影片
以上資料只供參考, 請與餐廳確認詳情
頭先同三五知己打橫行去咗間餐廳試吓喇！高低手口講，嘢食真係好過我想像中㗎👏首先嚟個牛筋飯，啲牛筋煮到啱啱好，又淋又嘟，啲味道滲晒入去筋到。淋過舊嘅牛筋，嚼落有口感，仲要份量多到擺滿成碟。飯就夠哂香，唔會濕笠笠，同牛筋夾埋，咬一啖，融入嘅咸香同牛味正到爆炸！再嚟講講個招牌咖喱吉列豬扒飯啦。外脆內嫩嘅豬扒，個咖喱香濃，中辣啱啱好，攣唔刮喉。加埋啲特制嘅咖喱汁，每一啖都暖笠笠，味道撲鼻，冬天食正！最後，唔試佢間鋪頭嘅雲吞就等於白去！啲雲吞肉餡鮮甜，湯底清甜，飲一啖好似㗎健康氣息啲咁。啲雲吞皮又薄又滑，好似食緊小棉被咁，實在太過癮！🥢總結黎講，嗰午餐食得我心滿意足。如果你一個鐘頭lunch break想食好一餐，呢度絕對係你嘅不二之選呀！下回見到我，記得問我下次又去食咩喇～👍😉
繼續閱讀
呢一間位處於大埔超級城中心既餐廳、佢嘅牛腩麵好出名。分為：坑腩，爽腩、崩沙腩。亦有沙嗲撈麵，仲有印度薄餅餐。午飯選擇更加多樣化和它嘅外賣出餐很快，佢另外一樣最出名嘅係澳洲牛丸，啲牛肉丸啲汁鎖晒喺裏面，一食落去有種爆漿嘅感覺、肉質鮮美。我今日嘅早餐我都食澳洲牛丸公仔麵，我叫佢走湯底多蔥，當撈麵咁食係我習慣、唔食過唔知、一食落口一試入魂。除左食嘢之外，建議大家可以睇下佢地嘅餐廳設計，個人覺得啲設計相當得意。
繼續閱讀
夜晚晚見無咩人就入左去食，坐低同店員講叫個崩砂腩河粉，凍奶茶。黎果陣黎左碗牛坑腩河，都算，呀姐落錯單我唔會怪佢，坑腩我平時其他地方都有食開，但食落口，d牛無牛味，但舊舊都好碎，好似切到一忽忽咁，但都算軟身，再試埋d河粉，又係無咩味，好似食左一碗清湯煮牛咁。另外杯凍奶茶，以前飲都叫做好飲，會想返轉頭飲果種，但係今次，佢轉左膠杯裝，似落又唔夠甜同無左奶茶果種味道，都係好淡味。今次另我有點失望，希望可以改善一下。
繼續閱讀
今日下午茶時間試咗呢間主打牛腩、咖哩同醉雞嘅茶餐廳，不過我哋兩個人三樣都無叫，反而叫咗一個下晝兩點之後開始供應嘅懷舊港式小食同埋一個全日套餐，懷舊小食叫咗足以碗仔翅，而全日套餐就要咗個鮮味走地雞絲拌開胃四色涼麵(即係雞絲涼麵)。個足料碗仔翅都真係幾足料，平時啲碗仔似入面用豬肉絲但係呢度就用雞肉絲，味道還可以啦，不過佢啲雞絲真係比較韌。個雞絲涼麵就麻麻，首先雞絲又係韌，而且個涼麵比較濕，唔係好啱我口味。
繼續閱讀
同屋企人又出咗嚟大埔搵野食，本身就想食隔離嘅燒肉～但睇睇下個餐牌又覺得依間吸引啲喎，就入咗嚟食啦～🌈花雕桂香杞子鮮醉雞 $68入口好香酒味，甜甜地！最怕出面啲醉雞酒味重到苦嘅～呢個食落一啲都唔苦，而且有淡淡桂香味🧡而且雞嘅肉質好好，唔係嗰啲急凍雞，雪到啲肉粉嘅😋河粉份量都好足，呢個價錢呢個質素冇得彈了🌈咖喱牛三寶飯 $70牛三寶包括左牛腩，牛筋，牛肚💛講下個咖喱先，佢唔似我哋普通食嘅咖喱好香椰汁味，反而係似落咗好多香草，巴基斯坦風味😆牛三寶都炆得好淋，好入味，最鍾意就係食佢嘅牛腩！唔好睇佢上枱細細碟，裏面都好足料😋不得不說老闆對客人都好細心，我哋冇提出佢都主動俾杯水我哋洗餐具。走嘅時候都問我哋係咪第一次嚟，同我哋傾吓計😆
繼續閱讀