三不館車仔麵 (登發街)

營業中

休息中

前日22-11-2020 (Sun)同老公打掃屋企前食個晏,我哋嚟老公男友人NT推介嘅呢間,我哋去到都仍有位,睇完menu,我哋都剔咗$40.00嘅3餸麵同$8.00嘅鮮豆漿,老公揀嘅湯底係要加$5.00嘅招牌鮮茄湯底.落完單,兩杯豆漿到嚟,係來貨嚟嘅,甜度啱啱好,豆味唔算好濃.兩碗車仔麵都分別嚟到.我嘅係炸魚皮,豬皮,日式粟米豚肉餃子粗麵,要美顏清湯.飲吓啖湯先,夠味又唔太鹹,唔錯;炸魚皮分開上,脆卜卜,浸湯食好正,不過鹹咗啲.豬皮厚薄適中彈牙又冇沙,而且入味,唔錯;日式粟米豚肉餃子,呢個味道較清淡;粗麵爽唔糊口,有淡淡蛋味.老公要嘅係鹵水鮮豬大腸,咖哩鮑魚,陳皮魚蛋幼麵,要小小小辣.鹵水鮮豬大腸口感適中,亦食到豬大腸本身嘅味道;咖哩鮑魚口感爽口,唔太辣.陳皮魚蛋唔大粒,而且感覺普通;原本覺得小小小辣嘅招牌鮮茄湯會怪雞,但又唔係,都幾得意好味.我哋差唔多食晒後,老公至發現放喺枱上嘅係菜莆,好彩佢重有件日式粟米豚肉餃子,咁佢就加落去食,佢話呢個唔得,太鹹,係鹹辣,唔好味.味道唔計豆漿同菜莆,分數係3.94分環境:以各行業招牌同懷舊物品做裝飾,假招牌嘅公司名同廣告好攪笑.而一路都播放60

朝早11點幾，有少少肚餓，但又唔食得多，友人話想食車仔麵，帶左我黎三不館裝修懷舊feel，入面播住60年代歌，好明顯有心思同富有香港特色設計，值得一讚！車仔麵叫左三餸，加支大支可樂 要快樂，當然飲可樂！開心小妹怕辣，叫左牛腩汁，鮮甜，不過不失友人強烈推介麻辣汁，枱面加左兩匙麻辣，有後勁，冇失望三餸叫左粗麵，豬頸肉，牛腩同蘿蔔豬頸肉一般，蘿蔔鮮甜，正常發揮車仔麵黎講，算貴，但裝修環境搭救，疫情期間衛生環境做足，不過不失

門口牌子，回到過去感覺這三不館，設計環境很有香港特色，疫情期間有酒精消毒，有電子探熱。內裏裝飾完全50-60年代，很多店很多招牌都是歷史……已經沒有了。我選了喜歡粗麵，清湯，豬皮，豬紅，雞腳。 服務員姐姐另外給碟放雞骨很細心，當然喝要一支可口可樂特別原味道，氣足樽裝可口可完全有80年代感覺，當時車仔麵通街都有，而且非常廉價。現在2千年價錢高脹……現在3餸1麵已經$44，不過豬皮入咪爽口多汁，很惹味，豬紅大大件好靚，沒碎。當然雞腳最喜歡，一啜就肉骨分離，一定煮了一段長時間的，枱上辣菜葡要落少少，令麵有些胞口感更加完美。

今晚同老婆去荃灣經過路德圍，買咗啲小食諗住回家食，點知經過三不管，想起都未試過，誰不知裏面位服務員非常有禮地介紹俾我哋聽，現時有咩優惠，有乜推介，咁我見到佢做緊外賣有優惠，三個餸$40 ，可以選擇加底或送多一個餸，咁我見佢咁有誠意，所以就決定叫一碗外賣回家食，俾大家睇睇Menu先我哋就叫咗三個餸，鳳爪，豬手，豬紅，之後就送咗個芝士腸俾我哋，選咗個金牌麻辣湯底，咁叫完餐之後侍應仲好體貼咁幫我哋分湯上，回到家就食啦，餸菜都幾多，味道正常，湯底就正，車仔麵來講個湯底佢算好講究，唔係求其俾啲味精湯你，真係有麻辣嘅味道，至於餸菜最好嘅我覺得算係鳳爪，但都係正常，未至於話好好味，有空再過去試吓。

