一起食堂 (威利廣場)

營業中

休息中

今日食d 間， 真心推介， 好味😋😋花雕麻油雞湯面$78好特別，花雕酒另上俾你自己倒落去，同朋友一齊食，所以倒左少少(大約1/3)花雕酒去大碗後，另外2/3花雕酒倒係分別2個細碗到，咁食既時候，花雕酒既味就會比較濃。個湯底既材料（杞子、紅棗、桂圓) 我全部都食晒，食落好暖胃既感覺。紅燒三寶牛肉麵$88內有牛丸、牛腱、牛肋條，好足料既一分三寶牛，牛腱同牛肋條都入味，同埋唔會韌，讚👍府城蝦卷 $28超好食！內有類似馬蹄口感既粒粒、同時有其他軟林林口感既食材，食落去感覺好特別。古早滷水拼盆$68全部都好入味，牛展夠林、豬耳林得黎亦有咬口、滷蛋夠入味、雞翼上有芝麻香，好好食。芋圓燒仙草（熱）$32一開始見到成碗黑色燒仙草，心諗：「咁多水既？」用羹搞搞，well....有芋圓、紫薯圓、黃薯圓，其實都夠，因為正餐已經食到好飽，然後飲燒仙草，愈飲愈覺得.....好飲😍，不知不覺竟然可以飲晒😅因為佢唔係太甜，燒仙草味其實好香，慢慢吸引到我可以全部飲晒😋我最難忘、下次會再叫的菜：⁃花雕麻油雞湯面⁃府城蝦卷⁃芋圓燒仙草（熱）

大概一年前有跟家人到中環分店吃過晚飯，覺得好吃；這天跟男友逛觀塘走到接近海旁時，就發現這裡也有一家一起食堂，就帶他品嚐看看吧。樓底高，座位寬闊，坐得舒服。傳統的台式麵點及小食一應俱全，現在還有冬日限定的菜單，當然不會錯過。麻辣鴨胸鴨血湯麵 $78在冬天吃麻辣鴨血實在太適合了，無法吃這類型的火鍋，可吃到熱騰騰的麵已經心滿意足。它有三大片滑溜的鴨血，四片柔嫩酥香的鴨胸肉，全鴨宴補補身吧。麻辣湯底還有藥材及香料的味道，所以不會太辣。煙靭的粗麵條，每口都跟湯同吃十分適合。滷蛋有滷進蛋白，所以挺入味的。紅燒三寶牛肉麵 $88牛肉麵是我們吃台灣菜的必點食物。湯上佈滿粗麵、牛肉、蘿蔔及榨菜，用料豐富。蘿蔔更是吸滿湯汁，超軟稔又味道清甜。牛肋條煮得軟身，大大條啖啖肉吃得爽。深啡色的牛肉湯味道濃郁，建議先喝幾口感受一下有層次的味道。牛肉丸咬下去肉質爽口彈牙，中心小洞佈滿肉汁，味道鮮甜很有驚喜！牛腱呈軟嫩質感，筋的部分都成啫喱狀，入口即溶，味道香口。鹽酥雞 $38鹽酥雞即叫即製，上菜時還熱騰騰冒著煙。金黃色的外型及飄來的香氣會讓人忍不住想要立即吃，但真的超燙，還是要放涼一點才吃。灑了調味粉的外層香口酥脆，

換完身份證想搵間舒服啲嘅地方食晏所以嚟咗呢到叫咗兩個麵、兩個小食，同兩杯嘢飲花雕麻油雞湯麵有杯仔花雕俾你加落湯到 可以自己控制倒幾多呢樣嘢我覺得幾好湯飲落幾舒服 清而不淡 酒香同麻油味幾平衡雞肉卷口感幾好 唔會太嚡/太肥麵身係似烏冬咁 整體食落幾舒服紅燒三寶牛肉麵三寶分別係牛丸 牛𦟌同牛腩個湯係紅燒 行香濃路線 不過我覺得鹹咗少少牛丸好彈牙 有牛味 唔錯牛𦟌偏嚡 我鍾意林啲嘅牛腩我覺得麻麻 雖然佢係有肥有瘦 但分佈唔平均食落啲肥膏好油膩 瘦嘅位就好嚡麵同花雕雞麵一樣嘅 索晒啲湯我就覺得鹹咗啲小食冇影到相 分別叫咗府城蝦卷同台灣腸台灣腸個皮好脆 加埋生蒜好惹味蝦卷本體係南記嘅春卷咁 不過係炸嘅都幾香口 皮脆同入面彈牙可惜我唔鍾意食入面啲芹菜同芫茜Overall我覺得食物都唔錯 環境舒服 坐卡位好好坐姐姐服務好好 提我杯茶可以加熱水飲多幾轉 不過我太飽啦🤣如果喺觀塘返工 應該會幾常嚟食～

