三毛麵館 (已結業)

如果講到嫩雞煨麵 喺紅磡黃埔區 我諗大家第一間諗起嘅一定係滄浪亭 今日試下新口味 試下另外一間小店三毛麵館我夜晚八點鐘左右去到 店入面只係見到兩張枱 四張凳 原本諗住堂食 點知抄牌 即刻轉咗做外賣 嗌咗兩樣嘢: 嫩雞煨麵 炸大排 嫩雞煨麵好大碗 好多料 啲雞唔算鞋 雞同菜嘅比例係啱啱好 個面軟硬適中 重點嘅湯好重奶味 食完唔算口乾 最後我係連啲湯都飲曬😆 整體同滄浪亭嗰個嫩雞煨麵可以話係一樣味道 係好食嘅 值得推介炸大排厚度適中 味道略甜嘅 口感唔算嚡唔算干 還可以嘅 舊豬扒有肥有瘦 炸得幾香脆76蚊埋單 仲送咗支豆漿 整喺cp值超高

今人經過門口見有間上海食店，價錢唔錯，所以試下。叫咗個熏魚湯麵同水餃外賣回家，返到屋企好驚喜，以佢既價錢個面好大碗。水餃都大隻。以外賣計，味道、價錢和份量各方面都唔錯。

隱藏喺紅磡小巷嘅上海麵店，應該係兩公婆經營，一個樓面一個廚房。舖頭位置唔多，十個位都冇，坐得迫啲，又有少少貨喺附近，但勝在夠平夠快。*嫩雞煨麵 $49 (午餐送樽裝豆漿)上菜時熱辣辣出晒煙，小棠菜份量好多，唔會切到細粒碎碎，又甜又脆口，雞肉係急凍貨，大粒但冇肉味，勝在夠嫩唔嚡。湯底雞湯呈奶白色，香濃但飲到有少少味精。麵條滑溜又索湯，而且唔會太綿太腍，非常合我口味。食lunch有樽裝豆漿飲，仲要唔洗50蚊就食飽飽。

Order and waiting timeOrdering was simple, and there was no queue around 6pm. There are I think at most 4 seats inside the shop so this is more of a take-away oriented food place. It only took 8 minutes for the lady to prepare my order from getting the chicken from the fridge and cooking the shanghai style noodle.The pricing is acceptable and good valued, highly competitive compared to others nearby.The food (香酥雞麵)Although the food stop is in the same secluded lane along with Zeppelin, hainan ch

喺openrice 揾到呢間小店，見冇負評又想食菜飯就去左食。入到去就明點解大家叫佢做小店。坐喺度會望到廚房，但非常乾淨企理兼乾爽，食都食得安心啲。今次叫左大排菜飯同紅燒肉菜飯。大排係炸豬排，但唔會有好厚嘅炸粉，食落脆口兼熱辣辣。紅燒肉肥瘦適中，非常入味，但略嫌鹹左啲。菜飯係用珍珠米！好食！今晚堂食嘅得我地一枱，但都有唔少人買外賣。紅磡好多野食，但少有咁滿意值得推介嘅小店。下次有機會想試下煨麵同醉雞翼。

又係多謝街坊既時間，好多街坊麵介紹我去三毛麵館，試咗佢哋最出名嘅嫩雞煨麵，嘩，雖然冇分湯，返到屋企啲面浸到好林！但係我想講，真係超級勁好食，佢個湯係奶白色嘅，唔知係咪豬骨湯，啲菜好食就唔使講，佢啲雞呢，係咸雞嗰種計雞，爽滑彈牙，唔係雪到好似布渣個一種，啲面都好滑！$45 仲有支豆漿送，真係抵到爛，大碗到食唔晒，星期五夜晚屋企人話去到都好靜，大家可以支持下！唯一覺得爭緊少少嘅就係，可能湯太熱，會聞到有少少膠味定唔知菜既青味咁樣！又來街坊真實食評

