七喜粥麵小廚 (已結業)

七喜的蠔豉粥同魚皮,吃多過年也不厭.雖然七喜的粥底,味精一向地重.不過加上蠔豉的咸味,咸上加咸,送啤酒就差不多.今次吃的蠔豉豬潤粥,就有點失色.不說個粥底,蠔豉沒有以前的飽滿,吃落仍有點雪味,明顯煮得不夠透.反而本來是配角的豬潤,剛熟,不過老兼爽口.比蠔豉更好.其爽滑魚皮仍然爽口,伴碟的薑荵,當前菜吃,保証什麼鼻塞,即刻通番晒.

牛肉蝦球撈麵超正，有辣椒豉油同薑蔥一齊撈，蝦球又大又新鮮，不過試過一次不太新鮮，d蝦肉霉霉地。牛肉夠滑同夠淋，好味道。我唔鍾意食蠔油撈麵，所以這裡的撈麵十分合心意。

28/1(一) 8:15pm天寒地凍,吃粥作晚餐是個挺合意的選擇.做面前走入"七喜",是次要了蠔豉魚腩粥$24.粥底是超然的綿滑;蠔豉份量慷慨得過份,蠔身飽滿鮮甜透頂;魚腩肉身新鮮,入口嫩滑,贈送香脆花生若干粒;無懈可擊的粥品!

難得要黎土瓜灣就捉朋友仔陪我食七喜一早已經聽聞係又平又大碟但估唔到午餐大大碟炒粉麵飯加埋冷熱同價既餐飲都只收22但因為我一心黎食馳名蝦仁撈麵($22)就算想食粥餐都要等下次朋友仔食雲吞撈麵麵用油輕輕撈過唔算好油膩但好香雲吞入面隻蝦大到係平時酒樓既大蝦球加埋少少豬肉啖啖都好鮮好正反而我個蝦球撈麵d蝦仲細隻d幸好味夠鮮又彈牙同上既辣椒豉油用黎撈麵又係一流推介凍檸茶不過不失環境幾up dup但為食好野無所謂啦

昨夜飯局上,P.J提到小弟的食評中,有很多炒麵相片,覺得我應該愛吃炒麵.事實上小弟愛吃麵多過飯,尤其是炒麵.鍾愛程度大於湯麵,冷麵,撈麵...尤其是炸得香脆的麵底.配上熱辣辣濃厚的茨汁吃,聽其"沙沙"聲的溶化聲音,未吃已快感.吃過不錯的當然是留家廚房的肉絲炒麵,最差的就是舊公司Canteen的貨色,炸得硬如鐵線,咬到牙麵角力,苦不堪言.我家附近的七喜,水準做得不錯.其招牌蝦球炒麵,無論用菜遠炒抑或係滑蛋,也是經常吃.蝦球味鮮且爽到索索聲,難怪可獨立成為其中一味,熱賣的外賣打邊爐生料.六點前去,還送多一杯凍飲,非常經濟實惠.其他炒麵,另文再談.

晨早去完佐敦又要趕落土瓜灣，晏晝唔知食乜好，突然記得附近有間七喜，可以試。午餐$22有幾樣揀，要五香肉丁炒飯同凍奶茶。因為好多人同埋外賣所以等幾耐至有得食，炒飯炒得乾身，奶茶唔夠今朝澳洲牛奶杯好飲但都有茶味，咁平又有水準，你話邊度。

七喜的午餐,係我心目中其中一間,最超值的午餐.ABCD每天不同.再加個撈麵餐.你想要雲吞,水餃,牛腩,豬手,悉隨專便.$22一客,有例湯同餐飲,冷熱同價.沒有凍飲加$2這等一成不變的"老規矩".這天的午餐,豉椒牛河,鑊氣沖天.豉椒汁惹味,牛肉略略比梳打洗禮,無傷大雅.其他炒粉麵,也有一定水準.如果撞正有芙蓉蛋飯供應,記得要試.

3/11(五) 8:30pm外遊充電後,一切back to normal,是晚做面又於廉價美食天堂土記覓食;放肆過後總要給腸胃稍作歇息.一人晚餐粥品仍是我的首選,8時多甫進此店,店內約有8成滿,環境跟一般粉麵店差無幾,地方尚算光猛乾淨.要了碗泥鯭鯪魚球粥$22,粥品份量恰到好處,粥底相當鮮甜,雖談不上超綿,但稀稠度剛好,亦沒味精之嫌.中型泥鯭2條,肉質嫩滑且鮮;3-4粒的骰鯪魚球口感不俗,爽口彈牙帶微微魚香,水準之作!服務平平,$22絕對食得過!見鄰臺的小菜賣相討好,價錢也非常經濟,期待下次重臨!

又再講七喜,又係新山道分店,今次開的題目,就係豬手.此店的南乳豬手撈麵,長年銷量Top ten之一.但係之前咁多次都係未食過,日前福至心靈.叫一客試試.一早叫定落豬油要多,撈麵才能精彩,加左豬油兼南乳汁,香到得人驚,美中不足鹼水味都幾重.長年累月的缺點,已經同老細講過好幾次,都係無計.豬手做得入味,豬皮很爽,肉就無咩,難道又係馮京作馬涼?多口問老細你地的豬手,究竟真係豬手定係豬腳?)老細兩樣都有,全部急凍貨,手腳撈埋一起送來.)呢個答案,我鍾意,夠晒老實.連凍飲$24一客,吃唔吃得過,你諗你.

