一粥麵 (大本型)

營業中

休息中

黑醬油雞髀+撈粗$38🐤🍜今日經過一粥麵，諗住頹頹地買個快飯🤔效率非常快，5分鐘唔使已經由落單—>食到👍🏻👍🏻👍🏻1. 撈粗份量都好少，作為dinner唔夠飽🙅🏻‍♀️2. 豉油雞髀色水就好黑，但一啲都唔入味🙅🏻‍♀️價錢對比其他餐係好超值，但唔推介👋🏻另外見到姐姐跌咗隻杯落地下，用熱水沖一沖又拎黎裝紅豆冰😢😰雖然表面唔係好污糟，但係感覺有點唔良好😅🤨Anyway都叫抵食又快嘅

電子錢幣近年喺香港興起，各大媒體各施其法嚟吸引新客戶。最實際嘅當然係賬單上即時現金折扣啦。今日又比小秘書趕得上尾班車，喺「一粥麵」買個下午茶做晚餐，收銀姐姐仲提我如果用「支付寶」比錢，可以即時扣減$5🤩 果然雪中送炭！我今日叫咗個「豉油雞脾拼撈粗」加埋杯熱飲，承惠$38。撞到「支付寶」做promotion，掃描收銀機旁邊個二惠碼，就有$5優惠劵，呢餐又可以慳啲錢喇🙏🏻 無諗過下午茶餐個「撈粗」同雲吞麵舖嘅有八成相似，尤其撈粗上嘅蔥絲，最啱我口味；至於隻雞脾，都好大隻吓，而且都好入味，加埋杯「茶走」絕配呀！

一早起身，梳洗完畢就想落街食個早餐，一個人唔知食咩好，行行吓去到阿媽屋企附近，有間集團式粥店，真係從來未曾光顧過，見到店內寬敞，姑且走入去試試。見到嗰個蜜糖雞扒炒麵早餐嘅廣告牌張相好似唔錯，就排隊買票，之後再排另一條隊攞早餐，等咗幾分鐘就有。估唔到佢哋嘅烚蛋竟然用力康蛋，剛好我亦比較喜歡食白殼蛋多於啡殼蛋，而件雞扒都算嫩滑，但就比較咸，廚房落鹽都幾重手喎，至於炒麵真係少得可憐，大啖嘅話兩啖就食晒，味道就還可以。至於杯奶茶就真係唔錯，茶膽唔太濃，淡奶份量剛剛好，飲落口感順滑，！講真果句，廿幾蚊咁平嘅早餐，夫復何求！真係唔敢有太高要求囉！

今天又外出在油塘工作。一早梳洗後，乘車到大本營商場。上星期我已在對面廣場吃過早餐，都知道這裡很多餐廳朝早仍未營業。剛巧經過「一粥麵」已經營業，就看餐牌買早餐。服務員的服務態度友善和有禮貎。我點了腩碎煎蛋公仔麵及熱奶茶。腩碎煎蛋公仔麵有腩肉碎粒，煎蛋，生菜及公仔麵。份量算少。腩肉碎粒有四粒，有大也有細粒。肉質鬆軟，尤其根腩肉之間嫩滑，五香粉味不重，味道清淡。煎蛋似乎煎太熟，過了火侯，質地偏硬，蛋味欠奉。生菜，鮮嫩翠綠，都算爽脆。公仔麵，軟硬度適中。湯底是自家製的有味湯，味道可以。熱奶茶，熱辣辣的。紅茶和淡奶比例適中，香滑濃郁。總括而言，腩碎煎蛋公仔麵，腩碎粒爽軟，囗感也好。煎蛋的質地粗嚡，不夠嫩滑。

有時都會光顧一粥麵的晚餐，雖然價錢不算便宜，但居住地點附近選擇不多，而它的品質已算不錯。同埋一向都喜歡吃粥，久不久就會叫一次粥餐清腸胃，又見好耐都好似未食過粥咁 所以去左大本型依間一粥麵食野 位置鄰近地鐵站 一搭扶手電梯上去就見到 周圍環境都算係幾好 地面乾淨 我嗌左個及第粥套餐 有個粥同埋炒鳥冬 等左 唔夠十分鐘就有得食 粥都算幾軟 料都算正常份量 唔似有 d 餐廳得好少餸 但係個鳥冬有點太咸 可能我覺得食依 d 野要清淡 d 好 個飯就麻麻地　不值一提如果想清清地食個dinner，這裡是油塘街坊不錯的選擇啦。