我一直好想試既紅磡黃埔其中一家上海小店，前掛去過一次，但佢落場休息，所以買唔到，今日因為明天娘家沒有水、電、連咸水都冇，最重要連公眾地方都冇，連大廈既電梯都冇，要下午先有公眾地方先有電，所以一定要返娘家，要幫媽媽打針，免得佢要去完診所打完針就無家可歸。咁就返到紅磡，就去買外賣返屋企食，我就決定去睇下呢間上海小店有冇開，見到有開，當然第一件事入去買啦！佢店仔細細，上次去已經見到得三、四張枱，仲要好迫，要背對背咁坐，今次因為疫情關係，佢將所有枱變食自私枱，係面對牆身，但由於太細，佢又要配合政府既要求，都唔知可唔可以坐到4人。不過唔緊要，佢平時，好多人都唔會坐抵食，因為地方太細，外賣多。所以應該對佢黎講真係唔大影響，佢果度由兩夫婦主理，好有人情味，老闆娘好好笑容，但千萬唔好嫌棄等得耐，兩夫婦都上左年紀，係慢工出細貨。地點：紅磡德民街店埔：三毛麵館嫩雞煨麵湯底奶白色，好滑，奶味啱啱好，配上佢既雞湯底簡直一流，可能佢地係上海人，所以味道只係小小偏咸，麵佢本身用幼麵底，煮得剛剛好，因為我返屋企路程大約5-8分鐘，食時最多少少偏淋，但又唔會糊，仲係條條分明，配料雞超多，好滑，因為佢係咸雞粒，所以好難

好多人都鍾意捐窿捐啦搵嘢食，呢間上海麵館匿埋喺黃埔一條小巷入邊。舖位都幾細，而且冷氣嚴重不足😂不過為咗食好嘢冇計啦雞燴麵係我來既主要目的，佢既麵唔會太腍，軟身得黎仲保持到個韌性～而湯底好清好鮮。雞粒都幾滑～不過就係腌得咸左d🤧另外加左個炸大排，炸得香口，而且唔乾。不過豬扒有陣甜味 唔知點解😂另外我加咗一支豆漿，當然我都知道唔係呢度自己整嘅，不過支豆漿加咗好多分。因為佢係無糖嘅～依家係街都好少見到有無糖豆漿賣。而且豆漿冇渣

早幾日路經附近見到新開的小店，店內只有6個位咁上下，沒裝修反而喜歡這種樸素同老公坐低睇餐牌 order食物後，首先送上兩支豆漿，不太甜👍🏻👍🏻雞絲粉皮份量好足夠，差點以為係主食😆花生醬好香，汁調得好好四喜烤夫也不錯，係淡左少少嫩雞煨麵非常出色的煨麵，好食到叫了一碗外賣給家人可惜只有5分鐘的路程都吸到無晒湯，呢款真心提議堂食會比較好💖💖💖水餃相比之下比較失色每樣份量都超大碗，食唔晒打包左水餃味道不錯，一定要再去試吓其他嘢

小店主打上海麵食，座位不多，這次就幫襯了外賣。點了一碗冬菇雞煨麵，$46；另外也點了一碗大排菜飯，$43，還送兩枝豆漿。碗麵十分足料，一打開全是菜和肉；麵量也多。白麵條幼滑不會過淋；湯頭呈奶白色，雞湯味濃，略嫌鹹了一點。小棠菜切得細緻，雞肉不是雪藏雞肉。令人驚喜的是加上了冬菇，令成碗麵的味道添加另一層次，菇香四溢。整體來說是碗幾高水準的嫩雞煨麵。而大排菜飯都大大碗，排骨醃得入味，邊位仍脆，都可以一試。

