三不館車仔麵 (廣福道)

營業中

休息中

今日黎到一間充滿懷舊氣氛的三不管車仔麵， 裝潢十分橘子， 充滿了懷舊氣息。 一進店內就感受到舊香港嘅味道。 無論碗、地板、甚至筷子都充滿了懷舊味道。 因為今日去完鐵路博物館，所以帶埋小朋友一齊嚟食車仔麵， 除咗同佢哋食車仔麵之外， 仲可以畀佢哋嘗試下舊香港嘅氣氛。而係食物味道方面， 不過不失。 我覺得個湯底唔錯， 味道夠曬濃郁。 食物有好多嘅選擇。 侍應嘅態度還可以。而小朋友最鍾意嘅梗係樽裝汽水飲啦。 睇下下次再有機會幫襯啦。

去完鐵路博物館，個仔話要揾啲特別嘅地方食下午茶，忽然想起最近網上介紹過呢度就即管揾下。原來呢間車仔麵離鐵路博物館大概10分鐘腳程。呢度喺大街好容易揾到。一坐低個仔已經急不及待攞張菜單自己劃，佢第一個反應係揾唔到，原來呢度用彩色設計靚靚嘅紙，同好多度唔同，仲有，呢度係用老師寫白板嘅粗水筆，真係好過隱。食物係少有好味嘅車仔麵，個仔自己一碗，我地兩公婆一碗加小食。兩碗麵有辣有唔辣，仔唔辣果碗係清湯，加上小朋友最愛嘅牛丸蟹柳果啲送，我地想掂都唔比掂，即係應該好好味，下次要試下先。我兩公婆果碗麻辣就好香，食晒都仲好想食。小食嘅口水雞加上枱面嘅金牌辣椒醬勁好味，尖椒夠香夠辣，又另一好味。最後下午茶變晚餐，返到屋企飽到上心口。值得推薦喺枱面嘅金牌麻辣醬，勁香，不過可惜唔夠辣……

最近經過廣福道, 見到開左間好懷舊既食店無論係門面同內在環境都好有香港特色! 呢日趁住臨放聖誕假前一於黎試試!入面既裝修真係好"香港", 好值得欣賞個人好鍾意呢幅牆, 真係好有心機落單! 不論係餸、粉麵、湯底, 選擇都有好多, 可以慢慢揀仲有學生優惠, 適用於穿著校服及用功讀書的學生, 幾有趣喎~不過已經唔係學生~醬燒豬頸肉 + 瑞士雞翼 米粉湯底我揀左美顏清湯, 個人好鍾意呢個湯, 清清甜甜又幾特別醬燒豬頸肉作為必食之選, 一定要試下, 果然好唔錯!瑞士雞翼唔會煮得過熟, 味道好夠醬燒豬頸肉 + 蝦條卷 + 豬大腸 + 流心蛋 米線朋友就揀左小辣既湯底, 岩哂呢個凍凍地既天氣好鍾意食豬大腸既佢, 覺得呢間既豬大腸正喎流心蛋very nice!!!金牌口水雞我地仲叫左個口水雞, 雞肉好滑身另外加$8可以配埋飲品, 本身想飲豆漿, 可惜已經賣哂叫左兩支汽水不得不提呢度d 店員都好nice, 好親切!之後一定會再去食

大埔區其實一直都有不少食肆加入, 試新野無咩難度, 今次試的是車仔麵, 來到舖頭的時候是六時多, 但店內已滿坐, 而且有數人在門外等, 由於店舖不太, 而且等候人數不算多, 所以我們便邊選食物邊等候入坐...它跟我平日吃的收費準則不同, 配餸劃一收費, 以致我選擇有所不同, 蔬菜類的話, 還是留待在家吃多些補數吧這間店主打款式看來都是辣的,可惜同行的不太吃辣, 只有我自行挑戰小小小辣的金牌麻辣汁鴨腎售罄, 轉叫鳳爪, 另外還點了沙薑豬手和牛腩配鮮製油麵先呷了一口湯底, 是我能接受的辣度, 而且有麻的味道, 感覺對辦, 油麵不太吃得出鮮製, 尤其是有些麵條還沒有完全煮散, 鳳爪和牛腩是很入味的, 可惜豬手沒有入味, 也許是麻辣味遮蓋埋在表面鮮沙薑味吧

話說有一日撘巴士經過大埔廣福道，聽到隔離位有兩個人傾計講：「個間車仔麵似係明星開㗎！」我聽到就即刻望下間鋪啦，又真係好多人排隊喎，心諗搵日去試下先，同埋睇下係邊位明星嘅鋪頭。之後某個星期六，我就去咗試下，咁岩有位坐。間鋪好細，坐位好少，基本上都坐滿哂，好逼，好多人買外賣。環境都幾有懷舊嘅感覺嘅。啲野食除咗有全統嘅車仔麵料都仲有啲新式野，記得有個用泡菜整嘅餸，但係我就唔記得係咩啦。味道方面都ok嘅，不過不失啦。至於明星我就見唔到啦，亦都唔知係邊位明星，哈哈。

