三德素食館 (僑冠大廈)

營業中

休息中

之前食過幾次，不過都係成大班同學，人數多，兩張大枱拍在一起，所以都好難影相。今次舊同事約食飯，咁啱又揀咗三德，人數6個，我哋就揀咗個六位套餐。金湯花姿冬茸素翅羹、勝瓜黑木耳素柳片、菠蘿咕嚕素球、紅燒本菇海參豆腐、椰汁香芋南瓜煲和欖菜彩椒鮮冬菇藕片，以及另外叫多一個荷葉飯。最快到嘅係荷葉飯，大家都急不及待，因為好香嘅荷葉味，食落有芋頭粒和素肉，又香又好食，之後其他餸菜都陸續送上，素翅羹亦好清淡，好好飲，其他四款素菜都好啱我食，唔會覺得油，賣相亦好靚，追求健康素食者，又或者好似我咁，食慣清淡及追求原味，就會覺得今餐好好味好好食，不過對於食慣肉類及濃味者就會覺得無味，甚至有人覺得好似味道碟碟都差唔多。最後仲有甜品送，南瓜西米露，大家對呢個甜品都有唔同評語，我個人就覺得好清甜又好味，主要西米露嘅份量又唔會太多，粒粒分明，不過對於濃味愛好者嚟講，就覺得同個素翅羹差唔多，只係甜同鹹嘅分別。總結：無論素菜嘅味道，亦或店員嘅服務態度，三德都做得唔錯。不過價錢就要人多才會比較抵食，因為可以叫多幾樣餸，相對如果人少就會覺得比較貴。而我哋今次6人共$747，每位平均$124.5，都算抵食。

今天和朋友去新光睇大戲，開場前揾下野食醫肚先，正月話食下齋好，就近近地去附近既三德素食吃素。我們叫咗一份二人套餐，可選一款湯羹和兩款小菜，我們點了竹笙冬茸翅、菠蘿咕嚕肉和腰果芹香駌鴦柳粒。竹笙冬茸翅的竹笙就少咗D，高湯不太鹹，素翅爽口弹牙，仿真度十足😊咕嚕肉用炸腐皮炸成粒狀，甜甜酸酸很開胃😋腰果駌鴦柳粒既腰果夠香脆👍🏻,柳粒係用豆腐乾切粒，獻计調味適中，夠惹味😋，間唔中轉口味食下素都幾好Y🤭

三德食過幾次，不過今次食左幾道菜式覺得幾特別，想介紹下俾大家，以下圖片兩款，雖然唔記得菜名，但第一道應該係扮炸魚，雖然口感唔似魚肉，但整得好靚呀，第二道就係蛋白魚翅，兩道都好好味呀IMG:2]

媽媽買了一大盒齋去婆婆家加餸！好耐無食過依間嘅外賣齋了，十分期待！店員話依度有十款，但我地都無認真數一數，不過應該都有！其實樣樣都好似差不多樣，我都唔係好識點分！😅 我只認識酸齋、蠔油齋、咖哩齋、素鵝、素雞、齋叉燒、扎蹄～ 40蚊食到十款齋！正！味道不錯！其實真係好鍾意樣樣少少，可以試多幾款！依家轉咗用依款外賣盒，以前係用發泡膠盒的，依盒齋排得整整齊齊的，感覺份量增多，賣相已經好吸引了～個人最鍾意食酸齋、素鵝、素雞、齋叉燒、扎蹄～

已經第三次食三德串燒：呢個係最叫食，一定要叫！！個汁好正。。。食落真係有種感覺似食緊串燒（素咕嚕肉）呢個係炸腐皮，食落個質感有啲似蛋散，酸酸地幾開胃入面係一層層既腐皮叫左三款點心春卷非常好食，入面有蘿白、芋頭、紅蘿蔔絲，炸得好脆素蝦餃皮太厚，啲餡主要係西芹粒，同埋好似蟹柳嘅素蝦鵪鶉蛋燒賣佢用魚蛋代替鵪鶉蛋啲餡有啲似未煮熟，好粉狀嘅感覺。

近排太多飯局，食到人都肥咗，係時候減下肉去食齋，呢間三德開咗好耐架喇，屬老牌齋鋪，但食物款式又唔算太老，而味道亦好味過東方小x園，服務都算唔錯，值得一試👍🏻鐵板燒汁煎蓮藕餅8件 $75 🥢🥢🥢煎得香脆可口，可惜蓮藕比例太少，只食出一小片，燒汁令蓮藕餅生色不少，而鐵板作用只是保溫姬松茸醬毛豆豆腐𤠣皇菇煲 $85 🥢🥢🥢🥢個醬好惹味，唔會一味死咸，仲食得到有松茸片，豆腐同猴頭菇吸盡醬汁精華，未食過猴頭菇嘅我竟然一食就愛上😋干燒什錦伊麵 $75 🥢🥢個麵太乾身，連一滴油都見唔到，煮法似煲公仔麵然後掠乾水咁，而味道同樣清淡，幸好有好多菇做配料，我還可以接受，但阿sir就要用松茸醬嚟拌😆甜品 (免費) 🥢🥢🥢紅豆西米露有淡淡紅棗味，味道又唔太甜，我覺得幾好味喎　三人共消費：$315