話說想宵夜肚餓，唔知食乜好，經過呢間門店設計，忍唔住停落嚟，覺得佢似戲棚設計，居然系食車仔麵，而門面同店內裝修偏懷舊feel，就決定一試！車仔麵都食唔少，但會播住舊歌咁享受車仔麵，香港真系冇幾多間，一入門已令我印象深刻，完全啱晒打卡愛好者！衛生情度中等，餐枱擺位都算企理，落單自己寫紙✍🏻就可以，方便簡單👉🏻辣汁陳皮魚旦 $20街邊篤魚旦嘅細魚旦款，而細粒魚旦唔系食魚旦味，系食好味嘅醬！😋呢度嘅辣汁陳皮辣得嚟少少暖身、偏甜，落陳皮可以有輕量解辣嘅燥熱感，平民食嚟講唔錯，而價錢嚟講中高👉🏻醬燒豬頸肉+豆卜 金牌麻辣汁米粉😋醬燒豬頸肉帶爽身帶有豬肉香，而豆卜非常靠湯底先可以升華，湯底講明金牌麻辣汁，一場嚟到冇理由唔試，好彩佢冇令我失望一上枱碗麵望落好似清湯咁，而中間有加咗類似辣椒油咁🌶️，攪開後麻辣香開始出，有香麻味冇麻感，似辣油咁好快食到辣味，暖辣唔辛苦，所以的確幾特別，留意枱面有罐「金牌麻辣醬」，唔夠辣感的話可以再加🥳👉🏻鮮豆漿鮮豆有層薄膜，平時見外賣熱封膠杯，用飲管開窿飲用感覺衛生，而豆漿偏微甜、且有少部份豆漿渣粒，飲得出鮮製，非常推薦，而且甜味解辣的確一流，叫咗兩樣辣食，都想飲一飲甜豆

光顧此店已多次，其出品穩定，每次想食車仔麵，在路徳圍附近，別無他選。今天因為疫情關係未能堂食，外賣也好。外賣回家要半個多小時，基本上分湯是必須的，加$2。抗疫優惠，三餸一麵加送一餸，都是成本較低的，選了牛丸。招牌辣醬是重點，必須的。沙茶底味，惹味鹹香。牛丸，貨色大路也不差，但不是送的我不會點。豬頸肉，質素穩定夠味，淋滑，先炸熟後切，不會乾鞋。鳳爪。每次來也會點，但感覺一次比一次普通，今次更甚。記得第一次食醬汁飽滿入味，今次只不過普通酒樓鳳爪。牛腩也是必點。質素保持得好，四五粒，貨色是普通，但處理得好，瘦得多不鞋，入味又夠淋，今次亦佳。每次也覺得其湯底好，今次分上，結果突顯了弱點。或者有放料煲過，但更重的是烚蘿蔔水和雞粉味，基本上必須有辣醬提味。整體而言，42元四餸一麵還是很划算，然而可以堂食則堂食，質素更佳。

知道是黃店所以要支持，而且最近荃灣車仔麵所剩不多。我已經第2次食，上次最難忘是支裝可口可樂，和它的裝備，把香港50-60年代標誌都放出來。雖然是假但有一番風味。選單上很清楚個人上次吃過酸斋，大腸都好入味。桌上辣椒油，吃辣一定要吃。今次選雞翼尖，豬皮，蝦卷，粗麵。蝦卷是小學，中學零食部的，超懷念!鹵水雞翼尖，一吸就離骨，好入味豬皮爽口又吸了腩汁，食到花椒八角香味車仔麵我最喜歡粗麵，同平時粉麵店真係不同現在車仔麵價錢都不平，現在預50元左右一碗。

讚1. 裝修好搶眼，扮懷舊扮得好投入2. 野食係做得幾好，豬手、魚蛋、酸齋都好入味，油麵煮去三得透身又唔腍，試過有次點左小辣豬手，辣到癱瘓，唔講得笑彈1. 價錢的確係貴既，平均六七十銀，係附近最貴既車仔麵店

鑱咀萬萬歲!🙌🏻ChamZeoiLongLongLife🙌🏻🐭三不館萬歲！......🐭「三不館」絕對唔係普通嘅車仔麵檔，雖然店面唔大，但裝橫非常有心思，帶你穿越返去五丶六十年代嘅老香港，好似一個小型博物館。....🐭非常欣賞老闆嘅創意幽默，因為三不館開業唔耐，但又想模仿老字號嘅特色，所以舖頭周圍都會見到兩句名言：「百年老店、尚欠九十九年」及「祖傳三代、現今為第一代」。....🐭車仔餸料嘅選擇都係平時嗰啲。湯底可以選：金牌香辣汁、古法辣汁、番茄湯、腩汁、清湯。麵嘅選擇基本有齊，可惜冇我最鍾意嘅米線。另外亦有多款特色小食。....🐭 醬燒豬頸肉、清甜蘿蔔、豬紅 （招牌香辣汁）河粉(三餸面$40)賣相👅👅👅👅味道👅👅👅👅口感👅👅👅👅份量👅👅👅👅性價比👅👅👅👅🐭湯底本身幾鮮甜，冇味精，加咗招牌香辣汁後的確惹味。豬頸肉唔會太肥，肉質鬆化，外層燒得頗香。蘿蔔大大嚿，爽口鮮甜！豬紅非常軟滑，散發陣陣滷水香氣。河粉略為厚身咗啲啲，唔夠晶瑩剔透。....🐭另外值得一提嘅係辣菜譜。菜譜切得細細粒，大小均勻，混入辣椒碎，加入車仔麵裏食令整體更有口感層次！....🐭 食神鼠到三不館一遊，拜拜～👋🏻.....

