三一餃子 (利源西街)

營業中

休息中

星期五中午同朋友去食尼間黃店，店雖細，但感覺好舒服。侍應態度好好，有禮，主動幫客人。價錢合理。煎餃bite size冰花網底，煎得好靚。黑白松露豬肉餃，松露味道清香唔會有電油味。蝦皮韭菜豬肉餃，好多韭菜。本身鐘意韭菜，所以覺得超級正！豆漿蝦皮湯米線，湯底滿口蝦米香味。好味！鏗魚昆布湯米線，湯底正常，不錯。不過因店舖比較細，所以要預比較長的等位時間。總結：非常好的小店，會再幫襯。推！

食物A+B套餐 $58A炸蝦皮韭菜豬肉餃 + B豆漿蝦皮湯烏冬 (+$5)最基本的套餐係58元的餃子加主食，夜晚去到的時候好多野食都無晒，主食淨返要加5元的烏冬每樣食物都係新鮮製作熱辣辣炸韭菜餃外皮厚度適中，脆脆的，韭菜唔算好多，韭菜同豬肉味幾平均，不錯的豆漿蝦皮湯烏冬的湯底好淡味，要連湯一齊食個烏冬，但都唔係好夠味，要仔細品嘗先食到淡淡豆漿味烏冬類似雪烏冬，彈牙有口感有得揀的話我唔會加錢食隻碗好可愛，差啲想問店員係邊入貨😃A煎黑白松露豬肉餃 (+$4 +$4) + B鰹魚昆布湯烏冬 (+$5)哩間餐廳特別之處係煎餃要加$4，松露餃都要加$4松露餃真係有松露味，味道唔太濃，對於唔鍾意食松露的人黎講會容易接受外貌似日式煎餃，6隻連成一體鰹魚昆布湯同平時的烏冬湯底差不多，好味過豆漿湯環境餐廳裝修簡單新清我坐左係高吧枱位置，同後面座位非常近，多人的時間好易撞到後面，亦無地方放袋坐矮枱的話會好好多服務餐廳樓面係2位後生仔負責，態度好好，比人感覺好舒服😌

天氣轉涼左好想食啲熱辣辣嘅野，是日中午就黎到中環利源西街的「三一餃子」吃午餐，小店由石硤尾衝出中環開分店，早喺石硤尾嗰陣我已經食過佢地嘅餃子，而家中環店都好受歡迎呢餐牌上除左餃子🥟，仲有各式小食，選擇都幾豐富Coca-Cola Plus好少餐廳會有Coca-Cola Plus供應，叫左一罐來減慢卡路里吸收蝦皮韭菜豬肉餃選擇左湯餃，湯底都幾清甜，每隻餃子都好大隻及飽滿。豬肉同韭菜餡料係絕妙嘅配搭，滿滿的韭菜香，好好食呀豆漿蝦皮湯米線湯底可以選擇鰹魚昆布或豆漿蝦皮，我就揀咗比較少見的豆漿蝦皮湯。湯底呈奶白色，入口帶有豆香及蝦米香，味道好鮮甜且特別！米線軟硬適中，Q彈有嚼口，亦充分吸收左湯底精華甘煮野菜野菜種類好豐富，有羽衣甘藍、蘿蔔、冬菇、芋絲等等，用清湯浸住，唔油膩，有益健康炸花枝丸一客有四粒，炸到金黃色，熱辣辣好吸引呢！入口爽口彈牙，充滿花枝香粟米豬肉餃(圖上)冰花煎粟米豬肉餃，金黃色的絲網面非常吸引，底部好香脆！粟米同豬肉餡料十足，味道同口感都好豐富呢蒜芯豬肉餃(圖下)煎餃不會太油膩，餃子皮厚薄適中，有麵粉香。內裡係翠綠的蒜芯配上新鮮豬肉餡，入口充滿着陣陣蒜香，非常滋味

有冇見過玫瑰花形既餃子👀？不時會起網上見到有咁既餃子原來餃子就係黎自中環呢間三一餃子🥟我地分別叫左大阪燒餃子同埋雞翼餃子講下大阪燒餃子 佢既外形用料味道都同大阪燒一樣 而且將大阪燒與煎餃子呢款小食crossover 亦都有種感覺 因為佢有木魚同埋醬汁令到我聯想到佢都似係章魚小丸子version既餃子 配搭幾好 味道惹味開胃 另外既雞翼餃子亦見得係心思之作 要將餡料釀入雞翼裡面 令到雞翼外形漲卜卜 睇起上黎好吸引 食落又好滋味 好有肉汁juicy

