一鍋豐 (已結業)

星期五旺角好多火鍋店都要等好耐，打去好多間問都full booking，結果一鍋豐佢話有位，所以就去試下。一入到去，聞到有一陣陣臭味，店員帶我地入坐，我地再發現枱面都有陣臭味。我地叫左鮑魚海鮮火鍋套餐($218)，揀左胡椒豬肚湯底，但味道唔係太出。另外，每人有一份海鮮再加任食所有火鍋配料，而海鮮都算新鮮，不過份量就少啲，每款海鮮每人得一件。最搞笑就係尼碟野，我地叫左魷魚，之後離左份曬乾左嘅魷魚，真係唔知點食！而其他火鍋配料都正常，但係成日都漏單，啲野食又離唔齊。我地有6個人，每次寫要2-3份，但每次都只係比好少份量我地。而甜品有雀巢雪糕同雪條仲有雪糕機。

往年生日飯都去長沙灣， 今年情況唔同，改了去旺角，基本上同一座廣場都有好多任食火鍋放題，最後見食評不錯，加上有 2個半鐘時間 ，最後1行3人到此邊邊早左到待應都準提早入座 。坐低已有3張火鍋選擇，最後選左最平$168元火煱。湯底選了清湯蘿蔔牛腩鍋。湯底有味，唔淡茂茂，牛腩又軟又淋仲有小小鹹味。食材叫左好多，講左好食的先：雲吞，皮薄蝦大隻唔霉，又唔會太鹹。嚮鈴有豆味。魚皮脆的，無乜油益味可惜唔太夠魚味蝦丸有濃濃蝦味，再彈d更好。花膠仔細片卻美味牛係打邊邊靈魂物，可惜2款牛味也淡，比較失望 。如果真係要食美國牛肩肉眼比較好食。牛栢葉切得比較細，無乜咬口。芝士腸無乜芝士味，蟹爪棒肉好快散，味道又無乜。墨魚丸同墨魚滑一樣唔夠彈牙同無乜墨魚味。魚有泥味食唔落口。鴨紅唔腥質感硬，唔太喜愛。蝦唔霉但無蝦味道。韭菜餃的菜唔夠香濃。金菇同菜都洗得乾淨，好放心食。飲品選擇算多，有可樂 韓式飲品，酒。甜品有雪糕機斟的雪糕。今晚無杯裝雀巢雪糕供應 待應話近來到到無雀巢雪糕仔供應服務，待應算多，搵人唔難。亦都好好有幫我地影合照。不過，最敗筆成日想人走，當時係仲有半個鐘，有2次開口話剩番幾耐時間，再唔係行過勁望你

去得創興就梗係同朋友去打邊爐啦！諗左好耐究竟去邊間好呢？之後我哋就決定咗試呢間啦！我哋一行四個人揀咗鮑魚海鮮火鍋套餐，一坐低埋位可以先揀火鍋底 都有好多款揀㗎 總共有10款，麻辣鍋，鮮茄峴鍋，胡椒銀杏豬肚鍋，椰子雞鍋，汕頭沙嗲鍋，南瓜蘋果魚湯鍋，清湯蘿蔔牛腩鍋，皮蛋芫荽鍋，豬肚鍋，最後就係普通嘅鴛鴦鍋啦可以揀清湯同沙嗲湯底。而我哋梗係試吓酸甜甜又開胃既鮮茄峴鍋啦，仲可以另外叫蕃茄落去添！$268嘅套餐就可以多兩款湯揀啦！跟住梗係自己去拎啲調味啦加葱加豉油加乾蒜！正！自己任加㗎！飲品方面佢都有好多唔同嘅選擇 例如忌廉溝鮮奶，烏龍茶，唔同嘅果汁同埋蘆薈仲有啤酒任飲添！點晒餐之後店員就拎晒啲海鮮set出嚟啦 好豐富呀 有鮑魚 螺 硯 生蠔同元貝，睇落都幾新鮮同埋幾大隻。入口幾甜又新鮮！牛魔王梗係擔心牛肉既選擇啦！牛肉共有三款肉質唔錯，血色鮮紅，夠哂新鮮好有牛肉味！唔係嗰啲放咗好耐既肉！Menu都有好多唔同種類嘅嘢食，有唔同嘅丸類，魚類，蔬菜類... 連花膠都有啊！食完正餐梗係想食甜品啦！有自助嘅甜品3款唔同嘅雪糕口味，有得自己整2款唔同口味既軟雪糕！有雲呢拿味同埋芒果味添啊好味道啊仲可以mi

