一芳台灣水果茶

自從轉咗工作地方之後，多咗叫外賣嘅情況。一來真係幾方便，二來係價錢又唔算太貴，大家飲肥仔水嘅次數都多咗。大家食完飯有啲口痕，所以諗住又外賣叫一芳飲。雖然一芳水果茶好出名，但自己唔想次次都係飲招牌飲品，感覺無咩新意。咁啱見到有季節限定嘅芋頭鮮奶綠，當然要把握機會試下，平時去店鋪都無印象見過呢杯。呢杯飲品我後尾先知係用咗台灣大甲芋頭製成，香港有唔少茶飲店嘅芋頭都標榜用台灣芋頭，我之前試過另一間嘅芋頭飲品，口感真係幾好。-芋頭鮮奶綠（加珍珠）平時好少飲奶綠個類嘅飲品，今次試下，但總覺得綠茶溝淡咗芋頭甜度。入口雖然有甜度，但偏清淡。我另外加咗珍珠，不過後來發現好似有點多餘，因為本身已經有芋頭可以咀嚼。…查看更多

嗌左一杯粉圓鮮奶茶飲，叫左少甜，飲品都係沖得好甜，沖得太差,啲粉圓又好淋，無咩咬囗，吾Q彈，成杯野奶同茶比例奶味過重，無咩茶味，令人十分失望！👎🏻以後吾會再幫襯，飲過真心伏…查看更多

一杯35嘅芋頭鮮奶 半杯都係冰而家我比$35買杯冰？？？？？？？鮮奶得個兩啖 然後啲冰就click 住晒啲芋頭想拎返啲芋頭出嚟食都唔得 又唔俾人走冰小冰 不如下次你直接比杯俾我😊…查看更多

一直都好想好想試下一芳台灣水果茶，終於有機會比我試到啦！店鋪設計簡潔，門外有好多人喺到等緊，受歡迎嘅程度真係不得了當日天氣非常熱，本身想叫大熱嘅水果茶，但見到有古早味嘅茶飲，覺得好特別，最後決定叫左杯古釀冬瓜茶果然無叫錯，大大啖飲落去真係透心涼，實屬消暑佳品係咁熱嘅天氣下真係救左我一命雖然甜度係固定，但係甜度適中，清甜嘅冬瓜味，飲得出係有真材實料，非常值得一試同埋價錢合理，店員好nice，服務態度好好，就算有好多人等緊野飲，唔洗等好耐就輪到我，真係好快手！讚好滿意今次嘅用餐，好想快d再去多次，試曬其他口味…查看更多

試左佢個冬瓜茶味道幾清新 不錯 下次會帶朋友去 👍🏻👍🏻 我自己唔鐘意飲太甜，欣賞佢唔會太甜又解到渴 ，味道適中 最啱夏天飲 。男友試左佢個洛神檸檬茶，佢都話唔錯🤩回頭率90％…查看更多

好耐冇飲過一芳，今次試下佢嘅冬瓜茶加愛玉先。之前試過佢嘅黑糖粉圓鮮奶，好香，好夠黑糖味，同時又有奶香，粉圓夠彈牙，有咬口。而且即使冇少冰，佢冰亦唔會太多，飲到最尾都唔會太淡今次試下佢地嘅冬瓜茶加愛玉，冬瓜茶夠清甜，甜度又啱啱好，夏天消暑飲返杯就最啱。加埋愛玉，就為杯冬瓜增加更多層次，有少少咬口，perfect 我仲試埋少少洛神檸檬🍋🤘🏽都好有水準。一開始見又洛神花又檬檬，有啲驚會太酸，一飲落，酸酸甜甜，唔錯喎。夏天解暑一流，夠清新，洛神花檸檬又好似感覺冇咁heavy,健康啲。下次可以再戰一芳…查看更多

第一次寫茶評，上次同朋友係深水埗呢條車水馬龍既欽川街，見到呢間一芳裝修得幾靚，同朋友決定要左勁多杯比成班朋友飲左洛神檸檬同埋冬瓜茶，兩杯都有好多愛玉(Jelly)，呢間分店零舍畀足料，值得表揚! 雖然甜度同溫度都固定，但兩方面呢間分店整出黎既效果都岩岩好，大熱天時飲一啖都即刻成個人爽曬! 好適合呢個季節飲! 值得一提的是，員工服務態度都好好呀! 飲左先知個杯原來有多啦A夢設計，好可愛，真係意想不到既驚喜，小女唔捨得扔呀!!!…查看更多

之前飲過一芳嘅大甲芋頭鮮奶 今次飲水果茶(微糖微冰)讚：第一啖飲落去 茶底好清新啊😋有少少百香果嘅酸味 但係唔算好酸 又有啲細粒嘅鳳梨(?)咬吓 彈：飲飲下有啲苦嘅蘋果核(?) 破壞晒成個口感☹️其實一芳嘅水果茶幾好飲 飲完之後仲可以搣開個蓋食蘋果&橙&百香果 幾健康👍🏻…查看更多

