一銘記 (已結業)

頭先同三五知己打橫行去咗間餐廳試吓喇！高低手口講，嘢食真係好過我想像中㗎👏首先嚟個牛筋飯，啲牛筋煮到啱啱好，又淋又嘟，啲味道滲晒入去筋到。淋過舊嘅牛筋，嚼落有口感，仲要份量多到擺滿成碟。飯就夠哂香，唔會濕笠笠，同牛筋夾埋，咬一啖，融入嘅咸香同牛味正到爆炸！再嚟講講個招牌咖喱吉列豬扒飯啦。外脆內嫩嘅豬扒，個咖喱香濃，中辣啱啱好，攣唔刮喉。加埋啲特制嘅咖喱汁，每一啖都暖笠笠，味道撲鼻，冬天食正！最後，唔試佢間鋪頭嘅雲吞就等於白去！啲雲吞肉餡鮮甜，湯底清甜，飲一啖好似㗎健康氣息啲咁。啲雲吞皮又薄又滑，好似食緊小棉被咁，實在太過癮！🥢總結黎講，嗰午餐食得我心滿意足。如果你一個鐘頭lunch break想食好一餐，呢度絕對係你嘅不二之選呀！下回見到我，記得問我下次又去食咩喇～👍😉

呢一間位處於大埔超級城中心既餐廳、佢嘅牛腩麵好出名。分為：坑腩，爽腩、崩沙腩。亦有沙嗲撈麵，仲有印度薄餅餐。午飯選擇更加多樣化和它嘅外賣出餐很快，佢另外一樣最出名嘅係澳洲牛丸，啲牛肉丸啲汁鎖晒喺裏面，一食落去有種爆漿嘅感覺、肉質鮮美。我今日嘅早餐我都食澳洲牛丸公仔麵，我叫佢走湯底多蔥，當撈麵咁食係我習慣、唔食過唔知、一食落口一試入魂。除左食嘢之外，建議大家可以睇下佢地嘅餐廳設計，個人覺得啲設計相當得意。

夜晚晚見無咩人就入左去食，坐低同店員講叫個崩砂腩河粉，凍奶茶。黎果陣黎左碗牛坑腩河，都算，呀姐落錯單我唔會怪佢，坑腩我平時其他地方都有食開，但食落口，d牛無牛味，但舊舊都好碎，好似切到一忽忽咁，但都算軟身，再試埋d河粉，又係無咩味，好似食左一碗清湯煮牛咁。另外杯凍奶茶，以前飲都叫做好飲，會想返轉頭飲果種，但係今次，佢轉左膠杯裝，似落又唔夠甜同無左奶茶果種味道，都係好淡味。今次另我有點失望，希望可以改善一下。

今日下午茶時間試咗呢間主打牛腩、咖哩同醉雞嘅茶餐廳，不過我哋兩個人三樣都無叫，反而叫咗一個下晝兩點之後開始供應嘅懷舊港式小食同埋一個全日套餐，懷舊小食叫咗足以碗仔翅，而全日套餐就要咗個鮮味走地雞絲拌開胃四色涼麵(即係雞絲涼麵)。個足料碗仔翅都真係幾足料，平時啲碗仔似入面用豬肉絲但係呢度就用雞肉絲，味道還可以啦，不過佢啲雞絲真係比較韌。個雞絲涼麵就麻麻，首先雞絲又係韌，而且個涼麵比較濕，唔係好啱我口味。

同屋企人又出咗嚟大埔搵野食，本身就想食隔離嘅燒肉～但睇睇下個餐牌又覺得依間吸引啲喎，就入咗嚟食啦～🌈花雕桂香杞子鮮醉雞 $68入口好香酒味，甜甜地！最怕出面啲醉雞酒味重到苦嘅～呢個食落一啲都唔苦，而且有淡淡桂香味🧡而且雞嘅肉質好好，唔係嗰啲急凍雞，雪到啲肉粉嘅😋河粉份量都好足，呢個價錢呢個質素冇得彈了🌈咖喱牛三寶飯 $70牛三寶包括左牛腩，牛筋，牛肚💛講下個咖喱先，佢唔似我哋普通食嘅咖喱好香椰汁味，反而係似落咗好多香草，巴基斯坦風味😆牛三寶都炆得好淋，好入味，最鍾意就係食佢嘅牛腩！唔好睇佢上枱細細碟，裏面都好足料😋不得不說老闆對客人都好細心，我哋冇提出佢都主動俾杯水我哋洗餐具。走嘅時候都問我哋係咪第一次嚟，同我哋傾吓計😆

