一點心意創作美食 (已結業)

記得喺openrice睇過呢間毫不起眼嘅泰國餐廳食評不錯，今晚就順路去呢度試吓，果然樣樣都唔錯，有一定水準！但係無試到佢D咖哩同蒜蓉包，唉吔，我見隔離枱有食呀，係厚切多士嚟架，應該好食喎，下次有機會再去一定要試！ 連續兩次去食泰國嘢都忘記咗蒜蓉包，激死！

昨日同男朋友食餐想好嘅慶祝，原本打算去九龍城小曼谷或金蘭花食，搵吓搵吓喺OpenRice搵到呢間…同男朋友商量之後，雖然唔算順路，不過男朋友肯同我去就梗係要試吓啦兩個人好多野都想試，奈何個肚裝唔晒！左揀右揀叫咗呢啲……拼盤 (有蝦餅、春卷、扎肉、釀雞翼) ~~ 兩個人食啱啱好，雞翼用粉絲什菜做餡仲有淡淡咖哩味，正！青咖喱雞配蒜蓉包 (另收費) ~~ 蒜蓉包好味好鬆軟配咖喱最夾 飛天通菜 ~~ 夠香夠味嘅一碟炒菜，又大碟，難得係唔見有肥油舖面 冬蔭功 (中辣) ~~ 咁細盅仲以為叫錯咗一位份量點知疑似老板娘話可以分到4碗仲即席示範果然犀利，真係有4碗呀椰皇 ~~ 新鮮椰皇咪就係夠新鮮囉椰汁大菜糕 ~~ 飯後甜品，送嘅，都ok呀整體嚟講我同男朋友都好滿意，地方都好舒服亦乾淨企理，都一定會再去！

之前出過兩次POST，唔知點解都冇登到！唯有再寫！唔緊要，呢間餐廳真係值得一寫再寫，原因好簡單：好有誠意！店既面積唔大，但枱與枱的空間尚算寬闊，坐得舒服！食物方面，非常唔錯，尤其係個冬陰公湯，簡直系正正正！仲有店主會每日從西貢買新鮮貝殼類，烤帶子，扇貝，正正正正！店主好好傾，服務好，抵贊！

星期日又係出街開餐兼搵野玩時候，頭站去牛奶公司食午餐，跟手去永旺食幾舖胡……(諗住)！點知就磨0左成兩粒幾鐘，好彩最後都願望成真！胡就食飽，不過個肚又有D餓。出門口唔夠三十秒，我個第一號損友：人稱飲食界許文強，見到美食會發傻o既......(傻強)來電約開餐，叫我過八文樓果邊，話有好野益我！佢係食家我實信佢啦。開車過去，望埋去間店門口都幾骨子，仲有車位可以泊車，幾好！入到去見到我個第二號損友：人稱飲食界大佬細，食到美食會瘋狂o既(瘋狂細)都係度，唔…我諗呢度D出品應該都靠得住！首先點我至愛泰式海南雞：有雞味，夠滑、連醬汁都好味。正！明爐烏頭：條魚夠新鮮、泰式配料好有風味！得呀！跟住泰藉廚師推介，咖哩抄蟹、春卷、飛天通菜、泰皇汁抄大頭蝦、手打蝦餅、串燒。全部一句話形容：好食到痹！仲有個冬蔭公，料足加好味不特止，仲用泰國傳統容器裝住，簡直睇得出店主有心思！搵店主朱先生吹幾句，先知原來泰藉女廚師舊時係酒店泰菜主廚，唔怪得咁有料到啦！講講下，佢仲送客蒜茸飽請我地食，哈，又係好野！早知係咁就早d叫佢過0黎傾下啦，分分鐘之前d菜都免埋呀！哈！講笑！順帶一提，呢度有個女待應係選美冠軍黎咖！所以真係值