一粥麵 (愉翠商場)

新到的戴眼鏡經理服務態度非常差不可一世，事緣本人晚餐時間去櫃檯取餐享用，同新到戴眼鏡經理要一杯全熱的滾水，她居然說要全熱的滾水碌到我隻手點算呀，語氣非常差和不可一世，這樣的服務態度，妳不如返屋企啦，不用出來打工…查看更多

剛在全民運動日免費得到打兵兵球的機會，殊不知運動過後就去了增肥，讀者看到的話千萬不要學我和老婆的舉動！還記得一粥麵近日有一個推廣，吃鮮蝦雲吞麵會有一張刮刮卡，有機會獲得足本黃金的雲吞麵擺設，這裡我就來碰碰運氣。。結果，你懂的，至少比沒有來很要好！這裡，我點了一個羊群粥粉面餐，艇仔粥+蔥花炸兩，這裡的艇仔粥很足料，什至多了一些街外沒有的那些，包括，魚，叉燒，但配合起來卻不錯！炸兩保持一貫出色，配合不同的醬汁，很邪惡但絕對不錯！另外，這裡的雲吞依舊出色，每隻大蝦🍤被薄薄的雲吞皮包住，實在是想令人一吃再吃！…查看更多

愉翠商場有一粥麵，連鎖店嚟講，佢哋嘅雲吞麵同炸醬麵都相當有水準，經常都會幫襯。今日叫咗碗豬膶粥加炸兩；其實已經想食粥幾日，所以今日冇揀食麵，不過估唔到會鑄成大錯！由落單到攞得碗粥大約10分鐘， 不過一攞碗粥就知瀨咗嘢，豬潤已經熟到出晒水，浮晒喺碗粥面度，搵隻匙羹撩一撩碗粥，發覺稀杰似湯多啲，再食片豬潤，果然係過晒火😵‍💫，其實係咪所有連鎖店嘅豬潤粥都係咁樣呢？食咗半碗決定放棄，好彩炸両有水準，豉油略嫌鹹咗少少，但油炸鬼是脆的。接連遇到難食嘅豬潤粥，其實係咪上天要我戒豬潤呢？是日消費：豬潤粥$44 炸両$20 共$64…查看更多

好吃的早午餐， 性價高，人多，位置在广場2樓，交通尚可！很多香港附近居住的老人來吃餐！座位較普通，坐得很逼迫，所以檯面的空間也很小，不舒服！但如果是像我們趕時間，不要求舒適度，價錢合理，食物質素尚好，這裡的職員有禮貌，說話可以，不是高質素，但適合我普通的語言！所以我推介這裡的早午餐！巴士總站在樓下，交通方便，可以看到地鐵第一城站！附近有工業區，很多工廠，但工人不多，也有沙田威爾斯親皇醫院，只有200米遠，酒家有一間，酒店帝逸便在北面400米…查看更多

唔係即做炸両！！但係佢個廣告牌話即做。又油億味，皮硬又厚….未食過咁難食！本身想食個好食嘅炸兩，但係原來都咁難搵…..香港特色食物真係越嚟越少…..好失望！………查看更多

等好耐都冇得食，原來職員掉咗張單，又唔彩我。態度差！靜係做外賣，堂食就 wait for long time Staff ignore customers The food taste bad個粥好難食通粉都好難食…查看更多

啲阿姐掛住傾偈唔做嘢. 俾錯飲品 。 又唔俾餐具。 十問九唔應. 惡人先告狀。 包裝阿姐掛住傾偈唔做嘢。兩個包裝阿姐掛住傾偈唔做嘢。俾錯飲品 . 唔跟餐具俾你 。惡人先告狀. 服務差。…查看更多

今日要去沙田交文件，所以要快速吃完午飯就去工作啦！經過這個商場不是太多嘢食，只有一間酒樓、一間吃餃子、一間麥當勞和一粥麵，因只有半個鐘吃飯那就選一粥麵。門口掛上餐牌有雲吞麵，粥品和飯類。最後點了香蔥雞扒拼煎雙蛋飯加一杯凍檸茶和牛肉腸粉配艇仔粥。香蔥雞扒煎雙蛋飯塊雞扒超大塊很厚肉，加蔥油一起吃超爽，煎雙蛋有脆邊又大隻，喜歡蛋黃流心可以撈飯吃。牛肉腸粉配艇仔粥腸粉即叫即蒸，米漿很香濃做出來的腸粉一梳梳又幼滑，而艇仔粥很足料除了有豬皮魷魚肉碎，還有蝦仁很爽口。…查看更多

