一起食堂 (威利廣場)

營業中

休息中

係附近試完姐妹裙. 見到有之前食過既呢間一起食堂分店. 咁近, 梗係要去醫醫肚. 呢間既裝修同中環果間都好相似, 係台式, 木系既設計. 🐔 麻油花雕雞烏龍麵印象中, 呢到既烏龍麵係必叫既, 因為面質好滑同煙韌. 呢個主食仲好有誠意, 佢既花雕酒係分開上, 店員話食既時候淋上就得. 加左落湯底後, 即刻變左酒味濃濃, 如果冬天食一定成身暖晒. 麵既配料都好正, 花雕雞係雞卷黎, 無骨, 啖啖肉, 仲幾入味. 仲有幾粒花菇仔, 好香.🐤 蔥油雞肉乾拌麵拌麵的口感豐富，麵條本身有嚼勁，配上蔥香味濃郁的醬汁、乾蔥、乾蒜，再加上炒過的雞肉，口感更加豐富。而且佢仲有一隻完整既滷水蛋, 好入味, 又夠飽肚. 跟麵既湯, 清清地, 最岩濕下個口. 🦐 府城蝦卷原來係台南地既特色小食，入面有蝦肉和菜，同埋馬蹄，馬蹄完全加晒分， 好爽口，香甜。外面就係用左薄脆炸過既酥脆的外皮，金黃色既，口感同味道都非常不錯。仲可以加埋沙律醬食，好開胃。🐣 鹽酥雞呢到既鹽酥雞份量超多，成個碟都裝唔晒。外皮口感酥脆，內裡的雞肉則是好鮮嫩又juicy, 鹹香味滿滿。一口一粒， 好快就食晒。🍵 綠茶多多口感爽口香甜，綠茶茶底比

又到星期五，放工梗係約朋友晚飯，到咗一間食台灣菜既小店一人一碗麵share 食再點幾樣小食。牛肉麵個湯底都好濃郁，好入味，牛肉份量都慷慨，肉質鬆軟唔錯，連同彈牙既麵一齊食，有一定水準，唔錯唔錯。豆乳雞烏龍麵有啲日式加台式既麵食，個湯底好重豆乳味，香滑感覺滋潤，d雞卷都大塊，夠食，烏龍麵爽口彈牙，唔錯既新配搭。府城蝦卷上枱時以為俾錯，望落似炸餃子，原來係充滿蝦肉既腐皮卷，炸得金黃色，食落都好酥脆，價錢都合理。鹽酥雞另外一樣台灣嘅美味小食，同樣炸到金黃色，唔會只係得炸粉，炸粉唔厚，內面既雞肉都唔會炸到乾哂，食落唔嚡，外面夠脆，幾惹味。肉燥燙青菜油麥菜份量都好多，好爽脆，肉燥份量亦都唔少，好惹味。檸檬多多乳酸飲品本身已經健康好味，加埋檸檬，成個飲品健康指數即刻upupup由good 變excellent。仙草冬瓜茶甜度剛好，一大嚿仙草響底，飲館吸啜嘅時候就會啜到，滑嘟嘟，口感一流。

最近放工行過見到呢間個門面都幾神秘 價錢都幾抵仲要唔使加一主食都係6 70就搞掂 原來入邊裝修都幾日式㗎喎🏮❣️黑糖豬軟骨飯 $68豬骨超腍超大嚿 甜甜地嘅黑糖香味 一咬成件散開軟骨同樣入味 但食落爽口 撈埋溫泉蛋一齊食好正❣️紅燒三寶牛肉麵 $88一碗有齊牛腱 牛丸 牛肋條 紅燒湯底唔算太鹹反而仲有啲甜甜地添 吸滿湯底嘅牛腱相當大塊 唔會鞋口 另外牛肋條好軟身 入口即溶❣️貢丸湯 $15幾乎係台灣價嘅貢丸湯 一碗都有三粒丸 少少鹹但貢丸好鮮味 底部仲有啲蒜粒 一齊飲好香好濃❣️魯蛋 $12去台灣必買嘅手信之一 🥚滷得相當入味 係唔錯嘅餐前小食❣️鹽酥雞 $38估唔到份量咁多 雖然話係油炸 但比平時嗰啲乾身而且粉層唔算厚 依然keep到肉汁 食到一粒接一粒❣️烤台灣香腸 $28正宗台灣烤香腸 皮脆肉嫩嘅香腸好香豬肉香夾埋蒜片食微辣口味好過癮❣️肉燥燙青菜 $28肉燥汁浸淋青菜 代替一般熱水烚蔬菜🥬包住肉燥粒粒十足生菜包咁❣️綠茶多多(冷) $24原先以為溝益力多應該會好甜 意外地飲落竟然有啲小清新成餐食咗咁多油膩heavy嘢 啱啱好可以中和返下

