影片
更多
2025-03-05
860 瀏覽
有班行山老死，行5、6個鐘，高難度嘅山都無問題，但今日呢班弟兄，多年都唔行吓山，所以，揀條輕輕鬆鬆嘅「青衣自然徑」嚟行。唔太辛苦，兩個鐘內就行完，仲可以落番「長康邨」食個下午茶先散。剛喺巴士總站側，見到呢間「三悅冰室」，求求其其就入咗去。我記得成年前嚟過一次，當時呢個鋪位喺「翠河」，返屋企再摷番篇食評，對比一吓環境、裝修都無變，沿用舊鋪。格局都喺一般茶記咁，卡位為主，有啲5、6人圓枱，啱我哋一棚人。平常茶記啲餐具、調味料就放晒晌枱側抽櫃內，因為我哋坐咗晌圓枱，所有嘢就放晒晌枱面。下午茶餐餐牌都主要都喺嗰兩版，另外，加多一個以菠蘿包作唔同配搭嘅茶餐。菠蘿油+熱奶茶 $30由於行得晏完，轉頭返到屋企又話食晚飯，所以，應吓景食個「輕怡」嘅下午茶，當然，輕怡喺指份量，菠蘿油絕對唔太健康。片牛油唔算好厚，但俾到兩片，夠誠意啦，令到每口菠蘿包都夾到有牛油，加上個包有烘番熱，算做得有心。熱奶茶色澤唔錯，唔會太淡，都幾有茶香，茶奶比例都OK，只喺飲落就未叫好滑好滑，但都收貨喇。生炸雞脾伴薯條 $44本來就只打寫自己食嘅菠蘿油，其他老友叫嘅多士餐、粉麵餐無諗住寫，不過，其中位老友叫嘅生炸脾送到嚟，好帶有
我記得成年前嚟過一次，當時呢個鋪位喺「翠河」，返屋企再摷番篇食評，對比一吓環境、裝修都無變，沿用舊鋪。格局都喺一般茶記咁，卡位為主，有啲5、6人圓枱，啱我哋一棚人。
平常茶記啲餐具、調味料就放晒晌枱側抽櫃內，因為我哋坐咗晌圓枱，所有嘢就放晒晌枱面。
下午茶餐餐牌都主要都喺嗰兩版，另外，加多一個以菠蘿包作唔同配搭嘅茶餐。
菠蘿油+熱奶茶 $30由於行得晏完，轉頭返到屋企又話食晚飯，所以，應吓景食個「輕怡」嘅下午茶，當然，輕怡喺指份量，菠蘿油絕對唔太健康。片牛油唔算好厚，但俾到兩片，夠誠意啦，令到每口菠蘿包都夾到有牛油，加上個包有烘番熱，算做得有心。熱奶茶色澤唔錯，唔會太淡，都幾有茶香，茶奶比例都OK，只喺飲落就未叫好滑好滑，但都收貨喇。
生炸雞脾伴薯條 $44本來就只打寫自己食嘅菠蘿油，其他老友叫嘅多士餐、粉麵餐無諗住寫，不過，其中位老友叫嘅生炸脾送到嚟，好帶有睇頭，忍唔住影番張相留記錄。佢話隻脾好得，炸得香口不油膩，唔似翻炸，啲肉好滑，亦食得出有醃過，無hea做。
一班老友，行山喺其次，行完抖抖傾偈食個下午茶先喺重點，哈哈！人生有幾多個十年，人生有幾多個老死，活在當下。
張貼