黎到旺角每次諗唔到食咩，都會食打邊爐，今次揀咗一鍋豐呢間。一入門口環境都算寬躺，同朋友揀咗鮑魚海鮮火鍋套餐，湯底都算多選擇有10個，而我地就揀左鮮茄蜆湯。湯底都好多材料，蜆同蕃茄都足料，好鮮甜！除咗本身包既鮑魚海鮮之外，仲可以自己選擇好多材料，叫咗肥牛海蝦魚，同埋唔同丸類，自己就好鍾意食墨魚滑，手打蝦丸墨丸，推薦！因為我去好多火鍋店都冇手打丸類，值得一讚。重頭戲海鮮拼盤黎啦，我地4個人，有帶子，鮑魚，東風螺，蠔，大蜆。重點係好新鮮冇沙，爽口。呢度飲品種類都好多，有啤酒忌廉奶，可樂雪碧，重點係keep住好凍。員工亦能都keep住fill貨。甜品亦都有選擇，有雪條，亦有雪糕！仲有軟雪糕有雲呢拿同芒果味！我都好推薦呢個鮑魚海鮮套餐，一黎海鮮新鮮，二黎任簡食物選擇多！

今次慶祝朋友生日簡左呢間任食火鍋  但呢間任食一啲都不簡單 可以簡海鮮拼盤🤤湯底都有不同既選擇 款款都好吸引 最後我地簡左椰子雞鍋趁未放食物之前試左一啖湯底 椰子味清 而且雞夠滑 滿足我對湯底既要求👍🏻任食食物方面， 要留意餐廳唔係用幾多份為單位，你只需要係隔離剔番， 餐廳就會按人數出食物 所以如果你鐘意某一樣食物就要加多幾次單啦😂自助醬料吧方面都有平常既材料比你落肉類就叫左牛肩肉，三角肥牛同埋黑豚肉等等 個人比較喜歡呢到既牛，encore左幾次打邊爐必叫既魚皮夠脆，冇油味丸類方面，有墨魚丸蝦丸等，都好彈牙重頭戲當然係海鮮拼盤，勁吸精有蠔，鮑魚同扇貝等款款新鮮🤩餐廳都好細心，將鮑魚切片，方便食用😌另外仲有一樣野值得讚既係餐廳可以放蛋糕，仲唔收切餅費，岩晒慶生☺️

朋友生曰，揀左呢間任食火鍋慶祝💃🏻💃🏻🕺🏼🕺🏼大路嘅配料都有，我地就揀左象拔蚌海鮮火鍋套餐，包一盆海鮮拼盤，抵食！會按人頭俾相應數目，全部都好新鮮，唔鯹。特別鍾意食鮑魚同蠔，前者好爽，後者淥完唔會縮哂水，keep到飽滿，非常鮮甜!湯底揀左椰子雞湯，見到入面放左唔少椰子同雞件，而且又熬到奶白色，味道相當清甜🤤雞件好嫩滑，就算煮到最後都依然唔韌食肉獸就梗係瘋狂嗌肉啦😈我地最主要叫牛肩肉眼，三角肥牛同黑豚肉：肉眼牛味最濃，最推介！肥牛肥瘦適中，口感唔錯～豚肉雖然好薄切，但豬味依然出！手打墨魚同蝦丸有口感，因為入邊有粒粒嘅墨魚同埋蝦，好足料墨魚滑彈牙竟然有花膠食😱梗係唔執輸嗌返碟補補骨膠原😂魚皮好脆，冇油味帆立貝幾鮮甜仲有唔配料！食完仲有雪糕，有雀巢杯裝，亦有雪糕機俾大家唧，更附有配料吧俾大家加toppings🤤

又到朋友生日，壽星表示想打邊爐，所以我地就搵咗呢間性價比看似不錯既打邊爐！呢度有幾款不同既套餐可以揀，我地就揀咗象拔蚌海鮮火鍋套餐。至於湯底揀咗椰子雞湯，非常清甜，而且好足料。海鮮有生蠔、鮑魚、象拔蚌等等，都幾多款！而且以呢個價錢黎講，都幾高質，性價比高！最中意生蠔，夠晒鮮甜🤤火鍋配料方面，都好多唔同嘅選擇！肉類方面，第一彎我哋嗌左牛肩肉眼、肥牛同埋黑豚片。雖然係任食，但係味道一啲都唔差，肉味好濃，岩晒我。打邊爐除咗肉，點少得菜呢！食咁多肉點都要食返啲菜balance返，啲菜都幾新鮮。另外，我哋仲帶咗丸類、墨魚滑等等。個人幾推薦墨魚滑，好爽口彈牙。魚腐亦不錯，索晒啲湯好正。所以我哋encore咗墨魚滑同魚腐！其他配料以任食黎講都相當不錯。打邊爐點少得響鈴同炸魚皮！飲品就係自己出去揀，選擇都唔少。

