三人行燒烤店

營業中

休息中

朋友介紹咗太子西洋菜北街呢間燒烤店，話係本地人心目中嘅網紅店。位置好方便，出咗地鐵站行3分鐘就到。條街周圍都係美食同酒吧，好有煙火氣。入到店，裝修好簡單樸素，勝在乾淨企理。 🍢 呢度嘅串燒選擇好多，港式口味，肉類、海鮮、蔬菜、小食樣樣齊，辣度自己揀，啱曬我呢啲只食到少少辣嘅人。先講下嗰條鹽燒馬友，外皮烤至金黃，好酥脆，肉質鮮嫩，充足嘅油份唔覺柴，鹽燒做法將鮮味鎖住，調得剛好，唔會太鹹，又突出魚本身嘅甜。 推介頂級安格斯牛小排，平時去嘅燒烤店好少見。牛小排火候把握得剛好，建議要試下蘸埋泰式辣醬或芥末醬，泰式辣醬嘅酸辣醒胃，同牛小排嘅肉香完美融合；芥末醬嗰陣小嗆辣，又能引出牛小排另一層風味。爆汁雞皮串$28兩串，雞皮燒到金黃香脆。雞胸軟骨口感好特別，雞肉嫩滑，軟骨爽脆，食落又唔會好膩。三人行燒烤店味道很不錯，份量足、價錢實惠，營業到凌晨，適合同朋友去食宵夜傾偈。

今日同閨蜜去太子行完街，試咗一間港式口味串燒，超過70多款唔同串燒選擇，而且有小食海鮮煮食同飲品。每一條串燒都係即叫即燒，而且可以選擇唔同嘅辣度，格價親民，服務員態度良好，實在是回頭之選🤗🤗金菇肥牛卷🤩一片片嘅肥牛捲着金菇，淡淡嘅金菇中和了牛肉的油膩感。魷魚鬚🤩魷魚鬚爽口彈牙，醬汁香濃，味道不錯。多春魚🤩多春魚魚汁嫩滑，入口香脆，有好多魚春，好正！安格斯牛肋串🤩牛肋串煮得熟，又唔會嚡口，師傅技巧一流。雞全翼/ 雞中翼🤩雞翼係筆者嘅最愛，雞皮脆而不膩，雞肉肉質嫩滑，永遠唔會厭！五花腩串🤩五花腩串燒得外皮香酥，脆卜卜，香氣撲鼻。蒜蓉燒蠔🤩燒蠔大大隻，肥美飽滿，加入了特製的蒜蓉醬汁，去除了蠔仔的腥味。燒鯖魚🤩燒日本鯖魚煎得外脆內軟，肉質嫩滑，沒有腥味，檸檬汁更是帶出了魚肉的鮮味。蒜蓉燒原條茄子🤩串燒店必點嘅原條茄子，表面鋪滿滿嘅蒜蓉，茄子一絲絲拉出嚟食，香口纏綿。牛油金針菇🤩錫紙包住金針菇焗，好多牛油，煮得好香好入味。

太子新開燒烤店 扺食串燒 之前幫襯過旺角分店 食後念念不忘 知道佢喺太子開咗新鋪 即刻嚟幫襯😄小店裝修簡潔 坐得好舒服😌 自己填紙仔落單 都好方便 叫下叫吓 叫咗好多🥰 ✨蒜蓉原條茄子$38勁多蒜蓉 好入味 好正😋 ✨香草羊架$48燒到兩面焦香 熟到啱啱好 而家仲回味緊😋 ✨牛油燒原條粟米$24✨雞胸軟骨兩串$32 我最鍾意食燒粟米啦😄 雞胸骨都好惹味😋✨燒饅頭$18✨燒日本芝士年糕$12✨炸鮮奶 （新張送嘅）炸饅頭 炸鮮奶都係超好食 一定要試😋 ✨魷魚鬚$22✨多春魚3條$22✨黑毛豬肉串$26✨雞中翼$18 ✨雞軟骨$16魷魚鬚惹味 多春魚香口 黑毛豬口有餘香 食完好想再食😄 串燒樣樣都好食 好惹味👍👍 ✨蒜蓉燒蠔$32/隻x2燒蠔時間拿捏得好好 好新鮮彈牙😌 ✨燒油甘魚鮫$86燒到啱啱好 有魚油嘅香味 入邊啲魚肉仲係好鮮嫩多汁 有水準👍😋 王老吉$12津路烏龍茶$14 整體嚟講 食材高質 價錢親民 服務到位 可以encore😋 🎈三人行燒烤店 (太子)太子西洋菜北街328號亞洲大樓地下C號舖