三寶勝上海美食

今晚難得食舊式上海小館嘅餸菜，真係開心，因為依家呢類餐館買少見少。先嚟松鼠黃魚，大大條魚大大碟先至係143蚊，真係平到你唔信，而且個味道唔錯，個汁唔會太酸，條魚都夠厚身。其實跌松鼠黃魚要嚟送飯真係絕配，但係一場嚟到呢啲舊式上海舖，點可以唔試上海粗炒同埋炒年糕呢？比起松鼠黃魚，呢度嘅上海粗炒又相對細碟咗，味道還可以，不過就炒得濕咗少少。至於個雪菜肉絲炒年糕幾好食，啲雪菜好香，啲年糕如果再煙韌多少少會好食啲。呢度嘅豆漿都幾好飲。…查看更多

呢一間傳統舊式上海菜館令人回味無窮，其實佢食物嘅味道只屬於一般，不過可能就係鍾意佢嗰種舊式嘅風味，而家喺香港都好少見到呢啲舊式上海菜館。就好似呢碟上海粗炒，雖然望落去就油份多咗少少，不過就係咁樣先有舊時嘅風味。豆沙鍋餅係我非常鍾意嘅上海甜品點心之一，呢間做得幾好，又薄又脆，豆沙都多。呢度嘅豆漿豆味好香，好飲。…查看更多

舊式上海小館嘅點心又好食又抵食。菜肉雲吞一碗，份量一啲都冇揸流灘，除咗蔡屋雲吞嘅size夠大之外，粒數都唔少，感覺有10粒以上，雲吞皮滑而且入面嘅餡料都幾新鮮。酸辣湯要咗個細size嘅，材料非常多，豆腐絲冬菇絲豬肚絲木耳絲榨菜絲肉絲非常豐富，而且雖然話係細size，但係都兩個人每人都有三碗仔。有酸辣湯梗係要配返個蒸銀絲卷啦，銀絲卷即叫即蒸，所以雖然等得耐少少但係係值得期待嘅。最後飲埋杯自家製豆漿就完美。…查看更多

小籠包即叫即蒸，大約15分鐘就有得食，熱辣辣係正嘅，呢度嘅小籠包嘅Size比平常的大少少，不過都算係皮薄餡靚，點薑絲浙醋味道一流。上海粗炒基本上係食上海野必食嘅一項，呢間嘅上海粗炒味道都OK，不過就嫌怇有D濕，如果乾身少少會好味D香D。上海菜肉雲吞Size比平常的細返少少，本來諗住要有酸辣湯做湯底嘅酸辣雲吞，不過因為個Friend話唔係好食辣，所以就放棄咗，叫返普通嘅上海菜肉雲吞，味道都OK，不過好似有少少味精。呢間上海野個豆漿幾香豆味都算係幾好飲。…查看更多

小籠包一客有5粒，Size比例大，皮很薄但同時亦易穿，入面的餡料幾新鮮。砂鍋雲吞雞都幾大份，味道一般，雲吞係上海菜肉雲吞，都有5至6粒，半隻雞無切碎嘅，所以食嘅時候會比較難撕開，始終都只係得筷子同湯匙。松子黃魚好抵食，小店就係平平平，個汁就酸咗少少，魚嘅肉質都唔錯，同埋真係好大條魚。蒸素餃個餡料又估唔到幾好食，係塊餃皮厚咗少少，食落有健康嘅感覺。擔擔麵嘅花生醬好香，入面有肉碎花生碎，D麵條味道OK。炸銀絲卷又點可以唔點煉奶呢，呢個都幾好食。呢度嘅豆漿味道都幾好，有豆味。檑沙湯圓即叫即做，真係幾好食，我覺得比高力豆沙同豆沙窩餅好味。…查看更多