12點幾去到，都已經座滿晒人幸好還有兩個位佢D 餐都幾抵喎！叫左$68 ,有三款野食，餃子，麵，小食揀左黑白松露豬肉餃呢個好香呀！好正另外款，冰花炒手，是蒜心豬肉餃好爽口既蒜心但配埋辣油就其實我覺得麻麻地反而食番就甘煎餃，更好味揀左豆漿蝦皮湯烏冬，個湯底唔濃，好淡！唔太好味，加左羅白同冬姑，羅白好大件，幾清甜反而鰹魚昆布湯，顏色淡，但好味呀幾濃味的湯！正小食就揀左絲網春卷，嘩成四條甘多魚片頭都好多粒！$68 蚊食到飽，，抵！又好味

近來香港人心頭很熱， 同漸漸降溫嘅天氣成反比。 相信香港人連食lunch都不忘睇睇點樣從手上嘅食lunch錢衍生多一份嘅力量。係利源西街就有一間餃子店似乎有相同理念。加上d 餃子高質一試難忘，令係呢頭返工嘅我來來回回懲罰左幾轉。 menu簡單一張點心紙咁， tick完就等食la. 叫左煎蒜心餃。 一咬落下熱辣辣， 燙親個咀tim. 餃子有肉汁， 煎得好靚，唔係炸到油lumlum果種。 調味做得啱啱好，突出好濃厚嘅蒜心味同肉味。 因為太好食， 又一次食完先醒起唔記得影低佢。跟餐加左個關東煮。 wa, 驚為天人！！！好入味， 尤其果粒冬菇好食到唔識形容。 配隻温泉蛋， 又贏！實在太過份， 好彩有叫埋碗豆漿湯底米線，sh sh sh, 滑嘟嘟食晒， 好飽好圓滿。如果你都係中環友， 不況try try泥間野。不過lunch time好爆， 如果堂食就要早d or 晏d去la.

喺中環其實都有唔少舊嘅小店嘅，今日就係搵咗間黄店嚟懲罰一下！果然黃色經濟圈嘅力量好大，lunch去到好多人排隊！連店員自己都係咁問啲人要唔要堂食改外賣會快d，因為真係要等太耐，所以最後我哋都係轉咗做外賣。佢係有啲set嘅，就可以一個餃子配一個飯面，$58蚊起跳。或者你畀貴啲就可以係兩set餃子，一set餃子係會有六隻嘅，佢有湯嘅，煎嘅，炸嘅餃子，唔同種類，價錢都唔同嘅。我哋叫咗湯煮嘅粟米豬肉餃配昆布湯米線， 仲有就係醉炸雞翼配紫菜溫泉蛋飯，再加咗十蚊要個生菜。end up係超級飽！我覺得餃子係真係幾好食嘅雞翼亦都真係有醉雞味喎！呢個係我有少少surprise60幾蚊一個人，喺中環嚟講係幾平，不過佢要加嘢飲就比較貴囉。但我覺得我會再去encore

今晚放左工黎到中環食個  Quick Dinner, 去左呢間小店食餃子估唔到生意咁好, 近一半嘅餃子款式已經售罄, 睇黎佢嘅餃子真係好受歡迎蒜芯豬肉餃 (湯)第一次食用蒜芯做餡料嘅餃子, 估唔到又幾好味, 豬肉嘅嫩配搭蒜芯嘅爽, 口感 Juicy蝦皮韭菜豬肉餃 (煎)韭菜 + 豬肉係經典餃子餡料, 一咬開, 韭菜嘅份量唔少, 有陣陣韭菜香味, 再加上餃子底部煎成一層薄脆, 增加脆卜卜嘅口感黑白松露豬肉餃 (煎)餡料包到好飽滿, 食落去除左有豬肉嘅鮮甜味外, 仲有香濃嘅松露味道冰花抄手 (蒜芯)用左蒜芯豬肉餃煎成, 上面鋪左帶有微辣嘅蒜蓉 & 青蔥, 非常惹味關東煮一碗入面有齊魚蛋、大根、魚片頭、冬菇、獅子狗 & 雞蛋

餃子很好吃，雖然我來遲了，只剩下兩款，還好我們還點了其他食物飲品，每一樣都很出色。店主非常友善！在我來之前曾打電話查詢是否會提早關門，因為朋友是特地在九龍過海，但仍然叫我：來呀！ 在這個時刻，真心感到溫暖💛强力推薦

