三木韓國料理

營業中

休息中

近一星期停止了活動的美食團，今夜又再按捺不住要出動了。因為上次的感覺很好，所以我們再臨三木用膳。這次點的菜跟上次有點不同，我們放棄了韓式牛肋骨而改選美國牛肋骨肉、炒八爪魚、刀削麵、燒鯖魚、石頭飯和薄餅。美國牛肋骨肉質跟韓式的多了一的咬勁，不過因為油花較少而韌了一點點，味道方面醃得適中。炒八爪魚的觸鬚都只炒至剛熟，不會韌之餘而變得彈牙，配以濃濃的韓式(甜)辣醬來炒，又是一道佐酒的好菜色。刀削麵跟中式的並不一樣，麵條未至於大小不一，口感煙韌。濃濃的湯底(不知是豬骨還是牛骨淆的)，被麵身外層吸收了，風味增加不少。燒鮪魚一直都是我至愛其一，理由是它油份豐富，特別是經燒烤後的肉質，充滿著溶化了的油份和魚肉本身強烈的魚肉味道，只需要略以海鹽灑在魚身上調味便已經足夠。石頭飯味道一般，在上菜時服務員會問道要不要她來把材料混合，辣醬的份量也可以因應客人的口味而增多減少。薄餅的味道跟我們的咸薄罉差不多，只是厚度比較厚一點。是次我們再被安排到窗邊位邊，看著街上的景色，邊吃邊聊天感覺真的很好。

是夜是暫別同事的大食團後篇，對上一次在晚上吃韓菜(不包括任食燒烤)已經有五年多的日子了。一來是覺得韓菜的醃製味道十不離八九，二是價錢比一般的來得貴一點。不過既然是"慶祝"同事離職，也沒有所謂，再來個順水推舟試試現在的水準。入到店內感覺頗好，不嘈雜、沒有大量的油煙味道，坐位也很寬闊，剛好我們被安排到窗邊的位置，可以看到街上的景色。^^點了的菜有:韓式醬汁牛肋骨、豬腩肉、醬汁雞肉、牛骨煲、人參雞湯和米酒牛肋骨的油花很平均，醃得入味但沒有搶走了肉的味道，帶甜而口感軟滑。豬腩肉沒有任何調味，點附上的醬油或海鹽就可以帶出鮮味了。雞肉用的醃汁，味道跟牛肋骨的相似，不過口感和肉味也不一樣，另有它的風味。牛骨煲把材料原來的味道都煲出來到湯之內，肉味加上蔬菜味雖然偏淡但少油少調味的煮法令到這道菜健康之餘亦保留原來肉的味道，不錯~人參雞湯味道甘甜，是因為人參的味道都"跑"了出來，而雞肉跟人參味道混合了後，雞肉的肉鮮味都帶了出來。這個米酒很易入口，沒有那種濃烈的酒精氣味，帶一點點甜之餘和米的味道，其中一位成員說如果先吃一泡菜，然後再喝下米酒，酒的甜味會更加明顯，我們試著好像真的是這樣呢~ ^^

三個人食，要左個牛肉鍋，炒粉絲，同埋海鮮煎餅，仲有飯同啤酒，完全食唔晒，太多～不過全部都好好味，老公則認為一般。我最欣賞炒粉絲！單係牛肉鍋已經要$350，都幾貴架～環境好好，裝修好靚，坐得好舒服～另外，ｄ侍應其實唔係韓國人黎架(雖然廣東話講唔正）！個老闆娘就係～

今晚6人同行,配合meat lover,所以選了韓式燒烤。這家三木很不錯，烤肉味道很好，而且沒有一身油煙感，抽煙做得很好，只可惜牛肋骨不夠甜。石頭鍋飯很好，配料剛剛好，很美味！豆腐鍋也很好味，不是太辣，沒有搶去豆腐和其他配料的鮮味！最好便是地方很寬敞，不會人多噪音多！

