三德素食館 (僑冠大廈)

營業中

休息中

想不到雜誌會推介這裡的齋鹵味。以前行過偶然都會買件蘿蔔糕之類，印象不深，但既然未吃過齋鹵味又即管買盒回去以證虛實。不知是否雜誌介紹的影響還是平時都是那麼多人，傍晚的外賣部居然有條三四人的小人龍，而真是人人都買齋鹵味的。齋鹵味 $25 一盒，有十款（見圖），阿姐密密手執好，一分鐘不到做到手了。滿滿的一盒之中，餐牌左邊幾款濕齋水準不俗：雜誌推介的酸齋酸甜味平衡，沒有不少酸齋一味得刺鼻喇喉的醋酸味；咖哩齋都幾香，而素鴨腎和素叉燒都軟硬適中，不會咬到牙都崩。畢竟濕齋都比較油膩，個人還是喜歡吃乾身一點的如素雞和扎蹄等都做得不錯，但素鴨就太乾了一點。有一次又來買另外兩種雜誌介紹的東西當早餐：擂沙湯圓 ($3.5) 不算太多「沙」，糯米糰大大的，芝麻餡不算多；芒果紅豆糯米糍 ($3) 我還以為有芒果做餡，怎知是黃色的外皮有丁點（人工）的芒果味而已，裡面還是一般的紅豆餡，我就不特別喜歡了。還是齋鹵味值得推介。

媽咪成日去聽經, 搞到佢成日都話唔好殺生, 我家嘅男人打死都唔食素, 所以次次只有我同媽咪嚟食!今次介紹三德, 佢D齋真係好好食, 成日都好多人等位, 我每次都11:30就去到, 咁就可以唔使等!佢午市有得叫點心或者套餐, 我就鍾意叫套餐多D, 為咗碗黃金素翅 (即係南瓜湯素翅), 南瓜湯好甜呀! 五柳仙班, 炸得好鬆脆, 配埋酸甜汁, 一流! 怡香茄子豆腐, 夠咸香味!仲有, 佢有熱豆漿, 值得一試, 簡直好似飲緊腐竹糖水一樣, 正!!!

100919 星期日，爸、媽經常星期天都會乘巴士遊車河，事關長者星期天搭巴士，無論遠近都係兩蚊雞；今天也不例外，他們乘巴士到北角飲早茶，跟著到三德素食館買盒什錦齋回來，作為午餐的餸，20蚊、大大盒，足夠三人吃。什錦齋內其實有8種不同味道的齋，雖然買回來已混埋一起，但個別的齋還是有著自己特有的味道，好像橙色的甜酸齋，甜甜酸酸好醒胃，黃色的咖喱齋，微辣中帶點椰香，而齋豆腐和鮮腐竹都有豆香，一個滑滑的非一般豆腐，一個就雖經煎炸過但不油膩，而其他的齋飽魚、齋叉燒和齋雞粒（微辣），雖嚐不到各自獨有的味道，但口感十足，至於蠔油齋（或許我誤會了），沒有蠔油味，但它吸收了其他齋的味道，也是不容錯過。整碟什錦齋沒有杰噠噠的醬料伴著，鹹淡適中，餸飯一流，怪不得媽媽說，她買齋的時候有不少人排隊等著買啦。溫馨提示：間中食餐齋，健康指數又夠high，唔駛餐餐魚、肉同行咁鬼dry啦。

今日去呢間三德素食館，我對素食有好大嘅改觀！剛踏門口，同我以眼中嘅素食館唔同。好多人，仲好似喺酒樓添!我最鐘意咿道嘅嘢就係清而不淡，好味而不油。詳細嘅嘢，自已去食la！

今次試下呢間齋館，要咗個什錦齋，拉拉雜雜的，但係始終係叉燒齋同酸齋最好食~呢間D酸齋夠酸又夠味，叉燒齋口感很好，味道調得剛剛好，所以非常好食~推薦這裡的酸齋和叉燒齋~

The girls didn't want to go out for dinner which made it a good opportunity to go for a vegetarian meal as our younger daughter doesn't like vegetarian meals.We have been to this restaurant a few times and every time we have had a good meal and wondered at how many different dishes they can make out of vegetarian ingredients.There were too many dishes to choose from so we decided to pick a set menu for 2. For that we had 2 bowls of pumpkin shark's fins soup, 2 dishes to choose from a selection a

銀絲雜菜卷($4)和奶油卷($3)都很好吃。前者很大份，雜菜很多，很有咬勁，下次一定會回來買多點吃。後者和一般的糯米磁很不同，滿滿的流沙奶油層，一流啊，值回票價了。不過……沙律卷＆芋角，不太好吃，雖然還有一點點溫度，但外層的皮已經軟棉棉的。大家最好不要點油炸類的小食，最好點一些在任何溫度都ｏｋ的甜點。賣相超級漂亮的牡丹酥，有點失望，可能是我期望過高的緣故。酥皮層超厚，感覺像是吃著老婆餅最外面的酥皮。裡頭的料嘛，自然很少了，大概只有一湯匙的份量吧。

我打電話去訂中秋節用晚餐，有位男士接电話，我話訂3-10-09，6:45pm 用餐，講講下佢話不如叫位同事同你講啦，轉接到果位女同事，我話訂抬，6:45pm，佢就話: "想有兩輪囉"，你6:45到，要7:45pm比返張抬我哋，不如你食8:00pm後，唔駛等咁耐，但我要趕另一家晚飯，所以一定吃頭圍，我話果日我都要返工，並不是放假，所以要吃6:45pm。我話不如比我吃到8:15pm比返張抬你啦，佢又話唔得，因為人太多，我話我知就係人多，而你又接受我訂6:45，我可不可以食到8:15pm，只係多15分鐘，佢叫我等等，之後再將电話駁去有位男士聽，我同位男士講，我只係訂張抬，需唔需要3個人聽电話呢？？？佢將果位女士的說話同我講一次，仲話只係 "夾硬" 比張抬你！！！嘩，真係火都嚟，我即刻還佢一句：唔通唔洗比錢架，得，我就將你呢番說話就在開飯公諸於內。

