一鳴燒 (已結業)

本身見到好多好評 諗住應該都ok...點知竟然係差到我覺得一定要寫負食評見佢做緊50%off 諗住應該幾抵，但其實定價好高，一份只有牛油同蔥既金菇（無蒜蓉）定價$62 結果出黎好淡而無味...串燒基本必叫既牛舌 好大陣清烚水味，燒既成份好少。雞腎相信都係恰出黎，但有一大pat汁調返少少味。最最最差既係免治雞肉串，烚完 再淋幾滴汁就算... 外貌唔討好（完全係恰出黎既樣） 味道更為差.埋單最後都400幾 但無一樣野好食...係好失望

是咁的，今晚收工特登過嚟銅鑼灣搵FD子食飯。喺等佢放工嘅漫長時間中，梗係開個app search下揀間黃店支持下。App簡介中見佢支持香港人仲有6折，二話不說就決定呢間啦。坐低侍應話今日全單6折，嗰刻心諗呢間餐廳連今日都有6折咁好!? 後尾睇返原來係日日都有6折...酒鬼FD子嘅黑啤，據說唔錯。咬落軟腍腍芝士味幾重。燒得唔錯，保留到肉汁但又唔會太生或太熟。好細粒...但都好嘅，夠細粒先易整到咁入味嘛。咸咸地嘅煙肉配多汁清甜荔枝，好特別嘅配搭。味道好夠特別，我諗要留俾特別嘅人先識欣賞。外皮有少少燶燶地，雞肉有點過乾。平時食開嘅係打橫大大舊直接燒嘅，而呢間做法係拎半舊再開二打直拎燒。以份量嚟講當然係少咗一半，但價錢就無少過啦。味道就唔錯嘅，魚肉彈牙燒得幾入味。口感有啲韌，味道都合格嘅。係咪影得有動感呢？只需喺非繁忙時間坐低等一個半鐘，你就會影到呢張相。首先個烏冬食落淡茂茂，啲所謂嘅黑松露又無乜味，仲要等咁拎耐？真係連個人都等到生菇...如果你覺得人生有太多時間，並且樂於享受每樣食物上檯之間的漫長的等待時光，咁呢一間可能會適合你。否則你值得擁有更好，不可一不可再，請珍惜生命每一分每一秒。餐廳

同老公去銅鑼灣後行街後想食日本野，上網搵到呢間一鳴燒好似唔錯 ，所以同佢黎試下。環境都似日式居酒屋 ，幾有feel!👍🏻👍🏻呢居酒屋當然要叫下清酒飲，清酒味道唔錯,唔會太重酒味,又唔會太水。再叫左d炸物， 炸到好香呀！炸蝦好爽彈！可樂餅好足料，同日本食既味道差唔多！而炸豬扒一咬落去勁多汁，外脆內嫩， 而且放一陣都仲係暖笠笠。正呀😋😋湯牛肉又係好足料，仲有我愛既菇菇，牛肉唔會好肥,配落湯好好食！食到停唔到口。

好似去咗日本呀！好掛住日本既美食，唯有食住日本野啦呢間雖然食物選擇方面唔太多，但質素幾好！我地兩個人叫咗蟹肉玉子燒、鹽燒五花腩、原條鰻魚泡菜飯、甲羅燒同埋吉列廣島蠔個人好鍾意甲羅燒，蟹膏好香甜，配蟹子紫菜食都好夾💚而朋友就好鍾意個鰻魚飯！燒得好靚廣島蠔外脆內滑，好好食！玉子燒就冇咩特別啦，唔係好食到蟹肉🤣

同朋友慶祝生日 所以黎咗呢間食👍🏻 完全out of expectation的好！！！Service勁好，基本上都未試過要等好耐先有staff理我地，對廚房點整啲食物都好了解 1. 明太子雞翼：超好食, 無骨的 仲要成隻都stuff晒明太子🤤2. 甲羅燒：用蟹殼載住啲蟹膏, 再有蟹子青瓜絲同紫菜半碟😋3. 炸物：全部都炸得啱啱好 4. 磯煮冷鮑魚：一客2份 全部切好一件件好方便食 成晚叫啤酒 都無點停過 做緊promo $220/4枝📜Overall: super attentive service, 斟水/收碟 都好快手😉 坐咗成晚都無趕我地, 仲要無收切餅費, 經OpenRice, 正價食物40% off, 所以係超抵食🥳🤩

