一鍋堂 (XX Arcade) (已結業)

旺角區火鍋店超多，呢間坐得舒服、食物也不錯，朋友gathering 最啱！而且係放題！！價錢也非常抵食！晚市放題可食足120分鐘，由入座起計時⌛️入座時間不同，價錢稍為有分別～最貴都係$308🙊但可以食到黑毛和牛&澳洲和牛🐄同150款配料，唔係唔呢個set呀.入座後先點湯底～湯底都有10個選擇如果揀雙拼湯底就要另外加錢啦～我哋就揀咗一鍋潮汕湯，幾惹味！.點餐都好方便，手機自助點配料，上碟速度都快😍😍 我哋一嚟就點了黑毛和牛、澳洲和牛、牛脊肉⋯⋯啲牛質素好高😍不錯啊！ 比拼一下～🐄黑毛和牛：入口即化😚好濃牛味🐄澳洲和牛：少啲肥美感，但都濃郁牛香🐄牛脊肉：好嫩滑，比較有𡁻口.另外，豬雞羊肉都有！.海鮮和其他都係見到有heart，係特別款式！好似蝦膠釀油條、蟹籽手工蝦滑、手工蝦丸、手工雲吞、日本紅心蘿蔔、自家墨魚餅！.外面都有好多款式丸類和菜類😍啲菜好新鮮，放得好整齊又乾淨.飲品😍 味道唔錯又唔會太甜👍打邊爐飲好解渴.總括呢個價錢同食物質素都好好👍同朋友/家人gathering good good 👍

每逢想同朋友打邊爐第一時間都會諗起一鍋堂🤣真係每一次都好好食.💎 $308 成人C套餐（位）餐廳湯底選擇勁豐富🤣同朋友叫左一鍋潮汕鍋同酸菜白肉鍋😍一鍋潮汕鍋用左香港生曬大地魚炮製湯底好鮮甜而酸菜白肉鍋就好開胃🥰煮過口感依然十分清、脆、酸.餐廳提供好多種口味同配料選擇🤩如牛肉、豬肉、羊肉、海鮮、蔬菜等等除左可以用手機落單之外外面既食物區都有好多選擇樣樣食材都好新鮮🥳配埋湯底既鮮味好好食特別推介既係西班牙依比利亞黑毛豬😎口感豐富，肉質鮮美，油花豐富帶有微妙的堅果香氣入口極具風味而西班牙栗飼豬肉都好好食🥹肉質相對厚實帶有微妙的甜味同豬肉香氣蝦膠釀油條係新品, 都好好食😍油條口感酥脆，入口即化蝦膠既鮮味同油條既香氣融合埋一齊有一種獨特既口感同味道.另外, 平時好少見既野生竹笙口感爽脆有清香味，入口爽滑🤣.花雕浸鮮雞件口感嫩滑雞既鮮味十足，酒香四溢😝.手切烏魚片口感鮮美，肉質滑嫩，有好重魚香味😎.冰山蚌口感爽脆，鮮味十足蚌肉肉質豐滿🥳係是一種好優質既海鮮食材.打完邊爐之後仲可以食埋雪糕今次個味道係楊枝甘露味入口好清新中和左邊爐既膩感🥰

呢間任食火鍋朋友介紹，有三個set，最貴都係三百蚊鬆啲，我哋唔太多人食牛所以叫中間價位，$258星期六加十蚊，即係$268一位再加一。入門口就係熟食位同少量丸、麵類跟住一排菜櫃飲品櫃，啲菜都好新鮮除咗紙包同罐裝飲品，佢仲有自家飲品，薄荷烏龍茶、洛神花茶等等，味道都唔錯醬料架，都有齊基本火鍋要有嘅醬汁配料仲有個雪糕位，楊枝甘露味，軟雪糕快溶，要快啲食火鍋方面，鴛鴦鍋就要加$50帶子鮑魚每人有一隻其他材料都好新鮮，大家睇相應該都睇得出。佢哋係用QR落單，唔會比你一次叫好多同一樣，不過就唔會好似其他火鍋咁比少少或者唔比你，二百幾有呢個質素都算幾抵食。同埋值得一讚入面嘅係服務員收碟好有效率同埋好有禮貌，係入面嘅服務員呀吓！