最近食台灣野既頻率好高，之前都食過呢間，今次2訪! 同埋想食上次冇食過既野!叫左個三杯雞飯。好惹味，好香，個雞係有少少炸既感覺，少少辣，好易接受。午餐仲有set咁，有前菜係涼拌木耳，有甜薯，好鐘意!好好食!仲有甜品係泡芙。朋友就食花枝丸肉燥米粉配鹽酥雞，好多配料，而且係新竹米粉，花枝丸好大粒，一咬入去，仲有原條墨魚條係到。鹽酥雞好香口，唔多炸粉。小食叫左府城蝦卷，好好食!!上次太飽冇食到芋圓仙草凍，今次就食番! 超級大碗，叫呢個要留肚食，D芋圓好出色! 係真係煙韌，仲好食過糖水鋪個D!

前幾日出左去觀塘掃貨，心儀 boutique 做 crazy sale 真係好吸引 😍 大家買完野大滿足之後就去醫肚，作為台食 buddy 嘅我地就去左一起食堂食飯，選擇多味道又好 😋蔥油土雞肉飯土雞肉又香又嫩，蔥油嘅份量一啲都唔吝嗇，味道又夠香，加埋隻滷蛋，台式口味滿滿 🤩蝦膏豚肉櫻花蝦麵（冬日限定）上檯超香 🤤 豚肉肥瘦適中，煮得夠淋又入味，配合大量櫻花蝦同紫菜，麵又煮得夠彈牙，推介 👍🏻小食：鹹酥雞、府城蝦卷、烤台灣香腸、燙青菜鹽酥雞炸得又脆又Juicy，調味調得剛剛好；府城蝦卷就熱辣辣，皮薄餡又夠香，沾少少蛋黃醬食，好惹味；烤台灣香腸配上蒜片，香氣四溢又係正宗台灣味道 👍🏻 燙青菜都好新鮮，仲有炸蒜片喺上面，好味指數再提升 😋芋圓燒仙草（熱）芋圓又煙靭又香，加埋濃厚嘅燒仙草，暖笠笠嘅甜品真係冬日必備啊 👍🏻我地仲叫左飲品，熱嘅黑糖薑母茶同埋熱蜜桃烏龍茶～ 薑母茶好香薑味，蜜桃茶嘅茶味都好濃，質素都好唔錯 🤤 而且呢度仲貼左 d 台灣電影海報，好有台式風情 👍🏻 店員仲好 nice，會介紹小食添 🙌🏻

1.花雕麻油雞湯麵 $78花雕酒由自己倒落去，所以花雕麻油味都幾濃～碗麵送到上黎先知原來雞係雞卷，好有誠食。雞卷肉質幾滑，帶有少少酒味。麵質有口感同滑。2.特濃豆乳雞烏龍麵 $78豆乳味幾濃，又少油，加埋雞卷，成碗麵有豐富蛋白質，係一個健康之選！又飽肚！3.魯蛋 $124.貢丸湯 $15幾彈牙。5.滷水拼水拼盆 $68有牛腱、雞翼、豬耳、滷蛋，抵食！又夠冧、夠入味。6.古早檸檬紅茶(熱) 半糖 $12夠濃味、順喉

去觀塘接朋友收工朋友推薦平時有呢間食lunch 都抵食既台日式便當夜晚去食就會相對坐得舒適又岩傾計小食叫左鹽酥雞同酥炸地瓜無計我真係無炸不歡鹽酥雞 $38夠味、唔油膩最鐘意炸到外皮乾身入面仲有啲汁既炸物咁先係炸野架嘛油笠笠個啲似油溫唔夠變相係油泡所以呢間炸野很可以酥炸地瓜條 $38同出面既地瓜條唔同係幼身啲似直薯條條條都幾長身食得過癮蔥油雞肉乾拌麵$68啲蔥油係痴住啲雞所以唔使怕會唔會成碗都係油麵既份量好足細食啲女仔未必食得晒黑糖豬軟骨飯$68顏色入味有光澤食落稔身加埋用左珍珠米撈埋隻溫泉蛋仲正野飲我叫左愛玉鳳梨綠茶飲台灣野點可以冇愛玉朋友點冷泡白桃烏龍佢話食炸既小食配茶最夾除左幾款飲品可揀甜度其他都係固定冇得揀既～我地呢兩款都係固定甜度最後有叫芋圓仙草建議兩個人share因為都大兜滿足！