小弟之前都食過幾間串燒店，店舖都係好細，坐得好逼同好大陣油煙味。所以朋友一話食串燒，內心自然會有少少抗拒。但係呢間串燒入到去係坐得好舒服，地方好大，兩個人都會比張4人枱食串燒必食！呢個一口牛一d都唔un，價錢有點貴企好好食！燒芝士年糕燒到外面有d脆，裡面就係香燶既芝士，正！呢個大阪燒份量雖然唔多，但醬汁一d都唔少正正常常既炸雞翼，不過不失～燒白鱔好肥美，外脆內嫩～因為小弟唔食牛舌所以唔評論喇，不過朋友話幾好食燒五花肉既份量比想像中多，因為之前上菜既份量都唔算多，有驚喜！味道正常，唔算太肥炸蠔裡面有點兒dry。。。一般串燒店價錢都唔平，上菜速度都好慢。最常見既都係鋪頭細細坐到好逼食完個身成陣油煙味。但係呢間串燒店簡直令我對串燒店改觀～店員都好有禮貌！大家有興趣試既可以先book位，因為會有6折優惠架

我這個鄉村妹，難得出省城開會，緊係要約返個好耐無見嘅朋友食飯啦！一於黎個快閃銅鑼灣，無計啦，仲要趕返屋企食飯同湊仔~我個好閨蜜話帶我食玉子燒，都好，因為我們只想找個地方傾計，最緊要環境同坐得舒服，至於那裡食，吃甚麼都是其次了~她帶我到一間日本餐廳了【一鳴燒】, 可能距離晚餐時間尚早，所以來到後不用等位便有位坐~門口雖不是華麗的裝橫，但有親切感！我們望左一下食評先叫嘢食，見大家都對這個玉子燒有讚有彈，所以就忍唔住叫了一份來試試，看看這個玉子燒味道如何！玉子燒夾著滿滿的芝士，蛋是滑溜的，肉質嫩滑，不錯不錯！本人是較喜歡食原味或者比較芝士控，又不是食評中寫的淡而無味，因為芝士本身已有少少咸味~不錯不錯想不到是這麼多的份量都幾足！頓時覺得美味哈哈總括，這家上菜很快靚正！不用擔心趕看戲的時間，你還可以慢慢坐！下次有機會再來

係OP見到2200後有半價所以就訂枱試下2215 黎到只有幾枱，明白而家呢個時勢都係咁上下所以呢餐飯都食得好舒服，牆上都放左d 日式既掛畫 都幾有feel食物上菜速遞都正常，又唔會一次過黎哂，慢慢每樣上d而食物質素都有水準，紫薯可樂餅更加 encore 了燒扇貝都大大隻其實叫左好多野食，不過有d淨係掛住食唔記得左影相仲有枝豆， 露筍肥牛卷， 燒五花腩（幾大份）， 燒秋葵....野食全部都半價，飲品係正價叫左咁多野食都係$5xx，計返半價左性價比都算高

胡麻番茄蟹肉沙律（$85）蟹肉唔少，沙律菜唔夠新鮮，但係番茄新鮮👌🏻大啡菇（$36）唔係大嘅啡菇😓好細舊，但係燒得好味，鎖住D汁😋冷奴豆腐（$39）幾多塊豆腐，好滑🤤唐揚炸雞（$52）加咗七味粉所以細路覺得有D辣。厚切吉列豚（$52）賣相好似魚餅咁，同埋唔算厚切😓味道方面都唔錯嘅。玉子燒（$83）太好味要encore🤩🤤份量俾足（話曬俾咁嘅價錢）一定要襯熱食！安格斯牛小排（$112）真係腍，但係好細舊🙁鹽燒厚切五花腩（$79）好可口好味😋香草燒羊架（$95）有一舊係有一半都係肥膏😓肉都腍嘅。鹽燒一口和牛粒（$85）牛肉幾腍，但係D細路嫌唔夠肥😅汁燒白鱔（$79）幾有口感，但係咁嘅價錢比較細舊😥啲燒汁蓋過咗啲魚味鹽燒青花魚（$45）其實即係青魚，肉好嫩好滑同埋白，超好味😋吉列大蝦 四隻（$39）雖然蝦唔係好大，但係咁嘅價錢已經算好。炸得好脆，皮唔會太厚。如果冇六折，都幾貴😕鍾意呢度坐得舒服，唔會太暗。啱一家人嚟食👌🏻

同三兩知己約去食甜品，之前當然要先食鹹野打底啦。難得晚飯時段都有6折，即訂枱試試！餐廳位置方便易找到，普通日式小店的格局，剛進去還以為到了Ajitomi (登龍街另一日本餐廳). 因為地點方便嗎？餐牌價格偏高，正價的話就不划算了，要點很多才能吃得飽。現在有6折值得試試！ 因為有下場，所以點了些小食不易飽的菜式。：1.味林魚干有點像烤魷魚絲，很香，配酒吃應該不錯2.燒牛舌芯比一般牛舌小，但沒那麼硬，容易吃3. 清酒煮蜆味道很淡，也很普通，還有沙，可以略過4. 炸紫薯餅紫薯味香，不會太甜，好味！5.明太子玉子燒當店名物，內含豐富明太子，但不會辣，ok!6.明太子雞翼雞皮燒得很香脆，好食！

