一目日本料理 (已結業)

放工後來到位於屯門置樂附近的一目日本料理，內裡掛著充滿日式風格旗子，以木枱木椅為主。黑松露海鮮炒烏冬$88:炒烏冬佈滿黑松露醬，有蟹柳絲、魷魚、三文魚肉，配上少許雜菜、洋蔥、青椒調味，十分惹味﹗焗牛油金菇$48:焗牛油金菇用錫紙包住，一打開熱辣辣，好香牛油味，仲可以吱少許落檸檬汁金菇中，解去油膩感﹗帆立貝刺身$98:帆立貝片片飽滿，仲好新鮮，十分鮮甜﹗波子汽水$20:波子汽水係中學年代好鐘意飲品，自己享受將粒波子禁落去汽水開樽既快感，口味清爽，夏天解渴一流﹗

去屯門彩華花園探朋友, 諗住近近地附近搵食, 朋友話呢間"一目日本料理" 都係新開耐可以順便試下新餐廳。 🔸刺身🔸⭐⭐⭐⭐⭐北海道牡丹蝦 - 都好大隻, 新鮮彈牙三文魚腩 - 好肥美, 好鍾意腩位既油脂獨特味道。🔸清酒煮大蜆🔸⭐⭐⭐⭐清酒既淡淡幽香, 加上大蜆都好鮮甜。🔸大蝦天龍卷🔸⭐⭐⭐⭐⭐滿滿既飛魚籽舖喺三文魚上, 加上沙律醬再包住紫菜壽司同脆炸蝦, 而且有六件咁多, 份量十足, 味道不錯喔～🔸串燒🔸⭐⭐⭐⭐⭐牛舌 - 夠哂厚切, 燒得剛好唔韌。日本蕃薯仔 - 每次食日式串燒都必叫, 日本蕃薯仔特別甜。雞翼 - 係翼加尖, 雞皮夠脆肉質嫩滑。鹿兒島豚肉串 - 又幾好味喎, 有時好怕豬肉燒得過老, 但呢個唔會, 幾重豬味, 唔錯唔錯。

屯門區難以找到咁好味既日本🇯🇵料理餐廳。魚生🐟超新鮮、蟹膏蟹棒🍣+海膽🍣係我最喜歡、炸油物🍤都即叫即炸、串燒🍢款式多、價錢又合理、有招呼...服務態度唔錯！唯一缺點只收現金！😂