三分俗氣 (已結業)

去了舅父屋企探望，之後同佢落去附近食飯，行過這間上海菜館，見裏面幾乎爆滿，質素應該都不錯。這裏沒有加一，茶錢$2，食物款式甚多，正宗上海菜，還有片皮鴨餐，4個人以上可以一試。鮮肉小籠包小籠包皮薄多汁，當夾起時搖搖欲墜，看似想穿，但外皮卻很有彈性，肉汁新鮮。崧子桂魚即叫即做，桂魚沾上薄粉炸至金黃香脆，魚肉嫩滑，正宗外脆內嫩，淋上以三色椒及雜果做的酸甜汁，十分開胃。京式素鵝素鵝裏面包上雜菌，外層腐皮炸至鬆脆，但咬落去不易鬆散。清真牛肉餅牛肉餅外皮很薄，煎至表面香脆，一咬開裏面爆出肉汁，牛肉味尚可，但肉汁確實做到豐富，值得一讚。高力豆沙望住佢即炸，上枱後還熱辣辣，蛋白很鬆，裏面豆沙餡不會太甜。

身為上海人，對上海菜情有獨鍾，以前成日都會周圍去搵上海嘢食，但係近來食多咗其他國家嘅菜之後就少食咗啦。最鍾意就係擔擔麵，因為太鍾意花生醬同埋辣，佢啱啱好結合左兩樣我最鍾意食嘅嘢，加上呢間餐廳用嘅係好煙靭人嘅幼麵，就成為左我最鍾意嘅組合，好濃好好味！年糕都因為係好煙靭嘅食物所以我都好鍾意食，特別係將炒嘅口味，肉汁會浸入去濃味嘅醬汁入面，包住年糕，perfect!!小息就最鍾意雞絲粉皮嘅麻醬，你間餐廳完全唔會吝嗇芝麻醬，俾咗好多而且粉皮好幼滑，食得好滿足！仲有我最愛嘅小籠包啊！見到牆上面張poster已經feel到佢個小籠包嘅湯汁會爆出黎，果然皮薄多汁，而且湯唔會太油膩好鮮甜，肉嘅份量都剛剛好，真係一個人食兩籠都得呀！由細到大都好鍾意食銀絲卷，加煉奶真係好好食好好食最後嚟到上海菜館點嘅甜品高力豆沙，圓波波型見到已經覺得好治癒，不過略嫌佢有啲太粉而且豆沙唔夠多，不過呢個甜品真係好難整所以完全體諒嘅。

星期五臨放工先被安排去新蒲崗送了件板給客人，點知又遇到了朋友剛好放工，朋友就帶了我去這間三分俗氣食上海菜。餐廳有套餐，價錢便宜，散叫都唔貴，全部幾十蚊起，認真抵食。酸辣湯酸度適中，辣味比較輕微，有木耳、筍等配料，配料十足，亦不會太稀，一碗細都足夠二人分享。蟹粉小籠包小籠包外皮都幾薄，而且有彈性，夾起上來不易穿，裏面有些蟹肉絲及蟹膏，味道鮮甜多汁，是必食之選。俗氣醉雞醉雞酒味較淡，雞皮爽滑油脂少，雞肉嫩滑。椒鹽豆腐豆腐炸至外脆內嫩，表面灑上了椒鹽及香葱。銀芽肉絲兩麵黃麵餅炸至香脆，表面淋上些白菜仔、肉絲及芽菜，即使淋上醬汁，麵餅都不易腍。整體食物質素不錯，絕對是有驚喜，尤其是小籠包，不可不試。

這家上海餐廳外觀比較低調晚上六時半入內晚膳已經坐滿九成選擇了二三八元的二人套餐頭盤涼菜的京式素鴨是水準之上腐皮很脆夾有甘荀等素菜於內湯選了酸辣湯分量有約三小碗湯夠熱料也足味道亦恰到好處小菜選了鹵蛋紅燒肉份量很多鹵肉味道像東坡肉肉質軟腍鬆化伴有的小棠菜能中和肉的肥膩感甜點是高力豆沙其質感偏硬稍是失分之作但味道仍是不錯的眼見餐牌上有蟹粉菜式有點心動隨意選了一客蟹粉小籠包試試看一籠四件皮造得很薄肉汁非常鮮甜絕對可以跟坊間有名的食肆一較高下