🍽️ 一起食堂 📍地址: 觀塘開源道48號威利廣場地下G5號舖😋👉🏻珍珠奶茶 熱 半糖 $24第一次飲熱的珍珠奶茶🧋 細杯 幾好味 飲奶茶之外還可以以食小珍珠 小珍珠有咬口之餘唔會太煙韌 而且都好耐熱 就算食完飯先食都唔會淋晒👉🏻黑糖薑母茶 熱 $18呢個組合好暖胃 有小小苦澀👉🏻府城蝦卷 $28推薦 不單止色彩奪目 還鮮甜多汁 超開胃 不經意間已經吃光👉🏻吉列炸蠔 $48大大粒 👉🏻三杯雞飯 $68未黎到就聞到香噴噴 睇落啲雞以為會有好多脂肪好油膩 點知食落比想像中少油 好好味😋👉🏻原條鰻魚飯 $118超大條鰻魚 醬汁好入味 有小小咸 好適合送飯好味指數: 3.8/5 性價比: 3.8/5 無加一環境: 3.5/5

想試呢間台灣嘢食好耐，但中環分店晏晝成日都好多人等位，冇機會食到，今次放工時間經過觀塘店見到有位，即刻入去食。花雕麻油雞湯麵 $78 一上枱已經聞到好香麻油味😍，店員話有一小杯花雕食之前倒入湯，湯底有少少藥材味，加上麻油嘅香氣同埋花雕嘅醇香，好好飲。雞卷好嫩滑😋，配上煙韌嘅湯麵，好正👍🏻冬天食原有滋補嘅感覺，暖笠笠。紅燒三寶牛肉麵 $88三寶有牛腱、牛肋條、牛丸，我最鍾意牛肋條，口肉油林，而且入味，牛腱都好好食，牛丸超爽口，裏面仲有啲好似牛筋嘅骨膠原。鹽酥雞 $38份量好大，有好多件雞，炸粉脆脆的，剛剛好唔會太厚，香口香口😋裏面雞肉嫰嫰👍🏻府城蝦卷 $28用腐皮包住炸😍，裏面除咗有蝦之外，仲有啲類似墨魚滑咁樣，爽爽滑滑，加埋一啲爽口馬蹄碎同埋蔥粒，香口惹味😋芋圓燒仙草$32第一次食熱嘅仙草，比較濃稠，有少少似糊狀，食食吓凍咗就會凝固成仙草，兩種形態都可以一次過食到，幾得意👍🏻芋圓夠煙韌，軟糯軟糯😋

💙一起食堂💙位於觀塘開源道近海旁位置搭港鐵觀塘站出大概行8分鐘🌈紅燒牛肉麵湯夠足唔會稀淰淰但唔油牛肉湯底都好夠濃郁亦唔會有味精味有幾舊胡蘿蔔🥕大舊清甜白蘿蔔幾入味好食🤤 牛肉唔係用牛腩位置而係牛肋條但唔擔心會太鞋痴牙幾好咬口又夠腍啖啖都係肉😌而且都麵底幾好👍🏻偏扁身掛汁之餘好夠滑🌈滷肉飯$58有好大一碗 一個人食唔晒有滷肉/酸蘿蔔/菜/滷蛋肉夠軟腍入味 半肥半瘦肉唔洗點咬加返酸蘿蔔好開胃 蛋都入味而且唔會韌皮👍🏻🌈鹽酥雞有大概10件雞左右 炸得脆卜卜唔會好厚粉 而且雞肉都算滑唔太重孜然粉味 鹹度適中份量都幾大份 幾個人share都夠🌈炸花枝丸4粒大粒嘅花枝丸 外面炸得脆皮而且都幾多墨魚蓉幾足料彈牙又好食😋🌈檸檬多多(涷)幾特別嘅特飲酸酸嘅檸檬汁🍋加埋酸甜益力多唔會好水幾濃 而且咁嘅配搭好清新🌈白桃烏龍茶(熱）茶包沖制而成 無特別評價好在啲水夠熱 最怕茶暖得快好難飲

太太太耐冇去台灣啦，心心諗諗住夜市同台灣美食～今日去完觀塘買嘢，決定係開源道附近解下口癮😚。簡咗呢個以磚瓦屋裝潢嘅台日小店。食物嘅價錢好相宜同親民，絕對可以成為飯堂🙊麵食花雕麻油雞湯麵花雕酒味好濃郁，而且仲可以按自己喜好落幾多。湯底好香，撈埋花雕酒飲落真係好暖！正！另外，雞肉都好嫩易入口蔥油雞肉乾拌麵除咗湯麵，點少得食個特式拌麵。麵體口感煙靱，將雞肉同肉燥撈埋啱啱好。加埋蔥油炸蒜點綴，香噴噴～小食炸花枝丸-食台灣菜絕對走唔甩嘅炸物，黃金卜卜脆。表面曬上調味粉，惹味又脆口鹽酥雞-味道唔會好鹹。雞件炸得脆身，一口size 咬落唔乾，超抵食～烤台灣香腸-烤得微微脆，食落微甜香口飲品愛玉荔枝綠茶檸檬多多

有時都幾miss台灣嘢星期五晚放工食到的確係種小確幸簡簡單單又清清哋唔好咁花巧已經唔錯了好似呢個花枝丸湯米粉就幾啱我口胃幾鮮幾natural咬開一條條花枝肉清晰可見土雞肉飯有滿滿蔥花如果鐘意食蔥必叫呀台灣腸幾時都咁正外皮烤到脆卜卜入面甜甜地又多汁飲品嚟講偏好鐘意有啲粒粒喺入面貪佢口感夠好愛玉鳳梨綠茶唔會太甜又有咬口不過如果加埋菠蘿丁會仲yummy仙草冬瓜茶仙草味比冬瓜突出仙草fans應該幾buy!