日日午飯都要諗食乜嘢，黃埔呢區咁多餐廳點揀好呢？呢頭好少有上海菜，見到價錢唔貴，就試吓啦！門面環境電子屏幕餐牌醉雞中翼 $19入味，唔太凍，不過質感有啲硬雪菜肉絲湯年糕$46湯底好滑，有奶味嘅感覺，年糕軟硬度適中雪菜毛豆 $19好食，小汁，做前菜不錯陽香麵 $19軟硬度適中，都不錯👍🏻不用加一

今日同朋友去黃埔行一田行之前見到肚餓，就喺紅磡附近搵下嘢食先。 去到巷仔，見到呢間店名幾得意而且價錢幾抵，就去試下啦。我哋分別叫左大排菜飯同埋香酥雞菜飯。大排菜飯：大排菜飯嘅炸豬扒炸得好香脆，外脆內軟，而且份量好多，加埋果大大碗嘅菜飯，正常男士都絕對夠飽。香酥雞菜飯：香酥雞菜飯嘅炸雞扒同大排豬扒相比，份量就比較少啲，但係都炸得好好味好香脆。但要留意嘅係，佢嘅座位真係好少，只有十個位左右，如果要去食嘅話，最好就唔好喺放工放學嘅時間去食，如果唔係，可能有排等。

係個頭返工嘅打工仔都知道黃埔依家食肆越來越貴，想去食平d唯有行遠一點。近來發現附近開左間食上海麵嘅，但舖位細細，而且預左要有搭檯嘅覺悟。睇餐牌都幾多野食，我不嬲好鐘意食上海舖嘅排骨麵，但我見好似冇，就叫左個香酥雞麵($43)香酥雞麵($43)份量就咁睇都幾多，真實係真係多，我食到尾都好飽，香酥雞剛炸起，好香口。食炸物熱辣辣最好食，而且4舊都大大舊，肉唔嚡，好好味。另外個豆瓣醬真係好好味，我用黎點香酥雞同撈埋麵一齊食簡直係非常匹配呀～好味嘅豆瓣醬之前我齋睇餐牌以為冇上海排骨食，原來係有的，佢依度叫「大排麵」($43)到左黎，原來真係上海排骨黎，試食左，又係即炸熱辣辣，好好味，點埋豆瓣醬又係一流。而且每人叫一客麵都係送一枝豆漿，唔係一杯，真係好闊綽～豆漿係正正常常咁囉。總共係$86蚊，俾$100老闆找，當時佢找到$11蚊黎，我以為收$3蚊茶位，之後老闆好快咁話找錯，補埋$3俾我啦，好誠實又主動。總括，價錢抵食，食品質素幾好，係迫左少少咁囉～

黎到黃埔呢個美食集中地，當然要穿插下橫街小巷，睇吓有咩特色美食。早前已經做咗資料蒐集，聽聞呢間三毛麵館嘅麵好得，今日就嚟到呢間小店一試佢既招牌上海麵。淨係睇相嘅菜式都係比較上海風味的麵食，款式不會太花巧。相信老闆都係想專心做好麵俾大家食。 店舖嘅位置不多，我就坐咗喺最近門口嘅位置。我點左個大排麵，價錢真係相當平民，先$43。相信依家出街晚市食飯好難食到呢個價錢。這個上海麵食落口真係同出邊食嘅口感完全唔同，爽滑彈牙既麵配上清甜既湯底，就算配上呢個炸大排都唔會感到好熱氣肥膩，值得推薦！

在黃埔的一條小巷內，位置並不起眼，偶爾發現便進去嘗嘗。店舖不大，坐位不多，只有兩三張桌子，剛好有兩個空位坐下。我選了大排麵（$43），即是炸豬排加湯麵。豬排很大一塊，炸得酥脆，就是口感有點乾。湯面看上去很清淡，但想不到食起來味道不錯，加入醋胃口更好。麵條也不會煮得很軟，是有嚼勁的麵條，份量很足。還有免費送了一枝豆漿，下次再來打算試試菜飯。另外也試了朋友的雞排麵，口感同樣偏乾，但是味道比豬排好，感覺醃料比較入味，也是可以一試。