素來係捧場客，皆因大件夾扺食，味道不差，價錢中肯，地方企理！母親節前夕去吃晚飯，首先已經訂好6點正時段的枱，到達時，知客才宣布7:15要交枱安頓下來，已經過左10分鐘了，菜式沒有太多選擇，解釋係廚房會很忙碌，所以，收窄範圍，要點選指定的菜...點餐：溫公斎煲 ，水汪汪的，沒有料，全只有粉絲，淡如無味，難吃之極椒鹽猴頭菇，份量比平時少了一半，全無火候，大失水準XO醬炒腐球，份量很小，全冇XO醬，很少腐球，成碟野散亂一片，冇味冇道艇仔粥，冇料兼冇味成餐飯堪稱本年度最難吃的晚餐，價錢$342 ! 我們7:20離座！！我去任何一間茶記，食$300，都冇甘難食及受氣！

為何有長龍（映相時剛有一批食客散去） ?原來是買此名店的齋鹵味 !「齋鹵味」三字均無誤。「鹵味」兩字已成為市井粗言的代名詞，反映此食品深入人心。因鹵味價廉宜，低下，成為貧民最易買到的小食，點心，並可供晚飯加餸。「鹵」字是解鹽池，中間4粒是盬粒。滷味主要是用麵筋，配合不同的醬汁，做成各類肉食的形態。因廣州，潮州，台灣等地區的人有獨門秘訣，通常用調味水，去提升肉食的美味，做法與前者不同，故創作「滷」字以形容 (不見於東漢《說文解字》)。「魯」字是誤寫。與廣東燒味白滷，潮州滷水，台灣滷水，合為香港人喜食的四大鹵/滷。此店比灣仔的東方小祇園的小食親民，口碑好，形成北角，佐敦多齋舖的現象。我推想下午形成長龍，是慣常。太陽西照，映相反光，聯想到齋鹵味其實是幻相，以假亂真，各種形態都是空。「酸齋」是我的至愛，酸甜齋令我食指大動，如是微暖則更佳。原來40元任選10種鹵味，填滿一飯盒，比例自定，所以多人購買。還有豉油（蠔油）齋和咖喱齋，合稱三大麵筋。三齋令我想起店名 - 三德，指佛的三種功德，法身德，般若德，解脫德。先練就金剛之身，再啟廸智慧，最後得成正果。各種食品混合之後如腸粉，酸甜咸辛辣，形成獨特的

今日同長輩行山後嚟食午餐，我哋都發覺服務態度越來越差，先是長輩詫異一個女侍應無問過就收起所有餐具，然後到一個男侍應行過無咩禮貌咁同我講：移去另一邊啦！呢條通道黎架嘛！我真係嬲咗，我為咗唔阻真正嘅通道，同埋畀阿姐上餸唔洗成日叫我移開(唔明點解唔去另一邊，一定要係我呢邊)，我唯有移過啲左邊貼近啲條柱，真係唔知佢點解揀咁窄嘅縫走黎走去，仲同我講所謂通道。咁既然呢張細枱(仲要係頂腳嘅摺枱)一邊係大通道，一邊係"狹小"通道，咁點坐幾個人呢？做咩要放係呢度呢？明明都坐唔滿人，做咩一開始就叫客人坐路口對住道門，仲嫌人阻住你條通道?我覺得人少咗係因為換咗啲無禮貌嘅侍應，嚇走哂啲客人。呢餐食到成肚氣。

最近肥左所以要食下素啦今日年初3沒有下午茶既優惠不過好多店無開加價都正常今日去左試食尼間素食店下午仲有點心🥧叫左6樣點心🥧 茶位$11一位 花生🥜$9茶開左個水仙其實同飲茶真係無咩分別 佢既點心除左個內涵睇外表似普通茶樓飲茶連環境都好似啊 可能4點幾無咩人飲下午茶啦靜靜的《杞子桂花糕》$21 小點 健康美味清香原本叫左《豆苗素蟹玉腸粉》點知無晒轉左《金菇素玉崧腸粉》$28大點味道比較淡 食落還好《鮮竹四寶雞扎》$28 大點個樣勁樣連火腿都不過味道吾太似《鮮露筍素蝦餃皇》$32 特點味道還好 樣貌很似但不值特點呢中還是最愛尼個《芋絲素炸蝦春卷》中點$25皮外炸得脆脆食落不會油 味道很好《上海小籠包》$28 大點味道雖然吾似又無湯包但幾好食尼間仲有加一收費食左6樣200幾蚊同平日酒樓差不多吧食物水準算高