真係念念不忘，又去了旺角一鍋堂選擇了C餐，今次叫了全新期間限定滋補花膠鮮雞湯鍋底，口感滑嫩，湯底濃郁香醇，讓人回味無窮。除了湯底，他們的食材也非常新鮮，特別是澳洲進口的上乘牛肉，口感鮮嫩多汁，味道鮮美。手切的白鱔片和脆鯇魚片更是新鮮爽脆，非常開胃。還有脆骨腩、新鮮魚雲、日本產黑毛和牛、澳洲和牛、手切牛脊肉、花雕浸安格斯牛肉等等，種類繁多，真的嘗盡不同部位的牛。熟食區的美食更是讓人驚喜。麻辣雞翼和醬油漬蘿蔔都很開胃，麻辣蓮藕片則是辣味十足，非常適合喜歡辣味的人。亦有大大隻的涷蝦，肉質非常彈口鮮味。蔬菜種類也很豐富，不同的油麥菜、白菜仔、菜心、羽衣甘藍等等，讓人吃得健康又開心。總的來說，旺角一鍋堂C餐的食物種類繁多，品質也非常好。我尤其喜歡他們的滋補花膠鮮雞湯鍋底和澳洲進口的上乘牛肉，口感味道都非常棒。另外他們有自家製的不同飲品，例如洛神花茶，酸酸甜甜，又令到你非常開胃。亦都有唔同嘅汽水供選擇最後梗係不能放過他的飯後甜品，今次就是比較特別的有”楊枝甘露味”的雪糕。識落似芒果味重一點非常之特別，非常之軟綿綿唔到口。

一鍋堂真係成日聽佢既名 其實佢地專注研發港式火鍋為大家帶來16款香港人最愛既特色湯底 配胡椒豬肚湯🐷 有唔同餐類你揀 我就揀左C餐 咩都有得食😜肉類🥩日本黑毛和牛、澳洲和牛、手切牛脊肉、美國安格斯牛肉、封門柳花雕浸安格斯牛肉仲有雞、豬等🐥超多款肉肉你食😆海鮮有元貝 蜆類等 最開心係海蝦都串上竹籤唔洗整污糟手仔😜 海蝦肉質彈牙爽口😋花膠估唔到呢個價都可以任食花膠🥳 功效潤膚養顏 滋陰養血等我真係食左幾轉🤭🤭自助雪糕機可以自製甜品 雪糕質地香滑 味道濃郁多款自家製茶類健康飲品 熱辣辣打邊爐最岩飲冰凍🥰

之前食開葵芳果間，今日經過旺角，第一次試呢間，一入店，就聞到up味，估計係地墊問題，涼菜方面，種類得兩樣，無葵芳果間咁多選擇，而且無我最中意嘅潮汕牛肉餅，有啲失望。我哋一坐低就點嘢食，食物好快嚟到，點知豆腐係酸臭嘅，食到最尾，勁唔好彩飲到支變味嘅玫瑰黑枸杞茶，有同店員講，想提醒店員有呢回事，檢查下好啲，見店員跟住拎住幾支玫瑰黑枸杞茶走，過一兩分鐘番嚟同我哋講，話其他果幾支無問題，又話同一批次，咁我仲可以講咩？只能自認倒霉！雪糕果度，見到個雪糕機頭滴水，一開機就噴到隻手都係雪糕水！最後，點餐last call 無做到，葵芳同瓊華店都有提醒仲有15分鐘左右仲可以點餐，但呢間就無！埋單走人之後，個肚開始嚟料，24/6同25/6疴足兩日☠️呢間店，真係無下次咯！

火鍋癮又起！去大吃大喝獎勵吓自己😎😎照舊book定位去@e_pot ！咁就唔使去到至排隊拎飛入座啦！同樣揀咗晚市C套餐120分鐘放題(每人平均三百蚊左右)就可以任叫任食🙌🏻今次揀✨滋補花膠雞鍋🐔湯底有足料雞件+蟲草花+花膠+粟米+杞子 等🍲滋潤養顏！再介紹吓重點柯打嘅配料！先嚟幾碟✨日本產黑毛和牛🐮片片勻稱雪花紋！入口軟熟有牛味！✨手串生猛海蝦🦐焯一焯好快有得食鮮蝦！✨手切白鱔片！鮮且甜又彈牙！✨脆骨腩 ＆✨新鮮魚雲！鯇魚都係打邊爐必食之選😋😋仲有叫埋解暑清熱嘅✨冬瓜片, ✨白蘿蔔！另外蔬菜類仲可以喺自助區追加拎油麥菜, 唐生菜, 娃娃菜, 羽衣甘藍🥬🥦順便邊飲邊食拎埋✨涼伴小食 同 ✨自家製洛神花茶🥤最後是日雪糕口味為✨楊枝甘露🍦食番杯立馬完美結束餐點！