果日係我個Friend生日食飯，我地係網上睇到ｄ人話三木ｄ食物唔錯，座位舒服，不過ｄ服務態度就好差下。咁我地咪決定去試下見識下囉。我早２日打電話去訂話，聽電話果個人都好nice咁話無問題。到左果日我地準時到達，佢安排左個卡位比我地，坐低又真位幾舒服同寬敝，我地帶來既蛋糕佢又幫我地放雪櫃雪住（覺得ｄ服務唔錯）。跟住我地點菜，ｄ野好快就來晒，我地點左特選牛肋骨（好好味）、烤雞肉（都唔錯）、泡菜煎餅（不過唔夠泡菜味，我地自己再加件泡菜一齊食就ichban）、石頭鍋飯（都ｏｋ）、真露燒酌＋檸檬汁（好好喝），仲有８小碟都好好味。我地一邊飲酒一邊食，大家都好開心，ｄ服務員定時過來幫我地加茶唔洗叫都幾好。我地食完第一輪覺得未夠盡興再落order，我地再叫左原味牛肋骨、泡菜冷麵再加多４小碟（有泡菜，薯仔，茄子，新鮮泡菜“勁好味，有泡菜既辣味又有菜既清甜味，值得推介“），再多加１支真露燒酌齋飲（好甜好凍”正“）。老板娘好好人咁送左果４小碟比我地，最後我地食埋自己帶來既蛋糕先埋單。食咁多野合共都係HK$926.00。都唔算好貴，最緊要係大家都食得好開心，ｄ服務都又唔錯，坐又坐得舒服，值得大家去試下。註：ｄ

想食韓國菜, 係尖沙咀實在有不少選擇, 也試過不少. 是晚來了這裡, 跟另一家其實都算打對面的, 這裡的環境係闊落一點, 也係韓藉人士比港人為多. 見牛肋骨煲的評語不太好, 就要了個烤牛肋骨同埋什錦燒餅.先來的當然係前菜, 一來八碟, 一路吃一路等食.烤牛肋骨: 8分, 這裡的烤牛肋骨係大大件的, 烤完一輪店方再幫我們剪開, 也係真的有件大骨頭, 跟對面的只有肉沒有骨係不一樣的. 肉本身係幾入味, 肉質也不錯, 吃落口唔會覺得過老的.什錦燒餅: 7分, 一碟八大件, 兩個人分, 係好足夠, 勉強吃完也不用叫飯了, 已經填滿肚了. 不想吃海鮮, 要了什錦, 煎得夠香, 不過稍嫌多了點粉.食物的水準幾好的, 環境又比其他地方優勝, 滿意的.

昨日係我生日, 一班朋友為左同我慶祝帶我去到三木, 話幾好味喎入座之後, 第一個感覺都係大家所講咁少油煙, 位置寬敞, 第一個印象都幾好睇一睇個餐牌, 都幾貴但一分錢, 一分貨, 都可以接受到既正式點菜既時候,我地點左三碟燒烤肉($90x3), 一個豚肉菜包($300- 唔係好記得個名), 一個炒粉絲($100)個豚肉菜包好特別,味道都唔錯,而d烤肉就不過不失咁啦o係我地燒緊肉既時候, 佢不斷咁話你地燒完肉, 我幫你換個煱我地都不以為意, 只係盡快燒哂d肉先期間佢慛左我地幾次...之後佢換個架, 放左個好似叫豬骨煱上去我地即刻有個疑問, 我地叫個個係炒粉絲喎我地同個待應講, 佢話你地係點lee個喎唔理我地講咩, 自己開著個火, 拎d 碗黎但我地都係堅持唔要, 佢只係不斷重復話係你地點錯但實際上, 我地落order既時候佢連紙筆都無拎出黎只係記住個no.,就去落單而我地落order就係指住個menu講埋個no.同埋個菜名比佢聽而且我每個朋友都有聽到我地係咁嗌, 所以都同佢理論重要我地叫左佢幾次, 熄左個火先, 佢先肯熄我地叫佢搵manager黎, 佢話佢岩岩行開左重好無禮貌咁話: "係你

這裡環境唔錯, 可能少人關係, 冇一般韓燒既油煙問題, 而且座位闊落, 坐得幾舒服. 不過侍應服務就真係麻麻地. 由於張台幾大, 所以想叫侍應開兩個爐, 但侍應居然咁講" 你地要了三碟燒烤, 想開兩個爐?". 嘩~ 咩態度! 咁最後當然佢都要屈服啦.泡菜: 唔錯, 差不多每人有兩碟.炒年糕, 個汁做得好好味, 比上海炒年糕更好.海鮮蔥油薄餅: 好好味, 煎得好香, 好多大大條既蔥, 十分地道既食品.燒烤既肉類都唔錯, 尤其是羊肉, 好淋好夠羊味.