之前食粥都可以嘅，今日凍第一次食煲仔飯。點知煲仔飯啲料係凍嘅。真係無言。呢嗰臘腸雞煲仔飯所有餸都凍嘅，有冇攪錯。而家咁有新款凍食嘅煲仔飯唔該備註一下。我就唔會叫啦！…查看更多

一粥麵說實話從來不是心水之算，但見有$58黑椒洋蔥豬手，便立刻下單買回家試試，購買時間是5:30左右，見下午茶轉牌便立刻點餐，另外加多位涼瓜䱽魚$74,套餐包湯包茶，都算大份黑椒豬手 大份抵食，1個人一定食唔哂凉瓜䱽魚 超失望，魚冇咩肉细條，有雪味，唔值總結，下次見到有豬手可以再試…查看更多

兩公婆放工懶得煮飯，求其搵間連鎖店快速解決晚餐，疫症期間餐廳人不多，大把位可選。二個點了個鳳爪排骨煲仔飯、有四款餸既麵（蘿蔔、牛肚、牛腩、牛肉丸），鳳爪排骨飯，上枱熱辣辣，事關見到佢用gas爐番熱，豉汁是鮮味的，但排骨入口完全是散，應該是急凍了很長時間，鳳爪正常。四餸麵-牛腩𡁻到牙軟、牛肚正常味道口感、牛肉丸有豬肉味，好神奇。期間有隻小小強在枱面上行走。嘔心。自從之後，此間連鎖店永久blacklist。…查看更多

今日帶咗媽媽去睇威爾斯親王醫院睇完醫生都差唔多要食晏啦跟住媽咪話附近有個商場入邊有嘢食行過去冇乜好揀呢間好似正常啲就入去啦😅跟住我比門口嗰個雞髀餐吸引住唔係講笑，嗰個麵餐啲面嘅份量都幾多仲要配紅豆冰都只係$37真係好抵😱😱可能太肚餓完全冇影過媽咪嗰份嘢食🤣🤣但係真心想讚一讚佢哋嘅服務當我切開隻雞髀嘅時候發現佢仲有啲血水然後我就叫個店長，我都未開口咋佢就已經同我講話同我換過隻雞比跟住其實佢都冇收走我隻雞比佢另外攞過隻雞髀比我呢隻雞髀就啱啱好，有夠熱，味道又好肉質又鮮嫩滿分💯…查看更多

今晚天氣明顯轉涼了，行過見到煲仔飯，即時眼睛發光😍我地兩個人，一人一煲，個煲仔飯份量都唔細，起有有3-4碗飯既份最呢！鳳爪排骨煲仔飯😊北菇滑雞臘腸煲仔飯😁呢兩煲飯勝在份量足，食晒真係飽到第二朝其實兩煲飯睇落都唔錯，不過餸料其實唔多夠，事關飯多餸少，有臘腸嗰煲都仲好啲，但鳳爪排骨嗰煲就真係爭啲呢！另外，煲仔飯賣點～「飯焦」都算有少少既，對我這個不太好飯焦的人來說已很足夠整體來說，這個價位嚟講，其實已算不錯呢！如果屋企附近無傳統煲仔飯既食店嚟講，這裏也是一個可接受的選擇呢！…查看更多

今日屋企冇飯食，一放工搭車去到愉翠園就諗住買啲野返屋企食，去到呢間店睇睇餐牌，就不如食個粥加腸粉，所以我就叫了一個豬潤魚腩粥和一個牛肉腸粉返屋企。返到屋企就急不及待開黎食，個粥份量適中，入面有幾塊豬潤，和幾舊魚腩，但豬潤好鞋，一點都不滑，魚腩都唔滑，仲要幾散下，個粥底都算綿，加左蔥花和花生都幾香。牛肉腸就簡直係垃圾，腸粉好硬，又厚，牛肉佢用上碎牛，一啲口感都冇，就算加左調味醬都唔可以起死回生，真係難食到一個點！平時一粥麵啲野都算幾好，今次真係好鬼死失望，我諗外賣既質素可能差啲卦。…查看更多

依家晚餐想搵一個$30以下都有D難度，咁岩俾我見到一粥麵有一個餐係$29，係雞扒小南瓜包配齋腸粉，個餐仲有一杯熱飲。如果唔想夜晚食咁飽，呢個餐真係唔錯嘅選擇，因為單叫一碟齋腸都差唔多廿蚊喇！小南瓜包有少少甜味，呢個餐算係小食，所以個包唔係太大，雞扒大小同個包一樣大，反而齋腸大碟D，腸粉本身已經加咗啲甜豉油，可以按自己嘅口味取甜醬、辣醬或麻醬，但我覺得加甜豉油已經夠味，腸粉口感滑又夠熱，飲埋杯熱檸茶真係飽飽地！…查看更多