三不館車仔麵 (登發街)

營業中

休息中

📍🇭🇰今次嚟到位於嘅荃灣嘅車仔麵餐廳暫時有4間分店🤩分別位於荃灣，旺角，大埔及觀塘其實之前已經食過一次，佢哋嗰陣做緊個活動:成功用左手揸筷子食麵嘅就會送一罐飲品🧃而我本來就係左撇子，所以店員主動過嚟話請我飲🤣食物都好好食，所以今日再次返嚟試其他野😋☎️環境全間店都係懷舊設計🥹整得好有feel鐵閘，豬仔錢甖，草繩，大大個紅綠色招牌等等❤️💚用嘅係摺檯摺凳，音樂一路都播住90年代嘅歌🎶真係好似去咗以前嘅餐廳食飯咁🥰🥢食物🐷三餸一麵 ($48)點咗嘅三餸分別係1. 醬燒豬頸肉 2. 滷水鮮豬大腸 3. 清甜蘿蔔湯底點咗濃香沙嗲湯🧡(+$8) 配幼麵🍜 第一啖就即刻試呢個新登場嘅湯底！好有驚喜！😱湯底好濃郁！沙嗲好香口！花生醬同沙嗲嘅比例係完美🤯所以入口好順滑，兩者唔會搶咗大家嘅味，湯汁仲可以掛麵🤤豬頸肉邊邊仲好香脆，唔韌！滷水大腸非常入味💓就算浸完沙嗲湯，都仲食到滷水嘅香味🤩肥腸有幾嚿，無肥嘅腸又有幾嚿，平衡下口感🥳好好食！蘿蔔燘得夠腍，好清甜！三個餸都好值得點，非常滿意❤️🥤飲品 🇲🇾馬來西亞桔仔水 (+$10)帶微微嘅桔仔味🍊清甜！唔會太甜👍🏼好適合用嚟平衡濃郁嘅湯底🧡🙋🏻‍♀️服務全部店

今天與老公去南豐中心睇醫生，於是在路德圍搵食，見到呢間車仔麵檔不用排隊，二話不說就入去了。點菜紙上好多招牌菜都是麻辣或是秘製的，兩餸一麵$37三餸一麵$46四餸一麵$55 （之後每款餸劃一加$10）每次食車仔麵必叫蘿蔔、豬大腸，今次加多貢丸試試，及叫了一碟香炸墨魚餅$34，有五大塊，都幾好食；加$10有飲品，馬來西亞吉仔水（罐裝）好似幾特別，唔算太甜，幾好飲！點菜紙上有一個亮點：凡新穿校服及用功讀書的學生，惠顧3餸或以上的麵餐免費送你一款汽水，究竟點樣可以睇得出那個學生是用功讀書呢？真係搞笑😂

去荃灣一定會掛住三不館嘅沙爹湯車仔麵。車仔麵有沙爹無乜特別，呢到嘅沙爹最特別嘅地方就係佢夠濃！濃到好似落左一樽去煮咁。今次叫左菜，魚腐，蝦條，當然一定要加錢轉沙爹湯嘅米粉。每次食完都會覺得好飽，因為真係好足料，菜同朋友share 食都唔覺少，米粉分量好多。相入面嘅咖喱魷魚係朋友嘅，魷魚爽口咖喱味濃。

經過三不館見到難得冇人等位，就決定今日係到食晏。先講裝修，三不管用九龍城寨風設計，再加埋啲懷舊音樂！成間舖頭都好有feel。冇黎一排，發覺三不館都多咗啲新嘢。今次要試咗新湯底沙嗲湯，要加$8，但味道不錯！另一碗叫做麻辣湯，一如以往好食！餸個方面，推薦豬頸肉、蘿蔔、餐肉！豬頸肉燒得好香脆，蘿蔔清甜無渣，餐肉都煎得好香脆脆地！三款都係必食！今次重試埋佢個口水雞，口水雞偏辣，雞滑身，不錯。最後想介紹埋佢個吉仔水，係其他地方冇見過。甜甜地，幾特別，冇試過可以試吓！