所有食物都要等20~30分鐘先到，超級慢😅而且任食都有限時，基本上成件事係等多過食，問職員也不太理會😡而由於同行者係素食者，佢嗌了「大順嫩肉」，但到個時，竟然將素肉同真腸仔放係同一碟，實在不該👎🏻‼️唔會再幫襯嚟間👎🏻👎🏻👎🏻👎🏻👎🏻

旺角有好多火鍋放題店，今日就嚟到一間大啲嘅任食火鍋放題—一鍋堂🍲一放工就去食，所以餐廳嘅人流並唔係好多，但係都食完七點幾嘅時候已經見到門口排緊長龍，可以見到佢嘅人氣真係好旺。今次食嘅係最貴嘅晚市C餐，勝在有日本和牛同澳洲和牛等優質牛肉可以食😛😛一鍋堂有好多種唔同嘅湯底可以選擇，揀到眼花撩亂，所以就加咗$50升級做鴛鴦湯底，分別叫咗潮汕鍋同埋杏汁豬肺湯🍲🍲。潮汕鍋有好濃郁嘅胡椒味，飲落清甜得來又有胡椒嘅辣，食之前飲一碗湯可以好好咁開胃。而紅色豬肺湯，入面嘅豬肺份量有好多，但係就唔太容易咬，同樣飲落都幾清，一啲都唔會太油膩。最期待嘅日本同埋澳洲和牛🐮🐮，上到嚟嘅時候已經見到和牛嘅雪花分布非常之均勻，因此真係六熟咗食都可以食到好香嘅油脂香，雖然做唔到入口即溶，但都可以話係非常嫩口。我覺得最意外嘅反而係珍珠同埋沙白蜆🦪🦪🦪，大大隻之餘亦都冇沙，味道鮮甜多汁。自家製作嘅各種手打丸類🍢🍢，彈牙十足。自助區可以自己揀鍾意食嘅丸類同擠雪糕，唯一美中不足嘅係雪糕嘅選擇少，只有一款芒果雪糕。好鍾意佢哋嘅自家製茶飲，茶味清香濃郁之餘，又唔會太甜，打邊爐嘅時候有茶可以飲下又可以有清熱嘅效果。

星期五晚book左19:00同屋企人黎打邊爐，叫左個B餐$258再加一（星期五六日要再加多$10），任食120分鐘。佢地有好多款湯底可以揀，我地點左沙爹湯底，味道唔算好濃，覺得下次可以揀第二款。屋企人係會員，唔知乜野優惠送左每人一隻鮑魚同一粒帶子，兩樣都好新鮮好好味😋😋因為實在太多種類既野可以揀，忙到我都唔得閒影相🤣佢牛都已經好多款，餐廳有提供牛舌，好少地方打邊爐有牛舌，出奇地竟然好好食👍👍👍另外佢出面仲有好多飲品可以自己拎，仲有軟雪糕（楊枝甘露味）味道都唔錯，我都食左兩杯。整體食物質素都幾好，不過座位就有d迫（我地被安排坐卡位）。

同屋企人同朋友都黎過食唔少次差唔多每個月都黎今次體驗極差...🤢👎🏻本身好中意呢間餐廳唔想寫呢啲劣評 但我好地地既一餐屋企人父親節飯 大家都好唔開心🙁食左甘多次 呢間餐廳就算長期好旺場 都態度好 收碟快 出面啲野飲，用黎加既湯補得好快而且從來唔漏單今次我同屋企人6:30pm黎到食 叫左B餐首先個潮汕湯底味道已經唔同左（多數都揀呢個）感覺只有咸味...一向要求入座前叫定湯底 前檯落錯單 另一位侍應阿姐送錯另一個湯底黎我同佢講番唔岩 佢態度幾差甘講 係你叫錯wor 冇得改 要我自己行番出去前檯溝通 最後前檯講sorry 係佢落錯左😅到叫野食 竟然漏左好多款野食...我等左半粒中唔想重覆order到時黎兩次野食浪費就好客氣同waiter 了解 係漏單定係未黎佢就講左句 追唔番架啦 再禁啦我地好唔得閒！我再禁 結果部分野食重覆黎 我叫佢收番又比個阿叔話你漏野食應該問 唔應該又禁過！🙄同埋...6:30pm 已經可以有幾樣食材冇哂eg. 蚌同埋脆鯇骨腩etc....魚同海鮮類 無論你叫1,2,3碟都只會黎一碟出面有一樽樽既湯 如要加湯係自己拎既7點頭已經比人拎哂 但一直冇人refill隔離檯客個