上星期去油塘探位老人家，我話請佢食晏，佢就建議食清啲，就帶咗我去大本營『一粥麵』度食粥，去到嘅時候，感覺店內環境乾淨，而且咁啱有張枱無人坐，於是我就即刻排隊叫做個「皮蛋瘦肉粥+炒麵」，而個老人家就叫咗個「狀元及第粥+煎蘿蔔糕+送免費炸油條」，合共總數$83。收銀員及其他職員之整體服務態度都算唔錯，而兩個粥都好好味，煎蘿蔔糕一般，炒麵就太咸，免費嘅油炸油條比預期中好食，總括：價錢合理，如果炒麵可以再少啲油及少啲咸，就更加好啦，因為該區實在有好多老人家，佢哋都需要食得好清。

甚少去油塘，都唔知有咩食肆。行過間北海道xx，雖然都有港式早餐，但價錢偏貴，唯有繼續向前行喇。行到盡頭，見到有一粥麵，正!不過，其實好耐都冇幫襯過一粥麵，原因係冇coupon。因為始終都係大家樂質素會好啲，所以喺有得揀情況下，都唔揀一粥麵。（但今日就例外喇）我地揀左新出嘅新牛肉通粉 炒滑蛋 牛油多士（$29）牛肉唔un，通粉份量都夠，滑蛋都唔老之外，仲揀左個超值早餐，香葱櫻花蝦米腸粉（$23）。其實，好耐之前就已經好想試，但嗰時出左一排之後，就冇再出，失望左一輪。簡簡單單，唔想食咁飽，就咁食碟腸粉就啱晒。不過，齋腸粉咩都冇都要比$29，我寧願食依個蝦米腸抵食得多。順帶一題，一粥麵食粥和腸粉係比大家樂做得出色，綿滑好多嫁!

被判監( 戒囗 )的等一餐tea，係油塘就諗起一粥麵，應該多d清淡既選擇決定了魚蛋魚腐米粉，另加3蚊有一隻蜜糖雞全“亦“。目測係濕疹人可以食。麵食黎講，講好過食大快X同大家X個d好多升碼有幾多“食送“，上面加了蒜泥，即時覺得重囗味左不過米粉分量少左d,男士應該不夠食。蜜糖雞亦幾好食同勁平，大快活好像要加10蚊先多一隻，呢個好加得過。性價比超高不過感覺呢間上菜速度慢同大快X or 大家X,我去個時冇咩人都要等一陣

其實我對這間一粥麵印象不太好記得早幾年點了楊洲炒飯吃但那碟楊州炒飯淡而無味 令人難以下嚥事隔多時再去嘗試還是從哪裏跌倒 就從哪裏爬起來的叫了「楊洲炒飯」的確感覺進步了首先 調味方面有進步了 正常的鹹味出來再加上我另外加了些辣油 不是純飯的感覺火腿粒、蝦等也明顯比以前多了終於回復一個正常的楊洲炒飯 會令人想吃我還加了一杯蘋果綠茶（$9）冰多得很 而且味道也是很一般 不值九塊本來想加個菜 但也要$18 總覺得不太划算沒有加配的優惠最後説一下 快餐店式服務亦一般菜也要等挺久的總體感覺就是大家將就吃吃吧

今日7點半去油塘一粥麵買上海排骨菜飯外賣，堂食只有一半位坐滿，外賣卻排長龍要等15分鐘，我之前已經試過幾次係甘，但由於油塘快餐店選擇少，迫不得以再幫襯，希望甘次好運會快d，點知前枱負責派菜的兩位阿姐手忙腳亂，漏單、睇錯，完全亂晒大籠，排隊嘅人都好不滿同無奈。我只是買個外賣，卻要等足15分鐘，真心嬲去取消單。希望管理層注意下前枱阿姐的效率，了解下點解油塘分店點解做得甘差。如果再見到呢兩位阿姐大神派菜真心唔敢再買外賣或堂食。

