一番日本料理

營業中

休息中

大型餐廳愈來愈多，有時其實都希望能光顧一些小店，光顧小店有什麼好處呢？裝潢雖沒有一些大型餐廳的豪華或花了很多的心思，但食物質素往往都不錯。「一番日本料理」離我的家算近，吃一個簡單的日式下午茶也不錯。價錢都很便宜，對我來說簡直是恩物裝潢就是很普通的一間小店的裝潢。優惠時段即是下午時段，壽司和刺身都超便宜的😱真的多點些也不覺得有什麼問題。除了優惠時段的刺身和壽司外，餐廳當然都有其他食物供客人選擇，例如是手卷、拉麵、串燒等等，選擇多不勝數，花多眼亂呢。壽司方面，分別點了腐皮、玉子和雪蟹肉，腐皮和玉子都是常見的壽司款式，就不多談論。倒是雪蟹肉壽司真的不錯，蟹肉很新鮮，還有一些蟹籽和沙律，口感不俗。點了數款刺身，這裡的三文魚竟然令我感覺有點失望，較薄，跟外面的有點分別。榮螺片超正，爽口彈牙，來到這裡不妨也試試😉帶子帶點不規則的形狀，倒是清甜肥美。最好吃的是「日本磯煮鮑魚」，$16就有一隻，非常划算！入口有很重的日式醬油味，有適當的嚼勁唐揚炸雞即是日式炸雞，通常日式炸雞的炸粉都比一般炸雞的多，但這裡炸雞的炸粉確實有點兒多，雞肉是嫩滑的，肉味濃郁，炸粉那方面再改善一下就好。叉燒拉麵竟然比我想像中好吃

同朋友游完水就嚟呢度附近食嘢叫咗個蟹籽沙律諗住無咁肥 $2x份量都唔少壽司就叫咗帶子 有頭甜蝦 都幾好食 卷物就點左芒果軟殼蟹卷物 大大件 夠飽肚不過最欣賞都係個赤蝦 9蚊一隻 大大隻 肉質鮮甜 一個人都食左4隻 過癮總結 食物大大件都幾飽肚 而且價錢都唔貴

同屋企人每個月都要食1-2次先安樂😂🤣員工態度同服務都幾好 食物都新鮮！我地最愛生蠔 每次都一定會叫不過一定要係finedeclaire先會叫好甜好回味🤤前幾日去食叫左個「飛魚刺身」好好味！個碟擺設好靚！配個酸酸甜甜既醬汁！好夾！海膽好甜好新鮮！帶子大大粒好鮮甜！壽司大大件！其他刺身都好新鮮！赤蝦又係必食 好大隻好甜！仲有三文魚頭粉絲鍋 每次食晒生冷既刺身同生蠔都會想食d同飲d熱野 呢個鍋又係我地必叫既😁清清甜甜 好好味！！！期待下次去食🤤😋

今日走到入元朗探個親戚，親戚帶左我去佢幫襯開嘅日式料理，話抵食喎～門口已經見到親民價賣緊平時貴價壽司刺身，入到去order左d熱食同壽司，店員反應快，落order都唔會要你三催四請。壽司 （玉子、蟹柳、甜蝦、墨魚、三文魚、蟹子軍艦、吞拿魚）- $7-$10一件嘅壽司唔會hea做，剩係蟹子多到瀉嘅軍腩都覺得抵。壽司可以揀少飯，岩哂我～細細舊飯，又夠黏唔易散。三文魚近腩刺身 - 唔洗$50就食到近腩，味濃脂肪均勻。日式鍋燒烏冬 - 熱辣辣嘅鍋燒烏冬，估唔到平價嘢會落心機做即炸天婦羅。鍋面係即炸天婦羅，脆卜卜，裡面係新鮮嘅蝦、南瓜、蕃薯等等。再飽d叫多個剩烏冬，熱辣辣天氣叫埋杯凍奶茶，埋單無加一，唔洗二百蚊確係抵～睇得出老板對街坊嘅用心

