一鍋蜂 (已結業)

之前聽一個fd講土瓜灣有間餐廳新開無耐，想去試下味，所以前日收工後就約埋幾個朋友一起前去。餐廳門面都算光鮮簡潔，裡面環境都幾好。一睇menu，菜式好豐富，有海鮮、火鍋、各式小菜，好適合不同口味的人聚埋一起食。呢度的經理都好熱情好nice，會同你介紹佢哋的招牌菜同當晚有咩新鮮的食材。綜合後我們叫咗幾款小菜，質數ok，價錢合理，抵食！

如果不是朋友住附近，也不會找到的餐廳，位置極為偏僻🙄點了鼓油王大頭蝦，椒絲腐乳生菜，辣子雞，水準不錯😋侍應服務也很好，可能因為全間餐廳只有兩檯客人吧，價錢略貴，可是材料新鮮，也算值的☺

前兩天陪朋友修的那輛車今天可以取回，修車那天可惜只有3人，未能嚐多幾款小菜，記起結帳時老闆説提前打給他，他可以想幾個特別嘅，於是今天便提前打給他，再約埋老死，攪個飯局今晚主打是海鮮，之後再加多幾個送酒小菜第一道是辣酒花螺，老闆在上枱時才加進玫瑰露，之後在我們面前點火，酒香四溢再來是~蒜蓉蒸蟶子😋，隻隻有手掌咁長，蒸得剛剛好，爽口彈牙之後上了幾個送酒小菜，椒鹽鮮魷，黃金小排骨，和老闆推介的金牌小炒王，椒鹽鮮魷沒什麼特別，黃金小排骨就鹹香得宜，鹹蛋黃味超濃但不太鹹，而小炒王老闆果然沒介紹錯，真是一絶，夠鑊氣，干身又沒太多油接著是~豉油王大蝦，OK，海中蝦新鮮彈牙，咕嚕肉，新鮮梅頭，即叫即炸，鬆化得來有趙頭~讚今晚主角出場~清蒸生劏龍躉腩，火候剛剛好，沒過火，魚肉鮮嫩，老闆幫我選上肚腩和近腹鰭的部位，啖啖肉得來重要連住肉的那層皮夠厚，食完有一層膠質腍住我個咀唇呀！😍最後是上湯菜心，用來解一解膩😅一行10人，人均都是300多，絶對超值，良心小店

上星期天陪朋友過土瓜灣修車，留下車在車房後，都大約六點，便和朋友搵地方晚饍，看了幾間，都沒什麼吸引，再蹓躂多一陣，走多一陣，被一陣麻辣香味所吸引，在對面馬路一看，原來開了一間新店，於是便決定試一下這新小店~原來香味是來自店裏客人所點的烤魚，我一向好辣，便點了這菜欲一試，這烤魚原來不同其他店的烤魚，用鯇魚，魽魚那類草魚，而是用海班，一問下，原來天天由老闆從魚市場直接從相熟的魚販購入，價錢公道説回這烤魚，大廚用上秘製辣醬，先將海班半煎半煮，煮至入味後，再加入高湯煮成今晚我只有一行三人，未能多試幾款小菜，除這烤星班外，還點了啫啫芥蘭和黃金小排骨最後老闆説~如果客人們想食什麼特別菜式或海鮮，只要早一晚打電話給或在這店的facebook 專頁留言給他，他會盡量滿足客人~

出街食飯最怕搵車位同趕頭趕命,今次應朋友的邀會,到土瓜灣呢間"一鍋蜂",易搵兼易搵車位,正! 一入去,格局雖然一般,同平常的菜館差不多. 我地叫了一枝紅酒,價錢不貴但口感不錯,一乾杯, 小炒王就黎,唔錯可餸酒, 鑊氣十足 再加埋椒鹽小腩排,唔膩香口. 接上,辣味十足的霸王辣子雞, 餸酒一流,同朋友傾傾下,唔經唔覺,已過兩小時,途中無人打擾,可見服務,之後一煲蝦乾啫啫通菜,Fresh一Fresh, 呀姐仲送埋生果拼盤, 食到我地, 捧住嗰肚離開, 

一向浦開九龍城的我, 今次因工作關係與女友去開土瓜灣, 見到一間新開張的舖頭, 門面OK, 兼有埋車位, 便進去一試. 我倆都好食蝦, 啊姐就推介, 黑松露蝦多士同胡椒蝦. 蝦多士一到後, 果然有意外驚喜, 細細件、脆扑扑且每件都有一隻蝦,好貼心,超好味, 跟住到的胡椒蝦,香辣過癮,但不失蝦的鮮甜味, 最值得一讚係用石頭鍋盛載, 食到最尾隻蝦仍暖烘烘,可見有心思之作,正, 啊姐仲主動幫我地換左幾次碟, 服務態度好OK, 我地配埋啤酒,一流! 各位絲打巴打, 值得一試!

好味道、好味道！第二次來食飯，一鍋蜂的菜式一次比一次好。味道一次比一次好味。經過師傅不斷改良，其中以芝麻雞、黑松露蝦多士係超級好味，一定要食唔可以錯過，還有服務態度超好！俾10個讚