十一月已經來臨，偌是姐妹們一定懂的。想要留下彈藥血拼，在飲食方面就要想想辦法。想吃一頓又平又好味的上海菜也不是沒可能。上網找找，見到這家出名生煎包的小店評價不俗，男友又最愛吃，就決定試試。小店位於新蒲崗的一小街中，店面不是偌大，裝修平民，卻有一種莫名的親切感，眼見熟客不少，街坊裝束，和老闆有說有笑的。菜單上的食物倒有不少，看得眼花瞭亂。生煎包一定走不掉，四大個都只是ᴴᴷ$36。味道又如何？包底煎得金黃，非常香脆，咬開小心燙口，因為裡面一大坨湯汁傾瀉而下，肉餡是肥瘦豬肉揉採而成，好juicy有嚼勁，不會鬆散。也來一個前菜小吃吧，一人一隻溏心燻蛋(兩隻ᴴᴷ$26)不用爭。流芯蛋黃色澤橙黃，咬一小口蛋汁立即流進碗裡，整顆放進嘴裡就萬無一失啦。突然有點想飲湯，於是點了砂鍋雲吞雞（半隻）ᴴᴷ$98，這價錢有這麼一大鍋也算是划算啦！雞的確有半隻，雞肉也熬得全然軟稔了，可見烹煮時間也是夠的。雲吞味道就一般般。湯是乳白色，有雞味，也夠咸香。吃到底看到不少金華火腿！想再吃個蔬菜，於是點了奶油津白ᴴᴷ$55。這下有點後悔，先是肚子空間已經大半被佔據了，再者奶油太濃稠，只吃一點點，覺得膩。男友也要了一杯鹹檸

男朋友住新蒲崗附近，今晚嚟咗新蒲崗同佢搵好嘢食，佢話呢間上海菜好食又唔貴，決定信佢一試😀七點半去到， 唔使排隊入座，但基本上餐廳都坐滿人，好彩兩個人唔難搵位😁 (不過好似仲有樓上😅🤔) 我哋叫咗一個招牌鮮肉小籠包，涼拌雞絲粉皮，韭菜炒鱔糊(另加白飯)，粟米魚肚羹同埋雪菜毛豆百頁～首先嚟到嘅係涼拌雞絲粉皮，佢有好多雞絲好足料，配花生醬夠晒味， 粉皮帶啲爽口👏跟住就係粟米魚肚羹，五十幾蚊好大兜，不出嚟有佢果啲碗嘅大約五碗😅😅 味道同濃稠度都適中～雪菜毛豆百頁就係偏清淡嘅蔬菜類， 不過幾好送飯😂 毛豆唔會過淋👍小籠包係新鮮蒸起，嚟到熱辣辣，皮薄多汁， 呢個價錢性價比高😊韭黃炒鱔糊份量都幾多， 望落覺得個汁幾稠但係食落唔會太咸，魚既份量亦都畀出面食到嘅多， 呢個汁送飯又係一流👍原本想試埋佢嘅甜品，不過太飽，所以下次先啦😆(P.S. 食食下聽到隔離枱個男人話“食嘢唔一定要睇裝修”，其實我都幾認同，哈！😂😂)

好多朋友推介既上海菜館，位於黃大仙，新蒲崗一帶。不過去到時，個門面好似唔多似上海菜館。個名叫做「三分俗氣」。聽講係由前「王家沙」廚師主理，主打上海菜。湯品今天有「砂鍋雜錦」，味道上，個人覺得有點咸。不過係上海地道湯鍋既口味。砂鍋材料主要有鹹肉、五花肉、荀、紹菜、粉絲，湯熬，還可以啦！灌湯小籠包多摺痕，做得細緻，湯汁又好夠，而個皮唔厚。上海韭菜餅，有少少失望，因為上枱前已經淋左，唔係香脆既，有D減分，不過韭菜的份量好足。椒鹽豆腐，份量好少，所以鍾意食炸物既朋友，可能就要叫多一份先有滿足感。上海粗炒，鑊氣十足的上海粗炒，相信這裡也會合你的心意！

朋友公司係新蒲崗，今日去佢公司附近搵佢食飯，佢話佢公司附近有間幾好食既上海菜，佢平時放lunch都會去食，咁我就一於同佢去試下啦。晚市時間去到都已經好多人，我地被安排一張二人枱。俗氣醉雞：酒香味濃，食到都用紹慶酒浸得好耐，好入味。雞肉好滑，煮得不過火，雞骨小紅，所以肉地嫩滑。奶油津白：好香好creamy, 咸咸地的奶油配上白嫩的津白，每一口都好咸香，滑溜溜的口感，非常喜歡。想必一定係有功力的師傳先煮得出呢個水準。大排粗炒：每一口都係炒得好入味既麵條，配上排骨，好有鑊氣。蟹粉小龍包：以為只是外皮會有啲蟹粉，原來佢將蟹粉同埋入面的肉混在一起，每一口都食到蟹粉味，好正。朋友果然無介紹錯。

