一生懸麵

營業中

休息中

最後係因為開係附近以前唔知道香港有咁多好野耐唔耐都會去食既黃店一生懸麵老闆何文富曾經係日本富士山55學師後來亦有打理過香港既富士山5517年自立門戶就係得寶創立左一生懸麵而家已經開左三間分店仲有兩間係旺角同荃灣今日都係去番得寶商場呢間佢地近期出左款雪糕拉麵雖然好多人都話好19但我就真係為左呢個拉麵先想再幫襯既可惜星期日二點幾去到已經話賣晒當時arhotv仲未收皮佢介紹既話黃店都幾多人會跟風果期除左將陷關公災難既拉麵天王起死回生仲令一生懸麵要排長龍都排左幾個字先入得一生懸麵係商場店但佢開放式設計無門口基本吧檯位都已經係貼近商場走廊個個行過都會見到門口擺左好多箱麵並唔是自家製出品餐牌同以前都係大同小異吧檯位廚房一眼睇晒肥豬肉就疊起然後拎過黎用火槍灸燒基本上黎親都係食呢個海老沾麵純粹覺得層次比較豐富不過佢個沾湯就唔算好杰就咁飲都入到口麵條都正常唔會太差有咬口既厚燒叉燒望落幾正但食落其實有d鞋口並無佢地官網所講既入口即溶不過有兩大塊同半隻溏心強係可以接受既水平我好似真係未試過係度食拉麵港女就叫左最普通既豚骨拉麵一樣有兩塊叉燒麵條較幼但就咁對比佢地拉麵湯就被沾湯比下去即係本身沾湯都唔係特別出色呢

老公想食拉麵，今日經過見不用排隊，即刻試一試。上網見到好特別的拉麵，雪糕拉麵🧐好好奇之下推使我叫左黎食😂真係成支雪糕🍦放入去架😂放心，有牌教大家點樣食，係最能享受到雪糕拉麵的滋味。嘩，真係好驚喜呀如果喜歡濃味湯底的話，應該會更鍾意。柚子味真係好正，份量都充足。係夏日可以食湯麵但又唔怕熱辣辣🤣應該就係食雪糕拉麵啦

一直以來都很看到很多YouTuber/朋友推介雪糕拉麵 評價都好像頗正面ʕ •ᴥ•ʔ 所以適逢上星期中秋假日最後一天 決定和妹一起到九龍灣分店潮聖!٩(˃̶͈̀௰˂̶͈́)و-到達時不出所料 會看到人龍 幸好當時只有約10人在等候 輪候的時間大約為20分鐘(͡° ͜ʖ ͡°) -店鋪座位不算多 有一排靠廚房的座位 還有少部分2-4人座位 空間雖然小 但因為實在太高人氣 仍然不乏支持者到場!(♛‿♛) 🔻🔻🔻🔻🔻 ✨ 柚子雪糕拉麵 ($98)上碟的時候已經非常期待!ψ(｀∇´)ψ 今次是新口味柚子雪糕 (雖然很期待可以再吃到花生味!🥜) 而開心今次雪糕是增量版🍦 不再是一半份量呢!🤩-湯底是柚子豚骨味道🍊 淡淡清新柚子味 不至於蓋過豚骨的香濃 同時又有fresh的感覺!✨ 雪糕方面是「想甜嚐甜」出品🍦 柚子味的乳酪雪糕 比起牛奶雪糕較為輕盈 再將雪糕拌勻湯底 變成creamy感覺的湯底 幾有驚喜!!🫶 雪糕筒上有柚子絲 未浸泡的部分脆身可口 而浸了湯底的部分有點點像腐皮~🤏 -整體的評分都算不錯 是有創意又好吃的料理😚🌟 但對於會否再吃柚子味就有點保留了 畢竟嚐了一次就夠~ 期待之後有其他新款式!♪(´ε