間餐廳位置算係市中心，所以有一次趕時間就入去試吓，佢個早餐種類除咗有普通傳統茶餐廳粉面套餐之外，都有一啲雲吞粉麵類，佢個河粉口感唔錯，但係湯底就太過濃味有少少咸

開咗咁耐第一次嚟招牌咖喱吉列豬扒飯真係名不虛傳非常好食而且仲有大中小辣任君選擇唔食得辣嘅真係嗌小辣就算啦嗌咗個鐘辣都會食到大汗踏細汗豬扒非常日式加埋個飯口感啱啱好呢個咖喱豬扒飯非常之正你都雲吞麵店舖梗係要試吓佢嘅雲吞啦正雲吞都係$32好好食啲湯夠晒好飲仲有幾舊蘿蔔朔晒啲湯汁味道一流呢度嘅服務非常之好完全合晒大埔人有人情味嘅風格如果下次嚟到嘅話一定要試吓佢嘅醉雞同埋牛腩 因為牛腩咖喱同埋菜雞都係呢一度嘅主打菜試晒佢哋睇吓係唔係真係咁好食先但係食完今晚嘅咖喱豬扒飯已經非常有信心可以變成飯堂㗎啦

同朋友去大埔行，午飯時間無意中經過一銘記，因為有位就順勢入去試下。舖頭細，坐得迫少少。但食粉麵呢類都唔會坐太耐，所以接受到。見到餐牌上介紹醉雞，似係招牌菜，就叫個醉雞米，朋友叫牛三寶飯。醉雞食落好香酒味，因為應該有加桂花糖調味，還有杞子，酒味唔苦仲甜甜地，好易接受。雞有雞味，唔似一般雪藏貨咁無味白𡁻。米粉係湯米另上，無乜特別。牛三寶飯有牛腩、牛筋和金錢肚，餸嘅份量唔少，腩汁好香撈飯一流。牛腩雖然有少少鞋口，但唔太黏牙，好香牛肉味。金錢肚最正，索晒啲腩汁。

雞嘅肉質似係新鮮走地雞，酒味係濃得嚟似係上菜前淋上去咁，不過都唔影響口感，雞都入味嘅。總體味道攞四星價錢都合理，六十零蚊，冇嘢飲。服務質素OK嘅，即叫即應有服務，至少唔會黑口黑面。

要係大埔搵唔洗排隊既餐廳唔易無訂位只有求其簡叫左個咖喱牛腩飯同醉雞飯醉雞飯好有誠意 有桂花酒既味道但我想講佢連最基本既切雞都切唔好，好似碎屍案咁啲雞未切好連成一舊舊，斬到啲骨好「參」口，食到個咀都損哂咖哩飯份量太少，黎到心諗做乜比個兒童餐我（我食完重小小餓）但咖哩味道係特別既，落料好足亦有甜味，牛腩好食。但份量感覺有啲度縮同埋佢紙巾唔供應要額外買 總結黎講68蚊食個晚餐算唔貴食物味道都吸引但唔會食下次

很久前已經知道這間餐廳，但從來沒有衝動想試。這晚突然想吃咖喱，search一下，發覺這餐廳有不少好評，所以決定試下。晚上8點左右，人不多，不用等位。想食粉又想食咖喱，於是點了個咖喱粉，初時還以為是湯粉，點知咖喱只有撈粉，唔緊要，一於試下。賣相普通，份量好似好少，但食完其實好飽小小辣，咖喱味濃，好惹味，牛三寶，牛肚，牛腩都好淋，牛筋唔錯，整體好食👍🏻友人點了湯粉套餐。湯底不會過鹹，不錯。有炸魚皮，不過無影相，好脆口，好香👍🏻會再食

中意食巴基斯坦咖哩既我緊係唔會放過佢啦,叫左個咖哩鮮牛坑腩飯大辣.一黎到已經有一陣好香既咖哩同香料味.辣度可以自己選擇大中小.飯量足夠,咖哩汁好多非常香濃完全唔會稀冷冷 牛坑腩亦唔會痴牙好淋身,價錢合理$68 如果開係我樓下我相信日日都會幫襯.

一開始拎外賣心諗$52咁細兜，心諗真係好貴。但係一食落啲咖喱真係同出面好唔同，好多香料，好香濃，唔係一埋醬加肉碎嗰種。牛舌好厚切，煮得好軟身，超有牛味。質素完全對得上價錢。🤝不過呢間野嘅缺點就係成日落錯單😂

腩汁清得黎好味、唔係味精湯；牛肚質素好，唔會有發水浸過隻化學爽口，又唔會過淋；服務有禮，仲有粉麵店少有的環境舒適，今次試試下午茶粉麵套餐非常抵食，值得再試！晚市既咖哩牛腩好似都好正不枉我跨區去試，0負評果然有料到

今日去試下想試好耐既一銘記，網上食評話牛腩已經一致好評，所以都有一定期望，希望唔好失望啦外賣自取嘅咖喱牛坑腩飯（小辣）一打開香氣十足，係我喜歡嘅咖喱種類，所以掛住食唔記得影好啲。咖喱非常濃香，辣味適中，我食得辣下次可以叫中辣。牛坑腩好有咬口，林得黎帶少少煙韌，中間帶少少根，係正宗嘅牛坑腩，冇取巧，絕對值得一讚味道非常一流，中間仲有少少薯仔，但個人建議如果多少少薯仔更好，因為薯仔配咖喱係絕配。仲叫左招牌牛三寶，同樣出色，疫情底下外賣自取有九折，兩道食物埋單$105。