近日成日bbq，很熱氣，滿口飛滋，所以今晚想清清地，同honey去左食齋。叫了一個2人套餐，包1湯、2款小菜、糖水。叫了一個露筍羹，加了$10叫了1個燉湯。個羹就麻麻地，冇乜味冇乜特別。而湯就幾好，好似有肉味咁，不錯不錯。小菜﹕(1)香煎蜜汁蓮藕餅﹕尚算香脆，但很漏，味道普通，沒有蓮藕味道(2)豉椒素魷﹕只係豆腐乾炒豆腐乾，豉椒味唔係好夾，有d奇怪 糖水是紅豆西米，太多西米，很結，唔好味。連加一，每人要$100，不抵食。

是日我們去同學家研究焗蛋糕，先去解決午膳，同學中有一位是虔誠的宗教素食者，也聽聞多吃素可令人更健康，那麼我也順道吃少一次肉，結結善緣。星期天的中午，雖然還未坐滿，但也坐了很多人，大多是長者，有三兩知己，或是有年青的陪同到來。雖是素食館，菜譜和點心紙的選擇五花八門，素食同學常來這裏，便由她發辦吧！點了數款點心，羅漢齋腸粉，野菌咖喱素魚蛋，沙爹腐球素腰花，香茜素蝦蒸粉果，五香鹹水角，五香荔芋素腩卷，和閩南三絲炒麵線。羅漢齋腸粉的粉皮做得很厚，內有雜菜絲、木耳絲之類，而味道清淡，淋上豉油則較易入口，一盅上的素魚蛋還有薯角和雜菰，咖喱汁味道很淡，較像葡汁，沙爹腐球素腰花，麵筋切割成豬腰，像真度頗高，味道一般，荔芋素腩卷是饅頭爽著一片芋頭，加上用五香粉調製成紅色的醬汁，也許令食客吃時口中無肉，而心中有肉，香茜素蝦蒸粉果的皮很薄，透出內裏的蝦紅色和菜綠色，蠻是吸引，但僧多粥少，我沒有吃，五香鹹水角炸得香脆，雖是素餡料，但也可口，最後來的一碟閩南三絲炒麵線，是我們認為最好的一味，色香味俱全，一碟雜菜炒麵收 $52 一碟，也許不容有失吧！素食同學的食後評認為食物水準比以前差了，而服務方面，除經理替我們

我同男朋友,日日食,食到暈,已經食到冇咩再要試突然,有一日提起食素食,我立即叫好,佢就立即帶我去食出曬名三德我地叫左炒翅,百合炒蜜豆同埋炒飯喳嗎,嗶~洗唔洗二百幾,冇辨法啦~

11月28號 - 早上8點幾因為今日是初一。 所以我食齋/素。 一來受我媽媽影響 (我媽媽食齋/素的) 同埋我想健康D。今日買左3個糕點做早餐 (每個都係3蚊)。 但是3個我都從來沒有試過的。 所以都想看看它們的味道是怎麼樣的。 個cake就不太甜。 而咬落去都覺得好軟。 覺得好好味。 然後個水晶餅也不是太甜。 但是可惜爛左。 不過咬落去好好感覺。 同埋個豆沙好好吃。 最後個卷la。 同埋之前的cake同餅一樣好好味。 不太甜。 絕對好健康。

今天和外國回來的朋友去吃午餐, 可能鬼佬不懂得叫, 點的差不多都不好錦鹵雲吞 – 來的那碟已涼了, 而且已 “林”, 根本已炸了很久, 朋友要求換另外一碟, 比之前的好一點炒烏冬 – 很多料, 但不似是炒的, 沒有鑊氣沙律卷 – 炸得過火, 很燶芒果布甸 – 朋友試了, 不知味道如何南瓜軟餅 – 一般價錢頗貴, 吃了共$238相信下次都不會再幫趁

今日陪阿女去北角尋找考琴試的場地搵到後跟住去搵食.........今次食齋啦我哋叫咗上海小籠包...好味崧子流沙包...完全唔熱上湯鮮竹卷...好油蝦餃...............好味怡香茄子炆米....好味,但多油崧子流沙包其實係崧子蔴蓉包, 唔好叫流沙包啦....貨不對版寄語三德啲食物落少啲油會更好是次埋單$99(連茶芥加一)

星期日想飲茶, 又唔想食咁肥膩(其實都係自欺欺人)成11點幾, 差唔多坐滿哂, 但都唔洗等位。素蝦餃: 普普通通啦薑汁素雞飽: 有D薑晌入面, 又幾好食喎雪裡紅素鴨絲腸粉: 食唔到雪裡紅喎?! 素鴨絲=腐皮蘿蔔絲酥餅: 個皮有D厚, 但都算OK (點解喺香港都係食唔返晌大陸食到嗰D咁好味o既呢?)咸水角:不似素點心好似仲有叫咗D咩, 但真係唔記得咗...整體唻講, 都叫做可以啦, 唔係差, 又唔係特別好囉..(定係因為我係食肉獸?!)其實我想食佢哋外賣部的素粉果, 羅漢腐皮卷, 同埋D甜點, 但堂食冇得嗌喎, 真奇怪! 仲要外賣部賣$2-3一件咋, 可能我下次都係外賣算啦..