👦🏻👧🏻去完觀塘做野緊係要醫下肚，今次就揀咗食台灣菜，午市就係好多打工仔嘅飯堂，晚市唔太多客坐得好舒服！🌟花雕麻油雞湯面冬天緊係要食返啲湯麵暖下胃，花雕麻油雞就絕對幫到手。雞卷肉滑略帶雞皮，湯底就超重藥材味，仲見到唔少紅棗、龍眼、杞子、冬菇❤️。花雕酒就係另上，可以自己控制落幾多酒。至於麵底就係用上扁烏冬，質感滑捋捋。🌟黑糖豬軟骨飯呢到嘅豬軟骨係意想不到嘅出色！軟骨係煮到極腍身，可以唔洗咬就吞得🤣，好味程度直迫👧🏻嘅香港豬軟骨三甲🥉！飯內仲有飯溫泉蛋、酸薑，都係發揮不錯。🌟鹽酥雞呢到嘅鹽酥雞$38就有一大份真係好抵食，鹽酥炸皮調味剛剛好，非常香口。雞肉冇咩雪味又Juicy，呢碟值得Encore呀👍🏻。🌟滷牛腱// 滷雞翼身為Meat Lovers嘅👦🏻👧🏻就叫多咗兩碟滷水食味，兩款都滷得好入味，牛腱肉質結實，筋嘅量都唔少，幾有咬口。雞翼就有4隻，幾大隻多肉。🌟檸檬多多//黑糖薑母茶（熱）檸檬益力多夠曬清新又唔會太甜，黑糖薑母茶都係用黑糖磚沖，正常發揮。

呢間餐廳位置其實都算方便，不過就唔算起眼，如果唔係同事帶我嚟都唔會搵到呢間好食嘅餐廳我要咗個貢丸肉燥米粉配鹽酥雞，朋友就要咗個紅燒三寶牛肉麵，我地再要咗個古早滷水拼盤同埋吉列炸蠔一齊食。另外我要都要咗一個熱嘅紅豆奶茶首先三寶牛肉麵同埋我個肉燥米粉最快嚟到，朋友個三寶麵非常有驚喜，牛展同牛肋條都好入味同埋好夠淋，但唔會過份淋，有一定嘅咬口，佢嘅面都非常之有彈性，qq口感。湯底好香，有少少辣，唔會太濃味，入口好舒服。至於我個貢丸肉躁米粉，佢啲肉躁大係爌肉嘅大細，夾有肥肉特別好味！貢丸非常之好味，既有肉汁又有啲啫喱喺入面，配埋台灣嘅米粉，成件事非常滿足，跟餐一份小小嘅鹽酥雞好味得嚟又冇咁邪惡，台灣嘅味道！鹵水拼盤就有雞翼，鹵水蛋，牛展同埋豬耳。呢個價錢有咁多嘅份量真係超抵，個鹵蛋有少少似茶葉蛋咁樣好入味個皮，有少少煙韌qq。牛展都有三四件好大份，豬耳都好有咬口夠爽身，一個拼盤幾樣美食，食得夠爽。炸蠔外脆內軟，好味濃郁，再飲埋杯熱嘅紅豆奶茶，真係超級滿意！呢度環境同埋員工嘅制服都好有台灣氣息，真係d台灣回憶返晒嚟！

得朋友邀請，到觀塘這間台式餐廳試試。我們叫了兩個麵和小食，賣相是很不錯的，但吃下去好一般，沒驚喜。1)麻辣鴨血麵只吃到辣，賞不到香，可能我不吃得辣，所以不太喜愛這個，鴨血不夠滑，而麵ok的，而最好吃的竟是隻蛋。2)药膳雞肉麵個湯有药味都不錯，可惜雞肉唔得，好大的雪雞味，扣分!口感麻麻。3)牛腱因之前吃過一間入口即溶的牛腱，而吃這間就覺得比不上，雖然中間筋部份好滑，可惜肉的部份有點兒「鞋」。4)蝦肉卷吃落口，吃不到是什麼，不似是蝦，似是麵粉胡狀物體，所以口感麻麻。可能杯熱茶是最好的了。環境:都幾特別，有好多似燈龍的燈布滿店內。