三不賣野葛菜水 (已結業)

野葛菜水,每次當我生飛滋,痰多酒多失眠,牙肉腫痛,火氣超標,務必買一枝來喝下火,功效顯註!!但寒底的人切忌喝多,因野葛菜是寒凉物,即使熱底的我,有次立刻喝下全枝後也有點暈!!三不賣野葛菜水,味道偏淡而略帶甜味,甘而不苦; 以野葛菜、羅漢果、龍利葉、蜜棗、陳皮等中藥,煲十多小時而成(抄的),叫一碗,一喝已盡,平時囂張臭脾氣的你刹時變成沉默的羔羊了,不信,試試吧!!

可能因為我係熱底,所以食少少熱氣野都會喉嚨痛,再食多d就生痱滋兼爛咀,因此都盡量少食,一食左都會飲番d涼茶,呢度就係我的首選佢\只賣野葛菜水,可能專做一樣,所以我覺得療效俾其他的好,喉嚨痛.生痱滋.爛咀飲完都好快好番佢\本身有dd甜,有d人話落d鹽好飲d,又話可以下火d,不過我就鍾意就咁飲,仲有如果你唔開聲,佢\就會俾暖的你,但我就一定會叫佢\俾碗熱的我,飲完好舒服,同埋可能我去得多,無論個姨姨定係個姐姐仔都好好人,好好傾,試過同個姐姐仔傾足成粒鐘,但又影響唔倒佢\做野,因為不停都有人幫襯,我諗呢間鋪都幾好賺

其實對野葛菜水的功效都不太清楚,只聽同事講過熱氣,喉嚨痛可以買來試試,今日就去到買左一樽黎下,講真講到味道不會有太大其望,都大約古到吾會太甜,中會有少少苦味,飲落有少少清甜,有少少似涼茶可以一試.

昨晚和辣椒女到尖沙咀晚飯，之後行過地鐵站，平時很少行經這裏，忽然看到大大個字寫著，原來在尖沙咀有分店，而且還已開了一段日子。這裏的野葛菜水，味道清甜，甜品又唔會過濃，作為清熱的飲品，實在係至好不過。可惜開在這隔涉的位置，人的流量真係好少，如果不是，相信一定會更加吸引。

位置真係隔涉左d,雖然成日係尖沙咀出入,不過唔係有次無意中行入呢條街(雖然地址都係加拿芬道,但係無咩人行的),都唔會發現原來三不賣o係度開左分店我唔鍾意飲甜野,所以五花茶,銀菊露呢d唔係我杯茶,但係間唔中又想飲下'涼茶',呢度o岩晒我,落少少鹽吊味,好味道(功效就不詳啦XDD)

可能我阿媽成日都煲好唔同種類、功效既湯水同涼茶啦，所以覺得無乜特別，個人嚟講唔會再飲啦

有食家提起「三不賣」, 我記得以前唔知邊張報紙提過佢地o係尖沙咀o既加拿芬道開o左分店. 橫掂年三十o既晏晝約o左人o係老尖, 就順便行o黎呢頭搵o下, 唔洗一陣就俾我搵到.呢間舖近河內道(即係"La Tasca" 同"十八掌" o個條街), 但其實都幾近彌敦道. 同灣仔總店一樣, 呢度只係獨沽一味- 野葛菜水, 堂飲7蚊一碗, 外賣係每樽20蚊有找. 呢度o既葛菜水由於加o左蜜棗同羅漢果去煲, 所以甜甜地, 唔似旺角"愛群" 淨係用葛菜o黎煲咁寡, 呢種口味比較討好一般顧客, 更何況葛菜水可以清熱解毒, 難怪獨沽一味生意都咁好啦!以後要飲葛菜水又多個好地方喇. ^_^