嗌左個中價餐，啲貴野第一次點無黎到，捉左個哥仔問，問佢係無晒點唔到，定漏左單，驚點完一次過黎返第一次嗰啲，哥仔話，如果多左可以同返佢地講多左，跟住再點多次啦，第二次就有黎勒。隔左陣，哥仔仲問啲野有無黎到添。張單寫住可食到23：58，23點25分就有個嬸嬸話，得返5分鐘，睇住時間。23點30又有另一個嬸嬸走黎話我夠鐘要走，我俾張單佢睇，可以食到12點喎。差少少野，諗住食埋先，點知23點33分，爐都俾人斷埋電 😡

疫情之前成日黎一鍋堂買外賣火鍋返屋企打邊爐，疫情冇咗，梗係嚟堂食，任食午餐抵食又高質。澳洲和牛餐都係248，係食最多款既邊爐配料既，100分鐘任食。呢度主要用QR Code 點餐之外，出面仲有自助區，有丸、菜、野飲同雪糕。呢度好多都好食，個人心水推介。⭐️有成15款湯底揀，今次試左杏汁豬肺湯，滋潤清甜，打邊爐記住飲返幾碗。⭐️ 呢度有好多款肉揀，雞牛豬羊都有，我最鐘意係澳洲和牛，牛味香濃，肉質嫩，encore 左好多碟。⭐️ 梅菜豬肉餃，好好食，鹹香味十足，仲好juicy。⭐️ 爆汁爽彈牛丸，牛香味濃，好爆汁架。⭐️ 竹笙， 出面任食好少見，索哂湯汁，爽口靚仔，貴野要食返夠本。⭐️ 羽衣甘藍，營養價值超高，可以幫助排走體內廢物，食多幾棵健康下先。

9/6 今：朋友聚餐共8人，已經早四五日訂位，準時到場等候安排，星期五晚餐時段明白係多人既，服務員問六人卡位會唔會考慮，我八個成年人的確無辦法擠得落所以拒絕，之後有兩張四人枱起初話安排合併比我地，之後太多散客理由，佢拆散分左比散客就餐，最後安排兩張四人卡位比我地，中間係有塊木板擋住既，最終預約聚餐都係要轉場 🙂 真係安排得好差呀，我地呢班舊客短期內唔會再光顧

一鍋堂兩仔爺打火鍋，旺角鼓油街一鍋堂，旗艦店 喎唔去一定會走寶，好早去到，七點鐘人流暢旺， 等咗一陣跟住就埋位，我哋有兩個叫咗兩個C餐，火鍋肥牛，食和牛A4任食 ，我哋要咗咸菜胡椒豬肚小銅鍋湯，湯底有豬肚， 自己好難整得好味，都係幫襯呢度，而且食過都真係好好食嘅，跟住我哋叫咗好多肥牛， 牛肉夠新鮮，A4肥牛，牛肩胛， 同埋仲有新鮮牛肉片，封門柳，牛脷托心， 仲有羊肉，羊肉片，另外仲有啲牛丸，同埋墨魚丸，蟹柳，魚蛋。重有魷魚，魷魚新鮮好味入口爽脆，呢個野生竹笙，仲有花甲蜆，鮮蝦 等等，話真係呢餐夠晒份量。 到最後仲加多幾個好靚嘅牛丸同埋扇貝， 呢一餐真係好正呀!一鍋堂最緊要食宜食材新鮮，各樣都滿飽， 蔬菜我哋咁多揀啦淨係生菜，食都食咗三客。雪糕 都好靚，我就食咗白桃同雪糕係咪好靚呢， 一餐一位都係三百零蚊，一個落樓咁兩仔爺淨係傾都傾咗兩個鐘頭 ，時間各樣都完全好好咁享受呀!難得親子嘛。