係呀！冇聽錯！係雪糕拉麵！一生懸麵出名好食又有驚喜😍今次期間限定就以拉面crossover柚子雪糕做gimmick~急不及待試下呢個新奇組合呀💕🙈夏天期間限定柚子雪糕拉麵！首先要飲一口湯底～食3/4杯柚子雪糕🍦 食完拉面再食返雪糕cone~再飲埋佢個湯底就perfect啦😝佢用料都好有心機架！有火箭菜🌿炙燒豚肉 柚子醬 🍊同紫菜！配柚子團骨湯底有子胡椒醬同桔仔乳酪雪糕😍嘩嘩嘩 ！全部都好match! 好岩夏天食🥰跟著再黎係白湯豚骨拉麵🥰燒過既豚肉好肥美好有口感呀！半熟蛋好食到想叫多十隻！😝唔小心飲晒佢個湯底tim🍜再嚟煎餃子同雞軟骨棒😌雞軟骨棒勁厚身😳佢既醬汁令成條棒都好juicy！餃子又煎到脆卜卜！估唔到連小食都咁有心思💕大家想去記得早d去呀🥰平日都好多人排隊架！

📍$98 柚子雪糕拉麵好味道：🌕🌕🌕🌕🌗柚子雪糕係清清地個種，酸酸甜甜食落有d似雪笆咁，好fresh🤩湯底同雪糕一樣，都係柚子味🥰食落比相像中match🐣原來酸酸甜甜的拉麵都可以咁正🤪隔左一星期後C小姐已番兜左一次🙆🏻‍♀️.📍$79 魚介豚骨沾麵好味道：🌕🌕🌕🌖🌑相對上味道無柚子拉麵咁驚艷但湯底真係幾濃郁，又唔會淨係得個咸字沾麵時亦都好掛湯😆叉燒見店員用火槍燒過外層燒到微焦，咬落好軟Lum😍

之前都食過幾次一生懸麵嘅拉麵同沾麵，覺得質素不錯🤤今次搞搞新意思，試吓佢嘅雪糕拉麵先🤗九龍灣呢間分店係柚子雪糕，一於就試吓佢☺️柚子雪糕拉麵 ($98)🍜係柚子豚骨湯底，上面仲有桔仔乳酪雪糕～賣相就夠哂搞笑喇，食起上嚟都係好得意！首先試吓佢個雪糕，質感唔似軟雪糕，而係有少少硬身雪芭咁嘅質地，食落酸酸甜甜，係好食嘅雪糕👍🏻之後試咗啖湯，有淡淡嘅柚子味，比起平時拉麵嘅湯，減咗啲油膩感～當啲雪糕融咗落湯，個湯就會變得更加rich，柚子味更出，幾啱夏天食🤣最後我未浸淋個脆筒就食咗，指引話浸淋咗會似腐皮😂我就冇試喇～我覺得整體個感覺都係match嘅，味道亦都幾新鮮，一試無妨～不過我下次都係會返返去普通沾麵/拉麵嘅懷抱🙊

之前睇過d youtube 見到有雪糕拉面，一直都好想試下究竟雪糕同拉面可以點樣match埋一齊。大約星期六下午去到，間鋪約有一半人，一人一位一枱咁，埋位就點左個柚子雪糕拉面。等左10分鐘到就搞掂拎左個黎，仲有個牌仔講過食法，不過都係free style咁食岩我，個拉面d料都算足，一開波緊係睇下雪糕點match個拉面先，試左啖，個雪糕類似冰同雪笆咁既野，係湯到都冇咁快溶，酸酸甜甜咁，連埋湯面咁食，又加d咸味，食落又真係唔會話唔夾，都算幾新鮮既感覺，之後食埋隻流心蛋同雞扒，以兩樣都算正常咁。為左唔想個雪糕咁快溶，所以都好快食晒，整體黎講其實都ok,算係一種新嘗試。