去咗三德買齋老味外賣。當中有好多素食材料。鴨腎同埋素鴨好正。好多料。素食材料好近鮮。入口爽夾滑。。$40好抵食。我可以分兩次食。員工服務好，環境衞生。 店內可以散買其他素食糕點。值得推介素食人士。

阿媽長期食齋，耐唔耐又話要黎三德食齋,今日就阿媽請食飯，因阿女農歷生日！基本而家長期食le 幾味、因試過其他又唔太喜愛，今次重點要樣樣少油！Le 個炒飯真係食左好多年，試過轉鴛鴦炒飯，個個都唔太like,唯有都係食番佢，松子有益，岩哂老中幼，我女都食唔少、炒得乾爽唔痴住，不過無食開齋真係要識叫少油，因有時真係太油Le 個松子魚咁多年都係水準、我覺得都算係必食Le 個真係叫畀阿女食，我自己唔鐘意食豆，一啖都無食，但佢地清哂，味唔差，咸香，清清地！Xo醬炒蘿蔔糕，老公見佢炸咁，唔敢食，但我又幾鐘意喎，實在太鐘意蘿蔔糕！睇樣其實有點overcooked 最愛佢地會送糖水～食完一點甜～同要大讚佢唔會收切餅費，本身有諗過試銅鑼灣某齋鋪，但要收50蚊切餅費就算了，都係黎番三德！去番我媽至愛！

媽咪超愛呢間齋菜，我都幾中意食，今晚又再嚟到3個人叫左個2人餐:-D先揀左個竹笙素翅，好重麻油香，好多竹笙👍🏻👍🏻 之後叫左個豆腐煲，好清淡，非常值得一食，清清腸胃唔錯🤤入面嘅冬瓜好清甜，仲有好有心思嘅素肉豆卜👅素肉小小咸，同豆卜夾嘅😆 湯亦好清甜，飲完喉嚨幾舒服🐽 芋頭魚好正，外皮好香脆架，入面芋頭蓉好豐富💁🏻又夠香🤤點點甜酸醬更好食！但3個人都食唔哂，最好再多d人一齊食。再叫多個海苔薄餅，好香海苔味😋

好小食素，香港愈開愈多素食店，北角都有好多選擇，就有幾間以自助餐形式不過只到3pm就落場，唯有去番老字號素食店「三德」記住唔要碟小食坐底個陣就講聲，因為小食花生會收錢坐底就好想食齊鹵味拼盆$55好好食，好耐無食啦，真係好似燒味咁，有齊素雞素叉燒⋯⋯酸酸地好味豉油皇煎腸粉$26依碟野油到嚇死人燕麥燉玉珍珠雞$17估唔到咁香，原來加燕麥珍珠雞會更加香上海小籠包$17真係好似小籠湯包咁香，但就食唔出入面係咩麥汁叉燒包$17好味過真既叉燒包喎！芋絲素蝦炸春卷$17冬坡荔芋素腩卷$17杞子桂花凍糕$17勝瓜北菇腐球窩伊麵$48

朋友聚舊 ，唔想食肉， 去左銅鑼灣三德素菜館食齋清下腸胃。 有幾款唔同人數套餐，價錢合理 ，但因為近中秋節 ，個個都話食豪啲，於是自己點菜。如意鮑絲翅窩味道清甜，有主角鮑魚絲，筍絲，東菇絲 ……，素翅量多。紅燒靈芝菇海參豆腐素海參食落同真的一樣， 膠質爽口， 豆腐滑溜，可惜靈芝菇太少。蜜汁香脆蓮藕餅炸粉唔多， 恰到好處， 食落脆卜卜豉汁涼瓜炆鮮竹烹調方法沒有什麼特別， 跟其他菜色相比之下較為遜色崧子五柳素黃魚今晚最出色的餸， 通常齋舖的魚，用料多數是芋頭， 但這一款先用腐皮炸香，外層再加紫菜捲起， 餡料有少少冬菇粒 ， 配上五柳酸甜汁， 簡直冇得彈， yummy yummy法海蒲團賣相似發菜鮮竹卷， 跟以前食過的完全不一樣 ， 以為送錯了。齋鹵味食完以上菜式，其實都已經好飽，但齋鹵味通常是必食， 所以都叫嚟試下， 普普通通。食到個個攬住個肚， 六個人都係七百幾蚊， 都豪得起