一粥麵 (已結業)

新春期間，好多餐廳都提早收爐，唯獨一些連鎖餐廳在新春繼續營業，還推岀新年套餐吸引食客，其中一粥麵的新年下午茶，取名好意頭，雖價錢較其他下午茶貴一些，但卻吸引這個喜歡嚐新的我一試。原本想叫「橫財就手」，即豬手二月麵，但下午茶時段已一早售罄，唯有轉叫了「富貴團圓」的羅漢齋粥加招牌炒麵。上菜有效率，冬天食分外暖笠笠。粥味覺清淡易消化，炒麵乾身不算油，不消一陣，已吃飽飽。下次有機會希望再試其他新年特色套餐😋。

之前試過酸菜魚鍋幾出色，今次打算試下個金栗香辣雞煲🍴點知中伏了😭雞煲同酸菜魚煲一樣，套餐會包一份牛肉, 生菜, 烏冬/白飯，份量都幾多不過食落有三大中伏位❌第一係個湯底，真係好杰好杰身，似係芡汁多過打邊爐湯底第二係完全食唔到有辣味，正常愈滾愈辣，但係食到尾都唔覺得辣(友人唔食得辣都咁講😂)第三係雞煲竟然會有部分係雞扒而非全雞件，食落口感完全唔同，雞味不濃講完三大中伏位，都有個讚賞位⭕就係材料十分新鮮，肥牛好香牛肉味，雪藏味不重，生菜新鮮，單點既雲吞爽口彈牙👍另外一題: 呢間分店有別於其他分店，個廚房係隱蔽左，所有單都唔洗交去取餐處同會有專人送餐比你，包括一碗糖水😂總括黎講: 雞煲比酸菜魚的確遜色好多，唔知係唔係每間分店質素都有參差呢🍳🍴味道: 3/10👩👨服務: 7/10🏠💺環境: 7/10💰💸抵食: 4/10總消費: $99 (2人)

今天病病地，試了一粥麵的瘦肉粥。這裡的粥底不錯，好綿，相信只是白粥也很好味。瘦肉也很有驚喜，不像坊間的是一舊舊的肉碎，是肉絲來的，也不會太硬，咬不斷，味道適中，不會太咸，正！

晚餐：臘腸排骨飯套餐，肥牛粉絲煲套餐 包赤小豆湯 中茶 價錢合理 味道不俗 晚上八點後才到 有部分餐已經售罄 晚上人不算多 座位舒服 有Waiter送餐 連鎖店來説水準不錯 會再去。I and my friend went to Super Super at the dinner time, the taste is good, with reasonable price. Not many people know about this place, so we sit comfortably. there is waiter to send the meal to your table. warm service.

從來冇食過咁難食的牛河，牛肉凍的，太多汁而且是沒有味道的。真的很失望，另外，點了一個炒麵也是凍的，皮蛋瘦肉粥尚可。沒有想到連鎖店可以差成這個地步，已反映給侍應，但沒有反應。

今日去露營之前喺堅尼地城買物資，近近地就喺一粥麵食個早餐先俾完錢就俾咗呢舊嘢放在枱面等送餐，點知等咗十五分鐘都未有，問一問d員工先發現呢舊嘢係壞嘅，結果又等多五分鐘先有嘢食雞扒炒蛋配多士炒蛋夠滑好食，多士都仲暖暖地，雞扒就一如以往地細塊牛腩通粉加$6要咗牛腩通粉，個湯底完全冇味，牛腩又硬又柴，早知食雪菜肉絲米好過凍齋啡一般茶餐廳水準，不過不失其實隔離太興同文華都排晒長龍，而呢度唔使等位都唔係冇原因

OT完已經九點幾，行過見到一粥麵有宵夜餐，$30有麵或粥，仲有腸粉、炸鯪魚球、油菜配，就同同事坐低試試今次揀左雲吞麵同埋腸粉，再加$3要杯荔枝紅茶。等左幾分鐘就有得食喇雲吞麵係正常size，份量一d都唔細，d麵好彈牙，咬落好爽，而雲吞就有五粒，好抵食味道都唔錯，如果再多少少蝦就更好喇！腸粉份量都幾多，有好多條，但係就鞋左少少，略嫌唔夠滑。醬料自取，按個人口味而落，好荔枝紅茶就甜左少少，不過只係加$3，都算ok啦！埋單都只係$33，又有麵又有腸粉，仲有野飲，真係好抵食呀！可惜分店唔就腳，希望開多d分店啦