老公生日飯😚本身諗住去另一間餐廳，點知遲咗拎位，冇得食，其實老公根本唔介意食啲乜，佢竟然諗起呢間拉麵，好耐冇食過，之前食都覺得好味，咁所以最後我哋就過嚟食啦！🔸海老拉麵，呢個係我哋食過最好味嘅櫻花蝦拉麵，因為個味道好濃，櫻花蝦勁多，咁耐冇食，味道都冇咩改變，水準係keep到嘅。🔸雞軟骨棒呢個雞軟骨棒其實應該都係攞貨番嚟整，但係唔知點解其他餐廳好少呢一款食，呢度又係我哋食過最好味嘅雞軟骨棒👍佢係雞肉夾住好多碎雞軟骨，好爽，好好咬口正！題外話，本身想叫佢個雪糕拉麵，不過我哋黎到已經冇晒了，下次再試

近期好多youtuber 推介，等我又跟風試下😂其實呢間「一生懸麵」好耐之前食過，都幾難忘所以要試下呢期最hit既雪糕拉麵 ，賣相靚靚(●°u°●)​ 」雪糕柚子拉麵（$98）🍜🍦超正！！！好討我同我屋企人歡心～湯底重豚骨味！單食個雪糕，就食到柚子味同乳酪味，已經好好食，等雪糕融入湯底之後，柚子味酸酸甜甜好出！(///▽///)花生醬雪糕拉麵（$98）🥜🍦如果食得辣，花生醬果款都唔錯，花生醬濃郁夠惹味，有少少似和風版擔擔麵，幾醒胃！而且麵條都幾彈牙 ，勁掛汁！🤍特別一讚👉🏼叉燒，燒得幾好，夠炭燒味，肥瘦均勻！實在要比個like～章魚燒（$28）亦頗香脆可口！

🙋🏻‍♂️餓底探員今日去九龍灣調查呢間人氣拉麵店，佢同想甜嚐甜合作嘅期間限定雪糕拉麵一直想試好耐，可惜九龍灣分店已經無咗花生醬味雪糕拉麵🤦🏻‍♂️⁡🍊🍦🍜 柚子雪糕拉麵 $98📸表示第一眼見到呢個柚子雪糕拉麵有啲興奮又有啲不敢想像，興奮嘅係雪糕同拉麵竟然可以放埋一齊，而不敢想像嘅係到底兩樣大纜扯唔埋嘅食物碰撞起上嚟會係咩味道🤔🙋🏻‍♂️表示個先試咗啖湯，個湯底係柚子豬骨湯，味道好清新，之後食咗啖雪糕，係桔仔乳酪味，酸酸甜甜咁幾開胃，個乳酪雪糕慢慢融化融入個湯底，令到個湯底增稠，乳酪味湯底係幾特別嘅一個體驗，拉麵口感煙韌彈牙，個雪糕筒慢慢浸稔口感都幾特別，雪糕同拉麵原來可以完美結合，產生咗咁特別嘅化學作用⁡🦐🍜 海老拉麵 $85📸表示個拉麵面頭有海量嘅櫻花蝦覆蓋住，唔好以為呢個拉麵剩係得櫻花蝦同埋半隻流心蛋咁單調，撥開啲櫻花蝦就見到有兩塊厚切火炙叉燒，睇見都流晒口水🙋🏻‍♂️表示個湯底有濃厚嘅蝦味，好鮮甜，每啖麵都夾雜住櫻花蝦，最驚喜係個叉燒，肥瘦適中，叉燒炆咗長時間再火炙，做到入口即溶嘅感覺，睇得出小店好用心去整👍🏻⁡📈吃貨指數😋好味度 9/10🔙返啅度 9/10

