三多 (良景廣場) (已結業)

行完山路過經過見到呢個 聽聞好出名 但係未食過～梗係試吓啦😆等咗十幾分鐘 終於等到喇～啱啱炸起係熱辣辣！雖然叫咗小辣 但朋友都覺得有啲辣🔥 唔識食嘅我哋係唔食雞皮嘅 嘻嘻😅個雞皮係超級脆！入面啲肉都腌得好夠味 鹹度適中～好食！仲有汁泌出嚟嘅😂 （建議要準備定紙巾）個芝士年糕就唔記得影相 但係係屬於好食嘅！係識拉絲嘅～而且芝士唔係超級膠嗰隻由於坐嘅地方張枱黏笠笠 ⋯所以都唔係影得好多相總結下次經過都會再食！👍🏼👍🏼

呢晚嚟到良景做完嘢搵緊路離開之際發現原來呢度有間三多😮雖然已經食咗晚飯 其實好飽😂但係都忍唔住買返隻炸脾做宵夜我哋落完單之後再喺附近行咗個圈應該10至15分鐘之後先返去三多都要等多5至8分鐘先至有得拎炸脾即叫即炸想食好嘢要俾少少耐性一拎到隻炸脾即刻勁心急想食但由於啱啱炸好好熱😂係冇可能擺到入口所以決定拿拿淋揸車返屋企再開餐返到屋企我都未嚟得切影相老公已經急不及待咬咗一啖😑食落又唔會太油而且個雞髀唔會淨係外面有味裏面冇味係成隻雞髀都好惹味啲雞肉都好嫩 唔會柴而且都幾大隻確實係好食過一般茶餐廳的！

嘩嘩嘩。。。。。好邪惡。。。。想試左好耐既炸髀招牌生炸雞髀*好大隻*生炸脆粉唔厚,超薄,有啲似吉列feel*好滑,一啲都唔鞋口照燒金菇肥牛卷*好足料,勁多金菇,好juicy*最鐘意食卷既燒汁,甜甜地,好濃味

良景市集真係好多邪惡宵夜選擇。今次黎左呢個近門口既小店三多，揀左呢個鐵板肥牛照燒意粉，聞落去已經好香好惹味。照燒味非常 juciy , 肥牛量都好多，牛味鑊味十足，炒得都好有水準，入面既洋蔥令佢更香更吸引，意粉量都好足，外賣紙盒如果拎到番去仲可以叮番熱添。另外三多仲有其他即炸小食，其中炸腸粉更係佢地既招牌菜，熱氣就熱氣左 d , 不過又真係炸得好香口。整體黎講呢個價錢仲係宵夜真心唔錯，意粉當做晚餐都夠飽，不過可惜位置就係屯門偏入，間唔時黎一黎都抵食

住喺良景，三多係宵夜必食之選。我通常都係食炸燒賣，今日早左黎，當晚餐食，就加多個卡邦尼意粉。以一間小食店黎講味道真係好唔錯，亦都方便快捷。接單姐姐態度亦非常好，良景嘅朋友多啲黎幫襯！