，似是即制的燙口燴麵送到。菜和肉份量很多，麵身煮得剛好，較特白的是奶白色的湯，似是濃雞湯飲了一口又一口。******************************本想試試餃子的，但店員說一碗八粒，不能吃加兩粒的，所以唯有放棄了，下次和朋友或同事一起才再試其他的好了。另亦建議店家可考慮一下如這般的套餐，例如加10元可配2粒餃子，可多做一點生意外又可讓我們品嚐美食，一舉兩得。

今日行過見到有間新鋪頭就去試吓。我同家人點了上海春卷、燻魚、雪菜毛豆、雪菜肉絲麵同年糕食。個上海春卷超脆，$16(2條)，不過我個人比較喜歡多一些菜，所以我覺得多一些菜會juicy啲會更好食。燻魚同雪菜毛豆都幾好食。燻魚$36(3件)，味道較重。而毛豆就$18，毛豆很鮮甜，但有少少咸。個雪菜肉絲麵同年糕都係有點兒偏咸，分量好夠，價錢分別係$38同$45。整體嚟講都幾低同好食，值得一試，不過就真係有一點兒咸，食完要飲水。

今晚見到有間新上海麵店， 好想去試嫩雞煨麵 嫩雞煨麵聽落簡單但而家要食一碗好味0既雞煨麵真係唔易架！ 通常上海麵店都唔會差得去邊 ， 好期待 今晚點左嫩雞煨麵同兩碟小食 ~ 醉雞中翼同白灼小棠菜今晚0既雞煨麵好夠份量 ， 好多菜同雞， 一定夠飽 售價$42 一碗 但係有d 咸同埋麵都未煮淋， 麵仲一嚿嚿添⋯ 醉雞中翼也不太入味， 有點咸 ， $18 3 隻都ok啦 ！ 白灼小棠菜$15 一碟， 價錢都算平但都係咸 ⋯ 今晚食完飯飲左好多水， 味精都幾重下

見有新舖就試一試，嗰陣仲寫住試業，點左香酥雞麵同茶葉蛋，份量比想像中大，一上枱非常熱，要慢慢食，個麵煮到啱啱好，唔硬唔淋，雞扒有咬口，食完個麵隻茶葉蛋仲係好熱，要慢慢搣殼，隻蛋味道啱啱好，其他舖可能放太耐太咸。由於呢次試食唔錯，約左朋友再去，因為舖頭唔大，遲啲多左人去食會無位坐，今次各自叫左唔同嘅野，有雞翼、燻魚、紅燒肉、湯水餃同雞燴麵，基本除左雞燴麵我唔鍾意佢淋身其他都好好味，食完朋友見到有春卷同豆沙春卷，好彩朋友見到，呢兩樣超好味，值得推介，特別係豆沙春卷。