朋友成日話好掛住一生懸麵,講咗好耐一於約埋去試下。星期六下午2點左右，前面大概有5個人等緊，不過都只係等左10分鐘左右就入得。相信好多人見過呢間鋪嘅打卡拉麵(雪糕🍦拉麵), 不過第一次黎都係想試最original 嘅款式。-海老拉麵 超濃蝦湯底上鋪滿曬櫻花蝦，雖然湯濃但唔會油膩喎，可以飲曬個湯。出色！叉燒表面有輕輕燒過，係香嘅，但如果肥豬肉位置可以入口即化就更好了，宜家稍為嫌肥豬肉位未算好鬆化。糖心蛋流心處理得好，但蛋味唔夠濃。-白湯膠骨拉麵 🐷🍜正常發揮嘅膠骨拉麵湯底，好食嘅👍🏼

<一生懸麵>同<想甜嚐甜> @sweetddhk 合力研發出的雪糕拉麵，每日限量數十碗。小編平日七點左右到達朝聖，隱約聽到只剩下三碗雪糕拉麵，當然要試試看！★ 雪糕拉麵 $98這個拉麵界的打卡新寵兒，其實是辛辣豚骨拉麵加上半個花生醬雪糕甜筒。花生醬雪糕比一般軟雪糕硬，攪拌後中和辛辣湯的辣味，變成較淡的擔擔面嘅感覺！值得一試～ ★魚介豚骨沾麵 $78 令人驚喜的叉燒！叉燒經過火炙處理，有焦香味。加上肉質鬆軟肥美，嫩滑多汁，入口即溶！魚介豚骨沾麵湯底濃郁，麵條掛汁力高。性價比高，相比起雪糕拉麵，小編更喜愛魚介豚骨沾麵！

今日又去食拉麵👏🏻👏🏻👏🏻👏🏻位於牛頭角得寶花園嘅一生懸面，我想去食好耐，不過夾唔到時間😣😣今日終於可以去到喇🤤🤤🤤我當然選擇返最鐘意食嘅沾面啦，呢間重要有辛辣味👍🏻👍🏻👍🏻整體感覺幾好，個辣比我想像中辣咗少少～但我都食到嘅！佢本身一碗面，都已經有叉燒，蛋同埋筍，對於我來講已經夠食，如果大家覺得唔夠就可以再另外加！另外我都叫咗餃子同章魚燒，個餃子唔錯，章魚燒都系正常表現❤️

今日經過一生懸麵就同屋企人入咗去食。我就嗌咗白湯豚骨拉麵，佢嘅配菜都幾多例如有:紫菜、溏心蛋、豚肉、筍同埋木耳。我覺得佢嘅湯底比一般拉麵有啲太過濃厚，食落去會有啲濟， 但係個豚肉值得讚，個豚肉雖然好厚但係好淋。 整體上都ok!我屋企人就嗌咗辛辣沾麵同埋魚介豚骨沾麵，我食咗一啖覺得呢間嘅沾麵比起拉麵更加好食，因為佢嘅麵質好似用咗燕麥去做，食落去有啲口感好得意，加上如果鍾意食辣嘅朋友都應該會好鍾意辛辣沾麵， 因為佢其實都幾辣，而魚介沾麵嘅湯底好濃郁! 值得推薦。另外我哋仲嗌咗兩款小食有煎餃子同埋章魚燒， 我覺得佢個煎餃煎得幾香脆而裏面嘅肉都好大，好多汁所以我覺得幾好味。而章魚燒我就覺得嗰章魚太過細粒， 唔係幾食得出章魚，但係個調味方面都ok，所以有興趣嘅朋友可以不妨試一下!

11:50已經到步 12點先開門已經有人排隊我一如以往都係揀辣拉面湯底唔會死辣 仲食到個底味之前期間限定無花生醬雪糕拉面無試到 今次係夏日新出既柚子雪糕拉面女朋友一路食一路讚 湯底好香柚子味雪糕好好食 又好夾個湯 真係估佢唔到兩個人兩碗面兩個野飲 $205埋單又好食性格比極高 一定會定期再幫襯不過唯一一樣美中不足太熱啦真係 冷氣唔係幾夠好彩有風扇仔🤭