見好耐都好似未食過粥咁 所以去左大本型依間一粥麵食野 位置鄰近地鐵站 一搭扶手電梯上去就見到 店內食客都算多不過仲有位可以坐 有d 似大家樂大快活果 d 快餐店咁 門外一個一個牌咁掛係度 show 晒價錢出黎店外環境都算係幾好 地面乾淨 我嗌左個及第粥套餐 有個粥同埋蘿蔔糕 等左 唔夠十分鐘就有得食 講返 d 野食質素先粥都幾軟 料都算正常份量 唔似有 d 餐廳得好少餸 但係個蘿蔔糕太咸 可能我覺得食依 d 野要清淡 d 好 價位唔錯好平好親民埋單 $40 就食到 扺食

平時都係下午茶先黎食呢間,呢次第一次食晚餐!見到餐牌有個雲吞雞煲,所以就入左去坐定定啦,等食啦~先講個雲吞雞煲+福建炒飯套餐+茶. 一共$6x我個人就覺得好抵食啦!雲吞雞煲:我第一眼見到隻雞就嘩左聲!真係全隻春雞,入面仲有5粒雲吞和花膠!!!1.隻雞因為用春雞既關係,所以唔會好痴牙.加點少少鼓油,真係好好味.2.仲有一粥麵既招牌雲吞,每隻都有1粒蝦,皮又薄又滑.3.最估唔到既,竟然入面真係有花膠!!!!唔腥好滑.4.我平時食得比較少鹽,所以我覺得個湯就鹹左D,但就味濃既.整體黎講係,真係時間限定,要一試!福建炒飯:因為係套餐,我仲以為個飯會好細碟,但一D都唔細,女仔只係食呢碟都好夠!1.睇落好多汁,但一D都唔覺得好鹹,好味2.有好多配料,仲好大粒既帶子,我就魏得好岩小朋友和老人家食,因為飯較軟,不會覺得硬.好味!!順便一提,+$3有紅豆冰!!!!超抵之後就到呢個平炒牛河啦!$4x我平時下午茶都有食開,但份量就好大碟啦.我諗一個大男人先食得晒!1.睇得出師父唔會用太多油,食落去唔會好油!味道始終唔夠大排檔甘有獲氣,但都算唔錯嫁啦.2.牛肉唔太有牛味,但好彩既唔會好似牛肉乾甘硬!都算過得去

今朝排隊取餐，客人非常多，員工少，所以非常慢，人手不足，經理需要安排，外買早餐係趕返工，如人手不足，會令到客人返工遲到，是否本公司負責？？蘿蔔糕煎到黑黑，叫客人怎樣食？，需要改善？

第一次去一粥麵食西式早餐，感覺都唔錯。首先講下塊多士，烘到兩面都有小小金黃色，表面仲好脆口，塗上小小牛油，令到味道更豐富。炒蛋方面，食得出落左牛油，因為牛油味好重，配上本身半生熟既炒蛋，質感非常之嫩滑，係我暫時食過最好食既炒蛋之一。炸魚柳外皮炸得好鬆脆，入面肉質好嫩口，呈一片片魚肉既狀態，當中仲食得出有小小香草既味道，配沙律醬食會無咁滯。最後飲啖奶茶，劃上完美句號。

踏入油塘的日子,早上就只有好小食店開門,其中一間人流多既就係一粥麵一粥麵就是大家樂旗下吧辣肉碎餐肉米,凍奶茶,加個炸兩,TOTAL$4X炸兩另叫既基本上呢3樣野無樣好食,辣肉碎餐肉米既肉碎係唔辣既,帶點陳皮味,肉粒係類似牛腩咁樣,失望.湯底都係普通上湯味油炸鬼唔脆既,又唔落豉油要自己加,台面既豉油係好咸既,唔係一般食腸粉既甜豉油奶茶係比較好,但係唔滑,整體上都係想食幾啖就離場有人問我,哇你早餐都要咁多要求,係咪玩野?如果對咩都無要求,點會有進步我對上市公司要求會更高