是日靚粥是香茜魚粒粥，忍不住要試嚐。素來怕魚片粥腥，生記魚腩粥近年亦少食，魚球粥較好，東星斑球粥最佳。此粥用了芫茜，大大提升鮮味。魚肉粒有約6粒，滑嫩無腥味。此粥是此店近期佳作。套餐中之炒麵則完全不合格，無鑊氣，肥膩。除上述推介之外，中式食品多比不上傳統粥品店。價格偏貴，粥由27至33元一碗，加配腸粉，糉，炒麵，蘿蔔糕再要付11至13元。此店已換上電子餐牌。並有送餐感應器。推廣策略亦愈來愈高明，如加2元即有咖啡或奶茶，加5元有糖水。綽頭甚多，但是提升普遍食品質素，性價比才最根本。

2017/2/16在美菲閤地舖又一新發現, 亦是港式茶餐, 地方面積大, 坐得舒服.還有一個食物送餐器, 購票後, 收銀員會俾個送餐器和票據你, 找好位坐後, 將送餐器放好,及把票據放在桌上. 食物出時, 機器會響, 送餐員會把食物送過來對過票據, 送齊晒食物便連票據及送餐器收番.有中,西式, 而且價錢唔貴, 水準比想像中好!第一次去是早上, 見到餐牌箱上有一大欄是粥品類,應該是最拿手的, 故叫了碗皮蛋瘦肉粥 -- $27,加了$11 有煎蘿蔔糕.皮蛋瘦肉粥很有水準, 粥煲得很棉, 皮蛋和瘦肉材料都很多.但蘿蔔糕就略為咸了少少, 臘腸粒等材料尚算足夠.鳳瓜排骨飯 -- $45加送鹹檸七( 一罐裝 ).大大個煲, 如果喜歡食飯焦人士一定愛上,整個煲週邊都是飯焦, 有咬口.上面的材料剛剛足夠, 但只食飯都飽晒.而鹹檸七, 一罐上都好低之餘, 鹹檸七只是少少鹹, OK.揚州炒飯 -- $40炒飯很有鑊器, 飯炒得一粒粒, 好好味, 但是份量少了點.唔夠喉!加$6 有一碗椰汁喳咋,大大碗, 材料份量剛好, 不多不少,好過食酒樓晚飯後送的糖水.

星期二上午11:18，想食D野，吾想食麥記，走去對面一粥麵食碗粉啦，叫左個餐，$37，有叉燒米+包+炒旦+飲品，本來貴D都OK，但係竟然要等成2O分鐘才出到餐，跟本冇乜客，實在過份!如果等得，又吾介意貴小小，食物質素是不錯的，尤其個半熟炒旦，旦香味濃，旦液半凝固，不油膩不乾身，感覺健康好味道有營養。麵包是甜衛星包，軟熟熱辣辣，而且包的甜味加埋半溶牛油的咸香，無得頂。叉燒米粉也不錯，米粉清淡沒有加油，叉燒是瘦叉沒有肥肉，卻不嚡口都幾嫩口，又有叉燒的炭火肉香味及小小甜味，好味又沒有罪惡感。奶茶也香滑，甚好味又提神。

如題。食物 ok 但嚴重延誤，等了接近 30 分鐘，直至本人親自跟進 2 次才送餐。等了 30 分鐘的雞排雙蛋早餐，因肚餓 3 分鐘已吃完。味道都沒什驚喜, 雪雞, 味道普通, 太陽蛋, 都無乜特別.... 本身沒有打算寫食評, 所以連照片也沒有拍。如上，保持其集團的水準。換句話說，食物質數未受延誤影響。雖然經理態度 ok ，但浪費了的時間是追不回的。 希望貴公司能夠改進， 繼續維持香港的快餐文化精神。