一家大細去了旺角打邊爐，大人們都是啤酒友，所以找了間有任飲啤酒的火鍋店。我們就揀了個中價套餐，有海鮮五款及多款火鍋配料及酒水任飲任食。海鮮中鮑魚就比較突出，味道鮮甜彈牙，其他都不錯。任食款式很多，牛肉都有好幾款，牛肩肉比較好味，羊肉較騷，內臟有鵝腸，很爽脆。雲吞是眾多餃中最好味，大大隻蝦肉，食了好幾隻。墨滑、手打丸都很彈牙。魚蝦及蔬菜款款齊備，而且上菜快無漏單，絕對抵讚。最後還有小朋友最喜歡的雪糕做甜品。啤酒有幾款，嘉士伯都有。

其實我已經來過三次，三次都係兩個人過咗十點，宵夜時段到。第一次，因為有人生日，所以叫咗$168任食餐, 呢個餐會有一份一次性o既海鮮盤(5樣o野), 任叫o既就比最平o既餐多咗白鱚 (我至愛)。第二，三次，都係叫最平o既$128餐。冇海鮮盤，不過湯底都有十款，剩係任叫o既火煱紙都夠晒。牛都有兩款，一定好食過涮涮鍋，其他豬羊雞脆鯇，魚滑，內臟，雜丸，餃子，菜，全部都係食得o既，用料好新鮮，冇話因為平就求其比d垃圾你食。就連豬大腸，鵝腸呢d下欄o野都好食。酒水飲品廿幾款任飲，真係從未見過。軟雪糕都有兩款，仲想點。環境方面，大部份都係卡位，一d都唔迫，伙計服務態度好友善，上菜好快，收碟唔駛哎。坐係度見到老細對d員工好好，唔怪得佢哋對住d客都識笑。雖然最少要兩人先可以開餐，不過真係好過果d涮涮鍋好多，feel 到佢哋真係有心做，值得推介！記得整番支黑牛雪條先走

呢晚有事要做搞到好夜先食飯，見時間都成9點幾，所以索性同朋友搵宵夜時段嘅火鍋嚟食吓！最後揀咗「一鍋豐」食埋海鮮拼盤🐚。由於佢地宵夜時段係由10點⏰先開始，所以我哋都等咗陣先有得入場！一坐低咗就可以揀湯底同食邊款套餐。呢晚我哋揀咗中位價嘅鮑魚海鮮火鍋套餐同埋鴛鴦鍋，方便食海鮮拼盤時有一邊清少少嘅湯底可以揀！落咗單話食邊個餐無耐，海鮮拼盤就好快送到過嚟！👍🏻5款海鮮有鮑魚、生蠔、扇貝、螺同埋貴妃蚌。估唔到以呢個價錢嚟計，款款海鮮都算高質！大隻厚肉又鮮甜～生蠔淥完又唔會勁縮水。同埋鮑魚每隻都分為兩份，唔駛一次過就食晒成隻！😋另外睇一睇張落單紙，任食火鍋配料選擇正常，主要都係平日食開任食火鍋時有嘅選擇。❗️❗️可以留意嘅係落單出嘅份量係會跟你人數而出～

這間位於旺角的一鍋豐，晚市主要的提供任食火鍋，火鍋套餐有三款，由$168-$268，可因個人喜好選擇。今晚同屋企就揀了個中價的鮑魚海鮮套餐，包括了五款海鮮拼盤、任飲過百款火鍋配料及森堡啤酒任飲等。海鮮包括了蠔、貴妃蚌、扇貝、螺，當然不少得是鮑魚啦，海鮮全部都處理得很乾淨，而且十分新鮮，味道鮮甜。湯底都幾有特色，不過我們就揀了最簡單的鴛鴦鍋。牛肉有幾款，其中牛肩肉眼肉味最濃郁，入口有油脂香味。任食海鮮都有鱔片、蜆、蝦等，海鮮爽彈鮮甜。不得不試手打系列，蝦丸及墨丸都是推介之選，彈牙有咬口。其他蔬菜類都有很多款式，炸魚皮及響鈴香脆。最後當然不少得的雪糕。整體食物款式很多，質素不俗，性價比高。