呢間餐廰係元朗開店多年，一直主打平民化同大份量路線。中午套餐都有十多款選擇， 刺身，熟食都有，今次點了豬扒飯，蛋醬味道不錯，不會太老，豬扒份量很多，幾鬆化同juicy,飯就係double size,兩個人也吃不下，套餐都包飲品。另外點了特色壽司拼盤， 最好味係甜蝦，新鮮無腥味，沙律壽司都很高分，夠濕口同材料很多，蟹子壽司裏面有大量蟹子，係外面食的份量多一倍，性價比幾高。中午時段人流很多,建議早點到揚拿枱或訂位。

呢度既午餐都係行大眾化路線，由串烤，湯面，刺身都有選擇，今次媽咪生日，唯有食好點。刺身點了最有名的7色剌身，有三文魚，寄貝，scallop, ，octopus,甜蝦，賣相都幾靚，相當厚切，食得岀係齊全新鮮貨，元朗有呢個水平相常驚喜。串炸方面，分别點了厚牛舌同雞軟bone, 前者厚身又有大量肉汁，師傅特別少落調味令牛舌鮮味更岀，吃一串已經有點飽，雞軟骨有點硬身，但勝在即整夠熱。性價比不錯，可謂元朗平價食堂。

今日同阿妹剪完頭髮，去附近醫下肚子先今日見到一番唔洗排隊，梗係衝入去啦！出門大大件，好味又抵食，大滿足！見到manu 樣樣都好想試，眼闊肚窄首先黎一個蟹籽沙拉真係好大份量，大大盆，仲好足料，蟹柳蟹籽玉米，青瓜好新鮮！好爽，真係食個唔停！再黎一個加州卷，呢個卷有分正常同少飯系列。我地叫左店員少飯，但依然咁重份量有成2/3個碗咁大！面頭三文魚刺身好新鮮厚切。仲有我最愛既巨型海曼壽司，件海曼長度起碼有10cm以上，好香噴噴，鮮味呢一餐真係大大滿足！

星期日的晚市時段來到，已經有不少人在等候，等了一會就能入座。菜單的選擇多，有各種刺身、壽司、串燒、小食、一品料理以及各式日式拉麵和炒飯等。因為我和友人都餓了，一口氣點了好幾個壽司和小食。正在做特價的一板海膽，想不到份量也不少，而且海膽味道鮮甜，亦不腥，抵讚。我們另外也點了一件加拿大海膽壽司試試。味道亦非常不錯，也很新鮮，不過按份量來看還是一板的感覺比較抵吃。芝士脆炸豬扒反卷份量十足，大大件非常抵吃。中間的豬扒夾住流心的芝士以及蛋黃醬，十分邪惡。我們還點了明太子雞翼和汁燒帆立貝串燒。雞翼預先去骨釀入明太子作為餡料。雞翼燒得剛剛好，外邊燒得香脆，內裡仍然嫩滑。明太子帶微辣，提升了雞翼味道的層次。蒜片一口牛柳粒熱辣辣以鐵板上枱，牛柳粒的火候控制得宜，入口時仍然嫩身，不會煮得過老，而且牛味濃郁。我們還點了一件鰻魚壽司。鰻魚長身大件，抵食。

平時經過呢間一番都心思思想試，不過次次都好多人排隊，所以今次決心打電話訂枱去試試佢！入到去舖唔係好大間，不過勝在光猛清潔。見到個刺身餐牌$48蚊，即點一客！呢樣不過不失，但勝價比就滿分！跟著叫左虎蝦同海膽壽司，蝦同海膽都大大件，我初頭仲諗住價錢平，應該唔會比好多海膽。一口芝士波真係不得了，成口芝士好滿足喔！最抵讚係廚師推介十件壽司，日本空運海鮮，賣相靚不特止，件件都好味又特別，價錢仲要唔貴（$198）！！服務員態度一流，仲推介左兩杯果汁（白桃同巨峰）唔太甜，Nice～唔使食親日本野都飲綠茶咁悶蛋。