好差嘅體驗， 先講食物，牛腩湯完全冇牛味，豬大腸直情好似食一片冇味嘅薄片😂 車仔麵最簡單嘅麵亦都唔爽口，我哋分別叫咗兩個麵，兩個都唔好食。贏係贏喺裝修擺設，同埋唔算貴，學生level OK，如果十分滿分，我覺得嘢食水準係三分。員工大致上都有禮貌，係一位特別說話唔客氣，冇笑容都唔緊要喇，我明白飲食業辛苦（雖然冇人逼佢返工）,同行有兩位老人家, 當時大約1：45，多人係理解, 我哋喺門口等嘅時候，我見入面有四張凳仔，上面放咗外賣盒，所以我都冇要求問可唔可以老人家坐喺嗰度等，但係門口一入去左手邊有一張空咗嘅櫈仔，我問佢老人家可唔可以攞嚟坐，佢竟然話唔可以🫥 其實我都有少少著😅但係另外一位waitress就nice好多就話雖然我哋四人枱, 但係其中兩張吉嘅兩人枱, 老人家可以坐住先。跟住到最終開始食嘅時候，我哋係三個人叫咗兩碗麵 (一位後join)，唔客氣嗰位又走嚟大聲語氣好差甘講 「唔得呀！ 呢度有最低消費」有最低消費唔緊要，但可以客氣啲講，佢講嘅時候好似我嚟攞佢著數咁！我咪問佢最低消費幾多錢一位囉，因為我哋又叫咗好多餸又有飲品，加埋都應該夠。跟住佢無動於衷，冇幫我計，就咁企喺度望住我自己數

前幾天跟朋友去荃灣的時候，無意發現這間以香港懷舊裝潢作主題的車仔麵店，很有特式，風格像是九龍城寨的風格，而且是懷舊70年代的感覺，而且店名為三不館，就是當年九龍城寨三不管的外號，就是這樣把我們吸引進店了，店內的裝修非常獨特，牆上掛滿了懷舊的招牌和圖片，營造出濃厚的香港本土文化氛圍。每一個角落都充滿了歷史的痕跡，讓人不禁想起當年的街頭小食文化。而我們點了車仔麵，我們點了魚蛋、魷魚、豬紅、雞翼、冬菇、蘿蔔，每一樣配料都新鮮可口，冬菇的香氣也為整碗麵增添了層次感，車仔麵有不同辣度可選，我喜歡吃辣的，我認為下次可以再辣一點，而門口收銀亦貼有一幅三不管必食龍虎磅，第一名是豬手第二名是豬大腸，第三次秘製鳳爪，第四名是沙薑豬手，第四名是秘製雞翼尖！大家可以去試試看!

有水準車仔麵堂食三餸車仔麵魷魚，招牌豬手，雞翼，今次揀左清湯，豬手真係好好味，差唔多次次黎食都會點一份，環境裝修懷舊，可以睇到老香港既年代，尤其係條紋枱椅，好有年代感

喺荃灣 ， 有好多唔同餐廳嘅賣車仔麵，而三不館係我食過以黎最好味最抵食嘅車仔麵。 如果想搵下，懷舊嘅氣氛， 可以到路德圍附近嘅三不館， 餐廳掛咗好得意嘅招牌， 好適合三五知己去打卡。 另外都播放住好多懷舊金曲， 好個隱我食過唔同嘅湯底， 今次就諗住食 清湯， 試下原汁原味。嚟到份量都唔少， 配料都比很多， 對女士嚟講絕對夠食。 佢嘅蘿蔔鮮甜可口， 豬頸肉又爽暖嫩， 最好味係魚蛋， 可試到昔日嘅陳皮魚蛋味道。 雖然一碗車仔麵價錢唔係好貴， 但職員嘅態度都很好， 地點有就腳 ，很值得過來吃！

好少比食評，不管好唔好食。但這家奇葩店的服務態度已經超越佐我的認知同底線！希望可以幫到其他人，尤其是帶小朋友的朋友，避免誤入中伏！-朝早11點幾落緊雨，啱啱開門無乜人。兩公婆總共點8個送，交單時，店員指住個“每人最低消費兩送麵”的要求個4歲小朋友都要點。-我哋話小朋友食唔到咁多，叫多D送分比佢。跟住店員hard sell，要求點多個小食比小朋友食……僵持佐幾秒之後，老闆行過來，話都差唔多喇，點多杯野飲喇……我們奪門而去，永不幫襯！-今時今日咁嘅服務態度，真係唔掂！服務態度如店名，I don't care!