好難得即慶約到幾個朋友出黎，唔知食咩好⋯所以就係旺角搵下有咩好食啦～經過朋友介紹就即刻打電話黎一鍋豐問下有無位⋯點知重有一張4人枱～好好彩我地就即刻上去🤪入到去地方都幾大，張4人枱感覺可以坐到六人～😂唔會好逼～坐得舒服～👍🏻佢有三個價錢揀既，我地因爲朋友都唔係樣樣食，所以揀左中間個價錢，一樣都有送個海鮮拼盤⋯都幾大盤～每樣大概有4隻，基本上都係冰鮮既⋯但都可以接受⋯佢自己落單有蜆同蝦可以叫⋯我地叫左都幾多～😂因爲蝦同蜆都好新鮮，好好食～其他野食都唔錯～食多兩轉蝦都回本啦😂同埋佢落單每樣都係俾人頭數你⋯唔會太多⋯唔洗驚浪費⋯另外牛肉都好食～有兩款揀⋯但我唔記得個名🤦🏻‍♀️佢飲品都好多款，都有唔同啤酒～滿足晒唔同既朋友～😉總括黎講呢間打邊爐野食新鮮，又多選擇～服務都唔錯～推介～👍🏻👍🏻

旺角放題打邊爐店數量如天上繁星，一鍋豐又真係唔錯。3個餐 食暴貴既1個 埋單29x元1人 ，咁有咩食哩?首先，任飲啤酒紅酒 酒桶就fit竹，我滴酒不沾 浪費了。海鮮，超美味，鮑魚，蠔，蝦，扇貝等等，雖然只來1次 ，無添食，但鮮味迫人。另外，仲有1碟象拔蚌，鮮鮮鮮。牛都好質素 ，牛肉粒更美味，還有好好味花膠湯底好多款 ，我地食椰子雞煲，唔錯。29x元 呢口價打邊爐有少少貴 ，但食物水準高 ，衛生乾淨，服務ok。唯一就是牛肉，黎左2次3次之後，變左美國肥爆牛 ，呢個差d嘞!評語:性價比高 有下次。

見到呢間餐廳啲評語好好已經好早之前約咗朋友嚟食我係約咗七點正,兩位嘅,上到去都唔係好爆~啲職員服務真係好好!收嘢收得好快同埋都有講解問我哋想揀邊隻套餐!套餐有幾款揀嘅,有$168/$218/$268，我地揀左268嘅，268嘅有2個湯底特別可以揀!有川芎天麻大魚頭煲同埋馬來喇沙大頭蝦鍋! 喇沙迷嘅我梗係揀啦沙啦! 一開頭都冇睇到原來佢有大頭蝦,之後到咗湯底,我哋勁驚訝竟然有埋大頭蝦,原來個餐牌嗰度一早寫左有...之後佢哋都好快上曬海鮮! 都有好多種類包括有蠔,鮑魚,帶子,海螺,象拔蚌等等 啲海鮮都好新鮮，鮑魚仲幫我哋切咗好細心!除咗海鮮仲有其他野食,啲嘢食都好好質素!最記得係有帶子,不過係急凍嗰啲,同埋有蜆,啲蜆仲要係好大隻嗰隻,唔係嗰啲沙白類. 啲牛肉一定一定要食!除咗骰仔牛之外,其他牛肉都好嫩好滑,重超有牛味,估唔到唔使加錢就食到呢種質素!!!我同朋友已經約咗下一次再去食lu食過返尋味

朋友推介一鍋豐當然要去試吓啦，今日等朋友收工後，待應話十點有消夜價當然等一等啦，三人打邊爐食消夜有得平$188就有得食仲有個海盤，睇落去都幾抵食，首先來的是蕃茄湯底，味道都濃不錯，海鮮盤的海鮮質素都不錯每人一件都夠食。當然之後就點野食，白鱔和海鮮蝦同蜆新鮮度唔錯而且份量都足，牛肉叫了二款但牛肉味好少就一般。烏冬細舊都幾夠食，最後叫二舊三人食剛好，響鈴偏淋身，丸和午餐肉味道一般，好似冇咩咬口，芋頭都吾錯炸得剛好而且芋頭味濃，上菜速度都幾快而且加湯後湯底都吾會淡晒幾好，坐都舒服而飲品選擇都可以，最尾仲有雪糕。