觀塘嘅台式餐廳數落真係幾多，亦都試過唔少。今次就試下 一起食堂，相信都係附近唔少番工人士嘅食堂。花雕麻油雞湯面額外配上一杯花雕酒，可以自己倒落湯入面調味。我就將成杯倒哂入去，麻油加上濃郁嘅花雕酒味好香，味道都好夾。雞肉又好嫩好滑，仲有啲冬菇杞子紅棗。黑糖豬軟骨飯配上香甜嘅黑糖醬汁，加埋流心蛋一齊撈飯，絕對係非常開胃。豬軟骨亦都煮得好腍身，味道絕對係一流。鹽酥雞好酥脆，啖啖都充滿咸香，份量亦都好足。一口炸芝士炸得好香脆，咬落新鮮熱辣，啖啖都有好濃郁嘅芝士味，仲可以拉絲，係邪惡之選。另外仲叫左珍珠奶茶同愛玉鳳梨綠茶。愛玉鳳梨綠茶冇得揀甜度，仲擔心好甜，飲落甜度真係控制得剛好，鳳梨味又唔係太甜蓋過茶味，愛玉都好好咬口。

觀塘正宗台灣菜，一定要試下這家位於開源道的「一起食堂」。第一次來到這裡吃晚餐，環境還不錯，寬敞，侍應都好熱情，好有台灣人熱情的態度。呢度係填紙仔落單，好多特色台灣野可以揀：小食： 滷雞翅，鹽酥雞，烤台灣香腸，肉燥燙青菜。主食： 花雕麻油雞湯麵飲品：珍珠奶茶，asahi 無酒精啤酒食物款式多，新鮮滷雞翅夠入味，肉燥燙青菜的肉燥份量又多又香，青菜也很新鮮的。烤台灣香腸特別喜歡跟蒜片搭配著吃，鹽酥雞熱辣辣夠香脆，全部都是台灣正宗小食，特別喜歡。主食花雕麻油雞湯麵真的好好吃，首先麻油雞湯已經很香，另外自己可以按照份量加花雕，味道又香又淳滑，整個麻油雞湯麵都好吃到不行，喜歡麻油雞的朋友不要錯過。另外一提asahi 無酒精啤酒很特別，沒有酒精但口感相似，愛喝酒的可以過下口癮。

最近屋企都無煮飯，所以大部份日子我都係同朋友出街食。難得尋日無約人，於是同呀媽近近地去左觀塘食台灣野。當晚揀左試餐廳最受歡迎果2款麵，真係幾好味😋小食方面就正常發揮，價錢好實惠。花雕麻油雞湯面 $78好香花雕同麻油味，雞肉嚿嚿都好嫩滑。啲麵唔似平時食開果啲，感覺似鳥冬，煙煙韌韌。真係幾好味，唔怪之得枱枱都嗌呢個👍🏻紅燒三寶牛肉麵 $88三寶分別係牛腱、牛丸、牛肋條 湯底夠濃味，牛丸彈牙，牛腱腍身，牛肋條無乜太特別。如果有得揀辣既就更岩我口味啦鹽酥雞 $38肉燥燙青菜 $28魯旦 $12貢丸湯 $15愛玉鳳梨綠茶 $24