元朗朗屏嗰邊不嬲都有好多間餐廳，要做到又好食又多人幫襯實在好難，依間小店雖然門面唔算太靚，不過個價錢非常之合理，有冷氣有嘢飲服務態度又唔差，重點係佢選擇非常之多。除咗壽司卷物定食小食之外，仲有串燒，佢依間嘅卷物全部都好大舊，分量十足我哋叫咗個炸番薯條熱辣辣又新鮮，調味都足夠，重點係夠大， 又唔貴，依個份量淨係賣26元明太子雞翼，要預多少少時間比廚師準備，如果趕急嘅人唔好叫呢個啦，喺圖都見到入面明太子係爆曬出嚟嘅，熱辣辣，幾好食圖後面嘅三文魚子壽司，同埋帆立貝壽司，我諗都唔使點形容你都見到好大喇，飽足感十足，不過建議想食多幾款嘅人，最好唔好叫太多壽司，叫下小食啊炸物啊咁仲開心，同埋可以叫廚師小飯，咁就可以食多幾樣野啦。依間小店份量咁十足，CP值足夠，會再光顧，食物質素就一定冇貴價壽司咁正㗎啦，不過一分錢一分貨，如果budget 有限唔想每個人人均消費要over $200嘅話,依家係一個好嘅選擇

元朗有好多日本餐廳，睇食評話依間出名大件壽司，就嚟食下正唔正。依度有午市套餐，都好抵食下，29至60元有咁多選擇，見到旁邊有人食午市套餐勁大碟！當喺深水埗食午餐都揾唔到有平過40元既時候，竟然喺元朗見到今次係想食壽司，佢壽司選擇多，一件件計錢嚟到，每一件壽司都好大件，同我拳頭差不多，飯量每件都唔少嘢。質素方面，同元朗田中壽司同其他壽司店差不多，都有鮮味又大件，個蟹棒好食，磯燒鮑魚完全唔勒，每件份量都好足夠，仲有一點非常之值得稱讚，喺炎熱嘅夏天入面，依間店開嘅冷氣絕對足夠，所以如果喺入面想食啲熱少少嘅嘢都絕對冇問題總括嚟講，依間店實在非常之抵食，不論份量質素方面，地點都幾好，星期六嘅下午雖然都滿場，不過未至於要等位等好耐，所以依間會推薦別人嚟食因為真係好抵食！

前兩個禮拜同朋友入元朗睇樓，睇完樓都八點幾就喺元朗搵嘢食。元朗最出名有大大件壽司，我哋冇去大馬路個間，去左近朗屏呢邊呢間。雖然呢間唔係好出名，但食完呢次覺得非常超值！ 黃金蟹籽沙律-容器已經先聲奪人！有成個面盆咁大，份量好足，青瓜冇出水嘅情況出現。蟹籽份量超多，沙律醬亦都唔會孤寒！刺身拼盤（三文魚、油甘魚、帶子、北寄貝）$48呢個淨係價錢已經超值，偏偏都大片，都算新鮮！值得一讚係個帶子，雖然係$48等於兩片帶子超級厚切，抵讚👍三文魚反卷$52呢個雖然有少少貴， 但我哋叫咗少飯都仍然成個拳頭咁大件。味道正常但足以食飽你😂三文魚壽司$26超大件仲要拖尾，但飯會比較大件，好快食飽！