琴晚同朋友原本bk o左去有骨x 打邊爐,點知朋友早到有骨x 又唔俾早d拎台,我地決定去第二間,行過呢間o野有人派傳單俾我地,見到五十幾蚊個飯咁抵就入o左去上到去睇menu,碟碟o野都差唔多$100以上,先知原來我睇緊o既傳單只係lunch時段,冇計啦,一場o黎到,最後我地都叫o左4樣野,唔係好記得菜名,大約o架咋海鮮蔥油餅石頭鍋飯三文魚鍋飯海鮮烏冬埋單連加一$451(記住仲有8大碟前菜)等o左一陣就上o左8碟前菜,因為太耐冇食韓菜o既關係大家都唔記得o左呢part,前菜大碟又新鮮!之後上o左蔥油餅,好好食呀!又唔覺得油膩,食完有好想再食多件o既感覺石頭鍋飯o既味道唔知會唔會同三文魚鍋飯搞錯o左,好似係酸酸甜甜o既,好開胃,亦都好好食!三文魚鍋飯一樣係好好味,混入辣醬,o岩晒我呢d最6意食辣o既人,程度又o岩o岩好唔會過辣海鮮烏冬呢個先勁,因為我地食野每人有一個好淺o既碟,又3個人share,夾落個碟度唔可以再倒湯落去浸住食,點知就咁食d烏冬都有個湯底味!好入味好正份量都幾大碟,因為我地3個女人都唔記得左前菜呢回事,叫o左4樣野最後食淨少少,其實叫少個飯都得,因為d野大碟建議約埋三五知

昨日與一大班人與朋友慶祝生日, 這間店舖是朋友在網上找的, 大家也未曾幫襯過, 但畢竟每次選擇食店都令人好頭痕, 所以大家都沒有異議就決定來這間店試試看.一入到店內, 都覺得頗為寛敞, 8人枱很大, 坐低啱啱好, 不會太迫夾.食物方面都算滿意啦, 至於價錢方面, 我覺得越多人越化算.總括我都覺得值得推介給我的朋友及同事們一試.

今晚岩岩同兩位好朋友係呢度食飯.嘩!一坐低,就有8碟前菜送比我地食,正!絕不欺場,碟碟足料,Yummy Yummy!之後,我點了1碟'牛簕骨',1碟'煙肉',一邊燒一邊已聞到陣陣香味,放入口,簡宜好味到不得了,唔停得口~再點了1客'麵醬生菜'-> 正!經黃小姐推介下,我地試了1客'豬血+羅米'湯(係正宗既韓國湯)<個餐牌冇ga!>, 味道鮮甜,好好味^^呢度環境整潔舒適,D樓面姐姐仲好醒目,不過最好服務果位就梗係收銀姐姐,佢教識我講左兩句好正的韓文,不過我唔記得左lu,下次要再問番您點講,呵呵總之"三木"係我去過咁多間韓國料理,最好味既一間,未試過既你,必定要一試!!!

本人亦經常到三木韓國料理食晚飯,最喜愛燒西冷,炆牛肋骨,燒清魚等菜色.牛肉極靚,kimchi極好吃,應該係最好食既韓國餐廳..但係o岩o岩睇到樓下"永遠不會再到三木的一班人(非會員)"發表意見,講到人地係黑店, 咁樣同事實就真係有好大出入啦..人地環境舒適,d野又好食,招呼又好,點樣黑店呀?? 你俾人呃左幾錢呀?? 果度d waitress可能係韓國人,可能對住你呢種bee lee ba la既香港人,反應慢左小小,但係都好好招呼wor..你係咪係果度鬧人呀?? 再睇下你俾人呃左幾錢先,"是次每人消費約$110元",唔該唔好話人黑店啦..我諗你係去錯地方lor..漢x苑一百蚊位任食唔嬲..ps. 我好鍾意係呢度食野,但係真係唔希望同d咁人食埋同一間韓國料理lor...