同朋友落過黎銅鑼灣，順便食埋飯先番屋企，搵左間居酒屋試下！黎到一鳴燒第一個感覺，望落乾淨整潔，食物亦唔算太貴，值得俾個機會試下！打開餐牌發現有很多食物選擇，種類超多，想食咩都有。今次我就叫左個鮑魚拼盤，味道不錯，鮑魚好新鮮，好爽口同好入味帶酒香。中間羅白勁入味！大愛！串燒全部都好靚，味道亦不錯！但掛住吹水唔記得影相！不過最好食都係烤羊架，味道超驚喜，我同朋友都好鍾意！唔會有羶味，用料新鮮，燒得好香口！超好味！特飲方面，朋友話最鍾意巨峰提子梳打，下次同飲酒既朋友黎，試下清酒先！

今日因為見到好多好評，所以想去支持。叫咗個話好出名嘅蟹肉玉子燒，燒茄子，仲有一個鰻魚飯。份量適中，賣相一般，但第一個蟹肉玉子燒好多人話好好食，唔知係咪我帶着太高期望，一食落去，完全冇味，蟹肉冇蟹肉味，雞蛋冇雞蛋味，真係冇調味喎。到第二味菜上，係燒茄子，個茄子嘅調味10分10分濃烈，好重中東煮嘢食嘅味道，完全唔係日本嘅調味。同埋呢一個茄子食完好口渴，應該是嚴重味精。另外一個係鰻魚飯，相對比較正常，但最嚴重嘅係，我食完依餐晚飯返到屋企個胃非常之唔舒服，我要不停飲好多好多水，跟住到今日起身個頭非常之痛，相信係味精令到我咁樣。同埋想補充，當佢上個茄子嘅時候，我有同店員講個玉子燒完全冇味，我唔係期望佢換餸菜或者點，但係佢係完全冇回應俾我，係好似冇聽到我講嘢咁淨係「哦」左一聲就走左，咁樣嘅回應係唔回應，我真誠地想表達個味道應該係冇落調味，但個男店員係就係咁走咗去。如果係重視顧客嘅真誠意見，我覺得佢應該去聆聽下點解覺得冇味，甚至可以建議俾樽鹽我。但乜都冇講。呢一餐飯我覺得好唔享受

快樂嘅時間過得特別快，咁快就來到大假最後一日lu，那麼快便完了，又要回到工作之中,這天晚上約了Best Friend，我們來了一鳴燒,開始準備用餐了食物選擇雖然多,不過今晚我們只有2人,所以點了不算多的食物,兩個女人，聊天比較重要吧！烤牛柳，份量十足。入口有強勁肉味，非常刺激過癮,粒粒大小均等，非常惹味。用來佐酒一流，但如喜歡濃味一點，也可蘸另附的醬汁。飲品冰凍，不會太甜，爽呀價錢不貴,下次一定會再來

今日難得約咗中學同學食飯，因為有個要喺公司OT，公司又喺銅鑼灣，所以就機緣巧合地嚟咗銅鑼灣食飯。又見到呢間餐廳有六折優惠，食評又唔錯咁當然要來試吓啦。整體而言食物質素係中上嘅，但係等嘅時間真係有啲太耐了，如果你好肚餓嘅話，要等好耐先有得食。係我哋落左單差唔多40分鐘之後，終於上咗呢個雞腎串，因為太肚餓嘅關係我哋已經好快速地消滅左佢。燒得都唔錯唔會好難咬。吉烈盛都係要推介嘅，啱晒選擇困難嘅人，全部都炸得啱啱好。燒秋葵，不過不失冇乜特別。呢個雞翼我冇誇張，足足等左一粒鐘，但呢個芝麻雞翼亦都係全晚我覺得最好食嘅一個菜式。值得推介關於呢個玉子燒有一個小插曲，我哋點菜嘅時候問可唔可以寫生日快樂，因為見到其他相都可以寫，但店員因為話今日啲單太多所以寫唔切，但原來都會寫上一鳴，咁我諗寫生日快樂真係要用到佢好多時間啦

訂了18:30的位，進去竟然是第1位客人，再看看門口，有注明18:00開門。環境很寬敞又清潔，比鬧市區的日式串燒店，坐得舒服。燈光柔和，令大家的聲音放輕，不太喧譁。窗外的街景是銅鑼灣鬧市，跟室內有很大對比。因為訂坐主菜單有6折，所以點了很多食物，2個人佔領左一張4人枱…如果沒訂位/沒優惠，需要用正價的話，價錢會比較令人卻步…上菜很快，但不是預先煮好的感覺，味道也不錯。好可惜，因為太專心吃東西，我都忘了要相機食先…