元朗人一定食過一番呢間壽司鋪 貪佢大件夾抵食 平時去親都一定要排隊 因為次次都撞正食飯時間 但係唔知點解今次唔使排隊 入到去坐仲有空位淨 叫咗黃金牛油果粟米沙律 芝士炸豬扒反卷 豬肉蜆肉鍋 同埋少少三文魚帶子鮮蝦刺身 整體味道同以往食嘅一樣 不過略嫌沙律份量太細 食兩啖就食完 芝士炸豬扒反卷啲飯都幾多 一碟六件食完都幾飽肚 Size好似半個拳頭咁大 都幾抵食嘅 豬肉蜆肉鍋同刺身就不過不失啦

估唔到元朗都有咁抵食嘅日本餐廳 係門口望到佢都幾多種類而且款式都幾多元化 環境方面都幾乾淨企理 座位都比較多 光線充足 而且仲可以慢慢揀食啲咩🙈 一入到去就慢慢睇下到底有啲咩嘢食跟手就落埋order之後期待我的美食送到黎我面前🙈見到佢啲壽司同埋刺身都幾抵最低價錢係由$6起囉 我就梗係唔執輸啦買咗啲鍾意食嘅刺身壽司刺身方面 分別叫左5款刺身 刺身都好正而且好新鮮🤤吞拿魚刺身：入口即溶嘅感覺🙈三文魚刺身：都算厚切 食落好都有魚油嘅香味日本磯煮鮑魚：好貼心啊佢哋幫我地將個鮑魚一開四 咁就食得優雅啲 一啖一舊 鮑魚都幾有口感 加拿大海膽：食落好新鮮 微甘甜味 而且睇落去都知道係新鮮👍🏻 鮮帶子：鮮甜 都幾大舊 而且都厚身壽司方面：挪威三文魚壽司：佢嘅三文魚切得比較薄身嘅 但食物都唔錯燒廣島蠔肉壽司：呢款嘅壽司係其他鋪頭唔見到 佢哋鋪頭自家製嘅壽司 感覺上都幾特別 蠔肉都幾大粒 少少蔥粒 為平平無期嘅蠔肉加左啲色彩 食落都甜甜地 夾埋啲蔥 令到蠔肉個味再出啲 汁燒墨魚鬚壽司：食落甜甜地幾過癮 而且個墨魚鬚都好爽 唔會痴牙海鰻壽司：佢同平時食開啲鰻魚壽司好唔同 呢款係比較薄身啲 雖然係薄身啲 但佢

瑪姬兒👸🏻呢日去到元朗嘅一番💓因為聽聞呢度嘅下午茶時段好抵食✨所以就去試下啦～一入到去坐低，有好多野食揀😳仲有新出嘅春夏之選系列🌸.經仔細睇完之後，我決定叫✋🏻芝士吉列牛卷、三文魚刺身、油甘魚刺身、大甜蝦刺身、北寄貝刺身同埋加拿大海膽😋本身冇expect個芝士吉列牛卷（$58）會係好大份，點知一送到上黎👀覺得好好彩冇見壽司🍣咋一客有6件，每件有我半個拳頭咁大😳入面有好多芝士，外脆內軟，不過芝士味太勁搶曬肥牛風頭😂自己一個食曬6件會有少少漏，建議兩個人或以上分享，少食多滋味😋如果呢個改為4件配個烏冬就會perfect✨另外，刺身都真係性價比幾高💓最鍾意油甘魚😋好新鮮，點分新唔新鮮係睇佢嘅顏色，係好粉紅嘅肉同埋紅色嘅邊，呢個顏色食落就會好鮮甜，之前見過有啲地方嘅油甘魚個邊有少少灰色，啲肉較暗粉紅色，食落會有少少腥，店員話唔新鮮先會有呢個情況；另外覺得甜蝦都唔錯，頗鮮甜，唔會解凍唔夠有陣雪味👍🏻👍🏻海膽食落都新鮮，微甘甜味，而睇質感都知道係新鮮，唔會水nel nel；至於三文魚就中規中距，唔算太重魚油味，應該係所算部位問題，但都算抵食😆；至於北寄貝就相對麻麻，冇乜鮮甜味，而且可能我箍緊牙，有