下午試試呢度D粉麵叫左鮮鯪魚球河($18) - 白菜仔墊底, 鮮鯪魚球不算太彈牙同香, 唔覺有陳皮味, 炸好食D, 不過有很多?? 同薑絲在面, o岩晒我鮮鵝腸河($18) - 鵝腸切成細段便食, 爽脆, 加埋附送既豉油就正D腐乳通菜- 無乜特別lar分量幾大, 算抵食

周日收工收得幾遲,依然有命準時回家睇San Mario站F1.懶得煮飯,打去七喜叫外賣算.炸雲吞唔洗多講,最簡單的薑荵撈伊,落order時講明咩都唔落,只要落多點豬油.老闆娘笑說你唔怕膽固醇麼?)豬油同撈麵係絕配,落多一點也不怕,趁而家尚有quota,吃多一點也何妨?一邊睇住F1,一邊伊麵雲吞送啤酒,一樂也.PS:周日之三四事,女皇盃再一次由南非組合揚威,南非馬后幻彩光華,一放到底,本地代表自由行力追不及第二.F1聖馬力諾站,老舒久旱逢甘露,先打破排頭位記錄,正式比賽,技勝阿朗素.我一向唔係老舒車迷,當衝過格仔旗一刻,也替其高興.自己最愛之畢頓,排第二出賽,入pit時出錯自己囉黎衰.結果囉得兩分.本田車隊,試車就勁,一落場埋牙就腳軟,係部車問題,定係畢頓去到過百場都仲未開齋,背負著呢個心理壓力而有所影響?本地傳統足球強隊南華,聯賽煞科戰1:1逼和公民後,宣告降落乙組.近年南華,霸氣全失,近年已淪為弱旅,對住新晉的晨羲,傑志同宿敵愉園,已無力抗衡,只能在超級魚腩香港08身上,取回少少僅有的尊嚴.昔日死敵東方,現今在乙組下游浮沉,今日殊途同歸.大AL口中的南華,球場皇霸.俱往矣,同香港足運

除左糸係cheese迷, 我仲係鯪魚球怪, 哈哈!是夜同bf吞滅鯪魚球, 蜆介鯪魚球(小)$32, 有八粒, 粒粒如乒乓波咁大, 印象中好似大粒過羅富記, 但羅富記D鯪魚球爽彈D, 兩度我都鍾意食. 呢度D蜆介落左麻油tim.白灼黑柏葉併鵝腸($18) - 有大量薑葱絲在面, 白菜仔在底, 黑柏葉切得幼幼, 易入口, 鵝腸已去肥膏, 兩樣都超爽脆, 點上辣椒豉油很正.椒鹽九肚魚($38) - 乾身唔油, 蒜蓉味也很香.凍OT少甜($10)很抵食呀, 會再試呢度其他嘢食~~

一班相識十多年的老朋友,在小弟家中血戰Winning Eleven,飲酒刨馬仔睇碟吹水,不亦樂乎.大家在PS 2 戰場上博鬥後,拉大隊去家中附近的七喜開飯,咁多間七喜來講,土瓜灣果兩間,最有水準.自新山道店開張之後,已少去江蘇街店.基本上,七喜真係可配合"平""靚""正"之三個字,午餐$22包例湯同凍飲,用料唔會將貨就價,連個芙蓉蛋飯一樣做得比出面茶記,更加有heart.晚飯時間,最貴果味,都係六十皮多d,今夜我地粗茶淡飯,求其叫幾味,羊腩煲唔夠騷,但質感嫩滑.蜆芥鯪魚球,每次來到必吃.沙薑雞,雞味唔夠,意料之內.不必深究.豉汁蒸帶子,好新鮮,好爽口.豉椒鵝腸黑柏葉,招牌貨之一,一上桌,隨即白飯跟尾.炸雲吞又係必吃之作.幾個人分,真係唔夠喉.最後,點少得個魚皮來送啤酒?他媽的便宜,吃得他媽的過癮.完全不受約束,好過去果d偽君子扮上菜的"高級"粵菜廳.告別青荵歲月,攜手步向三字頭.

之前同媽咪黎過食lunch, 舖頭細細但好乾淨, 午飯時間成日都人頭湧湧...今日本來同媽咪去官塘食, 行去搭車途中見到七喜, 我同媽咪都想試多次...1) 我叫個心愛羊腩煲, 連媽咪都讚好味, 同埋支竹加腐乳, 老實講,只係d汁我已經有信心食一碗飯, 呢個羊腩煲, 令我完全忘記我係減緊肥....一定要食埋呢餐, $48, 真係..正!2) 得兩個人食所以只叫多個海鮮什菜, d菜新鮮, 有波菜西蘭花菜心等, 仲有蝦,冬菇, 粉絲尤魚等...仲竟然有兩片花膠呢...唔油而且好淸淡, 其實只要料靚就一定好食...佢完全做得到...$38..3) 送例湯, 合掌瓜豬骨, 飲落確實唔覺味精...d整得好home feel, 唔怪得連晚市都人頭湧湧, 咁細間舖仔(8-10張左右), 仍然咁多人等位,你就知原因..價錢仲要平, 極力推薦

中秋節晚上同老公和媽咪外出食飯，3人叫了：生炒骨：好快有得食，夠鑊氣，好食；蒜蓉蒸蝦：蝦是開了半邊蒸，入味香口又新鮮又易食，極力推介！薑蔥炒糕蟹：炒得好香，蟹雖然唔大唔多肉但糕多，都好食臨走叫多個薑蔥炒糕蟹外賣俾老豆。呢度係第一次來，店仔細細，好好服務又快手，連埋汽水等飲品，一d都唔貴，今餐食得非常高興。