成日經過呢間三不館車仔麵其實經過幾次都覺得佢好香但成日諗住夜晚食清啲就冇試到今日終於的起心肝試試佢首先我叫咗個沙嗲湯底湯底真係好濃郁 沙嗲湯底都好結身但覺得車仔麵啲餸料就冇咗啲香港原味道我今次叫咗豬頸肉同埋魚腐兩個餸都冇咩特別 都唔係好入味不過食車仔麵一定要配油麵如果計沙嗲湯配油麵我就覺得好出色啦朋友叫咗蕃茄湯底 牛腩同豬肉丸試咗佢個湯底都幾好味餸我就無試啦 但朋友都話幾好味小食就叫咗花枝餅 熱辣辣好好味🤤🤤

裝修有少少懷舊feel必試濃香沙嗲湯底+豬頸肉貢丸牛腩河粉暫時係我食過香港最好食嘅車仔麵，沙嗲味超濃， 豬頸肉好香，河粉係窄身嗰種唔會一夾起就斷晒，反而滷水雞翼尖就麻麻哋

近年市面上充斥著一堆打著老香港味道的店鋪，這間三不館是其中一間。講真味道係唔差，但就唔係老香港車仔麵果種混雜各種滷水+咖喱+腩汁嘅味道。所謂的招牌辣汁湯底，完全唔辣又唔香整體來說，如果去開荃灣，可以係醫肚嘅車仔麵鋪，但絕對唔係會令你覺得會回味想一去再去果個level。個人感覺係路過可以一試，但絕對唔需要專門去試食的稍為不錯的車仔麵

身為荃灣街坊的我,要揾一間合格的車仔麵店並不容易。千色車仔麵水準越嚟越差,榮安小食又不太合我口味,但位於登發街的三不館車仔麵,叫做冇得選擇之下嘅選擇。環境雖算不上頂級,但都算清潔舒適,更有播放著懷舊的廣東老歌。口味方面,我最愛他們的辣菜脯和麻辣椒油,特別醒神開胃。但說實話,份量有點偏少,一碗面對女士來講都未必食得飽。而且,這樣的價錢配上這樣的分量,確實有點不太物有所值。不過,對於缺乏選擇的荃灣街坊來說,三不館車仔麵已算是不錯的選擇了。雖然不算頂級, 但叫做可以頂下車仔麵癮。

叫左3送分量好少冷氣又壞食到成身汗湯底無味，就咁俾d麻辣汁就算唯獨蘿蔔好少少，其他嘢食都唔得，豬頸肉剩係得3塊，環境都一般下次都未必會幫襯好失望，唔怪得咁少人啦。

夜晚喺路德圍行吓睇吓有咩食就見到呢間久仰大名嘅三不館，一於入去試吓成間鋪嘅裝修都行住一種懷舊嘅港式風格，配埋盞鬼嘅「祖傳三代，現為第一代」，望住啲裝修即刻覺得啲嘢食都會好好味。唯一要講吓嘅係大家都係坐摺凳，真係冇咁好坐～叫咗兩碗麵，特別覺得滷水豬大腸好出色，入味得嚟唔會有臭味。另外個魚腐都好掛湯好正不過個橙色蝦卷就唔太推薦啦，有少少蝦味但係都係食緊一舊麵粉咁建議可以試其他。另外見到餐廳新出品嘅自家製奶茶，一樽要22蚊有少少貴，但係唔係即沖所以唔會俾冰溝淡，一於試吓佢！一飲又真係幾正，茶同奶嘅比例啱啱好，係好香濃嘅奶茶。