最近食左幾餐台灣野🤭推介以下呢間唔錯🔻烤台灣香腸（ $28 ）由於價錢偏貴 多數都係去台灣先食🥹呢個表面厚實有油光 內裡有咬口😌作為小食好適合🔻酥炸地瓜條（ $38 ）其實我未食過🙈 仲以為似蕃薯條咁口感幾特別 有驚喜！外表脆脆地 有啲似台灣魚酥裡面唔會好實 比想像中更軟 口感粉粉地熱住上枱好正🤤🤤 又大碟大推！🔻燙青菜（ $24 ）今次食左唐生菜個人喜歡呢個口感 保持到蔬菜既硬度 新鮮菜就該這樣吃😚🔻蔥油雞肉乾拌麵（ $68 ）店員話無哂鹵水蛋 所以改用溫泉蛋溫泉蛋的蛋黃掛麵 又有另一種感覺😳旁邊既清湯恰到好處 蔥油惹味 雞肉份量都多🔻花雕麻油雞湯麵（ $78 ）涼涼地食呢個唔錯😚旁邊小瓶花雕酒 加幾多自己決定麻油好香 雞卷滑食飽成個人暖笠笠🔻白桃烏龍（ $18/熱）桃味好香😳雖然係茶包 但都高質😌愈飲到後面愈濃茶味～🔻珍珠奶茶（ $24/熱 ）用左熱紙杯睇唔到啲珍珠🤪茶底幾易入口 順滑有得揀半糖/微糖🙆🏻‍♀️環境闊落好坐 樓底高係位置爭小小 要行到去街尾咁滯店員態度值得一讚👍🏻 又有禮貌 雖然叫左飲品 但店員都加左幾次水比我地

咁岩經過見到幾多滿座就入左去試，算係中環區黎講比較平民價既餐廳😛🍱原條蒲燒鰻魚飯 見到幾多人推介就諗住試下，大大條既鰻魚真係好吸引！未食已經聞到陣陣既香味，好濃既鰻魚汁🐠仲有凍冰冰既溫泉蛋！簡直係刺激到味蕾😂🍜紅燒三寶牛肉麵 有牛腱、牛丸、牛肋條，全部都係大大舊！而且好索汁，食晒啲牛就得返三份一既湯了😂😂中意偏淡味既人推介試下🦪吉列炸蠔 估唔到係台灣餐廳叫吉列蠔都幾好食🤪一啲腥味都無，而且好重蠔味，係最滿意既一樣😋🍠炸地瓜條 炸得外脆內軟，而且份量都幾多，性價比高。小食黎講佢地做得幾出色👍🏻

周末在觀塘閒逛到晚餐時間，來到了💛一起食堂💛。 Table for 2️⃣🥢小食：貢丸湯吉列蠔🍜主食：花雕麻油雞湯麵 花枝肉燥米粉 配 鹽酥雞🥤飲品：仙草奶茶檸檬多多🥠🥠開飯啦～～🥠🥠🥢小吃：貢丸湯🥣正常發揮，而吉列蠔🦪非常酥脆及juicy，連不愛吃熟蠔的港女都食左兩舊😍。🍜主食：花雕麻油雞湯麵 呢道菜的花雕酒係特別另上🍶，俾食客臨食先落，充分保存住酒的香氣。 另外麻油味不太重，特出了冬菇和雞塊的味道。 雞件圓碌碌，賣相已經幾可愛，而且無overcook 超滑溜！有功架！湯底仲有杞子和龍眼等等，食完感覺上健康左🙈花枝丸肉燥米粉 配 鹽酥雞花枝丸絕對唔係冷凍舖平野；鹽酥雞炸粉薄，香脆不咸，又驚喜了！🥤飲品：仙草奶茶檸檬多多💛一起食堂的炸物全部都令人感受到正港台灣味，其他食物感覺上都幾健康。推介大家試試💛💛

今天去觀塘地鐵站行幾分鐘，裝修日式，座位舒服，岩埋同朋友傾偈，食物好抵食，叫到成枱都係都唔係$300，而且全部食物都好高質，呢個價錢食到呢個質素，超值！花雕麻油雞湯麵一上枱已經聞到好香濃嘅花雕酒味，如果驚唔夠花雕酒，仲有一杯另上的花雕酒可以自己加落去，雞塊好夠淋，吸哂啲花雕酒味，好香，好好味，烏冬麵用咗稻庭烏冬，正！紅燒牛肉麵有好多牛肉，而且牛肉炆得好淋，好味！烏冬個湯都好好，基本上俾我飲哂😝古早滷水拼盆拼盆有牛腱、豬耳同雞翼，三樣都好好味，滷水好入味，肉質一啲都唔「梅」，豬耳好爽口吉列炸蠔炸蠔鮮甜，粉漿唔會太厚，食落去無成口油既感覺