最近天氣幾舒服，Happy Friday放工約左朋友仔一齊到海旁散散步，出發前先醫醫肚！三一餃子店小小的座位不多，佈置簡約，乾淨整齊的，牆身有些壁畫裝飾，帶點文青感覺！我地想食得豐富d, 分別點左A+A 和A+B+C兩個套餐一齊食。最先來的是粟米豬肉湯餃，餃子皮做得好好薄薄的，食落有粟米好鮮甜，很好吃！接著和豆漿蝦皮湯烏冬一起上桌的是追加的生菜+炸花枝丸，豆漿湯底清清的配上讚岐烏冬，平衡返我地叫的其他香口食物。之後炸雞拼盤到了，裡面有芝麻雞翼、炸雞軟骨串、炸雞件各2件，雞軟骨串有咬口，芝麻雞翼和炸雞件外皮炸得香香的，肉質仍是嫩嫩的，調味也恰到好處，值得一試!到我地最期待的冰花抄手到了，賣相很好，加上了菜圃辣辣地好惹味，餃子皮做到脆脆地而不會好硬，要趁熱食啊！最後仲有升級小食餃子雞翼，去骨雞翼內釀了餃子餡，咬下去好多肉汁！估唔到小小的餃子店有咁多食物選擇，店員亦親切友善，是一間有人情味和有特式的餐廳

今日試左蒜芯豬肉湯餃同埋大阪粟米餃子燒個餃配湯白雪雪咁，望落麻麻地，點知一食超 驚 喜皮好薄但夾落唔散開，個餡超級香口但唔會過鹹同埋豬肉肥瘦適中，唔會咬到一舊舊肥膏 (我超怕><)男朋友唔食蒜所以初初唔肯試，後尾一試都話好好食大阪燒就叫左粟米餡~略嫌個醬第一下有少少搶左粟米既甜味要食耐D先食到粟米味，但如果無醬又好似唔夠大阪燒 好矛盾 lol但整體都係好好食值得推介

每個識我嘅人都知我係餃子控🤣白滑嘅餃子皮，包住菜肉餡料，最好再黎個美味嘅湯底❤️三一餃子位處中環嘅中心位置，屢次都想lunch time去，但又怕人多，到終於有日星期六同閏蜜去中環shopping，就去左食餃子tea😛見到蒜芯豬肉餃超驚喜！蒜芯唔係市面常見嘅食材，價格貴唔貴就唔清楚，但就一定好味~因為蒜芯非常爽口，混入豬肉餡都依然保留嗰種脆脆嘅口感~即刻就叫左個先😛皮薄同皮邊不多，唔會啖啖皮🤣另一驚喜係湯底，有個錯覺似龍蝦湯，因為落左蝦皮🦐湯以清淡為基調再黎套餐嘅麵部分，叫左一個米線一個烏冬，米線係豆漿蝦皮湯底，即係湯餃嘅湯底，烏冬則係鰹魚昆布，兩碗都值得試下😌我地加左2份蘿蔔，因為關東煮蘿蔔好甜又冇渣，超高質🤫之後仲有關東煮，份量好足，有煎蛋一隻、花枝丸、魚片頭、冬菇、獅子狗同蘿蔔😬跟住再黎壓軸嘅炸物!!估唔到里度炸物超岀色，熱辣辣、香脆亦瀝油瀝得幾唔錯~炸韮菜餃依然保持如蒜芯餃嘅高質素🥟炸片頭同花枝丸真係必點，尤其片頭，啲邊邊嘅脆度令人上癮👍🏻👍🏻春卷以芋頭作餡料，炸雞亦頗岀色🤩見有happy hour combo，遲下收工去啤啤配炸物❤️

要狠狠地懲罰良心小店今日lunch未到十二點已經泥排隊，結果都係要等半個鐘先入到去，不過食到有良心又好食嘅，等幾耐都願意！因為太多人懲罰三一餃子，好多口味嘅餃子都賣曬，唯有下次再泥！lunch真係好抵食！餃子+主食+小碟抵係58咋，中環難得搵到呢個價位嘅lunch。今日食左韮菜水餃，紫菜飯同生菜！餃子好食又無味精！個紫菜飯加左少少豉油好有味！仲有，好鍾意佢張單！好有heart！我會一直咁懲罰三一餃子！

1- 特色餃子：大阪燒、松露都堅好食2- 用貓貓碗裝住個湯米線，好可愛3- 同樣，用貓貓碗裝住個米線好細碗4- 小食同樣好出色5- lunch + dinner 試過去都要排隊...係1430後去先唔洗排隊

平時如果lunchtime去食排長龍，所以叫外賣會快d，又可以WhatsApp落order先。今次夜晚去，終於可以堂食。最鍾意佢有羽衣甘藍，係煑熱咗啲暖肚啲（我唔鍾意食沙律冷冰冰)，健康有益。叫咗好多款，粟米湯餃，煎松露餃，鷄翼餃子等等，好味。佢哋收九點，但我地8:30左右先到，食過時阻住人收工，佢哋都無吹人走俾壓力，服務好。******************************賣相：★★★★☆味道：★★★★☆抵食：★★★★★服務：★★★★★環境：★★★★☆