知道台灣一芳出了大甲芋頭鮮奶一直都很想試一直在等香港地區何時賣剛好行經深水埗看到有分店新招牌寫著大甲芋頭鮮奶/奶綠對於熱愛芋頭的我實在太興奮了終於有機會一試了店員很有禮貌，提醒我要搖勻均才飲多啦A夢包裝很可愛連飲管都是粉藍色萌萌的還有很多多啦A夢精品選購第一口就嘗到芋頭香氣，然後是甘甜味，再到鮮奶味還有些芋頭粒很好吃甜度是定好的沒法少甜個人覺得稍甜，男友就覺得甜度剛好不消幾分鐘就被喝光了！如再經過一定會試試別的飲料！…查看更多

之前睇到宣傳有最愛嘅多啦A夢，已經好想去但一直未有時間。今日有時間就即刻同朋友 lunch time 走過去睇下，仲買咗啲好鍾意嘅多啦A夢產品。本身係諗住飲無糖嘅嘢，所以就叫咗杯鹿谷烏龍，而朋友就點左黑糖粉圓鮮奶，雖然冰度同甜度係固定的，但飲落啱啱好又唔會太甜。最後我都係俾杯芋頭鮮奶吸引住就買左杯熱既即刻飲，真心覺得好味道，因為本身都幾鍾意芋頭。今次主要為左 Doraemon，試左啲飲品後都唔錯，下次可以再試其他飲品，同埋員工都好 Nice。…查看更多

一芳水果茶!!係我最鐘意嘅水果茶(沒有之一),雖然聽過唔少人話佢唔好飲呀, 太貴等等, 但我就超級鐘意佢!而家仲做緊多啦A夢活動, 連個杯同飲筒套都係多啦A夢來, 真係超級得意!味道方面我通常會叫微微甜,因為飲熱飲同埋唔中意太甜嘅關係水果好多, 味道飲到真係來自D水果而唔係糖漿個人鐘意佢個茶底, 覺得幾香, 因為好多水果茶都係得甜味, 無咩茶味, 但一芳我覺得茶味唔會甜味被掩蓋。不過都要講最近飲落比起我初頭飲已經無咁有茶味><來緊去台灣都想試一試當地嘅一芳,唔知會唔會有唔同嘅感覺呢!…查看更多

是日路過，本身想去買陳記魚蛋，怎料給門口的多拉A夢廣告吸引著，決定買一杯試試。一看餐牌，就知道是以果茶為主打的小店。由於本人對果茶的興趣不大，要選上好一陣才選到喜歡的飲品。我點了杯黑糖粉圓鮮奶茶（$30/中杯）全因見到大大個廣告寫著每日限量。冰和甜度都預設了，因此不用選小冰，微甜什麼的。黑糖成份及味道沒有老虎堂的甜，但茶味不俗，雖是黑糖飲品，卻沒有因黑糖 或 鮮奶搶去茶的風頭。當然奶味也不濃，是一杯偏淡的黑糖飲品，有可以騙自己沒有很肥的藉口。總結：奶茶類說不上很有特色，可能果茶才是主打吧！多啦A夢合作期間沒法儲印仔哦！…查看更多

本人不是Doraemon 粉絲，但見到一芳咁tum 本license Doraemon 做宣傳，就比面一次啦。一芳我公司樓下有，但到今次先第一次買，因為覺得唔平，又唔算有咩特別。附近又有好多選擇。飲完，都唔覺有咩特別。最特別的是多了Doraemon。發揮我好玩的精神，吸管對正叮噹的口 haha 呢杯是黑糖粉圓，粉圓即珍珠，佢地的珍珠比較細粒。呢杯是招牌水果茶。我就覺得無咩特別了。真心價錢唔平，given深水埗咁多平食肆。 …查看更多

尋日過深水埗做野，下午2點幾見到一芳，睇下有咩可以試下，之前都幫襯過水果茶，水果新鮮，又唔太甜，係唔錯選擇，但今日想試其他野，最後揀左黑糖粉圓鮮奶，近期hit吖嘛，梗係試啦，其實都試過其他店既黑糖珍珠奶茶，可能個人口味，出面既黑糖珍珠奶茶都偏甜，但深水埗一芳呢間又唔會太甜，啱哂我口味，唔知係咪全線一芳都係咁好水準，但深水埗呢間的確唔錯。又因為無意間比我發現呢間一芳沖茶師傅原來真係台灣人，閒聊間佢又講到，原來台灣呢類店舖，好多時都會用奶粉沖，而佢地寫明黑糖粉圓鮮奶，用"鮮奶"意思真係用鮮奶沖，唔會用奶粉，奶精，哈，當係長知識…查看更多

今日經過深水埗,見到有間裝修好靚嘅飲品店，咁岩又口渴，咪買杯嘢飲下囉！飲過好多黑糖珍珠奶茶🥤🥤，多數比較甜有啲惹痰，啲糖漿好似將住喉嚨咁，飲過呢度嘅黑糖珍珠奶茶竟然冇呢個感覺,唔會太甜，味道剛剛好，環境又舒適，睇得出佢哋嘅用心，品質有保證！🥰🥰🥰同埋朋友試左杯水果茶,🍹🍹🍹全部新鮮生果，捨得用好嘅食材,解渴又好飲！所以未試過留食評，都專登喺度留下食評，希望可以推介俾人🥳🥳🥳🥳…查看更多