餐廳主打上海菜，有小菜/炒粉飯/冷盤小食 任均選擇。 今次叫左個 二人套餐($238)：酸辣湯自選涼菜A - 京式素鴨自選小菜A - 韮黃炒鱔糊自選炒炒年糕/粉/飯-上海粗炒呢碗酸辣湯特別足料，有木耳、筍、豬紅等材料，酸辣味比市面淡味，但個人幾喜歡呢個口味，平時酸辣湯味道太重，都食唔哂，淡味反而令人更識欣賞其中真味。京式素鴨有點似腐皮卷，餡料主要係金菇，加上豉料，味道都有7分真。韮黃炒鱔糊，個人特別喜歡，鱔口感少粉脆，韮黃又炒到香口。粗炒睇落去以為好鹹，但食落味道唔太濃，分量恰到好處。另外叫左籠小籠包，味道新鮮，皮簿又好味。套餐仲有高力豆沙，包面炒一炒，不留油漬。豆沙餡唔太甜，好味道！

黎開呢頭探朋友，緊係要黎食開佢最愛喇~係呢頭返工既都話呢間係佢頭三間飯堂之一既餐廳今日叫既野食都係以餃子為主~先黎個小籠包先，一黎到夠哂熱lukluk，而且夠哂juice同埋仲keep到係PI簿餡靚，鮮味十足呀!再黎個姐油抄手，小小辣多多鮮，佢個餡同小籠包差無幾，本身我唔係好食得辣，但呢個辣度都接受到，幾開胃~再黎個鮮蝦雲吞，鮮蝦有D細隻，不過夾埋佢地既紫菜，味道夠哂清新。所以如果唔太中意濃味既你，呢個必點呀~

老公知我最愛食上海菜，專程帶我黎到新蒲崗呢間「三分俗氣」食我最愛既上海點心！我地叫左個2人餐，跟餐其實係最抵，又多野食，食到5款野咁多跟埋甜品「酸辣湯」夠酸、夠杰，料方面又夠足料！「招牌鮮肉小籠包」$36/4隻小籠包皮薄「煙煙銀銀」又多汁，鮮肉肥瘦均勻，夠滑夠鮮味，我同老公都好鍾意食呢間既小籠包呀，出面好少食到咁有水準架啦！「川味口水雞」雞肉嫩滑，夠哂辣又香口！「紅燒燒獅子頭」老公超鍾意食呢個！大大粒肉丸超入味又野味，娃娃菜又夠爽口入味！「上海粗炒」有冬菇、肉絲、椰菜炒既粗麵，夠鍋氣仲大大碟！食完咁多款菜或仲有埋甜品呀！「高力豆沙」熱騰騰上黎加上糖霜食，唔會太甜唔會太油，裡面既紅豆沙起哂沙好有口感好好食

又要過黎新蒲崗呢邊，梗係又搵野食啦 !! 今日好想食上海野 ~~ 同一條街入面有幾間 ~~ 呢間都幾大下 !! 仲有入面滿座，應該唔會伏 !! 入到黎拎位，FULL 哂 !! 以為要等下啦 ~~ 哥哥話自己上2樓 !! 嘩 ~~ 原來兩層架 !! 上到去都幾大，都 FULL 左大半，姐姐安排我地座最入 !!! 我地坐一張 4人枱，以為我地坐哂 ~~ 太天真 !! 街坊生意係答枱架 !! NO PROBLEM 啦 ~~ 驚人地奇視我地大食 !! 哈哈 ~~自黎一個小食，蒜泥白肉 !! 份量估唔到都幾大份 ~~ 蒜泥量都幾多 !! 白肉比我想像中多片，底層仲有一堆粉皮 !! 唔錯呀 ~~ 豉油同辣油比例幾好，岩我呢D初哥 ~~蟹粉小籠包，都好多湯汁，入面蟹肉都算好多，豬肉既甜味好好 !! 唔似係冰鮮豬 ~~ 質數唔錯 ~~生煎包，我初時以為係舊式厚皮果款，但係依家好興既薄皮生煎包 !! 勁正呀 ~~ 個皮既老麵粉好香呀 !! 入面我覺得應該同小籠包一樣既豬肉餡料，甜度同咸度剛剛好 !!同行話要食擔擔麵，個麵係我鍾意既麵黎，入口淋身但彈口 !! 湯底好香濃既花生味 ~~ 仲有一位份量既酸辣湯