感想就係十分差...因為呢間店係我朋友介紹呢間野d前菜又好食又正..所以我先約朋友去試..原來我發覺呢間野點解一入去就咁少人係裡面坐..原因好簡單因為呢個其實係黑店...我地一行8個人原本一心想試下呢間野話哂係香港都未正式試過..當然樣樣都想試下喇..結果當我地試到第四個菜..後面個兩個就唔想試喇.如果唔係朋友未食根本唔會再叫order.作為韓式料理..前菜係最緊要的..妨且又唔係值幾多錢... 果度一個order都其實都唔平喇..最少都要100蚊個架..都唔知使唔使加一添..d職員態度又差..食物都還可以...最勞氣係...d人根本就係唔想做個隻...下下都要叫住加個樣呢樣冇個樣冇呢樣..仲要係叫幾次有反應個隻...如果你係客你都火滾喇...下次唔使指意我地再幫襯你..

韓國教授到訪,已經帶佢食o左唔同菜式,今次帶佢食番家鄉菜,睇o下佢有咩意見.打電話去訂檯時已指明要韓國侍應招呼,但去到坐低叫o左好耐都冇揾到韓國人得閒. 原來只係廚師同一個類似合夥人係韓國人,所以最後都只係叫中國侍應落單. 我俾教授話事,佢點菜,不過我指明一定要好辣. 燒物有豬肋骨同豬頸肉. 豬肋骨都泡菜味,有肥肉所以都幾滑. 豬頸肉好爽,原來咁好食,都係第一次.泡菜豬肉豆腐算係幾辣,當然對我嚟講就有排未到我要求啦. 但因為我老細少食辣,都要就o下佢. 教授話食時係豬肉同豆腐一齊食,濃濃泡菜味夾豆腐就剛剛好.石頭鍋飯有好多飯焦,同我地d煲仔飯有得揮. 加埋辣椒醬食當然又係我最愛啦!!!海鮮薄餅煎得好香,不過料就唔算好多. 但係已經開始好飽,食o左咩落肚都唔記得喇!辣冷麵係我要點. 麵係冰凍,好正呀,個辣椒醬味道又同石頭鍋飯有d唔同. 重有青瓜絲,肉絲加埋一齊食,又係其中我鍾意韓食之一.最後送肉桂糖水,勁肉桂味,可能有d人未必接受到. 但肉桂味好似將d蒜同蔥味中和,唔錯. 我估自己整都唔難.整體教授都話唔錯,點知其中一碟前菜佢食o左後有d失望話太咸,破壞o左成餐飯個感覺....又會咁誇張

同舊年一樣，今年情人節又係去食韓菜，尖咀好多間都試過，要search下搵間新野試試。原來咁多圍內人食過，信心倍增。可能係新開，環境光猛又乾淨，絕對無油煙味，而且張枱又大又闊，坐得好舒服。例牌前菜，有8小碟份量唔少，當中以蘿蔔絲最好，酸酸地又帶點蘿蔔的清澀甘味、魚片切得厚厚的，又好野味，反而傳統的泡菜就麻麻，味道唔辣只有一個鹹字，其餘都唔錯。炆牛肋骨-學ms chan話齋真係好杰，而且薑味好重，只缺少了醋，我以為自已食緊豬腳薑，牛肋骨不太入味又不是炆得好腍，肉質還帶點韌。石頭飯-第一次食到咁多飯焦，不過飯本身真係好濕好腍。另附的不是辣醬，原來是甜醬，我仲一大一大匙撈飯，令到碗飯甜甜的。醬油炆鯖魚-因為見隔離台的韓國人食，大大碟好吸引。原來大碟有三大件鯖魚，還有好多蘿蔔、洋蔥等配菜。侍應又話係辣，真係一點都唔辣，只係好鹹，連蘿蔔都好鹹，唔怪韓國人要撈飯食。其實好想試d乜煲乜煲，可惜太大兩個人一定食唔晒，下次再約埋一大班人食喎。