在家附近開了一間車仔麵，裝修吸引了我，總會抬頭望一望😁門外面經常有人在等候！裏面的裝修充滿了香港特色的招牌。還有一些懷舊的商牌及傳單裝飾。因為要等位的關係，店員給了我們點菜紙先看看，三餸一面也只是$38，而且也有很多款的湯底可以選擇。😯😯最後我地叫了一個三餸一麵車仔麵，有豬大腸，蘿蔔及豬頸肉。湯底選了平時也不會有的美顏清湯！！😻😻初初麵來到時也很驚訝，以為來錯了番茄湯😂想了想美顏湯不就是菜湯嗎🤩味道非常好😋當中豬大腸不得不讚！是超乎想像的好味❤️❤️❤️❤️一定會再要來吃。這個我加了錢轉了烏冬。另一個叫了魷魚，生菜，牛腩配牛腩湯底。魷魚很爽滑，湯底一般，喜歡辣的朋友可試麻辣汁。下次必定再來！😚

呢間車仔麵開左都一排，身為大埔友既我，今晚終於有時間去試一試-估唔到未到晚上7點，都要等位大約等5個籌，等左15分鐘就有位鋪頭細細，座位好密，一張枱要坐6個人都有少少逼-店內裝修都係行好地道既香港風格-三餸一麵只係$38就一於食三個餸有好多選擇，菜又有肉又有麵同湯底都有好幾款～～～-有選擇困難症既我都糾結左一陣最終揀左豬大腸、沙薑豬手同咖哩魷魚河粉，牛腩湯底-餸既份量絕對比想像中多！豬大腸肥美得黎好夠味，大推介咖哩魷魚都好好食，唔辣，爽口！反而沙薑豬手麻麻地，可能我唔鐘意食咁多骨牛腩湯底都入味，唔係死咸～下次食埋佢個美顏湯底先-友人叫左蘿蔔、牛腩同手打魚肉蘿蔔同手打魚肉都唔錯蘿蔔夠腍身同入味但牛腩就韌左少少，唔易咬開-下次黎會encore豬大腸！！！仲想試埋佢叫瑞士汁雞翼店員都好細心同埋友善，但預左要等位唯一覺得麻麻地既係，飲品方面，想叫豆腐點知賣哂，想叫zero coke又賣哂，計雀檸都賣哂

每日經過都見大排長龍，今日假日終於去試一試水準。內在環境走懷舊風，不少上年紀的客人都大呼：「很有趣！」店內主打車仔麵，配料幾特別，有秘製鳳爪、豬手等。我推介小食口水雞，調味很不錯。夠辣亦夠麻。是份量細了點，宜一人點一份。車仔麵份量適中，辣湯底不算特別出色，配料亦沒有特別令我驚艶。桌面辣菜甫提供，但不過香亦不夠辣，而且菜甫切太碎很難食得到。排隊原因可能因為新開張及始終區內車仔麪店並不多吧。圖為鮮豆漿，不過不失，勝在香港製造。

優點：三餸收你$38算幾抵食 湯底夠味唔算好濃 分量都算夠缺點：極度不建議堂食 一張細細張圓枱坐6人 多次不小心撞到隔離位食客 相當老尷 個個坐到成隻蟹咁食 就算碗麵有幾好食都不覺得享受 只想盡快食完離去 所以我不會再去

行行下經過見到呢間車仔麵，比佢個裝條吸引左！而且見佢3餸車仔麵都只係$38，要試試！個湯底夠哂濃，仲可以加辣汁或者麻辣汁佢都有好多唔同配料，個豬大腸同辣豬骨都唔錯！個豬骨都幾入味同唔會太韌宜家先原來酸齋配車仔麵都好正架喎！佢地仲有得加菜脯加埋一齊食真係不得了個份量黎講就夠女仔食，如果男士食可能未必夠

又係大埔覓食頻道，廣福道人來人往，又開左新餐廳。呢間三不館車仔麵新開張，我就即刻入去試啦。我見openrice唔係好多張相，而且餐廳位於廣福道，我對餐廳開頭冇抱太大期望，點知成件事令我喜出望外。星期六中午12點去到，餐廳門口幾靚，入到去地方唔大，4張圓枱，1張靠牆長枱。坐低左發現有驚喜。原來餐廳用左懷舊裝潢，冇諗過老闆竟然連一間車仔麵店都花咁多心思去設計👍點餐紙一人一張，清楚易明。我同朋友一人點一個三餸車仔麵。朋友點雞翼，生菜，豬紅配牛腩湯油麵。我點午餐肉，豬肉，手打魚肉配古法辣汁油麵。湯底少少辣，咁我加入餐廳嘅金牌麻辣醬，個麻辣醬好好食。好香麻辣味，食得辣嘅朋友一定要試。食完好想有買返屋企嘅衝動。油麵整得好好食，軟硬適中。我個胃比較平民，覺得呢度午餐肉夠大塊又煎過，所以好香又好好食😋手打魚肉唔會有平時鯪魚肉嘅腥味👍豬紅都好入味🤗由於餐廳不斷有客入黎，所以我地食完都即刻埋單，唔好阻住人地做生意。總結，我會再黎食架😍