平時好少嚟新蒲崗，今次為咗試下三分俗氣特登搭車入嚟，因為係晚餐時間，去到下層已經坐滿哂，好彩餐廳地方夠大位夠多，有二樓，唔洗等即刻有得坐。首先食咗個前菜——涼伴雞絲粉皮($42)有好香嘅麻醬味，雞絲幾有咬口，粉皮爽口，而且大大條唔算難夾，手殘嘅我都夾到。我地呢班朋友仔好鐘意食辣野，所以我地就叫左四川紅油抄手（$45）、足料酸辣湯（$30）、川味口水雞（$62）同成都水煮魚片（$108）。四川紅油抄手（$45）果然皮薄，肉質夠味，加埋佢d辣汁，果然冇令我失望。足料酸辣湯（$30）夠酸唔太辣，而且真係多料，湯同料既比例非常好👍。同埋佢好好呀，可以簡大碗定細碗，唔驚叫左唔啱飲而浪費哂。川味口水雞($62)肉質超嫩滑，食落去涼得嚟又帶少少辣，骨又唔算大舊，食起嚟相當過癮。成都水煮魚片（$108）佢一上枱紅當當咁好驚佢好辣，即刻試下佢，好彩唔太辣。我非常推薦呢道菜比大家，除左因爲個辣度係大家接受到外，佢d魚係冇骨架👏👏👏。呢道菜除左有魚，仲有寬粉同豆芽架，兩樣都好入味，勁好食👍👍。飲品方面我地叫左自制鮮豆漿（$12）、咸檸七（$20）同茅根竹庶水（$12）。豆漿（$12）是店家自製的，入口有濃濃

生煎包$36呢到既生煎包真係好出色，因為好新鮮好Juicy。第一啖咬落到係十級熱，一個唔小心一定會俾入面既湯燙親。入面豬肉味濃而且入面仲有好多湯汁，精華所在小籠包$36一籠4件，見到入面小籠包既湯證明皮薄。即叫即蒸所以上枱時都仲好熱辣辣。呢到主打係用新鮮豬肉所以肉味重，食到真係豬肉味唔係雪藏味酸辣湯 $55小妹覺得呢到既酸辣湯偏酸，辣味唔太勁。不過材料同樣好足料，＄55 已經有1鍋足夠3-4個人分乳鴿見到餐牌寫必食，見佢又平平地＄48隻點可以唔食呢？呢到既乳鴿比想像中無咁脆口，個皮比較淋，不過又唔係成日有得食，就食下啦擔擔麵擔擔麵都好大碗，花生味重，不過個麵質就比較淋身，如果個擔擔麵可以加D辣，應該會更加吸引總括，小妹覺得呢間餐廳都好平民化，價錢唔貴又選擇多，現場仲有小炒提供，所以一家大細都岩食

今日放假做下孝順女帶媽咪去新莆崗行下街，順便探下舅父，好耐無來尼區了，真係變左好多，仲有新商場mikiki行，我地都買左啲生果上去探舅父，佢好開心傾下傾下已經六點，大家都肚餓了，舅父提議去食上海野，都好丫，媽咪都贊成這間上海菜館叫三分俗氣，我覺得好得意，點會話自己店俗氣嘅呢？舅父解釋話因為三分俗氣，七分韻味嘛！啊....又幾有意境咼店面簡簡單單，尚算整潔，有兩張半卡座圓枱可容納八至十人左右，我覺得設計不錯另外設有四人卡座同單邊卡座，前面仲設有透明廚窗可欣賞師父即席創作小籠包點餐紙簡單清淅，有涼菜，小菜，套餐等選擇另外仲有點心，湯麵，菜飯，年糕同甜點，種類繁多正宗手拍青瓜非常爽脆入味，作為開胃冷盤十分適合粟米魚肚羹非常足料，調味恰當，面頭仲灑上金華火腿粒，咸咸香香，非常惹味上海炒刀削麵，麵非常旦牙有質感，味道剛好，不會太油，不錯吃的招牌鮮肉小籠包，上海菜必點，熱辣辣剛蒸起，漲卜卜，肉汁豐富，皮薄而不易穿，做得非常出色，推薦紅油炒手，尼個我媽咪至愛，佢話味道非常正宗，好好味我試左一隻，唔會太辣，皮又做得夠滑，不錯最後食埋我最愛嘅高力豆沙，非常滿足味道非常好，不會太甜，口感鬆軟，我食左兩粒呢