今日去試呢間三不館車仔麪，試左幾款招牌星星餸菜，味道唔錯。車仔麪可以選辣度，我選左小小辣，岩哂想食辣又唔食得太辣的人。餸菜方面，麻辣豬手有咬口，豬頸肉爽脆，鳳爪入味，魷魚好味，鴨腎就軟左少少，整體味道唔錯。口水雞唔辣，花生味香。$40有3個餸，價錢合理。店裏裝修懷舊，仲播放七八十年代的歌，幾有特色。店主健談，店舖提供口罩套、酒精搓手液給有需要的顧客，細心！值得一試！可選外賣，網上外賣平台.下次要試其他餸。

一個尷尬的時分，邀請做些活動，有些人又未必參與，有些人又好像狀甚老尷😒，倒不如回到荃灣看看有什麼新知😼。立即看看雄記春卷，好像在三月左右就會關閉，豈料它休息一天。而長久都非常之簡約而偏向骯髒的車仔麵名店—榮安，亦都進行內部裝修🤦🏾‍♀️，兩大著名麵店都未能光顧，於是再看看有什麼其他新知。看到大埔亦都有的這一間三不館，看看餐牌，發現有三餸車仔麵， $40不算昂貴，於是內進一試。當真，以現今的所謂新式車仔麵店，隨便一個麵，可能都要$15 ，然之後每個餸$7 $8或是$10 ，有些店舖，更加可點牛腩、豬扒等等所謂較名貴菜式，索價$15一個餸，簡直離譜，在這些店子，動輒吃碗麵，可能都要$50。門口列明六七款招牌菜式，例如是午餐肉、豬手、豬大腸、豬頸肉，餐紙上面寫明，三餸一麵或是四餸一麵，所有餸都是或一價錢，收費公道。這樣我就點了一個雞翼尖、豬大腸以及豬頸肉的油麵，配合少少辣的麻辣汁。湯底本身都夠濃味，不會一味死鹹，麻辣味道亦都夠香，不像麻辣燙或是中式麻辣的那一款味道，夠香辣。如果嫌小小辣有點不夠的話，其實桌面上面那一瓶金牌麻辣也是味道一樣的，還可以由乘客自行添加。秘製燒豬頸肉，有三四片，豬頸肉不

三不館店子是裝修很有懷舊風味特色的車仔面店，我和家人各自點了四餸一面。餸有麻辣和沙薑豬手，豬皮，咖喱尤魚，豬紅，瑞士雞翼，牛腩和滷水大腸。食材和湯底濃郁而惹味。

搞笑懷舊風，寫住百年老字號，尚欠九十九年。。祖傳三代，現第一代，食物以路徳圍幾間的車仔麵檔較為出色，只係略嫌款色大路唔夠多，沙薑豬手夠入味，好食過麻辣豬手，豬皮唔係爽口，係淋身嗰只，(本人鐘意食淋身）檯面有辣菜普，自己落幾多都得，侍應態度好，會再幫襯！

星期六下午兩點，不用排隊直入兩位，自己圈紙仔揀餸，叫咗豬大腸， 豬頸肉同埋鳳爪。5分鐘唔到食物就上枱，數量唔太多，但係個湯底同埋送嘅質素屬於高。豬頸肉幾爽口，豬大腸好入味，同埋個鳳爪食水好深，味道好濃，啱晒我胃口。一碗車仔麵加$8有一支嘢飲，唔錯唔錯。重點係間鋪頭裝修好有心思，周圍嘅廣告牌都係自己獨家設計，細心D睇可以搵到當中笑位，同我搭枱對面兩個喺度研究左好耐，邊講邊笑，突顯左老闆設計係有人欣賞嘅，特別係嗰塊大招牌。

好耐冇食過d咁有水準嘅車仔面。裝修係有7080年代的特色，店內仲要播放住嗰陣年代嘅流行曲，尤如置身係當年嘅感覺。佢出名係油面、豬手。的確油面係幾有彈性，豬手好入味。普通辣味湯底都唔太辣，所以我後尾都會加翻d額外辣味醬料，令個面更惹味！菜甫是免費仼食，不過就幾辣。怕辣就唔好加咁多啊！價錢方面，非常抵食。3個餸好似都係$38 ，加多一個餸都只係$9 。小食種類都有好多，有口水雞、豬手👍🏼👍🏼👍🏼👍🏼👍🏼