收左工去左觀塘接朋友放工，個FD話今日原本Lunch想去食個間台灣野無位，想夜晚去食，就陪佢行左過去食。一入到去職員都好有禮貌，好快就按排左我地坐低，個餐牌入面都係D好傳統嘅台灣食品。紅燒三寶牛肉麵  ($88)牛肉麵係台灣野入面我最鐘意嘅食物，睇相就睇得出D餸嘅份量係唔少，有2大舊牛肋肉，3片牛展，2粒牛丸。最驚喜係牛丸，肉汁十分豐富，同好彈牙。麵嘅質地煮得剛剛好，配埋配菜已經好飽了。豆乳雞烏龍麵 ($78)我朋友想食得淡味少少，揀左豆乳雞烏龍麵，雞卷嘅肉好嫩滑，湯味有淡淡豆乳味，十分推介鹽酥雞 & 炸花枝丸 ($38 & $38)為食嘅我當然唔係淨係食牛肉麵，叫左鹽酥雞 同 炸花枝丸。鹽酥雞個份量真係多得好緊要，炸得剛剛好。另外花枝丸都幾高質，食落好有口感。愛玉荔枝綠茶 ($24)叫左杯愛玉荔枝綠茶，店員推介，真係幾好飲，重點係唔洗叫少甜佢都唔會好甜。

今日第一次去一起食堂，充滿驚喜，點了一個牛三寶麵，牛展牛肋肉牛丸質素都好好，每樣有兩件，唔覺有味精，湯底濃郁，感覺有些藥材味。 另一碗點了花雕雞麵，雞肉嫩滑，湯底充滿花雕酒味，大滿足！蝦條都好食！最有誠意係個芋圓燒仙草，芋圓粒內不單只是麵粉團，更驚喜嘅係入邊有芋頭蓉！🎉🎉另外最值得讚嘅係，三位姐姐嘅服務態度超級好！人有禮貌又樂於助人！ 已經好耐未感受到咁滿意嘅服務了👍🏼👍🏼👍🏼我同老公都話一定會再去！❤️❤️

餐廳座位闊落 空間感十足 坐得好舒服台式小食同麵一應俱全上碟速度快 服務態度好朋友仲話呢間係觀塘區好食嘅台灣菜🤤✨紅燒三寶牛肉麵（牛丸、牛腱、牛肋條）$88台灣野點少得牛肉麵😍 今次可以試吓牛唔同嘅部位牛煮得好軟身 牛腱厚切 牛丸多汁又彈牙麵條似烏龍麵 口感煙韌成個湯底都好香濃 蘿蔔都入晒味❣️✨麻辣鴨胸鴨血湯麵 $78 鴨胸好細心幫你𠝹開容易入口麻辣啱啱好 唔會太重手 鴨血仲好滑溜添～✨鹽酥雞 $38雞扒肉嫩多汁 十分香口 炸粉唔會太多略嫌重味左 但都好推介🫶🏻🫶🏻🍹仙草奶茶$24 🍹愛玉鳳梨綠茶$24

原來夜晚呢邊都幾靜 一到就有位 完全唔洗等 食台灣野緊係要叫魯肉飯同牛肉麵啦！ 同朋友開心share 魯肉飯 肉係偏肥 但撈埋飯食好正 D飯包滿油香 肉香 好豐富既味道 牛肉麵 湯底係有藥材味嫁👍🏻👍🏻D牛好淋好香 但d麵質好得意有d似稻庭烏冬 第一次食牛肉麵係呢種麵質🤩🤩超推呢度既小食 份量好多 仲要好好食鹽酥雞 超大碟 2個人share 食極都仲有 似台灣夜市既鹽酥雞🥳炸地瓜條 好香甜 係將地瓜打成溶再拎去炸😍吉列蠔 好多地方都有 但呢度炸得特別酥脆😋

一起吃台式料理，如果觀塘附近工作或晚上約在觀塘，這間台日式便當不可錯過，沒有加一，價錢和食物質素，味道都相當高質，在台住了一年的老公都讚好，推介給大家。人均：$150.古早滷水拼盤分別有滷牛腱，雞翼，滷蛋，豬耳，拼盤好抵食，一齊開心share剛剛好，牛腱肉滷得軟稔有味，豬耳入味。.台式四寶飯是日四寶是鴨胸，滷肉，豬耳，滷蛋，加條小唐菜，滷肉好好食，香味十足，鹹甜恰當好處，整碗清光光。.花雕麻油雞湯麵好足料，用上圓肉，紅棗，杞子，淮山，麻油香味濃郁，雞肉四件厚厚，嫩滑好食，花雕酒另上讓客人自行決定多少，我全倒下，最後連湯都飲完，飯後都不會口渴！.酥炸地瓜條必叫，真的不是間間都有，香甜酥脆，好食。.飲品愛玉鳳梨綠茶熱仙草奶茶